金鳳大餐廳 (山林道)

营业中

休息中

行行下街不知不覺差不多9:00仲未食晚餐，即刻搵下有咩食，經過老字號金鳳大餐廳，有50多年歷史，以鐵板牛扒為主打，多款扒類，親民價格，有數間分店，而呢間山林道分店，有緣來到一於試下。餐廳面積頗大，實用的設計，似茶記，牆上多是餐牌及雜誌介紹，卻有種懷舊之感。餐牌，多款扒類之餘，小食都有好多選擇。餐包，微熱。羅宋湯，好大碗下，雜菜份量十足，酸中帶甜少許微辣。西冷牛扒餐，$138。 鐵板燒，配洋蔥汁，要5成熟，好大件西冷牛扒，肉厚，口感爽滑鬆軟，懷舊港式鐵板燒的味道。失敗之處，薯條壓到腍晒，口感變左薯蓉...爭點。黑牛，跟餐+$18，可樂+朱古力雪糕，味道普通，純粹想懷舊一下。雪糕紅豆冰，跟餐+$18，友人的。食物味道不俗，都幾抵食，服務態度正常，平平地食扒之選。

係太子長大既我對呢間餐廳並唔陌生可以話由細食到大對於細個既我, 西餐既定義就係金鳳排好耐好耐既隊等阿叔叫位入到去餐廳係煙霧彌漫, 靠台面塊格仔枱布鎖定張枱係邊左邊一陣蒜蓉味.炸~~~右邊一陣黑椒味.炸~~~店仔細細非常溫馨換左時代, 金鳳有幾間分店都坐得舒適多位又唔洗排咁耐隊, 從前既格仔枱布無左變左店員身穿既格仔恤衫*忌廉湯*雖然賣相無特別, 但絕對濃郁唔會水稀稀咁*牛柳餐*牛柳配左黑椒汁, 黑椒濃而不辣. 牛柳口感嫩滑, 滿滿既肉香不過就熟過要求既5成好多*T骨牛扒餐加蒜蓉*T骨牛扒份量十足, 遮住全塊鐵板蒜蓉的香味瀰漫整道菜同牛扒完美結合左, 每一口都散發著濃濃的蒜香但又唔會喧賓奪主扒餐會跟適量既薯菜係扒底, 吸晒d汁同牛味. 好鬼正

經過尖沙咀山林道，呢一度，就一定會入去試吓金鳳大餐廳，開咗咁多年歷史質素有保證。餐廳裏面餐牌有唔同嘅配搭，同埋怕累，如果點牛扒嘅話，侍應會問你幾成熟，今次叫咗集扒餐同埋牛柳餐，牛柳餐要七成熟。點餐冇耐已經上咗餐包，餐包夠熱，同埋有牛油。冇幾耐上咗個湯龍蝦湯同埋羅宋湯兩個到10分有味道，夠濃。扒餐到10分唔錯，有得揀黑椒汁同埋燒汁，我同朋友都揀咗黑椒汁。肉質非常之淋，而且非常有玉香，份量更加係驚人，真係要一個男人先食得晒一個餐。集扒餐油雞翼，牛扒，豬扒香腸同埋火腿，如果女仔細食的話可能兩個人分享一個餐都可以。而且底下嘅薯條同埋菜類吸收晒所有汁嘅精華10分好吃。Best steak in Hong Kong !

地道抵食港式扒房，想食平價鐵板鋸扒，呢間就會係on the list，服務同環境都好港式🇭🇰不過以我所知，呢間分店嘅環境已經算舒服1️⃣ 每月特選晚餐 $178 ⭐️7.5/10牛油餐包及是日餐湯，蟹籽雜果沙律，比目魚扒拼西冷牛扒，意大利配方雪糕，餐飲👦🏻餐包餐湯同沙律都係典型香港茶餐廳感覺，正正常常，比目魚炸幾好，冇乜骨，夠味，有油香，牛扒冇乜牛味，有醃過嘅黑椒味，不過唔嚡，幾鬆軟，洋蔥汁好食，點綴成個餐，再加兩蚊蒜蓉，畫龍點睛，整體性價比不錯👩🏻個沙律好難食🤯炸比目魚有啲多粉。牛扒好彩加咗蒜蓉，同兩個汁都好夾！份量都幾多2️⃣ 西冷牛扒餐 $138 ⭐️7/10牛扒同上，不過黑椒汁唔夠甜味同鹹味，多黑椒嘅辣味，整體唔錯--🚗條街好多咪錶位，不過應該俾人泊哂，泊路邊抄唔抄牌就睇緣份啦Food: 7/10Environment: 6.5/10Service: 6.5/10Price: 7.5/10Overall: 7/10💸 ~170 pp

