金鳳大餐廳 (山林道) (裝修中)

港式正扒房　*同男朋友食暈全港九*　自從無係山林道附近返工之後，就無去金鳳据扒啦。今晚收工同左男朋友去山林道買野，買完就醒起去金鳳食個扒。Ｏrder左二個餐，招牌牛柳餐同美國極品牛小排餐，一個紅湯、一個白湯。兩個湯都好足料，夠晒滖同熱。餐包依舊都係暖暖地，配湯一齊食就真係一流既配搭。招牌牛柳我一向鍾意食招牌牛柳，貪佢夠淋夠軟熟，吾洗不停咬，岩晒我呢d懶人，於是今次都再叫，鐵板上，依然係咁好味，咁淋～加埋蒜蓉同黑椒汁，香噴噴，好味。美國極品牛小排男朋友叫左個牛小排(鐵板上)好大份，無牛柳咁淋，但勝在牛肉味香同好有口感，一切落去好多肉汁，好厚肉。牛味好濃，牛魔王之選。食完之後，餐茶就叫左杯凍檸茶同熱檸水。食物依舊好味，尖沙咀呢間裝修夠大，抽風也很好，坐得舒服，食完個身都冇乜味。

寶寶話之前喺佐敦呢邊返工，久唔久Lunch都會嚟呢間餐廳食，貪佢又抵又大份wor🤣，而且啲扒餐都唔錯，今日佢就帶咗我嚟呢間舊式小餐廳食晚飯❣️我地今日點左個特選晚餐dinner Menu—帶子紐西蘭牛扒拼荷蘭豬扒（蒜蓉汁）➕一份美國極品牛小排（黑椒汁）～忌廉湯口感幾creamy，味道唔算濃～麵包微暖，蘸啲忌廉湯一齊食就啱啱好💕羅宋湯正正常常，味道唔錯❣️辣辣地，幫助開胃～蟹籽雜果沙律上沙律隻碟好懷舊☺️份量比想像中大份🙊用嘅配料都幾多，仲有西芹添😯，沙律亦伴得均勻👍🏻帶子紐西蘭牛扒拼荷蘭豬扒我地揀左燒蒜茸汁～雖然是碟上，都好夠熱❣️質感唔錯，有咬口但唔亦會太硬，醃得幾入味☺️紐西蘭牛扒肉質偏淋，冇豬扒咁有口感，不過整體來講也可以❗️美國極品牛小排呢個我地就揀左黑椒汁～食落富香濃牛肉味🤩，肉汁豐富，肉質鮮嫩🤤，口感結實而不韌👍🏻 明顯比紐西蘭牛扒更勝一籌❣️特選晚餐仲送多一杯意大利配方雪糕—跟餐呢杯係雲呢拿味嘅～用呢啲鐵質杯裝住，感覺好夠凍🥶 ，仲加添左幾懷舊氣息🤣 雲呢拿味入口香濃，作為食完扒之後嘅飯後甜品都幾滿足❣️而我哋再另外叫多一杯抹茶味～有微微嘅茶澀味，唔會太苦，茶餐廳嘅雪糕來講，水準係唔錯👍

✨ 小妹我細細個第一次食牛扒就係喺太子金鳳，而家金鳳越開越大，有時出街去到尖沙咀都食得翻😛。今次小妹就同友人A去咗尖沙咀金鳳撐枱腳。✨ 餐牌✨ 美國極品牛小排👧🏻 小妹我嗌咗一份牛小排五成熟，用鐵板上。去金鳳食扒當然要用鐵板上啦，先夠風味㗎嘛。 牛小排嘅脂肪無咁多，咬落口啖啖肉。仲要金鳳一個餐都一定會夠飽。✨ 除咗有主食之外，跟餐仲會有餐湯、餐包同餐飲。✨ 美國德州頂級西冷👧🏻 而友人就去咗嗌西冷，因為友人A中意食生啲同肉汁嘅牛扒，所以佢就嗌咗三成熟。佢今次食嘅西冷係用碟上。雖然無咗港式扒房嘅風味，但味道一啲都唔差㗎。西冷肉汁好多，好稔身，再加埋金鳳嘅秘製蒜汁，真係唔錯。

之前去金鳳鋸扒，要西冷四成熟首先，餐包都係熱嘅，忌廉湯，軟綿綿，都足料。再論牛扒，因為四成熟,所以我的朋友話好鬆化，好林，唔韌。我嗰份可能比較多筋，整體都不錯飲品亦大杯過以前但一坐低，啲位仲有剩，我地話想坐另一張枱，佢就好不耐煩，大大聲掟個杯落張枱

