金鳳大餐廳 (山林道) (裝修中)

今日晏晝，突然好想食扒。所以就平平地去金鳳鋸扒，我大概2點凌去到。要2:30pm.先有下午茶，所以就唯有點午餐食。不過，留意返下午茶無鋸扒嘅套餐。午餐，我同同事一人點咗一份午餐。一份A. 黑椒汁牛扒仔 $46 同埋一份特別午餐薄T骨 $58呢個價錢仲有西湯、餐包同埋餐飲，餐飲凍飲都唔洗加錢。餐湯都幾有誠意，好足夠。餐包都係暖暖地嘅，搽埋牛油牛油溶埋仲好食。^ 黑椒汁牛扒仔午餐關係，唔係用鐵板上。薯條都脆，不過就好似薯條碎咁。牛扒仔都OK, 肉質唔鞋唔UN，有肉味。^ 薄T骨 真係好薄，肉質好淋，同牛扒仔。我覺得牛扒仔好食啲，塊T骨太薄，無咩口感，肉味唔濃。整體嚟講，食物OK，份量好夠。

自從寫字樓搬左後，好耐都無來過呢度附近了，今日難得放假，約左啲舊同事傾計，一於去以前嘅飯堂金鳳食個扒。我一向鍾意食牛柳，貪佢夠淋，今次都唔例外，依然係咁好味，加埋蒜蓉香噴噴，正!朋友叫左個牛小排，好大份好跨張，無牛柳咁淋，但勝在牛肉味香，原來而家配菜有炸薯格，好驚喜。另外仲叫左個叫做貴族牛扒餐，聽啲侍應阿姐講係新出的介紹比我地食，我初頭以為呢啲老舖唔會有新野，原來都唔係。即管叫份來試吓，嘩呢個真係值得試，外面煎得脆脆地，一切落去好多肉汁，肉質夠淋肉味濃，下次我都要叫番份食吓。題外話，隔離張枱傾傾吓計開心過頭倒瀉左杯凍檸茶落個身到，啲侍應阿姐拿拿聲拎住啲紙巾跑過去比佢抹番件衫，又問佢要唔要濕毛巾，仲問佢要唔要幫佢換位，雖然啲侍應阿姐講野大聲啲，但勝在夠真情，有人味，真係難得!

金鳳出名就就鋸扒，去過太子同Ｄ２個間，感覺好唔同，今次路過尖沙咀呢間，見下午茶時段都有D人流，下午茶廿幾蚊起，香港地邊到搵啊。入到去都有幾個姐姐係到，態度好好（雖然上網時時有人踩呢間野既服務，但我反而覺得佢地服務好過好多同lv既餐廳）見隔離檯有客食唔哂, 姐姐都會走去問佢係咪覺得唔好食啊, 係咪有咩問題, 跟進下。會主動問客人跟進真係好驚喜。環境就唔好要求太多，可能下午茶時段，無太子個間咁大油煙味天氣太熱，叫左個泰式雞扒撈檬開下胃，泰式雞扒撈檬　$36 有埋野飲，真係好抵。酸甜味岩岩好,叫多醬汁又有比夠，雞扒有驚喜！唔係ｈｅａ煎，真心好味。份量又足，唔係下午茶ｄ迷你size我地２個女仔加埋$15 加埋餐包同湯, share岩岩好下午茶咁既價錢同質素真係好滿足，可能本身入港式餐廳食泰式野無expect too much。美中不足就係光線稍暗，無戴眼鏡睇個餐牌有少少吃力

以前吃過，不過好耐無吃，今日又重回舊地當然要到此一遊，12時左右來到，見唔多人，一個人可以靜靜地吃下飯，拎起餐牌見到多了好多選擇！價錢也不是多了很多！適合我la D鍾意有得揀嘅人，樣樣都想吃！鰻魚蛋包飯$55，有湯有包有嘢飲，依然凍飲唔加錢！Good！鰻魚係原條的，果然揼本，蛋包飯的蛋好滑又熱辣辣，撈埋d飯 一流，而且賣相靚咗好多，無以前咁醜樣！味道無變、侍應姐姐都無變！淨係我變咗！下次一定會再嚟，因為仲有其他款未吃！

