金鳳大餐廳 (山林道) (裝修中)

論餐廳鋸扒比較，講到抵食，金鳳無得輸，試問一百蚊至二百蚊樓下，以平民價錢食一個鐵板牛扒豬扒餐，有湯有扒有飲品，價錢相比其他快餐連鎖店，絕對超值！只可惜地點只有太子，和尖沙嘴，要食只能夠專程去這兩店舖光顧。食品質數，自問在吉吉島買牛扒回家煮食，在沒有醃製下，還需要看買牛扒那部份，如牛柳，肉眼，牛肩，T 骨，西冷等等，一般情況用煎pan 煎出來的牛扒，肉質和口感都不能像街外那種感覺，雖然沒有使用鬆肉粉下的肉質，但始終欠缺專業廚師處理手法後的質感。 而金鳳餐廳處理過的牛扒和豬扒及其它的扒，在醃制過程中，使用的醃制份量有其專業一面，不重手，不會令食家覺得把肉質變得霉霉，不像其它連鎖店，使用較重粉把肉質變得像好彈口，如吃膠肉感，更加沒有吃到一陣粉味，好像亞摩尼亞一樣！今次試了豬扒，感覺很好，沒有跟牛扒比下去，但可惜吃到有骨肉部份時，連骨肉未煮得全熟，這部份是最嫩口，因有少量肥脂，口感最好部份，這裏需要扣分！整體而言，以一間大餐廳所質數，價錢，地方，質量，絕對抵食，值90分，扣10是分店少，算是殘忍過份嗎？再者，假如全港三間連鎖快餐和金鳳在面前，顧客如想吃扒的話，以價錢，質數，質量，抵食，必定金鳳

去左尖沙咀行街又想鋸扒，就去左山林道嘅金鳳餐廳，好耐冇黎過鋸扒，唔知仲係咪咁好食呢我同男朋友都揀左呢個晚餐set餐包中規中矩啦～冇乜特別-羅宋湯，雜菜入晒味，啖啖茄味-忌廉湯，男朋友就話好普通煙鴨胸沙律鴨胸好乾，食落唔新鮮下面個沙律好難食原全唔知自己食緊咩西冷牛扒揀五成熟是常識吧！牛扒肉味濃郁，肉質鮮美，配上黑椒汁同蒜蓉冇得輸帶子就正正常常冇特別，沾上黑椒汁食都唔錯意大利配方雪糕開頭聽到個名都覺得幾得意，但食落口要奶味冇奶味，要甜味冇甜味，好奇怪嘅雪糕

午飯時間幫襯 正常先上餐包同湯點知漏左湯20分鐘食完仲未有餐飲 問職員追單15分鐘後仲未有再問另一個職員 佢粗聲粗氣講：落左單就沖緊啦再15分鐘都仲未有 分明漏左單 附近枱後上嘅都到哂連隔離個客都幫我出聲催單食個快餐 唔通係自助餐咩趕住走 連飲品都等唔切同個收銀員講 啲野未黎齊佢答 一係你飲埋嘩 用半個鐘催你單都唔夠？！最後仲要鬧我痴線打開門咁做生意俾錢買難受咩無下次！

I was walking around and looking for a place to have lunch. The restaurant was so packed and I just thought it might have good food. And clearly not. They just simply served plain white bread, not toasted and no butter. Then the T-bone steak with black pepper sauce was so chewy. I couldn’t even cut it properly, not sure it was because there were still so many tendons or because of the blunt knife. Probably both. The soup tasted like straight out of a can or probably was. The service was okay, no

晚飯時間，在尖沙咀哪裏都是人頭湧湧，本來想吃拉麵，但見門口排隊差不多有20人，於是便找其他東西吃，一路行行到山林道見金鳳門外無人等候，便立即入去！兩個人點了一份牛柳（黑椒汁）6成熟，另點了一客焗豬扒意粉。兩份都加了$15跟餐..所以各有一客羅宋湯及餐包，羅宋湯相當開胃，餐包暖暖的牛柳6成熟..剛剛好！不會太生及過熟！肉質好淋說真的..沒有牛味..但全份都被k.o.了焗豬扒意粉！一般般..豬扒切件上的..沒有骨！這餐不過不失！還有兩杯飲品！埋單只是大約＄180，相當抵食！