位於尖沙咀山林道這是一間老字號, 經營了很多年的地道港式扒房價錢大眾化, 今日就來一試多張卡位雅座, 可以舒舒服服地嘆扒牆上掛滿很多名人跟老闆的合照, 和一些文章介紹這家餐廳, 除了扒外, 仲有多款焗飯可以選擇又有香口小食, 例如薯格可以再付費追加我地點了兩個扒餐套餐包了主食, 羅送湯/忌廉湯, 牛油餐包, 餐茶羅送湯勁足料, 大量蔬菜, 味道濃郁 (但有少許偏辣)1) 美國德州頂級西冷 $148這款牛扒可以選擇碟上同鐵板上食感覺食氣氛, 我地選了鐵板, 5成熟, 非常粉嫩好大的一塊, 可以選黑椒汁同蒜蓉汁 (今次選了黑椒)扒的下方有西蘭同薯格墊著職員係你面前淋上醬汁, 「SA」一聲, 香味噗鼻2) 招牌牛柳 $99份量相比美國西冷細塊, 但都係口感十足選了蒜蓉汁, 7成熟, 非常彈口*可以另外$2, 在扒上加上生蒜以加強味道, 喜歡重口味的人不仿一試*老字號的店, 的確要大家支持保留香港特式和風味啊

平日去總店食得多，今日去開山林道終於可以試下呢間分店😊尖沙咀呢間分店好大間，枱櫈都幾十張，比總店闊落好多，光猛好多，坐得亦舒服好多😊原來金鳳五十週年，出左個五十週年特別版-金鳳貴族牛扒，咁當然要捧場啦。另外叫左個牛柳餐，餐飲加大原本要加$3，適逢50週年紀念免費加大金鳳例牌有牛油餐包同餐湯嫁喇，羅宋湯同忌廉湯保持一貫水準。雖然今日叫左一紅一白，但我都係中意佢地既羅宋湯多啲。金鳳貴族牛扒是用碟上既，亦可改用鐵板上。我叫左5成熟，碟上。塊扒係美國牛肩扒。塊扒肉味好香，雖然五成熟，但切開都唔會話有好多血水標出黎，好好食。而且好有咬口，肉香亦有嚼頭。碟上有埋車里茄，脆薯格，沙律菜同栗米，擺盤都好靚。鐵板牛柳餐：其實都係同太子/深水埗金鳳一樣，一塊鐵板，大大塊既牛柳，醃得好淋好入味，再加上蒜蓉汁，好味！通常我唔會叫黑椒汁，因為味道太濃的話會遮住肉本身嘅味道比大家建議既係，最好唔好超過五成熟，因為塊鐵板都熱，店員落完汁，塊牛柳又會再煮落去。當d汁唔再彈，塊牛柳都由原本五成熟變七成熟了，所以鐵板上的或記得要叫生少少呀😉甜品：我加左個意大利配方嘅榴連味雪糕🤤🤤 雪糕唔太糖，好滑。跟餐加$10就有得食，

今日返完Poly，醒起山林道有金鳳，於是同同學去左食晚飯。平平地叫左鐵板牛柳餐，叫左5成熟，加埋汁「渣」完之後大概7-8成熟。金鳳既鐵板扒永遠都咁平靚正，又淋又香，加上生蒜更加好味（加$2）。跟餐有奶茶檸茶檸水咖啡，凍飲加大要加$3，店員話50週年紀念優惠，加大免費。同學仔點左50週年特別版-金鳳貴族牛扒，依塊扒是碟上既。同學仔俾左一角仔我試，原來好好食囉，同金鳳傳統鐵板扒唔同，依塊扒唔你淋哂果種，佢有口感得黎唔會韌，貴牛柳餐一倍係唔同d。

金鳳呢個牌子，我細細個就聽過啦！我最鍾意就係食佢啲牛扒，尤其鐵板餐。不過今日轉食下其他牛扒試吓，都有驚喜喎！我哋叫咗兩個餐，分別係美國極品牛小排，和挪威三文魚拼蘇格蘭牛扒。兩個餐嘅份量都好多，基本上都夠三個人都食。餐湯方面，我哋點了一紅一白，各配一個牛油餐包。 紅湯嘅材料豐富，蔬菜非常多。白湯亦有creamy，唔錯。沙律嘅材料豐富，亦都好味。美國極品牛小排有成三小塊，每一塊都煎得好香，睇隻色都知道好味，而且充滿牛味，又唔靭，值得推介俾各位。挪威三文魚拼蘇格蘭牛扒嘅份量更加驚人，隻大碟上放滿食物，包括薯格、太陽蛋、沙律菜、粟米、三文魚和超級大件嘅牛扒。蘇格蘭牛扒冇美國極品牛小排咁有牛味，但係肉質就再林一點。挪威三文魚煎得香脆，非常美味。個餐仲會買綠茶雪糕，為豐富嘅一餐畫上完滿句號。

話說今日喺尖沙咀返工就睇吓附近有咩食行到山林道見到金鳳大餐廳就入去試吓啦入去睇吓個Menu價錢大約$46到咁我就叫黑椒牛扒飯配餐湯羅宋湯同牛油餐包。個餐包非常鬆軟加上牛油非常好食,羅宋湯用了十足有好多雜菜喺入邊味道唔會太spicy.塊黑椒牛扒有啲un，有啲可惜但黑椒汁非常好味。飯都夠熱唔會太硬。值得一讚係杯凍奶茶凍飲唔使加錢味道同出邊茶餐廳有得揮，環境方面有卡位唔會太迫，呢個價錢包餐湯餐包凍飲算係咁啦。

