金鳳大餐廳 (山林道)

营业中

休息中

喺呢度買咗個「芝士焗肉醬意粉」，外賣拎返屋企食，返到屋企一打開，睇見盒嘢嘅面頭已經覺得好燶，一叉落去，原來個意粉成個底都係燶㗎囉。買外賣返屋企都係想貪方便啫，唔洗煮，求其快趣搞掂一餐，但個意粉燶到我要逐段挑返出黎，佢唔同你飯類焗燶，粉麵類燶係幾咁麻煩，每條麵都有部分食得部分唔食得= = (下面幅圖只係挑咗一部分出嚟)真係好q煩，其實個餐係好明顯焗到過哂鐘，要超時幾多先可以搞到成個底黑哂，焗果個冇理由唔知囉，咁都賣俾人，唔係呀化？？

金鳳餐廳有50年歷史，但係我都未嚟過，今次朋友帶我到尖沙咀嚟山林道金鳳餐廳，都係第一次嚟食㗎！食客多，地方都大，坐得舒服，店員服務親切，令人放鬆好心情。價錢都好大眾化，我嗌左雜扒餐，$125， 一個餐包左餐包同餐湯，有羅宋湯同埋忌廉湯。我揀咗羅宋湯，味道辣辣地，惹味，好飲。雜扒餐份量好多有豬扒，牛扒，腸仔，雞翼等等，大大份，大食嘅我都食到勁飽！鐵板上碟加漿汁，揀左黑椒汁，咋咋聲熱辣辣，好好食！跟加18蚊，仲可以飲黑牛，係港式餐廳先有得飲，已經好耐冇飲啦！ 朱古力加上可樂配搭好食又好飲！整體好食又抵食！推介！

我今晚約咗朋友去尖沙咀諗住食西餐，之後就去咗金鳳餐廳，唔使講都知道金鳳餐廳係老字號50多年，係品質嘅保證！入到去坐低，睇一睇個餐牌，所有嘅扒类應有盡有，價錢合理，而且每樣都大大份質素唔使講，受歡迎程度一定係數一數二，見到都坐滿客人。之後我叫咗個招牌西冷扒，一嚟配餐包加白湯，餐包軟熟再加埋忌廉湯香滑鮮甜，至於西冷扒嗌左五成熟上，入口即溶，牛肉味濃，加埋係鐵板，令到啲牛肉熱辣辣真係十分滋味，每一次食都係十分之有質素，值得推介俾大家！

我細個最開心既時候係食港式懷舊扒房，尤其係職員係我面前淋汁然後發出「滋滋」既聲音。今日同朋友做gym，做gym之前帶我食佢既增肌餐，原來就係港式扒房－金鳳大餐廳🤩港式扒房既湯一定係一白一紅，即係忌廉湯同羅宋湯，朋友話羅宋湯有入量蔬菜，口感豐富。另外仲附送一個甜餐包，識食一定係將包浸落湯一齊食👍🏻- 美國牛小扒餐牛小扒肉味香濃，肉質有咬口，但唔太多筋，蒜蓉醬超級多，而且配菜有我鍾意既薯格，相當驚喜😍- 美國安格斯肉眼扒肉眼扒好大份，食量大既朋友話好夠飽。肉質鮮嫩，脂肪分佈平均，最重要係熱板夠曬熱辣辣。醬汁方面揀左黑椒汁同埋加咗一份蒜蓉去增添佢嘅味道層次。餐飲好大杯，檸檬茶既茶味幾突出。港式扒餐真係香港人既回憶，味道都係其次，侍應淋上醬汁嗰一刻回憶真係返曬黎🥺，懷舊味道勝於一切。

