金鳳大餐廳 (山林道) (裝修中)

現時香港鋸扒選擇很多，不過要提到吸引力，鐵板餐依然有無可取代的地位。 端菜時，鐵板熱氣逼人，淋醬汁，咋的一聲，趕快牽起餐巾遮擋！所以今晚一於去 「金鳳」重回這情懷！ 餐湯羅宋湯多蔬菜，辣辣地，是港式味道，很惹味！餐包暖暖的、又柔軟，配餐湯很搭！我點了「 帶子牛柳餐」 ，五成熟。 巨型牛扒來了, 肉味濃而質感嫩滑又淋，無渣無筋， 推介！紅豆冰，多豆又夠淋，好好飲！友人點了「 西冷扒」， 五成熟，肉汁濃郁，多汁， 質感豐富！無論舊顧客是想回味當年在金鳳大餐廳「食大餐」的興奮心情，或是年輕新客想一試到港式扒房鋸扒，到金鳳大餐廳都一定不會失望。

就黎新年..要用好多錢..今日黎食平靚正金鳳平價午餐..好多選擇..雞、牛、豬、海鮮都有另外仲有小食可以散叫~我地黎到只係12點過小小..已經差唔多full house..人來人往..要點餐要比小小耐性因為姐姐們真係好忙呢午餐跟餐包同紅/白湯餐包有翻熱..上台微暖..一搽牛油即刻半溶正羅宋湯好多料偏甜微辣沙丹魚柳 配薯菜 $46我叫左走汁 每張台都有一支ketchup隨你用~魚柳完全唔厚粉..出面炸到好脆..入面一d都唔乾日式咖哩煎雞扒蛋包飯 $55呢個餐份量十足！切開蛋包飯..中間有汁架雞扒好juicy厚肉沙律上面加左蟹籽加分！呢個份量呢個價錢..絕對對得住！

扒扒扒扒扒，要食扒，莉莉子一定會去香港既港式茶餐廳或者冰室，仲記得細個既時候，daddy mammy每年生日都會帶莉莉子去尖沙咀食雜扒大餐慶祝，莉莉子仲記得細個個間冰室，侍應會親自係你面前倒汁，熱辣辣既鐵板加上「ZhaZha」聲既聲音，刺激味覺嗅覺☺️☺️☺️事隔10年，莉莉子再重回老地，嘗試去搵返細個既鐵板味道☺️☺️，沿住美食之街既山林道，日式西式中式小菜咩都有，但可惜仲未搵到傳統鐵板扒餐。到左山林道往佐敦交界，終於俾莉莉子搵到最愛既鐵板餐啦。呢間金鳳大餐廳，莉莉子雖然唔知係咪細個食個間，但成間餐廳既設計、配套都勁似，門口既霓虹燈招牌已經令人有傳統港式冰室既意味☺️☺️入得去傳統港式茶餐廳，當然要試下佢地既招牌美國扒啦。 莉莉子點左「金鳳貴族牛扒」，來自美國本地既牛肩扒，睇相已經流哂口水。朋友就叫左個雜扒，另配龍蝦湯😌😌😌龍蝦湯好濃郁，莉莉子就轉飲白湯多d 相對清d 主角既鐵板終於到啦，基於手機像素差關係，影得矇矇地，但想講既係侍應會親自為客人倒汁嫁，你可以選擇黑椒汁或者蒜蓉汁，兩款都超濃超級香口☺️☺️先講莉莉子既美國牛肩肉，如圖所見，大大塊仲要淋左黑椒汁後成個鐵板熱辣辣 超正。切開中間，粉嫩紅色

