金鶴拉麵 (閩街)

营业中

休息中

拉麵新寵-金鶴拉麵🍜掛住日本的味道，幸好香港仲有好食的拉麵，可以止止日本癮❤️今次食到佐敦分店的金鶴拉麵🍜碗拉麵不論湯底、味道、視覺都好有質素！-1.雞白湯拉麵🍜當然要點招牌拉麵，視覺上炸牛蒡已好有睇頭，仲要好香脆😍就算浸腍食都唔錯！湯底係淆左好耐的白湯，濃郁而不肥膩！雞肉、叉燒都好高質，唔鞋口，而係好有本身肉的鮮美，特別雞肉的口感係彈彈下！拉麵更度適中👍🏻如果想食腍d就要提早講聲，因為唔係填紙仔而係叫人落單的！-2.黑蒜醬油拉麵🍜另一碗就想試下醬油拉麵，又想食重味d，所以叫埋黑蒜味！面料大致一樣，但冇牛蒡就多了兩塊紫菜！醬油湯底相對清，融合了黑蒜油將湯味提升更香又濃厚。整體味道都相當唔錯！

好鐘意食座銀嘅雞白湯拉麵，兩間分店都食過好多次。見到另一間齊名嘅金鶴，又見佢有咁多間分店，應該都會唔錯嘅😋就去試下啦!💥史上極濃雞白湯拉麵 $138嚟到見到個炸牛蒡好澎湃好靚🤩飲咗啖湯，發現唔係想像中咁濃味🤨的確有雞白湯特有嘅綿密口感，但比起座銀少咗份濃厚嘅雞油味☹而且佢標籤其湯底為「史上極濃雞白湯」，我當然期望入口會被濃濃嘅雞香味驚艷，結果沒有，有啲失望😔難以想像佢唔係極濃嘅湯底會有幾淡🤔但要一讚佢嘅炸牛蒡，係愈嚼愈甘甜，比起座銀較甘苦嘅牛蒡更易入口😁評分: 5.5/10 😊💥金鶴雞白湯沾麵 $138比起拉麵，佢嘅麵質更通透彈牙。但望落就同拉麵好似係同一隻麵(?)外觀上分別不大。個湯理所當然濃啲同咸啲👍但又唔會話過咸😄同拉麵一樣都係兩塊雞胸肉同一片黑豚叉燒。豚肉肥瘦分明，瘦肉無夾雜一絲絲嘅脂肪，係好單純嘅瘦肉，幸好唔算太柴口。雞肉相比之下較為出色。🤩沾麵嘅湯汁無用特別保溫嘅器皿盛載，所以都幾快就凍哂。評分: 6/10 🙂💥日本明太子雞翼 $48明太子餡料嘅質地偏硬身，亦都唔算好咸香。雞翼外皮有稍作燒香，但無乜雞味之餘亦無乜調味🤣所以成隻雞翼食落都好似無乜味咁🤨但店鋪算細心，喺雞翼尖個

同男朋友行開佐敦 因為唔太熟呢到就search openrice睇下有咩好食我地見到呢間拉麵係openrice人氣爆燈 好評超多就揀左食呢到點知一切都係伏我地見佢地好似1500落場就加快腳步 不得不提 呢間餐廳位置都幾偏僻但係入面食客都唔少 我地就叫左雞白湯同黑蒜油拉麵點知兩碗都好。難。食首先雞白湯 冇乜雞既鮮味 反而隱約有啲腥味。。。另外黑蒜油都唔好食加上個溏心蛋係一啲都唔溏心🙄🙄🙄真係食到一半已經停曬手應該永遠都唔會再黎。完。埋單total$196。p.s我地坐嘅位置仲要滴水