突然間口痕想鋸扒 同朋友諗起附近有間細細個就聽到大既 金鳳大餐廳決定要去試下好有味道既招牌 證明佢飽經歲月多年來屹立不倒 肯定有返啲料到餐廳入面還有當年今日紐約市星島日報既報導揚威海外 勁呀！有晚餐推介還有其他嘅套餐美式雜扒餐咩都有 好吸引 決定試試佢 仲要加多兩蚊加蒜蓉首先嚟嘅係餐包 看似簡單 但其實最不平凡 外脆內軟 留住溫度 加啲牛油 香口到極致再嚟嘅就係羅宋湯 又酸又辣十分開胃 入邊而且仲要有好多料 啖啖好滋味美式雜扒餐果然好豐富 大大塊豬扒鋪滿蒜蓉 下面就係牛扒雞翼同埋腸仔雜扒餐嘅牛扒都唔會好差 好香牛味 而且冇筋冇肥膏同朋友嗌嘅安格斯影個合照 巾幗不讓鬚眉 完全唔會輸蝕朋友嘅安格斯牛都有啲料到 五成熟 剛剛好餐飲係兩杯朱古力 甜入心的感覺 點綴了整個晚餐兩個人食到超飽都係$360 抵到爛

今日去佐敦身體檢查完，11點幾未太餓又未諗到食咩，邊行街邊諗下食乜，油尖旺太多選擇但係又唔想放題、火鍋或者烤肉。突然諗起有間金鳳大餐廳評價都好多人讚like一於去試下，最近佐敦果間係尖沙咀山林道橫街，門口唔算好大但室內座位都算寬唔會好迫，12點幾人流唔算好多。因為呢間餐廳既扒出名大大份，因為唔太餓就揀左是日午餐試下，原來是日午餐係免收加一，凍飲都唔需要另加錢又幾好喎。揀左個洋蔥豬牛扒餐配薯菜，羅宋湯同凍檸茶。落單後，食物好快送上，湯味唔算好濃，酸酸地都幾開胃配埋餐包仔，豬扒食落都算淋，牛扒幾有牛味有少少韌，無用梳打粉拿到無牛味已經好好，凍飲都好大杯。整體黎講$58一個午巿扒餐係抵食，下次可以試埋鐵板扒餐。

百幾蚊一個扒餐，叫埋單。都要唔好態度、叫我走出去？我問你地唔收加10%服務費？某員工悔氣駁咀、出唔出去都收加一架啦。我想問下你老闆，你再有咩藉口叫我「再幫襯你金鳳」？要倒米都在客人背後倒….駁嘴係食肆大忌！！！

今日老婆要去旺角看中醫，然後約朋友在尖沙咀攞東西。到左尖沙咀，老婆突然想去幾日前在電視上看到金鳳大餐廳食野，我就在 openrice找尋，原來山林道有間店鋪，我們到了店鋪就入座，㸃左2個午餐。黑椒牛扒仔配薯菜及夏威夷豬扒加意粉，每個餐都包餐湯丶麵包及餐茶。我們選了羅宋湯 ，一般水準但是大碗，餐包鬆軟，黑椒牛扒仔有3件，肉質有淋有韌， 薯條比較干，普普通通一般水準。夏威夷豬排：豬排都大件肉質都可以又淋幾好食，意粉都好彈牙，比較好食， 咖啡比一般茶餐廳冇咁苦澀都幾好飲 。總結： 價廉物美， 大大件抵食。

金鳳据扒應該冇人唔識, 想當年好多明星去幫襯過, 舊有的風味, 加上平靚正, 今次專登同老婆再去食.由於好肚餓的關係, 我地叫左一個什扒, 一個美式安格斯肉眼扒, 一個紅湯一個白湯. 紅湯白湯都好味, 紅湯材料十足, 白湯夠creamy, 加上熱騰騰的餐包. 好好味.什扒份量十足, 完全切唔到, 要叫待應比多隻碟我放食物, 牛扒, 豬扒超大塊, 2 塊扒都好淋身, 係什扒中, 我覺得豬扒好味過牛扒, 好入味, 充滿肉汁, 仲有雞翼, 雞翼都好好味, 好鐘意佢少少蕉香的味道, 係舊有的回憶, 仲有腸仔, 火腿同大量的薯條加翠肉瓜, 超滿足, 完全滿足食肉獸的胃. 美式安格斯肉眼扒係靚牛, 同什扒的牛完全唔同, 係高幾級, 牛重牛味, 好滑身而且淋身, 7成啱啱好, 佢同什扒唔同之處除左牛本身外, 仲會係配薯格, 當然仲有翠肉瓜.總結, 今次真係大滿足, 感覺比兒時更加好味. 