日日返工都激到成肚氣，同老公呻下之餘就去到山林道食個晚餐洩洩氣，食個痛快。從外往餐廳內打量，食客多得很，相信食物質素應該是，其實如果係有好高要求的話，我可以告訴你可掉頭走人的。點了兩個相同套餐，來個芝士青口西冷牛扒鐵扒餐，配上蒜蓉汁，賣相麻麻，整體上味道一般。套餐一般有餐湯及餐飽，味道未見突出反觀雞片沙律，美味可味，健康感返晒來去飲宴到最尾多是生果糕點亨用，呢度也不輸蝕，餐送有雪糕，基本送的有荔枝味。如要轉味，可加$2便可選益力多味，抹茶味，芒果味等等。白色的荔枝味及微黃色益力多味，味道濃郁，每一啖都令到味蕾尖叫，食指大動。最後餐飲，多是咖啡或茶。但加多$10便可配特飲。天氣悶熱，消暑一流既菠蘿冰，小小甜，ok架今次试了只是特別便宜的套餐，其實還有很多美食，有什扒，帶子牛扒，龍蝦牛扒，賣相不錯，不防一試。

今日諗住好耐無食扒。走去以前都出名嘅金鳳食個晚餐，五個人食8舊幾水。我同朋友叫兩個牛扒餐5成熟，嚟到兩份都係全熟。一份7成熟，嚟到又係全熟。一個大蝦餐，嚟到又梅又難食。叫個青口有5隻。賣相可以，但上枱嗰吓好臭。朋友叫個雜扒餐，條腸仔浸水仲衰過車仔麵嗰啲。完全無味兼淋到好似食浸水麵包咁。以後都唔會再嚟。唯一正常係餐混同麵包，有個好開頭，無個好結局。最後連甜品都無食埋單走。去大家樂仲好食過佢。堅火爆，攪到宜家轉地方再食。

今日13：33入到來，第一時間落左單，但等到13：50都無嘢到，叫阿姐催單，佢先敷衍你話係要等咁耐，再寸你話你無耐性，話鐵板上係要咁耐要慢慢煎。但我成日幫襯太子和荔枝角嗰間既同一個餐，知道根本無可能咁耐！到13：55再催時佢先話再入過單，張單出到來係清清楚楚寫住13：55，即係根本由頭到尾都係漏單，之前一直都係呃我地話整緊！你漏單咪講句Sorry, 點解要呃個客不停等你？！結果我只係飲左個湯，乜都無食到，放低$100就走左！明明係漏單，呃個客不特止仲要鬧個客，真係好離譜！

今日中午溫習，有陣時總覺得吃東西溫習的效率也高一點。見下午三時左右，是時候增加效率。於是行過去尖沙咀山林道，以前都有在「金鳳大餐廳」吃飯，感覺都良好。我點了原汁牛腩湯公仔麵及凍奶茶。湯腩麵，熱辣辣的。賣相一流，不過份量就不夠。清湯腩好大塊，份量也多。夠腍又夠滑，腩肉味道又不太濃，幾好味。"公仔麵"麵底，食起來不太軟也不太硬，夾雜著清湯腩湯底，有另一番的風味。凍奶茶，冰塊適中，奶茶被融化的冰塊沖淡味道不太濃，都算大杯。「抵食」是在於牛腩好味及份量也多；凍飲也不需要加錢。餐廳環境及衞生可以，座坐夠寛敞，送餐上枱的時間夠快。不過，侍應生服務態度不太友善。

自從多年前喺荔枝角道嘅金鳳中伏完。。已經10幾年冇再幫襯過金鳳。。今日星期日經過山林道有見到間金鳳好似都OK喎就入去試吓(起碼望落環境冇咁迫夾)。。入到去張枱唔會癡癡立立。。當然係整返個午餐試吓啦。。唯一係餐湯唔夠熱。。其他各樣野都OK！凍飲🍹唔使加錢添。。仲係冇加一。。。而且都好多卡位坐👍

由於今日中午飲茶嗰陣食得唔係好夠飽，所以喺下午嗰陣我們同四姨媽就一齊去咗尖沙咀山林道嘅「金鳳大餐廳」食個下午茶！我們叫咗鷄蛋三文治同燒豬脾三文治嘅包質唔算係好軟熟，而且有啲乾身，而鷄蛋就係「凍冰冰」㗎，至於燒豬脾嘅肉質就又乾又硬，一啲都唔鬆軟，真係令我們覺得好失望呀！懷舊鷄脾沙律嘅沙律就不過不失，而鷄脾就炸得外層好金黃香脆，肉質都幾軟滑！至於飲品方面嘅熱檸檬水就認真嚇人，因飲第一啖就覺得有超級濃烈嘅漂白水味，我們同店員講話有呢個問題，佢竟然用極之差劣同無禮貌嘅態度同我們講話：「係咁㗎喇！每一杯都會有咁嘅味，你唔鍾意嘅就唔好飲啦！」嘩！今時今日咁嘅服務態度真係⋯⋯唉⋯⋯