終於食到雞白湯拉麵🤣之前去過金鶴拉麵但冇叫到，非常後悔，所以今次黎到必定要叫黎試下，用左6小時去熬製既雞湯到底係咩味道－－－－－－1. 雞白湯拉麵 $98 8/10見到好靚既炸牛蒡放左係拉麵碗上邊，卷卷的疊到好高，炸得好薄身同脆口，食落冇咩味道，不過要快一點食，因為浸左落湯就會變韌，溏心蛋滑溜好味，叉燒薄身一大片，仲有兩大舊厚切慢煮雞肉，外表睇落似水煮雞胸，但食落一d都唔鞋同埋乾，來到主角湯底🥰奶白色、濃味又滑身，加入忌廉汁煮成，濃稠口感，非常掛湯，拉面我覺得煮腍一點較好，不過掛湯能力幾好，食到最後湯水都冇左一半🙈

對上一次黎食已經係成年半前，當時排隊排咗幾耐吓先入到去！估唔到今日我黎食都係要排隊，仲係好多人食！睇吓佢哋有冇退步到先呢個設計宜家睇都覺得非常特別，入面裝修都幾日本feelMenu雞白湯拉麵炸牛蒡唔算好脆，微脆味道微甜慢煮雞肉質軟淋，雞味剛好糖心蛋ok味道不錯。拉麵係中粗麵質，偏腍湯底濃郁鮮甜而不膩，可以用cream去形容鰻魚串燒肥美彈牙，表面燒得焦香，魚肉香得嚟又冇一陣泥味，質素幾好！如果要嗌既要一坐低就嗌啦，事關燒都要一段時間，小弟食完個麵都未到😂總結，一年半後嘅今日都冇退步到！抵你咁多人排既

叉燒拉麵食就食得多，豬骨湯底都係經常可以飲到，雞胸肉拉麵配以濃雞湯真係好少食到，尤其係香港。依間拉麵店正正主打雞湯雞胸拉麵。今次試左兩款湯底，個人認為貴$10既雞湯拉麵真係比鹽味湯更值得試。金鶴·雞白湯拉麵/鹽味拉麵湯底係用日本赤雞淆用左6小時淆製而成，濃而不膩，非常鮮甜好味😋拉麵係偏粗，個人中意幼而硬既，略嫌口感不足。配料係日本黑豚叉燒同慢煮薩摩雞胸肉，一次過可以食到雞同豬幾新鮮既配搭，雞胸嫩滑唔鞋口，有少許黑椒味，不過叉燒唔算太驚喜，整體唔錯！推介湯底。另一款鹽味湯底係由鰹魚湯同海鹽淆成，清清地唔會好咸，但試過雞湯絕對會俾雞湯吸引。

一直以來聽朋友講呢間金鶴拉麵好出名，一直都好想去試，今日就約咗男朋友放工後去佐敦呢間金鶴拉麵食晚餐。聽日7:30鐘去到門口，出面已經有條人龍，果然係人氣爆燈嘅餐廳，一定好好食。😜😜等咗大概10幾分鐘就安排入座，環境都坐得好舒服，好有身處喺日本食拉麵嘅感覺。我就選擇咗人氣好高嘅雞白湯拉麵，個湯底真係非常濃郁，好有雞嘅鮮味，而佢有得選擇想要叉燒定係雞肉，我就兩樣都好想試啦，所以叫咗雙拼。叉燒肉質鮮嫩，有成手掌咁大片，物超所值。🥰湯底都好有奶香味，質感好滑，可以媲美日本正宗嘅雞白湯拉麵。😉😉至於我男朋友就選擇咗北海道蟹湯拉麵，拉麵配上蟹肉嘅鮮甜，層次更想一層樓。比起雞白湯拉麵，呢個湯底食囉冇咁容易覺得飽濟，推薦比鍾意海鮮嘅朋友試吓。而我哋兩個都叫咗沾麵，店員非常細心，隔一陣就會問我哋湯底使唔使再翻熱，沾麵來講，湯底嘅溫度真係非常重要。喺呢度想一讚餐廳店員真係非常用心。🥰總嘅而言，餐廳出品高質，值得一試😍

拉麵店原來好近屋企，不過都係用open rice先知佢嘅存在，個位置真係幾隱蔽吓.......買咗張卷換雞白湯拉麵。如果係正價食午市可+28蚊要個小食。拉面很足料，絕對無將貨就價。雞肉唔鞋，好食。嗰團炸牛榜幾有趣。湯底creamy有雞味不過唔算好重味，一飲落去有d聯想到罐頭忌廉湯，咁當然呢個高級d啦......食到尾d湯好似被麵條的鹼水搶咗味。整體嚟講，好食有驚喜，唔會咸得濟，食完無口渴。