跟好朋友週末下午到中環英皇戲院睇完 <侏羅紀世界：統治霸權> 後，由於天氣炎熱關係，我們還是選擇搭地鐵代替搭船到尖沙咀！他建議3間尖沙咀的餐廳，有潮州菜、泰國菜及港式西餐！ 我挑選了位於山林道的港式西餐 <金鳳大餐廳>！ 我們在晚上 7:00 前入座，不用等位！這間分店算幾大！大致上兩旁是卡位，其他是木餐桌，就算跟後面枱食客背對背坐，也尚有空間，不會椅背撞椅背！店員數量尚可，勝在食物出得快，而且店員用推車仔送餐，安全快捷！餐牌有散叫，亦有晚餐！鐵板餐是主打，絕大多數食客都是點鐵板餐！荷蘭豬扒鐵板餐 $116送上桌，見到咁大份我都嚇親！有兩塊基乎我塊面咁大嘅豬扒！ 還有一片不算重口味的煙肉！恰巧！表面那塊豬扒較墊底塊豬扒少脂肪，我食表面那塊豬扒，就算脂肪少，其肉質軟身，已經容易切開！食完一塊豬扒，我已經飽嘞！原來他發現墊底塊豬扒，脂肪較豐腴！正合他口味！ 整塊讓他慢慢細味吧！他還要求店員加黑椒汁，配豬扒食後感，入口較甜！蘇格蘭牛扒鐵板餐 $132牛扒有一大塊！ 肉香洋溢， 相對肉香及肉味，牛扒比豬扒更香濃！ 配香辣惹味的黑椒汁！餐包質感鬆軟暖身，味道甜度恰

今晚帶老竇出尖沙咀食飯擦餐勁嘅😆去咗平民特色扒房金鳳大餐廳。金鳳開業50年，以食牛扒見稱。港式同美式牛扒仲有唔同牛嘅部位，價錢任君選擇。加埋一都係百幾二百蚊叫左個特色晚餐（$178）Full set抵食，等於一個扒價錢包晒其他野： 餐包、餐湯暖暖的餐包，蘑菇湯有一定嘅稠度，偏咸味，唔洗再落胡椒粉頭盤：蟹子沙律好多奇妙醬，岩晒鐘意食傳統中式沙律的人。生果、蔬菜類型都幾多，但有少量我個人唔喜既西芹🤣主菜：比目魚扒拼西冷牛扒（五成熟,燒汁）燒汁幾香，比目魚好香油脂味。五成熟牛扒對我嚟講啱啱好。西冷牛扒都幾有牛味，冇咁多脂肪，肉質厚實啲，但唔會嚡口，唔錯。伴碟嘅翠玉瓜索晒蒜蓉燒汁香味，正😛反而薯角燶咗，冇得食添甜品：朱古力雪糕球唔知係咩牌子，個人估計係雀巢？朱古力味比想像中香濃，同埋好大球🤩開心餐飲：熱奶茶、熱咖啡😋係鐘情的港式咖啡味道。奶茶都好滑溜厚身，奶味好似少少搶左茶味-----------------------------帶子牛柳餐（八成熟,$168,黑椒汁）好攪笑🤣老竇話八成熟反而有少少血水。帶子、牛柳配黑椒汁都係冇得輸既組合。牛柳厚身，由兩塊拼成，肉質非常軟嫩。下次唔食餐我都會揀

餐廳歷史悠久，提供各款式既牛仔公仔鐵板餐。牛肉種類花多眼亂，另外有海鮮配搭。平日晚市7點，已經坐滿食客。尖沙咀尼間分店環境寬闊，侍應殷勤有禮。鐵板送上時，侍應會拎2壺醬，分別係黑椒、蒜蓉汁，幫你倒落肉扒上面。扒餐會跟牛油餐包、餐湯、餐飲，扒餐可以揀鐵板/碟上。餐湯一白一紅，紅湯雜菜多，煮到軟，入口辣辣，係羅宋湯特有既辣味。貴族牛扒($208)，有2大件美國牛肩肉，而且份量十足，非常厚。而且廚師幫忙切左幾下，方便跟住個紋理切黎食。叫左5成熟，切開真係保留到牛肉既嫩紅色，充滿濃郁既肉味。薯格炸過再淋上醬汁，變得軟身，尼種口感，係鐵板獨有既煮法先整到。帶子牛柳餐($168)，同牛肩肉最大既分別係，牛柳超級超級‘軟林’，好驚喜，超jeng，咬幾下就慢慢化開。牛肩肉則帶有少少韌。牛柳2大塊一樣有厚度，7成熟口感合宜。帶子結實嫩口，另外有大蝦可以揀。餐飲加錢轉特飲，雙檸雪碧有鮮檸、鹹檸，兩者口味交錯，飲落又幾順口。而可樂加入朱古力雪糕，就會令可樂d氣冇哂，變左飲落先有朱古力味，後有可樂甜味，d氣就冇左既口感，另一番風味。整體，鋸扒勝在鐵板夠熱，做到‘炸炸’聲既效果，而且牛肉質素靚，口感一流，品質保

