金鳳大餐廳 (山林道) (裝修中)

今日好餓，又買咗飛趕睇戲，就諗住嚟呢到据扒，實夠飽啦！叫咗一份羊架鐵板 一份肉眼鐵板 再另加一份意粉。一個鐵板基本上要$13X以上，不過嚟到份量就唔算大，而且肉質都普通。 湯無料，而且偏水。意粉無味嘅😅我地自己另加茄汁同黑椒撈下先有味。羊架有4件，不過膏較多，肉較少，實際可以食嘅唔多。墊底嘅薯菜都係每樣一兩件左右。肉眼質素比較好，不過要5成，其實嚟到都已經7成🤷🏻‍♂️職員態度真係好一般，其中有一個仲成日好惡咁回應人，似鬧非鬧咁，總之聽落唔係咁好聽。其他職員就好似唔係好想答你咁，不過我明舊派嘅人可能係咁，專注工作，唔會有咩同客social之類。整體嚟講性價低，呢個價錢可以再有選擇。

尖沙咀山林道出名多嘢食，地點又方便，喺佐敦同尖沙咀中間，今日就嚟到呢間港式嘅扒房好想懷舊一下呢間可以話係港式扒房嘅代表餐廳已經開立左有50年以上真係歷史悠久，入面地方非常闊落仲有好多卡位坐得到非常舒服，咁炎熱嘅天氣最重要係冷氣夠凍呢一點完全做得到呢間舖頭好受歡迎👏🏻所以今日我都提早到步唔需要等位呢度嘅扒餐種類有好多每個餐都包埋餐湯同埋飲品一坐低叫完餐好快就上咗湯揀咗碗紅湯，即係羅宋湯嘅味道，紅湯多菜同埋有超級重嘅蕃茄味，餐包細細個而且仲熱辣辣超大塊嘅牛小排就喺鐵板上面治治聲，牛肉嘅香味伴隨熱力吸引左我嘅視覺聽覺同埋味覺，牛肉鮮香美味，肉質又夠滑，份量仲要超級多好大塊，食半塊已經好飽，牛肉夠晒Juice最重要嘅係要加兩蚊有即磨蒜蓉肉質又唔奀又冇筋牛扒下面仲放油薯塊同埋翠玉瓜半碟，薯菜吸晒啲蒜蓉汁非常入味，食到佢最尾鐵板依然都係熱辣辣的所以每食一啖入口都唔會凍冰冰我朋友都係叫咗塊牛扒伴帶子我見到帶子都好大粒，又夠厚身，份量超級多一睇就知性價比非常高每個晚餐都配有一杯凍飲我揀咗杯凍咖啡奶味非常足夠又夠香滑，咁熱嘅天氣飲一杯凍冰冰嘅飲品令人心曠神怡

金鳳大餐廳真係細細個就聽過，但講真印象中都冇乜點食過，前幾晚去開尖沙咀突然想食懷舊野，就諗起金鳳🍽因為唔太好牛，所以同朋友同樣都係叫左同一款香燒羊扒餐🐏（回想起黎都覺得蠢左，一樣唔好食都起碼有另一款可以頂上）香燒羊扒餐 🐏 $164本身叫左5成熟，食得鐵板都預左上碟會變左7成，但係切起上黎應該差唔多去到8-9成，肉質算係可以接受，唔太硬身，因為塊羊扒超肥😵‍💫肥膏切切下都佔左塊鐵板既一半😑😑食得落口既肉少之又少😑都唔好講塊羊扒淋完汁之後完全食唔出羊味🤦🏻‍♀️奉勸大家千祈唔好叫羊扒食🤦🏻‍♀️百幾蚊食得幾啖肉仔真係好唔抵🤦🏻‍♀️芝士忌廉汁焗西蘭花 🥦 $58由於羊扒都冇乜肉食到，又幾肚餓，所以覺得西蘭花幾好食😂😂芝士忌廉汁幾多，西蘭花唔硬，正常質素金鳳懷舊炸曲薯條 🍟 $48薯條係粗薯條，薯味都有既，杯仔用左紅白格仔紙包住啲薯條，懷舊味出晒黎😂😂除咗羊扒，另外2款食物質素正常，屬茶餐廳水準，唔好話要排隊，唔洗等位我都唔係幾想再食😂😂😂可能叫牛會好啲，可惜我就冇緣欣賞🫣