由旺角買嘢買到尖沙咀，終於買到自己鐘意的東西，朋友話有的肚餓問我想食乜嘢，即刻回應我想鋸扒，睇睇OpenRice 附近有金鳯大餐廳，一於就去！到了金鳯回憶返晒出嚟，真係都好耐無嚟，坐低睇吓menu舉手搵服務員姐姐落單，貴族牛扒（美國牛肩肉）另一個招牌牛柳餐兩個都係鐵板上。好快就先來餐湯，羅宋湯酸酸辣辣，甜甜好醒胃，餐包搽咗好多牛油好香好好食，不過有啲罪惡咁。兩個鐵板一齊到，店員姐姐貼心地叫我哋攞餐巾遮遮住佢，免得整到。🤭我要黑椒汁朋友要蒜蓉汁，當落汁嗰吓鐵板應該燒得好熱喳喳喳聲，咁樣先至係叫做鋸扒。牛肩肉都好有厚度，我最鍾意嘅5成熟，食落口肉味夠香，肉質鮮嫩。再試牛柳，一大啖放入嘴裏面，口感非常滿足😋肉質鮮嫩可口。餐飲即磨咖啡，夠香夠濃，金鳳不愧為老字號，出品有一定嘅質素，下次有機會一定再來。金鳳大餐廳 (山林道) (尖沙咀)尖沙咀山林道9號A地下

📍金鳳大餐廳除咗呢間尖沙咀分店，九龍城、荔枝角、荃灣、屯門、太子都有㗎😀位於山林道嘅金鳳，一睇就覺得好有格調。🔻裡面設有卡位、方枱，枱局都好闊落。🔻食物嘅選擇好多，但呢度始終都係主打鐵板，我地就嗌咗兩個「每月特選晚餐」。🔻1. 蟹籽雜果沙律呢種沙律係係好懷舊😮有青瓜、雜果、蟹籽混沙律醬。🔻2. 餐湯餐包冇諗過兩碗湯咁大碗。羅宋湯嘅雜菜好多料👍🏻餐包嘅牛油本半熔，呢個狀態嚟講真係好邪惡！🔻3. 比目魚扒拼西冷牛扒（一燒汁、一黑椒汁）牛扒好大塊！我地都揀咗五成熟，佢比較薄切，所以淋上兩款汁更惹味入味。比目魚扒魚比較細塊，但香煎之下，柔嫩而鬆。🔻4. 熱朱古力本身甜度已經夠，唔洗落糖都可以。落到最尾都冇乜朱古力粉。🔻5. 甜品：雲尼拿雪糕🔻每人$178連加一

今日陪3年無返過香港既表妹行街食野，佢話想去鋸扒，我就毫不猶豫帶左佢去金鳳大餐廳，因為質素有保證。餐廳環境光猛整齊，設有卡位及長枱，座位舒適，唔會有油煙味。餐牌提供多款鐵板套餐，包埋牛油餐包、餐湯和餐飲；另外仲有多款小食以供選擇。餐湯有羅宋湯及忌廉湯，兩款都好足料，美味可口；餐包質感鬆軟。美式什扒餐：好多餐廳既什扒餐都唔會有牛扒，而呢度就有牛扒、豬扒、雞翼、香腸和火腿，份量十足。豬扒肉質軟腍適中、牛扒煎得唔會太油膩、其他火喉都控制得恰到好處。招牌牛柳餐：我叫左七成熟，在鐵板淋上汁後內部仍略帶粉紅色，咬下去肉質好軟腍，口感柔軟而多汁，牛味非常濃厚，配埋黑椒汁，味道層次升級。整體來說，扒餐大件夾抵食，性價比高，所以餐廳一直都人氣高企。

叫肉眼牛扒七成來了三成，亦不見有煎熟的，全是水淡色！服務態度非常一般，沒有道歉，只是取走再煮過。煑後仍是五成熟。 他給我記憶中的好食已成過去，不再返！它已入了我的黑名單😤