第一次食，同男朋友同佢d fd一齊去，果然扒都係岩成班佬一齊食。.叫左金牌牛柳，份量好大，依d似大家樂形式既鐵板扒，仲可以揀唔用熟度。D肉真係好厚，因為鐵板keep住有熱度，所以如果想食medium,建議揀3成，放多陣熱左佢就變medium,唔會太熟。.依到另一樣好既係可以extra加蒜蓉，仲有兩款汁揀：洋蔥同黑椒。.好抵食，想減肥既人可以汁另上，會再黎食！

太子金鳳可以話係我飯堂之一，想鋸扒就基本上一定係金鳳，今次尖沙咀行完街，經過就入咗去！同太子比，呢度大間好多，坐得舒服d！包同湯：無咩特別，正正常常鐵板日式雞扒：真係「驚」為天人！有咩理由個蟹鉗仲粉過街邊檔，擺咗落口直頭唔知自己食緊咩嘢！意粉成pat癡實曬響鐵板度，想人點食！牛扒：搵嘢拿得太過，口感超霉，同埋第一次見鐵板薯菜係配菜心！😑總括黎講，簡直不知所謂，打爛咗金鳳個招牌，尖沙咀金鳳，永不幫襯！

仲記得兩年前係太子總店果邊食， 真係有好錫就抵七十幾蚊大大件。但之後上年也來個尖沙咀呢邊食。 總店同分店嘅味道已經爭得很遠。 今次再嚟食已經加咗價， 大約 90至100蚊， 雖然佢嘅龍蝦湯一樣咁好飲， 都係牛扒嘅質素就差咗好多， 同埋以前最愛嘅薯條而家都變得淋bet bet， 不過加大飲品而家唔使加三蚊呀。 而家開得越嚟越多分店反而質素越嚟越差。 如果真係食番以前個味道一定要返太子嗰邊食。 但係嗰邊就超多人好難搵位。 睇來魚與熊掌不可兼備。

某夜去完佐敦買東西, 想起好耐無鋸扒, 就行入山林道呢間老牌店醫肚餐廳裝修普普通通, 沒有半點懷舊的風格.地方闊落, 都算坐得舒服.看餐牌見到有個特選晚餐都幾食,$148就決定點晚餐,就算沒有鐡板上也沒所謂先上已叮微暖餐包, 然後係帶有茄酸足料的羅宋湯, 再來一碟生果沙律, 上面放了蟹子粒和鋪滿沙律醬.終於到主菜, 係煎香了的三文魚和蘇格蘭牛扒, 再加上燒汁. 雖然無淋汁的聲音, 不過牛扒都保持昔日的感覺, 稍為加了鬆肉粉, 所以牛扒很腍, 亦無根.三文魚偏鹹最後甜品是雪糕和餐飲, 若換上昔日的啫喱加花奶就更充滿懷舊啊

金鳳這家老牌扒房在香港已有悠久歷史，我人生第一份扒餐都是在金鳳初嚐的，當時是在旺角分店。最舊哪間是在荔枝角道，適逢已是 50 年了，今晚我選擇山林道分店回味一下，山林道這家會比較闊落地方都比較大。羅宋湯我最欣賞這裡的羅宋湯，做得出色清甜帶微酸，茄膏份量比較少，所以能飲到新鮮茄味道。再配熱辣辣又香軟牛油麵包無敵啊！😋招牌牛柳 $94見到我碟鐵板牛柳已叫我垂涎三尺，等服務姐姐為我淋上蒜汁，發出嗞嗞聲隨即香氣四溢，我急不及待就切了一片送進口裡，嗯..味道依舊鬆軟腍滑。西冷牛扒 $94牛扒味道比牛柳的牛味淡，不過都算腍，這個不是我的沒太多意見了。白酒浸紐西蘭青口 $45這個比較失色，名為白酒浸卻沒有白酒味，青口也雪得比較耐好有咬口。🎉冰凍檸檬茶，是這裡最出色的紅茶，剛好本月 50 週年免費加大，平時要加錢的今晚可飲個夠喉了！我認為這裡應是牛控們最抵食扒房。

平時食開金鳳鋸扒都係太子總店嗰間，呢間位於尖沙咀又係叫金鳳大餐廳所以就入咗去食，入到去睇睇餐牌原來仲有細細地隻字叫中山阿叔扒房😂（乜料....應該唔係同一間🧐？）-餐包只係微暖，忌廉湯冇乜特別，羅宋湯夠開胃，叫咗一份鐵板牛柳，一份蘇格蘭牛扒五成熟但係嚟到似三成熟要用鐵板嘅熱力整返熟dd😗，肉質似落咗比較多鬆肉粉，唔算話特別好好味，係屬於抵食大塊，份量多夠飽肚，但下次食都係去返太子總店算了🤨！