金鳳大餐廳 (山林道) (裝修中)

山林道好多餐廳,選左個性價比高的,叫左個芝士肉醬意粉($65),如果不要芝士,平5元,加左套餐20元,有湯,包同飲品,叫左羅送湯,好多菜係入面,個包真係好好味,熱而軟,個意粉份量好多,女仔食的話,2個SHARE都可以,意粉不會DRY,因為好多肉醬包圍住,好有滿足感。另外叫左個大蝦牛排($138)塊牛不知是牛什麼部份,但好大塊又好厚,下面有D炸薯條同烚椰菜,食完又係好滿足。餐廳環境都大,坐得都舒服,好多人食鐵板,但空氣不會好煙,食完D衫都無油煙味。

今晚接女友收工諗不到想食什麼。女友提議行去山林道睇下有咩好食。她行過老牌扒房就說好耐無食過。美國安格斯西冷。飛嬋牛/M5/美國牛。邊款最好食。真是見人見智。少年時曾經斷食「牛肉」。因當時社會盛行牛肉重毒素。。但後來本人「還俗」再食返牛肉。到現在依舊不離不棄。最愛係靚牛食3成熟。簡值享受。。近兩年本人比較喜愛日本方面既牛。但今晚食美國🇺🇸西冷真是「滿足」的一夜。呢個廚師算是一流師傅。將咁大塊西冷燒得均衡。入口脂肪與肉汁好配合。加上醬汁更無與倫比。肉汁豐富佔滿全口腔的空間。我朋友就喜愛食大蝦牛扒。大蝦燒得剛好。肉汁仲充滿住。牛扒更是肉味濃郁。厚實汁多。配上傳統黑椒汁更顯突出。

好鍾意去啲傳統港式餐廳食鐵板餐，有時一聽到醬汁放落鐵板上嘅‘滋滋’聲，啲童年回憶返哂嚟。餐飽。紅湯。餐飽夠軟，個人喜好，次次都會選擇紅湯，足料又大碗。帶子牛柳餐唔想只係食牛，於是叫咗呢款，有兩粒大大帶子。叫咗五成熟，唔會怕佢太生，因為放喺熱辣辣嘅鐵板上，隔一陣會變七成。由細到大都揀黑椒汁，佢個醬汁唔辣。唔好見佢咁厚就以為會好韌，其實一啲都唔會呀！又冇連住啲筋或者肥膏，真係啖啖肉，正。金鳳貴族牛扒(美國牛肩扒）唔用鐵板上，就選擇要蒜蓉汁，七成熟，牛味比鐵板牛柳嘅較濃味，同樣咁好味。一樣係冇筋又冇肥膏，下次試下鐵板上，又會有另一口味。金蘋果汁冇乜點睇個介紹以為係蘋果汁，飲落唔係蘋果味嘅。金蘋果Quince，似係一種梨加蘋果嘅生果，味道好特別，可以一試㗎。

每份扒餐都係配薯菜可選鐵板或者碟上牛扒提供燒汁、蒜蓉汁、黑椒汁每月亦會有精選套餐，套餐有大大份牛扒、餐湯、餐飲、沙律、雪糕🤤🤤∣∡每月精選套餐—三文魚扒拼紐西蘭牛扒 $152牛扒選了5成熟，肉質好焾，牛味濃😋😋尼款牛會再食！三文魚扒好厚肉，三文魚皮煎得好脆😆配薯格∘∡美國極品牛小排 $140牛小排選了6成，但上到鐵板切開有啲難切，而且好un，要嘴嚼好多下先食到🥴🤭配薯格薯格放係鐵板上，會焦黑左🤣不過真係好飽好抵食👍🏼👍🏼#另加一服務費.💸人均消費：$180💞回頭指數：5/5

lunch又抵又好食黑椒汁牛扒仔 配意粉HKD 46特別午餐- 薄T骨 黑椒汁 配薯菜 HKD 58金蘋果汁 跟餐+ HKD 15.來過呢間餐廳幾次 都係食lunch ～ 之前有時候都要等位 但今次唔洗 直接入得。 .揀咗一個白湯一個紅湯，兩款味道都唔錯~ 餐包好軟熟 牛油似乎都有加熱少少 好易塗開～.黑椒汁牛扒仔 黑椒味濃郁的黎唔會太辣 d汁配意粉 撈埋一齊食係好正～ 牛扒鮮嫩多汁 。物美價廉～ 係佐敦呢個價錢可以食到扒 認真抵👍.薄T骨亦好抵食，雖話薄但肉質細膩 好易切開 肉味濃勁juicy～ 薯條香脆可口.兩個人都加咗金蘋果汁 追加15蚊。蘋果汁啱啱好可以去一去油膩～飲唔曬仲帶番公司飲🤣