諗住有成年冇去過， 襯今日朋友生日去食飯(因為佢嘅扒餐曾經好出名)。坐低叫咗 一客T骨餐，一客牛柳餐。 塊T骨仲薄過薄切牛扒 ; 牛柳竟然有筋，仲要韌過橡根嘅筋，點食?? 黑椒汁太鹹， 把刀可能開張之後都冇磨利過， 切唔開之餘仲壓爛曬啲墊底嘅薯格， 好核突！ 沙律得唔得? 算啦，唔好再提啦。。。全個扒餐最好食就係個麵包。 即係話畀成四百幾蚊走去食啲好味兩餸飯都好過佢嘅 一間茶餐廳~ 我卒之明白 點解隔離枱有個男人喺度媽媽聲鬧個waitress 晦氣。 我唔會再老襯。

突然好掛住港式鐵板扒房就去左呢間餐廳平日夜晚都唔少人招牌牛柳餐跟餐當然唔少得餐包同餐湯~餐包點湯食係最正的牛柳有兩大塊 仲有薯條同翠玉瓜牛柳好淋一啲都唔韌 唯一唔中意就係薯條放係塊扒低下 一上黎就已經太淋

港式牛扒就係有種獨特既感覺, 耐唔耐就會掛住, 食既唔止係味道, 仲係一種回憶!山林道金鳳一入去就係港式扒房既味道, 散發住扒味, 仲會聽到鐵板既滋滋聲~~不能缺少既紅湯加餐包, 餐包係軟熟既, 夾哂成舊牛油先過癮! 紅湯依然係兒時食既香濃惹味, 酸辣香胃!招牌牛柳餐我幾乎次次食都係揀牛柳, 因為佢抵死夾大件, 厚厚肉地, 一定滿足到胃口~~ 肉味一定唔會係高級質素, 但勝在口感軟熟, 5成熟再加鐵板熱力岩岩好, 黑椒汁胸惹味, 好食呀!仲有好多瓜菜係底。 香燒羊架餐朋友中意食羊, 揀左羊架估唔到又幾有份量, 而且食落冇碟臭味, 邊位既羊脂味仲幾香添!飲埋港式凍熱檸茶, 簡單卻又滿足!!

金鳳的鐵板牛扒相信都唔少人食過咖啦，今次竟然系尖沙咀行街都撞到距地有分店，梗系要繼續食肉之旅，鋸個扒啦。店鋪都相當大，熟悉的港式扒房風格，攞號埋位都相當快。Menu都相當多選擇，美式扒餐，港式扒餐，飯餐都有。最愛的依然系美國牛小扒，梗系要繼續order啦，朋友就試下蘇格蘭牛扒。扒連餐包同餐飲（紅/白湯），正常嘢啦。白湯味道OK，正常水準，呢個唔系重頭戲，無所謂。餐包皮脆內軟，裡面仲系暖粒粒，搽埋牛油，都好好食。7成美國牛小扒，餐上黎果時，店員先會問你攞乜汁，我就揀左蒜蓉汁，一落就咋咋聲，配埋薯菜，絕對夠飽。牛扒夠厚身，表面焦香，內裡肉汁豐富，牛味十足啊。搭配蒜蓉汁真系勁好食。蘇格蘭牛扒真系超大份，鐵板都擺唔落甘滯。落噶系黑椒汁，肉質都相當唔錯，但個人更喜歡牛小扒果種牛油的芬芳。總結：一如既往的有水準，出品品質有保證。

記得上次去金鳳已經係好多年前既事，宜家開到週圍都係！因為唔係繁忙時間去，有好多卡位揀餐廳有扒房既氣氛，燈光冇以前太子店咁暗我叫左貴族牛扒（牛肩肉）跟餐要羅宋湯，再加錢要黑牛羅宋湯味道正常，好足料，餐包重熱天氣熱辣辣，飲番杯黑牛零舍爽牛扒鐵板上，加蒜蓉，再5成熟，黑椒汁！擺上枱之後，記得拎起紙巾，waitress會幫你淋汁 （好危險嫁，多年經驗既waitress都被彈到）鐵板夠晒熱，牛肉好有味道，依個部位冇咩肥膏，所以要叫生D我覺得5成熟剛剛好，又唔會太生，又唔會太熟你睇顏色幾靚友人就點左龍蝦湯同個芝士忌廉汁焗西蘭花龍蝦湯比想像中好飲，好鮮甜，重搵到龍蝦肉？個焗西蘭花就好大盤，好似放晒成個西蘭花咁！可惜就味道比較淡左D總括黎講，我地都食得好滿足！