還記得在中學時期最喜歡和閏蜜們一同到茶餐廳吃鐵板餐🥩每當淋上滿滿的醬汁後 隨即發出一陣渣渣聲🙈讓人既期待又懷念🍽️🍅羅宋湯 酸甜開胃 而且十分足料 底下都是滿滿的蔬菜🥬🫕忌廉湯質感濃厚 不會過稀 creamy 充滿奶香味牛油餐包🧈入口微暖同時質感鬆軟 醬汁可以選擇惹味的黑椒汁🧂或香甜的洋蔥汁🧅上枱時鐵板十分熱辣辣 火候十足 非常吸引🔥 🐮美國牛小排餐由於招牌貴族牛扒沽清店員為我們推薦了牛小排雖然點了五成熟但整體肉質偏向有咬口 筋的比例較多勝在牛肉味道突出 不會被黑椒汁或醃料掩蓋而且份量十分多 男士食用也能飽肚滿足👦🏻🐷荷蘭豬扒餐入口鬆化軟熟不加添洋蔥汁 本身的香料已十分入味肉質彈牙 而且juicy👍🏻 不會又乾又硬不喜歡牛肉的朋友值得試試✨十分推薦加蒜蓉 $2 🧄整體味道更加香濃滋味👍🏻是邪惡之選😈

今晚同朋友行去尖沙咀，忽然想食下扒，於是就來到了這間餐廳。跟餐分別點了羅宋湯和忌廉湯羅宋湯：酸，甜，辣，咸味適中，非常開胃。忌廉湯：唔會好多粉，忌廉味幾香。餐包夠熱夠新鮮，摸上手還是熱，非常好，食落去都軟熟。美國安格斯肉眼扒餐（$198): 選了蒜蓉汁，5成熟5成熟真的剛剛好，不會太老，肉質非常鮮嫩。然後安格斯好重肉味，好香，非常好吃。性價比幾高招牌牛柳餐（$133）：5成熟，黑椒汁都係推介大家選5成熟，真係剛剛好，唔會老又唔會太生，牛配黑椒汁更是絕配。牛柳個口感同安格斯又唔同，安格斯牛味較重，牛柳就比較厚，食到多肉口種口感好飽滿，都好好食，係兩種唔同的享受。凍鴛鴦：咖啡+奶茶真係好夾，好好飲。熱檸水一樣夠清新。

之前都曾經在其他地方食過金鳳，一直好中意這間餐廳的牛餐，所以在和朋友行街行累了，就專門帶她來這間尖沙咀的金鳳撐枱腳了。——牛柳餐（七成熟）（加蒜蓉）＄１３５牛柳餐除了有牛柳之外，還有非常非常香甜鬆軟又可口的面包（極力推薦），餐湯和一杯飲料。而主菜在一大塊鐵板上放住超大塊牛柳和其他薯條、翠玉瓜等配料，牛柳鮮嫩又ＪＵＩＣＥ，煎得香噴噴，再加埋蒜蓉咬落去非常惹味！——青口（白酒）＄５８這個青口非常抵食！首先非常的新鮮，用白酒煮過，超級惹味，過程處理得很好，連我這個嘴刁很容易察覺到腥味的人都FＥＥＬ唔到有問題，而且青口肉美鮮嫩，強烈建議大家一試。——小食拼盤＄８８炸薯格、日式吉列炸蝦、香脆甜蜜雞中翼全部都是熱氣騰騰的炸第，味道都很好，香脆可口！