金鳳大餐廳 (山林道) (裝修中)

叫了個星洲炒米，食物到左後我覺得有點奇怪。因為我見到的只有火腿絲和米粉。我嘗試用义番開裡面，但點解搵唔到义燒、蝦仁、蛋絲同埋牙菜嘅？！我再望番個餐牌，又再望下我張單。無錯呀！我係叫左星洲炒米㗎喎，點解來了這個火腿炒米架。老實講，金鳳主打食扒，本身就不應該對其他食物有太高期望，但見到這個食物賣相就真係唔係太開胃啦。雖然係下午茶，三十一蚊一個歺，包埋冷熱飲品一杯，但一個星洲炒米應該有嘅基本材料都無，就隊比個客人食，廚房炒個個好有問題，出歺送歺個個又唔睇清楚，做野非常馬虎。今時今日禁嘅服務態度太令人失望了。不過，好彩同個女侍應反映後，佢好好人，比我換過另一個餐。

山林道上，要數平靚正餐廳的話，金鳳應該會入選。這是間老字號的「豉油西餐廳」，即使現在已經加了價，即使食物的份量已沒以前那麼多，但相信仍是三甲之選。我最喜歡下午茶時段那些炒粉麵餐，不過並非款款都有水平，我較喜歡沙爹牛肉炒河粉。大大碟但不油膩，配料豐富，有青紅椒粒、洋蔥、芽菜和少許韮王。河粉的質地軟硬適中，條條分明沒有斷。今日的牛肉做得有點遜色，稍稍韌。至於炒河粉的靈魂沙爹汁，份量多而惹味，少少辣但味道很濃，兜勻了河粉來吃，滋味無窮，連熱飲只需$31。其他款式我試過星洲炒米也不錯，焗肉醬意粉則一般，不過亦有不少粉絲捧場。這裏的餐牌，標明下午茶無加一，最低消費$19，但冷飲亦不加費。年青食客最愛雞脾配「撈起公仔麵餐」、薯條或沙律餐。大大隻雞脾，香氣傳過隔離檯，連飲品也只是$28，實在抵食。

OT到傻咗放工返屋企都冇飯食了唯有喺公司附近食埋先返去我一路都唔知原來附近有間金鳳行過見到勁興奮即刻入去食忌廉湯麻麻地，不過我鍾意食餐包時點吓湯主角-招牌牛柳。5成加生蒜係最最最最最重點🎉🎉🎉倒沖時「炸炸」聲係細個最開心ge時刻☺️☺️☺️平民据扒👍🏻👍🏻👍🏻其實我好鍾意佢杯細細杯餐飲平時正常size餐飲我係飲唔駛的咖吓size對我岩岩好👍🏻👍🏻👍🏻當然，如果想飲正常size都可以加大番ge😙😙😙

出尖沙咀攞完特區護照，行完街都差不多到六點。為咗避開晚飯等位人潮...決定去山林道間『金鳳』食個早飯。据個靚扒！我同家人分別叫咗一個$78鐵板雜扒同我既至愛...$82鐵板招牌牛枊七成熟加$2生蒜。個雜扒跟以往一樣有腸仔、厚火腿、豬扒、同大大塊既薄切牛扒。至於個牛柳...同之前一樣...好林好juicy！不過鐵板上面既薯條就比以前少咗好多。扒餐之前跟甜品有jelly或者雪糕，但依家已經取消咗𡃤。如果要雪糕要額外加$10。餐飲就由原本細細杯轉咗用大杯。扒餐仍然做得不錯！👍👍👍不過服務方面就大不如前！落錯單order溜單之餘...服務態度又欠佳！

說到老扒房，金鳳必然在列表上，聞名已久，終於得見廬山真面目。太子的金鳳應該是首店，每次午飯時候經過，門口總是有着一群人等候入座，而旁邊的餐廳卻未見這情況，心想食物質素應該不錯。這次去的不是首店，而是位於尖沙咀的分店，有點意外星期日晚上客人寥寥可數，立即把期待收了收，以免中伏的時候太震撼個人認為羅宋湯好不好喝很視乎它的味道有沒有辣，沒有辣的再好喝還是覺得有欠。這裡的羅宋湯是甜重酸輕，沒有辣，我又不怎麼愛吃甜，喜歡不來。然而我也不討厭它，至少它沒有稀如水，還是有個味道，紅湯還是白湯，再一次我依然選它。餐包有被加熱成微暖狀態，質感非常鬆軟，鬆軟得即使吃一整個也不怕主菜前吃太多，甚有空氣麵包風範，但是本來多了也吃不下，如此鬆軟實非壞事，塗上牛油還是一個好包。這種牛形鐵板大概是老扒房獨有的標記，鐵板一上，自動執行指定動作──翻開紙巾拉着兩角放在自己面前。侍應按客人選擇倒下在壺裡的醬汁，接着滋滋聲四起，煙霧騰升，食用獸準備就緒！我點的是蘇格蘭肉眼扒餐，它與西餐廳的肉眼扒口感有別，這裡的重點不是落在牛肉本身的質素，不是着重牛肉的味道或肉汁，而是質感出乎意料的軟嫩。這種軟嫩顯然是用什麼把肉醃過造成，並