原本約了朋友食飯，但是朋友臨時有事來不了，打算隨便吃就好，經過門口看到有鐵板餐，心想好久未吃過就吃這間好了。進去看到的都是吃鐵板餐，那我也沒有多想就選西冷牛扒。餐湯就是一般紅湯（羅宋湯）/白湯（忌廉湯）讓你選。烤帶子的醬汁好吃，帶子也新鮮👍🏻重點牛排來了，整個牛排份量超級大，差點連鐵板都不夠放。這裡會在牛排上來後問你醬汁要那一款，然後幫你淋上，而且也可以加蒜上去，生蒜不會太辣，配著吃起來比較惹味，但是牛排的部分有點失望，牛排像是腌製過的，加工處理後牛排吃起來是嫩，可是沒有了牛肉味😕最後還有雪糕，是有特定的口味但加$2就可選擇其他。整體來說，牛排來說價錢很便宜，但質素與其他相比就不是很好。

三點鐘接朋友收工一齊去食下午茶，朋友個家姐介紹去呢間度食(不過後來先發現，擺咗個烏龍，佢家姐記錯餐廳名，其實唔係呢間) 但發現嘅時候我哋已經坐低咗，咁就諗住算啦 都坐低咗 下次先食返間啱嘅。 因為仲要食夜晚嗰餐 所以我哋都係諗住叫少少嘢食。我哋叫咗一份炸魚柳拼西多士，一份炸魚柳拼薯條。叫左人嚟落單，有人行咗過嚟，正當我開口想嗌嘢食佢又走咗，隔咗幾秒 再人另一個人過嚟幫我哋落單。有個姐姐嚟上野飲，單手托住個托盤 另一隻手將嘢飲拎上檯面(好正常既行為啦)， 可能係杯熱好立克 斟得好滿，姐姐將嘢飲由托盤拎去檯面嘅過程 整瀉咗啲嘢飲喺枱面， 嘢飲瀉喺枱面嘅範圍 超過一隻手掌，同時亦彈到去我度。姐姐毫無反應，我“接”咗一聲以示不滿，佢依然毫無反應。我正想出聲問佢拎紙巾，我留意到枱面有，於是我自行清潔， 呢個時候佢先至好冇誠意咁講句對唔住。我唔要求要咩服務態度，但我認為 你整瀉咗又整到個客，點都應該表示歉意，點解可以咁毫無反應

路過金鳯，再入去試下佢其他下午茶。今次點了個鷄肶薯條，希望唔會好似上次禁叫星洲炒米黎左過火腿炒米一樣令人失望。個餐來時個樣完全唔吸引，個樣就exactly 係以下幅相個樣，全部側埋一邊，亦都無任何配菜，例如一片青爪蕃茄之類。我差點想問個侍應，d薯條係咪送餐時掉左幾條落地。論味道，雞肶較細隻，夠熱，但可能冇醃過，無乜味。薯條唔錯，夠熱，都幾好味。個歺二十六蚊，性價比高唔高，見人見智啦。

叫了個星洲炒米，食物到左後我覺得有點奇怪。因為我見到的只有火腿絲和米粉。我嘗試用义番開裡面，但點解搵唔到义燒、蝦仁、蛋絲同埋牙菜嘅？！我再望番個餐牌，又再望下我張單。無錯呀！我係叫左星洲炒米㗎喎，點解來了這個火腿炒米架。老實講，金鳳主打食扒，本身就不應該對其他食物有太高期望，但見到這個食物賣相就真係唔係太開胃啦。雖然係下午茶，三十一蚊一個歺，包埋冷熱飲品一杯，但一個星洲炒米應該有嘅基本材料都無，就隊比個客人食，廚房炒個個好有問題，出歺送歺個個又唔睇清楚，做野非常馬虎。今時今日禁嘅服務態度太令人失望了。不過，好彩同個女侍應反映後，佢好好人，比我換過另一個餐。