突然間今日想尋回舊日鐵板牛排，一想就想到金鳳，就同朋友黎食lunch。依家金鳳有午餐，朋友叫左鴛鴦扒意粉，我就叫左鐵板牛小排加生蒜。朋友個餐擺明係普通茶餐廳嘅貨色，價值$58包湯包野飲，朋友都唔會話期望好高質素，有大家樂嘅level 都OK。黎到後個樣都係預期般，有黑椒汁加持，可惜牛排勁韌，柴咁，連塊豬柳都乾淨淨，又係柴咁。一間主打食扒嘅餐廳with 咁年歷史，實在無估到係咁嘅貨色。朋友當然停曬手啦，淨食包同個湯。跟住我個鐵板黎，價值$177。 牛小排係面，墊底嘅係薯格。淋埋個椒汁後唔夠1分鐘，d 薯格已淋曬。算啦，focus 係塊排到，已牛小排黎講，不是好淋，反而有dd 韌，以呢個價錢我唔係好收貨。結論，我地都好失望，宏觀香港呢類扒房已無左以前嘅味道，亦唔知邊度有好味嘅。

今日去左有返咁上下歷史同名氣嘅金鳳大餐廳，山林道嘅分店，食晚飯，鋸返個扒。餐廳好易搵，大大個金鳳大餐廳嘅招牌，店面都幾大，有卡位中間又有坐到更多人嘅枱。港式扒餐，飯餐，美式扒餐，各種選擇非常多。我就叫左美式扒餐， 貴族牛扒-美國牛肩肉。要左8成熟，碟上。餐連紅或者白湯，餐包，一般凍熱飲。我叫左白湯，味道正常，都係一般港式扒房嘅白湯，餐包暖粒粒，牛油係軟軟地嘅狀態，好易擦落包上面。貴族牛扒碟上，要左蒜蓉汁，牛扒配埋薯格，沙律菜同翠玉瓜。美國牛肩肉牛扒厚身，唔難切，入口唔韌，非常軟嫰，仲有好香嘅牛肉味而冇羶味。蒜蓉汁唔會掩蓋左牛肉本身嘅味，食落更加juicy。薯格炸得好脆，好香口，調味偏鹹，配埋茄汁幾好食。沙律菜絲清新爽脆，可以解下膩，翠玉瓜都係冇太多調味，平衡返同肉扒份量。飲品就叫左涷咖啡走甜少冰。味道都ok，飲落順口，熱天飲凍飲降溫特別舒服。

Beef in western restaurant are usually expensive. However, in Golden Phoenix Restaurant, you can enjoy high quality and delicious beef with much lower price. The traditional Chinese style fusion with western ways to cook beef and lobster. The cheese lobster was extraordinarily delicious! The beef was very tender and juicy. The timing of cooking was perfect. The soup has strong lobster flavour and you can see there were even lobster meat in it. For the platter, fried fish finger and shrimp were v

今日放工約左朋友去佐敦食飯，佢話好耐無去過呢度鋸扒，所以就揀左呢度。分店比總店大，裝修同樣跟總店一樣，舊式冰廳。環境乾淨，職員安排我哋坐梳化位，坐得舒服。餐牌好多嘢揀，除左牛扒之外，仲有豬同羊，我哋就每人叫左個港式扒餐，鐵板上果隻。每次食佢嘅餐包都係暖同好軟熟，呢款餐包唔係間間都有。餐湯紅白兩選，羅宋湯依然多料，酸酸甜甜。忌廉湯鹹鹹地，水準依舊。我叫左個招牌牛柳餐，仲加左生蒜。牛柳厚厚，仲有少少紅紅地，好淋，好瘦，咬落帶肉汁有質感，一D都唔乾，生蒜入口辣辣地，加埋黑椒汁夠惹味。下面仲有爽口嘅翠肉瓜，粗薯條又好食。朋友就叫左個野菌西冷牛扒餐，要十成。同樣係厚牛扒，佢就比牛柳肥少少，油脂分佈都均勻，全熟都唔會覺得韌。淋上面係菇加汁，菇都幾多架，整體豐富，幾好。餐飲凍飲唔駛加錢，朋友叫左杯凍檸茶少冰走甜，佢話呢度茶膽幾好，茶味濃。我就叫左杯凍朱古力，佢又唔算話太甜，凍冰冰都幾好飲。