作為一名健身教練, 金鳳伴我成長以前番學放lunch成日都會去金鳳, lunch set好抵食, 到左而家番工, 周不時仍會掛住港式鐵板牛扒既味道, 今日放工天氣涼浸浸, 腦海突然彈出金鳳鐵板d渣渣聲, 即刻去一解掛念之情啦。先黎永恆不變既紅白湯同餐包, 冇左依兩樣野就唔係完整既金鳳!金鳳貴族牛扒Eee?有新野? 第一次見依個牛扒, 同時聽到隔離枱都order依款扒, 咁就試下佢, 今日無諗住要淋汁上去, 所以揀左用碟上, 實物黎到,第一句係: 哇, 咁厚既! 真係好厚身又大塊, 厚得黎切落去都好腍, 而且肉味比平時係度食開既西冷肉眼等更濃, 品質感覺更高。另外配上香脆既薯格, 應該都係即炸, 仲有粟米同蕃茄仔。蘇格蘭牛扒朋友點既蘇格蘭牛扒, 鐵板上果然有其效果,熟悉既渣渣聲聽落令人食指大動, 加左蒜蓉, 放上鐵板同椰菜拌勻, 此為朋友既獨門食法, 好香! 朋友話牛扒生熟程度岩岩好而且牛味都好香, 而且大份又厚身好滿足!今時今日金鳳依然時時客滿, 其實黎金鳳食既唔止係牛扒, 仲係港式味道, 香港人既既集體回憶!

環境都係闊大嘅坐左沙發後就睇食咩，但就比呢個懷舊餐牌吸引左😂佢有好多種牛扒，想食咩，問店員，會解釋到有咩分別。牛扒指定物品，餐包同湯，一紅一白，紅就有少少辣，但好飲，而白就淡左d。金鳳貴族牛朳$168叫左5成熟，上桌個朳外面仲有少少血水滲出，厚度十足，個好懷舊嘅鐵板，真係好吸引。切開後，明顯係完美嘅5成熟！嫩，牛味多，但又唔係西冷嘅重口感，而佢嘅厚度夠，口感足。真係好值得去試下！美國徳洲頂級西冷$148汁無分開，五成熟唔知係扒薄？定同貴族同一時間去整？定鐵板上？切開睇落同全熟無分別。不過，食落又嫩嘅，比起貴族，牛味重過佢，再食埋佢d肥位，會食到濃嘅牛味始終係西冷嗎xd不過佢薄，同貴族比落去就有d距離了。之後係扒下嘅薯仔，由於泡左係d汁內，林左。。。下次食，要汁分開上。

今晚同男朋友嚟咗一間好經典食牛扒嘅扒房咁首先上場嘅係兩個羅宋湯同埋新鮮熱辣嘅餐包 餐包勁鬆軟加埋啲牛油即刻用晒勁正羅宋湯我鍾意佢夠酸而且入邊有菜🙊首先男朋友就叫左一個美國牛小排分量都好多有兩大條😘佢用鐵板上 林啲汁上去即刻覺得勁熱辣辣食落去肉質就滑 好有牛味 而且rich 同厚無乜根位下面仲有好多薯格仲鋪排 正😍😍我哋仲嗌咗一個白飯去送牛扒👍而我自己嗰個係佢哋餐廳嘅誠意推介😁金鳳貴族牛扒佢呢隻牛扒嘅特點就係非常厚身佢喺美國嘅牛肩扒 牛肉味濃 鮮嫩多汁😘用左鐵板上嘅時候令到啲牛味更加突出😙切開嘅時候 覺得叫咗五成熟都啱啱好食落去勁正

金鳳餐廳細細個就聽過呢個名嫁啦，位於太子既店我都去過幾次 但每次去都係lunchtime 同埋都一定會排餐死！琴日咁橋又係尖沙咀見到都有分店，梗係去試吓啦我同友人分別嗌咗個每月特選晚餐同美國極品牛小排餐包同餐湯都係熱辣辣蟹籽雜果沙律，幾新鮮幾開胃挪威三文魚扒拼紐西蘭牛扒首先講吓塊三文魚扒先！煎到剛剛好，肉質唔會老至於牛扒就叫咗七成熟，入口較淋身，牛味重美國極品牛小排可以選擇用鐵板上，仲要有兩大塊，牛味濃郁肉質細嫩，五成熟剛剛好意大利配方雪糕🍦做一個完美嘅結束熱華田

