金鶴拉麵 (閩街)

营业中

休息中

有間人氣過江龍拉麵黎到香港😍思鄉病，好掛住鄉人嘅味道，唯有食住日本拉麵先啦日本拉麵豬骨湯底食得多，雞湯拉麵真係第一次試！星期六中午12點幾去到已經有人排緊隊，wow 原來係人龍店，想食好嘢就排下隊喇，不過食拉麵啲人食完就走，所以都唔駛等好耐就有得入去💛史上極濃雞白湯拉麵$138好濃好濃好濃牙，啲湯係奶白色架，濃到好似忌廉湯禁，好勁牙，咁要用幾多隻雞先可以整到呢個湯底🤗🤗拉麵彈牙，配有炸牛蒡，脆卜卜好特別未食過😍😍好食，勁多木耳好爽脆，兩片雞胸肉，一啲都唔會鞋，好好味好出色！💛金鶴雞白湯拉麵$98所有配料都一樣唯獨呢個湯底冇咁creamy ,所以嚟呢度食一碗拉麵已經覺得好飽,正💛燒鰻魚串$68見住佢即叫即燒，外脆內軟，只有喺日本先食到呢一款嘅鰻魚，依家竟然喺香港都食到👍🏻💛日式唐揚炸雞$38又係即叫即炸，黎到熱辣辣，脆卜卜，餣得好入味呢度唔單止嘢好食，連個侍應哥哥都好好傾，為你介紹佢嘅特色小食，重點係一定要去參觀下佢個廁所，超有日本風格而且好少有見到咁乾淨👍🏻衛生做得足客人自然會放心！下次過嚟試埋佢個鰻魚飯先金鶴拉麵 (佐敦)佐敦閩街3號地舖

平時成日出街食拉麵，但係因為疫情問題，變咗都唔敢成日出街食，不過都可以叫啲外賣返屋企。依間拉麵店嘅外賣拉麵可以分湯，方便得多，如果攞到返去唔夠熱仲可以叮翻熱，好方便食用。同啲同事就前後揀咗三款拉麵攞返Office慢慢嘆 黑蒜油拉麵鹽味拉麵醬油拉麵黑蒜油拉麵最香濃，如果鍾意食濃味嘅可以試吓！正鹽味拉麵就小清新，清清地但係都有啲鹹香。醬油拉麵唔好以為會好鹹，其實都係輕微嘅鹹香醬油味，但係配搭落個拉麵度就一流。 最主要係每一碗拉麵入面都有豚肉、慢煮雞肉，紫菜⋯唔算重口味啊但係個質感真心唔錯，仲有好香甜嘅糖心蛋，同埋其他配料。Ps 外賣自取仲有八五折優惠，如果想食日本拉麵，不妨試吓，香港九龍加埋都有幾間分店都算方便。

呢間拉麵店之前已經食過，佢個濃味雞湯真係好正！最近試咗佢哋嘅外賣，真係唔錯喎，質素同堂食差唔多！外賣餐牌同堂食一樣嘅，不過外賣自取就有85折！落單之後等咗一陣就有得拎。湯底同埋麵係分開裝㗎，所以拉麵唔會浸到林晒 唔好以為外賣拉麵會好馬虎，平時堂食拉麵有嘅配料外賣都全部有晒！黑蒜醬油拉麵味道好濃郁，一路拎住個外賣一路都聞到啲香味！極濃雞白湯拉麵真係勁濃，個湯底真係幾杰幾有質感㗎我仲叫多客餃子外賣 拎到返Office都依然好香脆冇得去旅行，唯有喺香港食下拉麵感受下

依排疫情，但都冇阻食好野既決心，今手去開佐敦，突登去揾左依間都幾出名既"金鶴拉麵",佐敦C2出口行5分鐘就到，都算幾就腳。最重要係依家外賣85折，咁緊係外賣番去同老婆食。入到去個格調都都有日本feel，環境好舒服，疫情過左一定要黎堂食捧場。佢地個Menu一共有6款拉麵，有我一直想試既"極濃雞白湯拉麵",另外再叫多個黑醬油拉麵，仲要有85折，邊諗到理由唔支持。好快拎到返屋企，準備開餐。個濃雞湯拉麵個湯底真係超級鮮甜，d肉好滑。個黑醬油拉麵仲誇張，個味係搭車既時候已經係咁飄出黎，又唔會好咸。唐揚炸雞:即叫即炸，個炸漿一d都唔厚，外脆內多汁，一件接一件食，停唔到口。燒黑豚肉串:佢地唔會為左儘快上枱就猛火燒，燒到鞋晒，師傅係放入爐慢慢燒，保留晒d肉汁。