今日咁啱經過山林道，諗住睇吓嗰間奇怪嘅深藍色打卡餐廳，點知就見到呢一間金鳳大餐廳，之前一直好想試，但係荃灣嗰間排隊排成個鐘，都仲未有機會去食，今次即刻入得，梗係入去啦😎一坐低就即刻嗌咗個招牌牛柳餐，就睇吓佢個牛柳有幾淋，點知一咬落去，真係好淋，完全唔痴牙，再加上啲黑椒汁，好好食🤤不過我就嫌價錢偏貴咗少少除咗一個扒餐，我哋仲叫咗個黑松露雞扒飯，黎到個賣相就爭咁啲啦，好似好dry，冇乜食慾咁，但食落去勁好食，越食越多，最尾食晒，佢個松露汁好香嘅松露味，唔似出邊嗰啲得個樣，鹹甜皆宜，味道啱啱好，我勁鍾意，啲配菜都係好食嘅😋仲有一個最鍾意嘅位🥰就係佢嗰種港式風味嘅忌廉白湯，杰撻撻，一pat嘢嘅童年回憶湧晒出嚟😁

金鳳其實都有好幾間分店，而我不嬲鐘意揀總店，老店黎食😁所以次次我都係幫襯太子分店🫠但今日係尖沙咀做完運動，所以就去尖沙咀分店😨原來呢間分店大得黎，坐得舒服，餐牌仲有好多太子分店冇的選擇😍例如有幾款沙律提供，燒牛肉沙律燒豬脾沙律同埋胡麻醬雞肉沙律😍仲有多種小食例如：金鳳懷舊炸曲薯條，炸魷魚圈，吉列炸蝦等等蔬菜方面都有芝士焗西蘭花同馬拉盞通菜，選擇非常多首先湯方面可以加$20選擇龍蝦湯，蝦味濃郁,值得一試餐包熱辣辣上碟，軟熟好食😋牛柳方面我叫五成熟加蒜蓉係金鳳特色☺️

有成兩個月都無鋸扒 , 每當諗起想平平地鋸個靚扒時 , 除左平價連鎖大家樂,大快活,美心果D之外 , 就一定會諗起金鳳先大大話話都幫襯過好多次 , 但就未幫襯過尖咀佐敦果間分店 , 既然今次咁岩出開去又係附近 , 點可唔試?該分店位於山林道 , 佐敦MTR一出行3分鐘就到 , 位置方便門面光猛大字 , 港式扒房風格店舖餐枱20餘張 , 大約容納80-100人 , 環境不算迫狹 , 預期中的整潔樓面阿姐都算幾有禮 , 唔會渣渣淋趕頭趕命敷衍下你可能入場時正值8:30pm左右, 為晚餐時間後段 , 唔駛等位直接入內裡油煙肉味亦唔算太重,  可以接受目測餐牌同其他分店均一式一樣 , 有其他小食,飯意粉等提供同朋友各點了一個扒餐餐包暖暖地又軟熟  , 紅湯味道正常 , 雜菜豐富T骨牛扒餐($168)(6成熟) - 淋汁果一下,渣一聲,食鋸扒梗係要有呢PART啦如圖所見又厚又大塊 , 目測都有250G以上 , 肉味香濃出眾 , 適合一眾怕唔飽既人士帶子牛扒餐($168)(5成熟) - +2蚊 加生蒜並配以蒜蓉汁 , 汁香肉質較多脂肪 , 對比較鍾意食肥D既人士口感更為理想帶子兩大粒 , 沒有腥味