今日lunch同同事去開佐敦個邊買揮春、利是封就系個頭搵野食啦見到金鳳好似幾吸引系d傳統既扒房，有個熱辣辣包，紅／白湯加一份主菜同飲品午餐都幾多選擇，雖然冇鐵板餐但都有魚柳呀，雞扒呀，牛T骨lunch時間已經好旺場，見d呀姐行黎行去想落單都要等一等先落完單個包就即到熱辣辣好軟加埋溶好左既牛油，一流！！羅宋湯都好足料，勁多雜菜，而且味道都夠濃咁我就叫左咖哩雞扒蛋包飯個咖哩汁系唔辣既，略嫌鹹左少少，不過都系好香雞扒厚切，蛋包飯飯入面都有d燒汁而且仲好健康，有個雜果菜沙律唔錯～同事就叫左個魚柳薯條魚柳都大大塊，外脆內軟而且呢到每張■都有茄汁比你自己落，方便好多飲品方面佢凍飲都唔洗加錢～岩曬我最後兩個人埋單101蚊，午餐唔洗加一添真系好抵

山林道下午條街好靜朋友約我附近食飯我就四周圍望下有乜好食糧尾冇乜銀🙈唔想食咁貴當然搵下有乜大件夾抵食啦就見到有間門面唔舊但不斷有人進出嘅茶餐廳多人幫襯必定有佢嘅吸引之處入到去見個個都食扒望下餐牌都幾抵午餐全部$60有找抵啦而且有咁多人食冇死就坐低兩個A餐意粉紅湯凍檸茶少甜湯夠酸少辣意粉唔係煲熟就上碟而係上哂茄汁🤩而且牛扒量唔少黑椒汁夠多👍🏻成碟牛扒意唔dry最好係凍飲唔洗加錢仲有叫少甜真係少甜👍🏻

原本都唔係好肚餓但係行過呢度又會好自然入去食嘢因為呢度嘅下午茶實在太抵食啦!!!!!!!!!!!!!望咗個餐牌好耐因為實在有太多野想食最後決定食蔥油雞扒撈公仔麵$31雖然佢賣相好一般但係佢個乾葱真係好正加埋啲蔥油撈埋一齊 十分之惹味係係屋企整唔到嘅味道呢度嘅凍飲仲要唔使加錢去邊度搵呀😆😆😆😆😆😆

今日放咗工之後冇乜嘢做🤷‍♂️，同朋友行咗陣街🚶‍♂️，行行下發現有啲肚餓🤦‍♂️正諗緊有咩食之際，金鳳大餐廳出現係我地身邊😂，我哋都話好耐冇食過咋咋聲鐵板餐，所以就入咗去🤩，坐低咗一陣間 睇咗陣menu，我朋友就決定食50週年美國大扒餐🍖，而我就揀咗一份西冷牛扒餐🐮，而個餐湯我哋揀咗忌廉湯🥣侍應轉咗個頭就攞咗兩件餐包🍞畀我哋 個，餐包軟淋淋熱辣辣，仲有一陣淡淡嘅牛油味，我搣咗少少點咗啲餐湯，簡直一絕👍🏻冇幾耐個鐵板餐都嚟埋，未淋汁嘅時候已經聽到咋咋聲🎉，侍應問我哋要咩汁(分別有黑椒汁同蒜蓉汁兩款)，由於我哋都覺得食牛應該要黑椒汁， 所以就揀咗黑椒汁😝，佢叫我哋攞 張紙巾遮住🧻，啲汁淋上去嘅時候 啲汁香味嘅煙隨即湧入個鼻度🐽，我拿拿林砌咗嚟試，件牛扒都唔錯好有牛味，而且唔會過熟，好有咬口😬，整體成個餐都份量十足🤗絕對可以滿足食咋咋聲牛扒嘅慾望😈

收工去尖沙咀搵食撐下檯腳經過見到金鳳，之前都聽過依間扒房嘅名，估唔到尖沙咀都有分店7:00去到，已經幾乎滿座。真係好多款式選擇困難症發作，揀咗好耐，最後嗌咗美國頂級西冷同帶子配牛扒，都係百幾一個餐，勁抵朋友嗌咗菠蘿冰，好好飲！有d梳打同大大粒菠蘿，唔會太甜未影就食曬個餐包！加熱咗嘅餐包暖笠笠又鬆軟7成美國西冷，熟成度剛剛好，肉質軟淋易咬幾濃牛味朋友個帶子配牛扒都好吸引兩大粒帶子，啖啖肉口感好正！我覺得自己件西冷扒比朋友件牛正不過朋友個件都軟淋整體性價比超高