與別不同的雞白湯拉麵我是為湯底而來的有圖有真相雞白湯是全奶白色史上極濃的一款對我來說太膩了吃到最底會太濃稠正常version 金鶴雞白湯拉麵就是剛剛好飲完有少許黏口的湯底真材實料餚出來碗上最搶眼的炸牛膀夠香脆為拉麵提供脆脆口感.想稱讚一下兩塊表面上平平無奇的雞胸肉好軟熟又沒有渣比平常吃到的雞胸肉更滑輕輕用黑胡椒醃過已能帶出雞味.吃完麵記得要上洗手間洗手間是另一景點跟日本的洗手間不遑多讓不在此詳細說明你去到就會知道

這家金鶴拉麵分店位於佐敦區比較僻靜的一角，但捧場客還不少，平日的晚上還需要輪候一段時間才能安排入座。相比起一般的拉麵店，這裏的座位相對寬敞，可輕輕鬆鬆地用餐和跟同行的友人慢慢聊天。餐廳的裝潢充滿日本風格，通往洗手間的通道還打造成日本庭園風。跟同行的友人各點了一碗餐廳期間限定的北海道極濃蟹湯拉麵，令加點了一份日式溏揚炸雞。呈奶白色的北海道極濃蟹湯拉麵，入口充滿濃郁的海鮮香，口感幼滑。一絲絲的蟹肉味道鮮甜，叉燒軟軟嫩嫩，糖心蛋煮得恰到好處。至於靈魂之一的拉麵，麵質煙韌，吸收了味道豐沃的蟹湯後一個字～正！日式溏揚炸雞尺寸大小有如成人拳頭，炸得外脆內嫩，內裡雞肉的肉汁被完全保留，嫩滑多汁讓人食指大動。除了食物外，這裏舒適的環境是另一大亮點。餐廳還在寬敞整潔的洗手間放置了牙線、牙刷、棉花棒和女性衛生等用品，供客人不時之需，貼心之舉值得一讚。

不經不覺，原來我已經很久沒有食日本「雞白湯拉麵」 ，至少肯定一年多的時間。所以我光顧佐敦「閩街」的「金鶴拉麵」，入座看完餐牌不是很久的時間，就已經立刻跟侍應點了一碗「雞白湯拉麵」。由於「金鶴拉麵」沒有自助點餐紙，所以食客沒有機會透過點餐紙，去選擇「雞白湯拉麵」裡面的湯濃度、拉麵麵條軟硬度或者粗幼度。「金鶴拉麵」「雞白湯拉麵」裡面的麵條質感和口感都只是中等設定，麵條不算耐嚼。事實上，「金鶴拉麵」實際上製作「雞白湯拉麵」所需要的時間不算很長，我只是等候了二十分鐘時間左右，佐敦「金鶴拉麵」廚房已經把我的「雞白湯拉麵」順利製作完成。佐敦「金鶴拉麵」廚房製作出來的「雞白湯拉麵」，湯底的顏色是奶白色，至於湯底裡面的味道，則是來自傳統日式「雞白湯拉麵」，拉麵湯底裡面的濃厚雞肉甜味。至於「雞白湯拉麵」表面上，則有兩塊薄切而又不像「雞叉燒」，反而像直接在雞肉切下來的薄切雞肉，雞肉的實際口感頗嫩，沒有被熱湯灸到太熟，雞肉除了質感嫩滑之外，還完全吸收雞白湯裡面的甜味。所以「金鶴拉麵」的雞肉實際肉質，在拉麵製作完成上檯的時候，雞肉肉質確保不會變得太乾，有需要的話把雞肉放在雞白湯裡面，浸泡雞白湯裡面的甜味後再享