今日去開九龍公園做gym 求期想去一間野吸收下蛋白質....就入左去呢間港式西餐廳度食....都算幾多人食緊果時都開始有點人係度等位叫左一個西冷牛扒餐五成熟碟上份量都算好大下仲有得叫黑椒汁同蒜蓉汁簡切開都叫ok 但就一定唔係五成囉肉味都有 不過都係有鬆肉粉嘅感覺 $78 蚊貨仔甘大塊都算係甘啦...不過食食下有好大舊筋係中間😂😂😂😂反而友人唔係好餓叫左個公司三文治幾好食又有雞又有牛 又好有芝士味不過無影相特別gei 伙記係呢d 餐廳態度差就梗架啦仲要係佢個餐茶唔加三蚊加大 真係好細杯lo 係普通一坐比杯水你果個杯個大細洗唔洗賺到甘盡先D 茶好貴咩😅😅😅

曾經是我看不起的餐廳，今日卻是我最常去的餐廳之一，它就是山林道的金鳳。看見這裡的評價，劣評多過好評，我不敢說食客的眼睛是否雪亮，但是我從未試過其晚市，一直以來，只會在午市到訪。因為我公司在附近，所以成為了我半個飯堂，差不多每個星期，起碼來一次。價錢便宜是一大主因，試想想在今天百物騰貴的香港，仍可以用＄42吃個一個有餐湯、有主菜，凍飲不用加＄2的午餐，而且在尖沙咀區，還想怎樣？撇除價錢，就說其午餐水準，的確令我喜出望外。尤其是焗飯，不論是豬扒或雞扒，即叫即製，上檯時新鮮熱辣，飯底是炒過，茄汁完全蓋過主角，豬扒或雞扒水準恰如其份，連餐廳凍飲只須＄42，便宜過連鎖快餐店之餘，水準更有過之而無不及。炒豬扒公仔麵，說實話不過爾爾，勝在夠鑊氣。另一樣我最常吃的，是焗肉醬意粉，只限假期才供應的午餐，當然是即叫即製，燴過的意粉與焗得帶焦的肉醬混在一起吃，滿足。貪快的話可以叫個扒餐，或者咖喱牛腩，通常我會吃魚柳，配個炸波浪薯條，港式就港式，擺明居馬你怎有位入去批評？無非，我自己想吃炸薯條而已。每次我只喝白湯，也許是小時候的情意結，一紅一白，我通常揀白，不論是甚麼華盛頓忌廉湯，或雞肉忌廉湯，總之我一定投白

金鳳是吃平價鐵板牛扒的好地方，80多元，有餐湯有餐包，再加凍飲。但今天晚上，餐包是凍的，可能員工太忙沒有把麵包加熱，吃鐵板牛扒總是會想起到金鳳來，當然牛扒是沒什麼牛肉的味道，但這就是童年時覺得很豪華的大餐，偶爾便會想起黑椒汁在鐵板上「喳喳」的聲音及香氣，縱使餐後會把衣服都沾上油煙味，都會幾個月來一次

好久沒吃金鳳, 碰巧在尖沙咀收工, 便到佐敦吃一次次次來都是鋸扒, 上次食過塊鹹得過份的牛, 吃了3啖便沒吃跟店員反映亦無動於衷, 實屬無奈還是點了牛柳跟肉眼, 一定要多蒜, 飲品一定要加大是常識吃了還好, 不過不失, 終於一洗上次那塊鹹牛的壞印象

早前同事已經講左幾次話帶我去金鳳食扒，終於今晚返工前同同事黎食，我同事自己食過幾次覺得好正，所以介紹我黎食！今晚兩個人，都係點左【牛柳龍蝦餐】，配牛油飽，個牛油飽無特別，餐湯有龍蝦湯，個湯就好重龍蝦味，不錯不錯，唯獨覺得湯唔夠熱，應該係我個人麻煩啲，飲湯鐘意飲好滾既湯，所以飲暖湯感覺麻麻地，同埋因為我食牛肉唔鐘意有血，所以我要8成熟，同事要7成熟，大家都要蒜蓉汁，另加生蒜（加$2），另外半隻龍蝦都還可以，芝士汁內有煙肉同洋蔥，蝦頭都算多膏，本來個餐有跟一杯紅酒，但我地唔要紅酒，轉左杯大凍飲。同埋個扒餐唔係用鐵板上，我覺得有點失望😢另外仲點左份芝士焗珍寶蚌，我真係覺得呢個超搵笨，$42/2隻，但我除左食到薯蓉，煙肉，青椒，請問說好的蚌呢？蚌肉切碎晒，但我食左一隻蚌，只係見到裡面得一粒蚌肉碎咋，所以呢個超唔抵食👎🏻今餐唔係AA制，同事埋單，確實幾錢唔知道，但問個侍應佢話$4xx，真心講，呢間只算不過不失！