早幾日行過山林道，見到有間餐廳食扒既，打算入去試下，一入到去安排位置之後，睇一睇個餐牌，嘩，竟然好多元化，不單止有扒類食，仲有好多不同既飯同意粉，仲有波士頓龍蝦牛柳，仲有特選晚餐，真係花多眼亂！原本打算食豪d整個龍蝦食下，但係最後吸引到我既係新推出既貴族牛排，因為小弟比較喜歡食牛肩，貪佢肉味濃，所以我就決定試下呢個慶祝50週年既貴族牛排啦！首先黎個羅宋湯配餐包，羅宋湯夠濃，味道幾好！餐包夠熱夠軟！讚！主菜到啦！見到擺碟都已經有落心機，意外地配上薯格，食落去夠脆味道唔錯！到塊貴族牛扒啦，叫左4成(小弟鍾意食偏生)，表面雖然好似熟，一刀切落去，正啊！d血水係咁標出黎，食落去夠淋之餘肉汁好多！肉味又濃！呢個價錢食到呢d牛排，簡直扺到爛！最後飲埋杯餐茶趕時間翻屋企拿拿聲比錢走，準備出門口之際有侍應叫住我，原來我成個公事包漏低左，好彩佢叫住我，之後仲要好禮貌咁講唔洗客氣，多謝您光臨！整體而言，食物幾好，環境都唔錯，侍應服務不俗，下次真係要黎多次會一會呢個貴族牛排同波士頓龍蝦

平時都會同朋友去金鳳食晚飯鋸扒，今日約咗個朋友晏晝吹水，諗住食完晏，就去附近行街，所以就去咗尖沙咀呢間金鳳。因為朋友遲到，我冇等佢就點菜，估唔到佢午餐有一個越式蔥油豬扒飯，於是即管試吓，雖然佢係扒房，呢一個越式飯又做得幾出色，啲蔥油好香，豬扒軟熟，好有水準，個豉油仲話係自己調校過嘅，特別香濃。朋友姍姍來遲，到步時已經可以叫下午茶，嘩！一睇佢個下午茶餐牌！嚇我一跳！竟然超過50款選擇，真係有啲眼花撩亂，唔知點揀好，不過我已經好飽，就等我個friend自己決定吧！下午茶餐$22就有交易，仲要唔使+1 ，最正嘅係夏天大熱天時，凍飲唔使加錢！我一向覺得出面餐廳凍飲要加錢，係好荒謬嘅，以前話+5毫子，而家就要加成$3 ，真係好誇張！咦，原來佢加$15 ，仲包埋餐包同埋餐湯，我好鍾意飲佢個羅宋湯，咁又真係幾抵食。一定夠飽添！最終朋友揀咗星洲炒米，都係大路嘅炒粉麵，香港人始終都係鍾意食呢類，我偷咗幾條嚟食，味道都唔錯，以下午茶來講，佢個份量都算大。可能因為抵食嘅關係，佢下午茶時間，都幾多人，不過我哋坐到邊位，又可以用平嘅價錢享受美食，同埋吹水，真係唔錯。等我下次都嚟試吓佢個抵食下午茶先！

今日我同幾個朋友去了尖沙咀山林道，經過金鳳餐廳見到下午茶餐幾吸引，于是同朋友一齊入去食下午茶。進入餐廳見到都有好多客人，侍應禮貌地安排我們入座。因為我們未食午餐，所以選擇了比較飽肚的粉面餐。值得我們讚的是下午茶餐可以加$15選擇羅宋湯和忌廉湯，讓我們錯過了午餐時間都可以食返夠份量的下午茶餐乾炒牛河即叫即炒夠獲氣，少油，夠份量，三十幾蚊就可以食到，水準絕對比得上酒樓。牛腩撈麵：牛腩份量足，面的腍度剛剛好，清甜的牛腩汁撈麵一齊食超正👍雞扒撈麵：雞扒嫩滑多汁，配野味的汁一齊食也是絕配星洲炒米：師傅炒得好均勻，一上枱就散發一陣陣的咖喱香味。 我仲加了一碗$15羅宋湯，好多蔬菜，冇肉，好濃的番茄味，酸甜度剛剛好，好滿足的一餐，價錢又平又正，下次會再嚟幫襯，聽朋友講金鳳香港已經有四間分店了，真心希望各區都有得食。