終於有機會吃到評價頗佳的濃雞湯拉麵。當拉麵送到枱時，賣相好有氣勢，侍應溫馨提示炸牛蒡片可直接享用。白色濃雞湯很 creamy 像忌廉湯但雞味並不濃厚，麵條軟硬適中，黑豚肉片嫩滑，相比兩片雞肉就有點失色，溏心蛋不過不失，但被雞湯浸得久了就溏心不再。炸牛蒡片表面有一層薄油包裹住，上枱前牛蒡已經待涼所以不會燙口，可惜一邊吃一邊滴油有少少狠狽，而因為分量不少未可立即吃完，當牛蒡片浸透雞湯後有少部份變得靭口。餐牌上飲品選擇不多，如果不考慮酒精飲品就只有健康果汁。整體上不過不失，另有一個好評推介係鰻魚飯，價錢並不平民，唯有下次同朋友來再一試。

星期日與男性朋友心血來潮想吃拉麵，他提意到佐敦附近的金鶴拉麵，因為他以往曾有光顧過，覺得拉麵湯底製作出色，所以便一同前往。我們到達餐廳的時候已是三時半，以往這個時段已是落場時間，但因為最近的疫情關係，這店直接營業至黃昏才關閉。餐廳入內有提供量度體溫的服務，內裏每張餐桌亦有使用板塊隔開，可見為疫情做足準備。辛味拉麵辛味拉麵上桌時辣香撲鼻，湯底呈現橙紅色，是使用高湯加秘製辛辣香料來調味的，我小嚐了一口湯底，味道辛香濃郁，口感刺激而短暫。拉麵配料則有黑豚肉、蘆筍、溏心蛋、香菇等，整體用料豐富，賣相吸引，這碗是朋友點選的，詳細味道就不多作說明瞭。極濃雞白湯拉麵拉麵湯底是超濃厚的雞湯，選用日本直送的優質赤雞熬製而成，色澤呈現奶白色，口感稠密順滑，雞味濃郁，拉麵麵條煙韌彈牙，盡吸湯汁，配料有赤雞雞肉、黑豚肉、溏心蛋、牛蒡。雞肉入口嫩滑鮮美。黑豚肉肉味濃郁，軟腍嫩口。溏心蛋呈半熟流心狀態，口感稠密緻滑，蛋味香濃。牛蒡是有炸過的，入口酥脆可口，甘香鮮甜。日式唐揚炸雞唐揚炸雞炸至色澤金黃，入口外層酥脆香口，惹味鹹香，內裡肉味濃郁，軟腍嫩滑，不但沒有雞骨，而且豐富的肉汁亦緊鎖於雞肉之中，配搭附有的柚子鹽進

現在疫情這麼誇張, 相信有很多人不願堂食. 今天工作關係來了佐敦, 咁啱知道呢度有間金鶴拉麵, 之前喺第二間分店都食過勁有水準. 所以特登過嚟買外賣. 一如以往, 餐牌早晚也是一樣. 兩個人食所以叫咗個金鶴雞白湯拉麵同埋至出名嘅鰻魚飯. 佢個拉麵係會麵湯分開裝, 如果鰻魚飯都係鰻魚同飯分開裝. 建議外賣㗎拉麵唔好放咁耐, 因為一定係會黐埋一嚿, 所以返到去就要將啲湯熱一熱先再放入去面度, 個湯同埋啲材料都keep到水準. 個慢煮雞幾好食又林又juice. 鰻魚飯, 鰻魚超級肥美. 魚油喺個口度散發出嚟. 待應同我講, 師父嘅手工最值錢, 佢哋會將啲新鮮白鱔, 起骨切細再煎香, 加上自制鰻魚汁. 雖然要二百幾蚊貴咗啲, 但係手工都值回票價