好耐冇食拉麵~ 自從上一年食果呢間土瓜灣分店後, 一直再想食多次, 突然見到多左一間係佐敦~ 既然甘就腳~ 當然黎多一次啦！ 地址係官涌體育館後面街, 今次都係試返個金鶴 雞白湯拉麵, 同一個辛辣拉麵白湯拉麵,水準依然保持ok！   超中意佢個6個鐘白雞湯, 清甜 再帶雞鮮味, 拉麵彈牙, 麵粗而且有口感, 配菜依然有好好味既脆卜卜炸牛蒡. 厚切慢煮雞肉都係好好味！ 雞肉嫩滑, 呢個煮法真係得佢呢間有！ 而呢個辛辣拉麵, 個湯低都比較吸引！ 加上佢個特別秘製既辛辣香料,非常惹味！為左試多d新野, 都嗌左串燒,蒲燒活鰻魚串($68) 所有串燒都係即叫即燒嘅 新鮮既鰻魚好吸引，外皮香脆, 而咬上呢個厚實嘅鰻魚肉時候, 又暖又軟, 非常滿足！燒雞泡魚都係我既摯愛,燒得岩岩好,一d 都唔幹身！ 要咬勁.配酒一流！ 

記得依間拉麵一開嘅時候都幾出名，估唔到而家已經開咗咁多間分店🤔拉麵控當然要出動實測下～.極濃雞白湯拉麵 $138主打點可以唔試🙆🏼‍♀️用赤雞熬製六個鐘既湯底🤤可以見到個湯呈奶白色而且係無乜油，飲落果然係好濃厚雞湯味但又唔會過膩🥰麵條岩岩好唔會話過硬過林，吸晒啲湯汁勁入味，叉燒大大塊之餘又唔會話太肥不過唔夠嫩，溏心蛋都好流心，最特別係有一大團炸牛蒡，食落炸卜卜或者浸落雞湯一齊食都好正🙈.北海道激濃蟹湯拉麵 $138期間限定😍個湯望落好似同雞白湯一樣食咁～但食落係完全唔同，飲落都一樣係好creamy且有好鮮甜既蟹味🤤而且佢啲蟹肉比得一啲都唔手軟，每一口拉麵都可以連埋一齊食🥰勁正！！成碗麵口感勁豐富～美中不足係洋葱團好難散開，有時唔想食到洋葱都避唔到🥺(我無偏食架haha).總結，如果鐘意食濃厚感既依間絕對唔會失望，同埋食得出淨係湯底已經好有誠意🤤會令你想飲晒啲湯佢～私心的我愛蟹湯多啲🤭

每次我孤獨食嘅時候都係首選食拉麵，因為好味又方便，孤獨食又唔怕尷尬，但今次有人陪我，終於唔使孤獨食啦！好，坐低睇吓有咩好食先。辛味拉麵，湯底夠辣，仲有兩塊大雞肉同大大叉燒，雞肉咬落好柔軟，啖啖肉，叉燒就肥瘦均稱，個麵食落都爽口。北海道極濃蟹湯拉麵，落單果陣店員話得番5碗咋，就叫黎試下，個湯好濃郁，有海鮮味，上面有好多一絲絲蟹肉，加埋隻糖心蛋，正！日式餃子，餃子外皮炸到好脆，裡面餡料豐富，係唔乾嘅。

呢間拉麵係朋友介紹黎既，間舖既地理位置都幾唔就腳，如果唔係朋友介紹都唔識黎，第一次黎就食左佢既極濃蟹湯，今日就試左佢既極濃雞白湯。佢個雞白湯真係好濃雞味，質感係杰既，食完之黎個口覺得黏黏地，好滿足！佢既慢煮日本赤雞好嫩好滑，同平日做完gym食既雞胸好唔同，佢真係好食太多！！拉麵軟硬度適中，我係中意食偏硬既麵質，因為好唔中意佢一路浸湯會愈黎愈淋既口感，呢間既麵質我好滿意，雖然無麵質軟硬簡，但佢做到我想要既效果。同埋呢間有App dl做會員，幫襯完有得儲分，朋友已經儲左500幾分，今次換左餃子同埋可樂。呢間拉麵係香港都重有幾間分店，絕對可以再encore，價錢都合理唔算好貴