尖沙咀山林道金鳳自從新裝修之後都無去過，入到去感覺非常光猛，又整齊乾淨，不過都係依舊嘅餐牌。叫咗兩個鐵板餐，一份牛柳，一份西冷，牛柳五成熟，西冷三成熟，一碗羅宋湯，一碗忌廉湯。羅宋湯味道只有一般嘅酸味，不過個忌廉湯就真係無味。三成熟嘅西冷入口的確幾好，好嫩口，又唔會好多血水，又好大塊，好抵食。五成熟嘅牛柳就唔太好，口感都嫩，不過食到三分之二發覺有啲包裝嘅膠同埋有啲酸，所以無將剩反嘅三分之一完成。最後就係，有個員工無啦啦喺大家用餐嘅時候拎櫃上面嘅紅酒抹，搞到周圍都係清潔劑味同塵，非常影響食慾！

金鳳這個金漆招牌已經有幾十年的歷史，相信橫跨三代香港人都認識這間扒皇之冠的食店。不過，普通朋友都比較喜歡到荔枝角道總店。感覺更為親切，回味一下過往的美好的時光。然而，山林道這間分店，不經不覺已經經營了超過十幾年。因為早上到附近開會，亦趕不上先吃早餐。所以散會後，就決定前來探望多年沒來的食店，看看它有什麼變化！到訪過金鳳的客人，必然認得他們的特色餐牌。原本想吃扒餐，但時間太尷尬了。因為當時已經是下午四時多，看到四周食客正在享受下午茶；於是居然給我發現他們有干炒牛河。立即下單，嘗試在金鳳第一次不吃扒餐的經驗！據說，檸檬水能有美白消脂抗氧化功能，所以當然要喝一杯⭐️主角來了！賣相一般，不過對於非常飢餓的我來說，味道才是王道。噢！實在太美味吧！不消10分鐘已經吃光了這碟干炒牛河！

在尖沙咀行街，久違了的山林道，經過見到有好多人等位，門口都塞滿了，原來當時正是下午茶時間，門外玻璃貼上下午茶餐牌，今時今日還有二十幾元，真的非常便宜，所以決定試下都無所謂啦。都是一般茶餐廳設計，沒有什麼特別，但地方都算乾淨，因為茶餐廳我不是間間會去，最怕通地垃圾，而這店都算幾好，乾淨又價格便宜，怪不得有這麼多顧客啦。餐牌有經濟實惠的下午茶餐，連凍飲都不需另收費，很罕見。我們選擇了西多士(半份)配炸雞脾及沙嗲牛肉炒河，兩杯凍檸茶。西多士內裡有花生醬，提升口感，更美味。炸雞脾香脆可口，雖然不是很大隻，但炸得非常脆且有咸香味，很惹味。香濃多汁的沙嗲牛肉炒河，份量很多，沙嗲汁惹味，配菜有洋葱青椒，大大塊牛肉，嫩滑鬆軟，不會炒得過靱，超好味道呢！

金鳳大餐廳真係聽得多，試就係第一次，今次朋友話想食据扒，咁就諗住平平哋食呢間。一去到都非常之多人，環境當然冇貴價餐廳咁好，但偶然去試吓地道扒房都不錯。帶子牛柳餐$120，飲忌廉雞肉湯，個湯就真係麻麻，味道好淡，飲得出係罐頭湯，而且非常之清。叫咗七成熟嘅牛柳配燒汁，用舊式嘅鐵板上，醬汁倒落鐵板時會有渣渣聲，大家要即刻攞張紙巾擋一擋，細個嘅回憶值得返晒黎，牛柳都有驚喜，肉汁夠多，唔會un，牛樓夠厚身但仍然保持嫩滑，帶子都不錯，大大粒，咁嘅價錢有呢個質素我覺得可以接受，份量啱啱好，起碼唔夠飽先。

星期六同朋友去完九龍公園游水, 好肚餓, 諗左一陣去邊度醫肚, 最後同朋友決定去金鳳回味下學生時代嘅其中一間飯堂😁雖然我地學生時代常常食果間係灣仔嘅金鳳, 不過今日去尖沙咀呢間食, 味道都仲keep到, 而且份量都冇變, 一樣咁抵食夾大件👍其實金鳳d牛扒用料唔算十分靚, 不過味道都算唔錯, 最緊要係果份回憶嘅味道😄 相約舊同學聚餐一流😂甜品都係雪糕好d😌5成熟啱啱好😋隻帶子冇諗過咁大隻👍懷舊沙律😂羅宋湯靠得住👍餐牌依舊😁100蚊有找, 而家好少餐廳有🙈