放工經過尖沙咀呢間餐廳🍴見到佢外觀有滿滿的香港情懷，望入去見到每個都係食据扒，再望望價錢都有咁嘅份量，都真係幾抵！仲要係平日夜晚都坐滿人，入去試下都應該冇壞嘅！.美國極品牛小排 $140一嚟到睇到佢用鐵板上，已經幾有驚喜。有蒜蓉汁同黑椒汁選擇，牛小排都有兩大塊，牛味香濃、肉質細緻幾Juicy,底下仲有雜菜同薯格，呢個餐仲配有餐包同餐湯及飲品，都真係幾抵！🤣.金鳳招牌牛柳 $90嚟到當然要叫下佢個招牌試下啦！我想講嘅係真係勁…大塊！！！女仔真心食唔哂！仲要配上薯條同椰菜喺底，牛柳肉質厚實有咬口，但又不失肉汁，口感都算細緻。呢個餐都一樣配有餐包、湯同飲品！

剛巧經過這裏，看到這間牛扒的分店，令我想起很多兒時回憶。因為兒時就是住在總店的附近，父母經常帶我到這間老店吃牛扒，所以我跟老公說今晚不如吃這間吧。這裏地方頗大，裝修比總店更現代化，燈光光猛，環境乾淨整齊。我們點了一款貴族牛扒及招牌牛柳，例牌都是跟餐包，餐湯及餐飲。餐包上的時候還是暖暖的， 牛油溶了滲入餐包內，餐飽軟熟，入口覺得很香，好味。餐湯分別是羅宋湯及忌廉湯，羅宋湯有很多菜，味道酸酸甜甜，忌廉湯就很creamy。來的時候還是熱的，外面氣溫稍涼，來一點熱湯真是最好不過。我點的是金鳳招牌牛柳餐，用鐵板上，份量夠大，入口比較淋身，容易咬開，從小到大我都很喜歡這裡牛柳的質感，口感非常好。我還加了生蒜，很香，配上黑椒汁一起吃，更是惹味。老公點了金鳳貴族牛扒，是美國牛肩扒來的，賣相也相當不錯，老公怕油彈，所以不用鐵板用碟上。牛扒厚厚的，但一點也不韌，牛肉味比一般的濃，切開肉是紅紅的，是剛好的五成熟，很有咬感，帶點肉汁。老公都是加了一些生蒜及配黑椒汁，他說黑椒帶一點點的辣，令牛扒更加入味。餐飲是凍朱古力及凍檸茶，凍朱古力味道濃，甜度剛好，而凍檸茶就味道正常，老公點了少甜也能做到。這間牛扒店我很喜

今日約左女友行街食飯，比我地發現左呢間餐廳位於尖沙咀，平日夜晚都好多人黎，好采唔使等位就可以坐底。服務員都好好服務。值得一試。首先我選左個本月既特選晚餐，跟餐有個湯，我地選左個忌廉湯，好香濃而唔會油膩，非常好飲。跟咪個牛油包非常滿足，牛油自己自由加上去，加多加小都得。自己控制。可以點啲忌廉湯一齊食，非常可口。重有個沙律跟咪，上面有啲魚子，口感一流，食完之黎特別開胃，呢個係特選晚餐先有，其他餐都無架。主打方面有個挪威三文魚扒拼紐西蘭牛扒，可自選燒汁或黑椒汁，上桌後再淋上面，真係好吸引，個三文魚扒好香脆，而且唔會太多骨，食落好放心。牛扒方面揀咗七成熟，口感一流，入口即溶，保持到肉汁既鮮味。肉汁好多一啲都唔會乾身。呢個套餐重有個雪糕跟咪，今次我地選左綠茶味，非常好味。女友就選左個香燒羊扒餐，呢個餐都係跟咪餐包同湯，非常豐富。羊扒有成三隻咁多，份量十足。最鐘意係佢既羊肉味，肥瘦均勻，入口即溶。真係好味。都係七成熟，我覺得七成熟係最好味既。如果跟餐重有飲品送，呢道既奶茶真係好好味，係我最鐘意既味道。重有餐廳最新優惠，消費滿$500就有$50現金券回贈，真係好值得一試。