一入去坐低，店員見我地好凍甘就即刻斟杯熱水比我地暖下身，好體貼。每月特選晚餐 $152【牛油餐包是日餐湯】餐包烘籽熱過，幾鬆軟，白湯夠稠密夠濃厚。【蟹籽鮮果沙律】拎出黎成個蛋糕甘，沙拉醬拌薯蓉同生果。【鐵板那威三文魚扒拼紐西蘭牛扒】揀完醬汁，店員倒之前會提我地打開定紙巾擋一擋油，真係好體貼。估吾到三文魚扒仲正，外皮炸到勁香脆，又吾會覺得好油膩，牛扒勁大塊又juicy。【意大利配方雪糕】係菠蘿味既雪糕，比一般既軟滑好多。餐飲加咗$15升級【 金蘋果（木梨）Qunice juice】賣純天然，酸酸甜甜幾愛好飲。【乾炒牛河肉意粉】$52幾有鍋氣，份量又多，不過調味就單調左d

講到扒飯，當然唔少得係港式懷舊風嘅金鳳餐廳啦。由以前喺紅磡黃埔有一間分店開始我就一直都支持到而家。除咗扒呢一樣野會經常想食而且間唔時就會去幫襯之外，其實我最欣賞嘅係扒房嘅甜餐包同埋忌廉湯。有一總種懷舊嘅味道，係小時候嘅味道。首先叫咗個美國西冷扒餐，五成熟，切開柔軟度剛剛好，黑椒汁配埋肉質一齊食，牛嘅香味同黑椒汁真係最夾～同埋一定要鐵板上， sa 一聲咁先夠風味。另外因為唔係好想又食牛，所以叫咗砸下雜扒，成座山咁高嘅扒真係食到我捧住個肚走，但係我都食晒因為佢啲扒每一件肉類都處理得好好，而且最鍾意嘅係旁邊熟晒汁嘅薯條，可樂茄汁同埋點隔離啲蒜蓉汁真係好好味。見佢做緊雪糕優惠，但今次真係太飽啦，下次可以黎試吓佢個雪糕，好似都係有用心製作過，唔係現成野。

突然想食下港式鐵板牛扒😆😆即去！未點餐已經送尼既餐湯同餐包，港式扒房就係夠爽快🙂！湯有紅湯同白湯，我同朋友都鍾意紅湯，有啲料頭食下又酸酸辣辣咁。餐包應該一直保溫，熱辣辣。貴族牛扒$168 飲完餐湯再過左一兩分鐘牛扒就送到lu😋店員會問我地想要咩汁，就揀左黑椒汁🙂非常重量級，個汁好足黑椒味😋食落好重冇乜筋之餘仲好淋🙂牛小排$140另外一個就揀左蒜蓉汁，牛小排比較有口質，有啲筋。岩哂錯意有咬口既我😆晚市每枱消費滿$250就會送一客小食或者特飲。今次就揀左蜜糖雞翼😋有驚喜呀！炸得皮好脆，雞肉又夠滑😋👍🏻整體幾抵食🙂🙂