👧🏻好耐無食過港式既扒房了~金鳳大餐廳開左都有成50年😆係時候去懷舊一下-🍴貴族牛扒(美國牛肩肉) $208係50周年先特別推出🤭❤️牛扒好厚身同好重牛味 肉質紮實得黎又帶點柔嫩口感👍🏻🍴招牌牛柳餐 $138本身牛柳既脂肪就唔多 所以肉質會比較嫩❤️但又唔會無咬勁 而塊牛柳扒都幾厚幾大塊 好抵食✨😆而牛扒可以簡蒜茸汁或者黑椒汁, 我同朋友都簡左蒜茸汁, 另外仲加$2要多左蒜茸放係牛扒面上, 蒜茸同牛真係好夾 即刻令味道升級✨但如果驚太辣, 可以將d蒜茸放番係d汁度 唔會太辣之餘 都好夾👍🏻🤭所有既扒餐都係包餐湯、餐包同飲品💁🏻‍♀️🥣白湯粟米忌廉湯🤤幾鮮甜🍞餐包好軟身 加埋牛油食 好味👍🏻🍹雪糕紅豆冰 (+$18)🍹鹹檸七 (+$18)2杯都係好經典既飲品🤩📍金鳳大餐廳@尖沙咀山林道9號A地下荔枝角、荃灣、太子、屯門同九龍城都有分店!

美國德州頂級西泠餐 $188之前經過金鳳大餐廳嘅時候，已經比裏面嘅鐵板味道吸引，今次就同朋友夜晚再去食。不過餐廳都幾friendly，有得揀鐵板或者碟上。所以新算着住羊毛冷衫，都唔怕吸味。西冷扒嘅size都幾大塊、$188 嘅會錢算係唔錯。而且仲有得揀幾多成熟，我叫嘅就係五成熟，所以表面就淺色啲。入口肉質都幾林新，容易咬開，唔會太過黐牙。配菜都幾吸引：有熱辣辣新鮮炸薯格🍟 點埋蕃茄汁好正😍 其他菜蔬都好清甜，無加太多鹽/味精，所有配搭得幾好。羅宋湯非常好飲芝士忌廉汁焗西蘭花 $58成件事都係有住家細嘅味道，西蘭花真係好清甜，充滿水份，入口80% refreshing 20%就有芝士忌廉汁帶出味道；算係健康人士嘅chocies 白酒焗紐西蘭青口 $58除咗白酒煮之外，仲可以揀蒜蓉口味，嚇走味道都OK唔錯，青口都幾大隻

今日天氣好凍好啱食扒🤤今次就試下呢間金鳳大餐廳～餐廳環境都幾大，而且枱與枱之間都幾闊落！而侍應都好好人幫我地安排左卡位🤩美國牛小排餐 $183個餐包左餐湯(羅宋湯,忌廉湯), 餐飲,餐包~餐包烘得幾好而且仲好鬆軟🥰另外餐湯方面就正常。牛小排叫咗五成熟，份量好多之餘牛小排亦都好厚身，食落肉質鮮嫩得來又爽口❤️好正🤩鴛鴦扒餐(雞扒豬扒) $118雞扒同豬扒都好嫩滑，雖然用鐵板上，但識落都保留左肉嘅肉汁，整體唔錯👍🏻另外豬扒都厚身，食落唔會柴同韌，反而好嫩滑，呢個真係幾有驚喜🤤🤤都想讚下蒜蓉汁香味幾濃而且蒜蓉味突出，真係畫龍點睛💛令到啲扒更加好食😋蜜味雞中翼 $58總共有六件雞翼，雞翼即叫即炸，所以食落好酥脆～配合埋蜜糖甜甜地幾好食👍🏻值得一讚嘅係落咗單唔夠10分鐘就已經好快地上曬全部嘢🤣真係快靚正得來又抵食，之後如果想食扒嘅話，都會再幫襯～

好耐冇鋸扒就食返金鳯，貪佢多分店但原來每間都好似有啲唔同尖沙咀依間原來唔收咭，明明食過荃灣嗰間會收咭同埋有個套餐叫尖沙咀依間就光猛啲比較多卡位。就算兩個人嚟到都可以坐卡位👍🏻👍🏻我就叫咗什扒餐，朋友就叫咗頂級牛扒餐🤦🏻‍♂️🤦🏻‍♂️佢個塊牛扒有條好長既筋同埋好薄啲口感似食豬扒咁，仲要貴過我個餐我個什扒餐就好豐盛，有一塊成個鐵板咁大既豬扒配手拳咁大既牛同埋雞翼&火腿腸仔好多嘢食仲係咁抵食，牛食落既口感仲好過朋友碟牛🤣🤣果然食金鳳係要食什扒餐👍🏻