前兩日下午茶時間行過山林道，想揾個地方食飯，見到金鳳餐廳有好多款下午茶又好抵食。喺呢度牛扒就食得多，下午茶就真係第一次，所以決定入去一試。一睇 menu就見到我的至愛❤「蕃茄豬扒焗飯」，當然即刻落柯打啦。等咗十分鐘左右，熱辣辣嘅焗飯就上枱啦。第一啖食落去，塊🐷豬扒又厚又多汁，茄汁鹹甜適中，唔會過酸，仲配有炒飯底，做法都算認真。這餐飯只係$36，仲有野飲，好抵。宜家又平又好食嘅焗豬扒飯，真係買少見少啦。走之前見到隔離枱個豬扒包配雞翼都好吸引，下次要試下。

今日路經山林道，眼見呢間餐廳門口餐牌寫的午餐種類幾多，有湯有餐包仲有嘢飲，價錢又幾相宜，望落幾抵食，就即管入去試一試。 午餐款式多，左揀右揀選了鐵板牛肉炒河，送餐速度都幾快，好快就上左羅宋湯和餐包，湯酸酸辣辣好味喎，個包暖暖地幾鬆軟，等左一陣鐵板牛肉炒河來啦，賣相唔錯喎，之後問侍應姐姐有無辣椒醬，居然有喎，炒河配辣椒醬，最後飲品叫左凍檸茶，味道一般啦，勝在凍飲唔使加錢，埋單只係$48，性價比高，會有下次。

Another very local hk style steak house but recently they have renovate and the whole place is cleaner and smells better than it use to be hahathe soup was better in the pass. It is way too sweet this time. I couldn’t take the second sip if u like garlic ! You have to add it additional the steak was delicious but you can definitely tell they add some thing to make the meat soft the dessert 🍨 was okay” I like the look more than the taste these little ☂ umbrella remains me of my childhood~ it’s a

由於朋友趕時間係山林道返學，於是乎約咗係金鳳快閃鋸扒.即使深水埗金鳳，我都從來未幫襯過，聽太多朋友講中伏經歷，所以一直無打算幫襯.朋友點咗個什扒，我點咗羊扒，朋友點黑椒汁，我選蒜蓉汁.由於沉醉於紫微斗數同八字話題之上，坊間成日話食到肉鬆粉，我又食唔出，什扒嘅火腿片比平時超巿賣嘅火腿片厚，羊扒肉嫩份量無偷工減料，合格！而蒜蓉汁味道帶味，係我中意嘅味道，開正我口味.相比起飛鷹，山林道嘅金鳳絕對更出色，最起碼塊鐵板係熱到辣手，蒜蓉汁落到鐵板會發出"咋咋"聲，而且薯條份量比飛鷹多三倍，侍應又唔似飛鷹咁 hea，滿意啦！

記得之前都成日幫襯，唔知係咪同太子總店有分別，我一向去開太子嗰間食...山林道這間，好幾年前食過，都👌🏼嘅！但琴日食，唔知係咪假期人多關係，質素同之食嘅好唔同，今次點咗一份西冷$148、一份牛小排$140，冇用鐵板，只用碟上7成熟，西冷份量唔多，牛小排份量可以，但味道方面，似乎花園餐廳仲好一點，今次味道，好似同喺快餐店、茶餐廳食嘅質素差唔多...係水準降低咗？還是假期人多而影響質素呢？餐飲要加大先可以有正常Size...埋單如果過$300，可以用支付寶比..

lunch time，同事想吃意粉，就提議去金鳯。尖沙咀既金鳯俾我既印象，只係抵吃、份量多、醫肚。但唔會覺得好食今次一如既往，都係醫肚only。個牛排，落左勁多鬆肉份，好淋，冇根。

以前有食開，今日想食下扒就去叫左蘇格蘭扒，係肉眼來的跟餐有湯，餐包同飲料但係餐包要追先上，白湯好稀，中有塊不知什麼葉係入面塊肉眼扒依然算大塊，不過真係淋到飛起，無肉味，唔知食緊mud叫5成但係好似3成係靠加左嘅garlic (+$2) 同黑椒汁先有d味但係食完口渴左四個鍾，唔知係garlic定pepper sauce出問題啦，應該係落左好多味精食到一肚氣唔會想在去食扒，太失望開咁多分店同平都無用，將貨就價比無肉質肉味嘅肉人食枉叫自己牛扒expert

趕時間食個下午茶，見到有撈公仔麵，諗住好耐無食就試下，點知個撈公仔麵無色，味道係正常，味精味，但個公仔麵係用水淥，不是有炒過，所以那個撈公仔麵的字眼有點取巧，雞脾係滷水，但有啲乾，熱華田無熱華田味