行到個頭見到好日式既門面就知係呢間 想食好耐終於試到入面有吧枱同普通木枱坐得都幾舒服 員工好好態度又會做下推薦٩( 'ω' )و試左新出既蟹湯拉麵🍜個湯底唔係完完全全既水質 而係好綿滑好重蟹味 最驚喜係面頭真係有啲鮮美蟹肉🦀麵底都好出色 軟硬適中 我最怕食啲好軟既麵🤭而雞白湯同黑蒜醬油湯拉麵湯底都好出色 食完麵都直頭想飲埋佢(⁎⁍̴̛ᴗ⁍̴̛⁎)伴碗有叉燒同雞肉 叉燒肥瘦啱啱好幾唔錯 但雞肉就失色左少少 冇咩味不過幾滑 好似平時減肥既雞胸🤪可能就收鋪 店員請左我地食抹茶軟凍 我唔係matcha fans但好彩佢唔係超濃茶味 質感幾得意幾好食🎉拉麵黎講雖然唔算好平但幾好食 睇落份量唔多但勁飽肚 大機會encore(˶‾᷄ ⁻̫ ‾᷅˵)

依間拉麵店想試好耐，當日就因為工作關係到附近所以黎一試。本身想試鰻魚飯，但因為天氣太熱所以都係食麵比較好。叫左個極濃雞白湯拉麵同燒豚肉（無相）拉麵麵質本身無要求亦無特別，湯底只係第一啖飲得出雞味，其後感覺都係似飲忌廉湯。但炸牛蒡好食，感覺依碗拉麵牛蒡先係主角，麵係其次。無浸湯既好爽脆，一啖湯一啖蒡唔錯。變相覺得拉麵只係為求填飽個肚，感覺好怪。雞肉叉燒ＯＫ，肉質嫩同入味。但食慣豬肉叉燒／角煮所以感覺怪怪。燒豚肉ＯＫ，醬汁夠濃味。下次想試個串燒鰻魚，因為坐係吧頭一路見師傅燒鰻魚都唔會急，唔似有Ｄ日式快餐會用火鎗夾硬燶。

之前食過其他分店，今次去開佐敦，就黎食個晚飯。店內裝修好日式的感覺，冇得去旅行，食碗拉麵都開心！期間限定北海道極濃蟹湯拉麵超濃蟹肉鮮味的湯底，好鮮甜！份量十足的鮮拆蟹肉，一Ｄ都唔會孤寒！配料仲有溏心蛋及兩片叉燒，麵條好彈牙，可以吸哂蟹湯的鮮味，要試就要把握機會！期間限定唔係成日有呀~極濃雞白湯拉麵朋友就要左signature的極濃雞白湯拉麵，超級creamy的口感，濃稠嘅雞白湯好重忌廉香，質地超滑。面頭嘅炸牛蒡記住要襯熱食呀，脆卜卜，厚切慢煮雞肉很嫩滑，仲有日式叉燒，當然唔少得流心雞蛋！麵底份量好多，食到好滿足！仲有串燒食，不過我地2個人戰鬥力唔高，下次先黎試下佢既串燒！

好耐冇寫食評喇！疫情關係都少左出去食好野！今日出左佐敦！E先生想食鰻魚飯～二話不說就帶左佢黎金鶴～老早在北角食過一次！活燒蒲燒鰻魚飯：即叫即燒，等15分鐘嘩！鰻魚keep到大大塊！勁厚！入口肥美！仲有魚油香味！真係好好味！醬汁香濃送飯一流，再配芥辣魷魚同埋麵豉湯，非常滿足！而我就點左白雞湯拉麵🍜 邊個話一定要食豬骨湯，招牌雞湯～白白的湯非常濃郁～比起豬骨更順流，高高的炸物係牛蒡，牛蒡健康又甜甜味道，而最有驚喜係有兩塊薄薄既慢煮雞柳， 好淋好嫩😂😂原來雞都整到甘既味道，一塊叉燒相對就唔夠驚喜，但都係好味既～～當日去到鋪頭唔算太多人，環境舒服，很適合傾計飲返一兩杯，而侍應也主動加水，整體非常不錯👍🏼