話說我和朋友在附近上堂, 見到山林道有金鳳, 一向在荃灣都有食, 就試下啦, 我們見5:30前入座有下午茶, 而我們上堂時間是7點, 便食過下午茶先, 大約6:20, 有個女侍應走過來, 同我地講, 依家係晚市時間, 我地真係俾佢句說話嚇親, 我未試過食茶餐廳有限時, 而且當時大把枱, 不是坐滿的, 若你是滿座的, 門口有人等位, 我們也會盡快離開, 但並沒有! 這個女侍應超級無禮貌, 我地大約6:45便走,  因為我們要上堂, 否則都會入去食tea啦, 但無諗過一間咁既餐廳, 可以用咁既說話對客戶, 如果你有限時, 寫明食下午茶唔可以坐超過一小時, 我地一定唔會光顧, 真係以為自己好多客嗎? 環境又唔係乾淨, 侍應態度十分之差 , 知道你大陸客就返來喇, 但都唔駛咁樣對香港人呀!!!!俾個建議呢間茶餐廳, 唔好做下午茶喇, 同埋記得在門口大大隻字限時用餐, 不得超過一小時, 睇下你仲有無人食啦, 垃圾!!!

同阿女去尖沙咀睇燈飾，提起好耐都冇鋸扒，諗起同事食過金鳳大餐廳 嘅扒餐，讚口不絕話好味又抵食，今晚一於同阿女去試吓！餐廳地方整潔，座位舒適。所有扒餐都配牛油餐包、餐湯及餐飲。牛油餐包，餐包暖暖的，塗上牛油，口感又香又軟熟。餐湯有忌廉湯或羅宋湯，忌廉湯都好大碗，香濃幼滑。 香燒羊扒餐：羊扒五成熟，肉質鮮嫩，肉味濃而不羶，加上以黑椒調製而成的惹味黑椒汁，香味濃郁，十分惹味！鴛鴦扒餐(豬扒加雞扒)：份量十足，豬扒和雞扒超大塊又厚肉，肉嫩入味又多汁，配黑椒汁好惹味。扒餐加16蚊可加配意粉，雖然是加配，但份量亦不少，炒得都好香口。餐茶凍咖啡、凍檸茶，夠濃夠味。

［尖沙咀］香港懷舊情懷鐵板餐朋友話要食扒，我又唔想同佢食平時的西餐，就搵到lee 間被譽為平民扒房的老字號🤤，“炸炸聲” 的鐵板餐，真係買少見少🥲。金鳳以牛扒作為主打，啱曬我個fd 😍。☁️羅宋湯+餐包有紅、白湯揀，我就揀左紅湯，熱辣辣，而且好足料，湯唔會太「嬉」，有誠意的。配軟棉棉加少少鹹牛油🧈的餐包，絕配🤩。☁️美式什扒餐 $125有豬扒，牛扒、雞翼，香腸、火腿，咩都有，滿足晒我幾個願望😆。有黑椒汁同蒜蓉汁可以揀，我就揀左香口的黑椒汁。當侍應倒汁落個鐵板度，聽到“炸炸聲” ，又聞到黑椒汁同肉的香味，未食都已經食指大動😍。豬扒幾好，幾入味，又唔會太鹹，牛扒份量好大，好厚，兩塊扒都好腍，唔會「鞋口」，好鬼有滿足感🥰。☁️貴族牛扒餐 $208（五成熟）Ok wo ，就算鐵板上，都無overcook wo，切開之後又真係粉嫩。肉質口感係腍，但唔係過份的腍，有肉味ge，唔錯的👍🏻。而且餐廳好細心，有順著肉紋𠝹開塊牛扒，等你易d 切☺️。☁️黑牛+$18可樂加朱古力雪糕🍦，點忍🤤飲左它，全日的疲勞都一下子，唔記得咗😆優點☁️上餐快☁️cp值高☁️味道唔錯☁️有懷舊feel整體味道：🌕🌕🌕🌑🌑環境：🌕🌕🌕🌗🌑——