又係懷念旅行時間啦今次要自己去左日本 所以揀左食拉麵 呢個係佐敦 位置好方便店舖唔太大 開放式廚房 放滿日本酒 好有日式居酒屋feel野食選擇十分多 又有期間限定最後我地揀左金鶴鷄白湯同活燒蒲燒鰻魚飯鰻魚飯係即燒所以要等大概十五分鐘金鶴雞白湯一上台已到好吸睛 有獨特炸牛蒡 慢煮雞肉同豚肉 仲有個糖心蛋🤩🤩湯底好清甜 一d都唔油膩 面質煮到岩岩好 好彈牙另外份量都幾多下 男仔應該都夠食活燒蒲燒鰻魚飯有芥末八爪魚同昆布湯鰻魚燒到外脆內嫩 個汁調到岩岩好 值得再encore

Bookmark咗呢間拉麵舖好耐，終於有機會去試～ 晚飯時間去，好彩有book位，唔使喺街度等位叫咗個白雞湯拉麵，唔使等好耐就有得食一上檯俾個炸牛篣吸引！俾雞湯浸過又幾好食會有一陣甜味 即使浸住好耐都仲脆口 正可惜係個流心雞蛋唔夠流心，可能一路被熱湯浸住，無咗好流心嘅口感 下次要食咗雞蛋先～湯底好濃～ 會忍唔住想飲晒啲湯～同朋友嚟傾咗好耐計，咁啱個段時間唔多人，店員好好不停幫我哋添水，服務態度好！有機會要再去試試其他拉麵

今日出咗去佐敦行街估唔到行啦行吓行咗入內街之後比我發現咗呢一間隱藏嘅拉麵店上網睇一睇原來呢間係過江龍嘅日本拉麵店雖然位置真係非常之咁偏僻但係估唔到6點7點嘅時候門口已經開始排隊所以今日就即管試一試一入到去當然梗係選擇返拉麵啦呢間拉麵店主要就係推介極之濃郁嘅白雞湯底呢度嘅雞湯底有兩款一種係普通款另一種係勁濃版本橫掂今日嚟到呢間小店梗係當然試一試佢哋極之濃郁嘅版本啦廚房係用上了開放式的見到裏面有兩個師傅密密做密密做拉麵一碗油一碗咁樣推出啦淨係等待嘅時候都已經令人食指大動流晒口水一上枱嘅時候當然係俾佢炸到脆卜卜金黃色嘅牛蒡完全給正啦然之後就係大大片嘅雞胸肉同埋一塊叉燒呢度嘅湯底用上了非常之濃郁嘅雞湯煲食再將去打成泡沫裝所以湯底有少少濃稠但係就唔會食落口非常之咁由你仲食到淡淡濃郁嘅雞湯味拉麵用上了幼面但係非常之咁彈牙又唔會充滿廣東面嘅鹼水味另外仲有半隻嘅留心玉子令人食指大動所以我加推了明太子雞翼一盒雞翼有兩款廚師將雞翼燒得趣博博而內裏就讓入了非常之多嘅明太子鹹香嘅明太子令到雞翼非常之咁香口令人一啖就已經食晒一件啖啖肉非常之咁好食見佢哋小食咁好食所以我就再叫咗一款燒鰻魚鰻魚非常之好食完全有成一隻

自己一直都好鍾意嚟食呢度嘅拉麵，因為呢度嘅拉麵不論係個湯底、還是面嘅質地，我都覺得好好食。今次我同朋友特登嚟去食左碗鹽味拉麵、同埋黑蒜油拉麵。鹽味拉麵個湯底比較清，配料就比較簡單，最好嘅就係佢有溫泉蛋，一路食碗拉麵嘅時候，蛋汁令到成碗拉麵都比較香。原味湯底好清，食完都唔會覺得好口渴。另外就係黑蒜油拉麵，黑蒜油拉麵比較香，同樣配料都比較簡單，就係有佢嘅叉燒，另外亦都配搭左雞肉，整體來講都幾唔錯。我哋仲叫咗一個佢嘅啤酒腸，喺呢度嘅新菜式，食落去，腸味比較香，不錯。我哋之後仲叫咗佢哋嘅手工啤酒，呢一款手工啤酒味道比較香，很重的米味，跟一般的啤酒不同，沒有很苦的啤酒味，所以都算不錯。最後就係佢嘅抹茶厥餅，甜甜的，煙煙銀銀，不錯。