上次同朋友食飯經過山林道，見到間好多人嘅据扒餐廳，原來係老字號金鳳，有聽說過呢度以抵食夾大件見稱，呢日就叫男朋友陪我嚟試試。餐湯有紅湯白湯可以揀，我揀咗個白湯，味道唔錯，仲好夠熱。男朋友就加15蚊轉龍蝦湯，龍蝦湯入口香滑濃郁，仲有龍蝦肉喺入面，呢15蚊絕對抵加！兒時回憶嘅餐包仔，細個返學最鐘意食😋餐包暖笠笠，夠哂鬆軟，搽埋牛油，簡單得嚟已經好好味！🍴美國德州頂級西冷 $148可以揀鐵板或碟上。西冷軟腍易切，內裡肉質粉嫩，血水唔多，配埋黑椒汁好惹味！伴碟嘅薯格脆卜卜，正！🍴雜扒餐 $93重量級雜扒！啲扒仲大份過塊鐵板😂雜扒有豬扒/牛扒/腸仔/火腿，而且份量好多，一百蚊有找真係好抵食！豬扒，牛扒都比較厚切，肉質鬆軟，啖啖肉，啱哂食肉獸男朋友！加15蚊試下佢地嘅金蘋果汁，味道清新香甜，配肉食啱哂！凍檸茶不過不失，正常水準👍🏻

童年回憶總是美好的，今晚懷舊一下港式鐵板餐，佢哋有幾十年歷史，水準仍然一直都保持到。其中最抵食熱辣辣鐵板飯套餐，包餐包、湯、鐵板日式雞扒炸蟹鉗、雪糕及飲品，都係$82元，忌廉湯同餐包都係傳統港式西餐廳嘅標準菜，日式雞扒好大件，意粉🍝份量亦多。美國極品牛小排亦有質素，我要求6成熟佢哋都做到剛剛好，牛肉牛味濃，又淋又有咬口。西炒飯亦係傳統西餐廳食品之一，飲炒得乾身，酸酸味味好開胃，另外$20可以變套餐。

今日是月尾行到山林道见到地舖金鳳再check out 食評發現近期3篇都而且50年不变午飯時間好平凍茶大大杯不另加$叫左焗牛扒意大利面46$一定會要红湯碟粉大到晕好多男人,勞動客人便宜,快,又饱满飱飲可选華田！數數切件牛扒足够7件非常抵食羅宋湯味道一向好的但主打好吃是近期的事可能需要做到好平好好先至维持到以前的生意了！？牛扒雖有焗过～但之前輕煎熟少少鞋但质量好过以前的很多且讲明纽西蘭牛個汁都濃稠入味甜甜地我偏向的口味

同女朋友去食，西冷牛扒既鬆肉粉勁到乸喉，仲要塊扒黑到好似變壞咁，叫5成，就比2成你，兩邊煎一煎就上碟，以前學生時覺得好好食，想回味下，點知伏到一個點，比多幾十蚊去太子食好過， 唔會再有下次，以咁既價錢，茶記既扒都好過佢

新裝港式牛扒老店早幾日行過山林道，見到金鳳餐廳，裝修好新淨，似開分店冇耐，就食下。一入到去安排位置之後，睇一睇個餐牌，好多元化，同男朋友分別叫左兩個吾同既餐。叫左雜扒餐同貴族牛扒餐。首先黎個羅宋湯配餐包，羅宋湯夠濃，味道幾好！餐包夠熱夠軟！忌廉湯，男朋友就話好夠熱同好濃味，佢再加牛油添。雜扒男友ORDER既雜扒餐配黑椒汁，入面係有腸仔、厚火腿x2、豬扒、同大塊既薄切牛扒。扒都好淋好juicy，份量都大嫁，加左蒜蓉，個味道仲出。貴族牛扒吸引到我既係新推出既貴族牛排，因為我比較喜歡食牛肩，貪佢肉味濃，所以貴小小都試下呢個慶祝50週年既貴族牛排啦！整體味道不錯，肉好淋，牛味重，加左蒜蓉令味道提升，香d，好食。

成日都聽人講金鳳据扒好正，今日終於都有機會可以試下，果然冇失望，好有香港特色!首先就嚟咗個羅宋湯再加餐包，湯係舖頭自己煲既所以味道咸同辣得嚟番茄味好濃。餐包真係一讚既係夠哂熱，夾埋牛油真係有少少菠羅油既效果!另外沙律有新鮮既水果，絕對唔係放咗一日出哂水個種。今晚既晚餐係牛扒再加豬扒，就咁睇size已經大得好誇張，面頭仲有蒜蓉，一上台已經炸炸聲，我揀咗蒜蓉汁，真係有勁香既蒜味同埋有蒜蓉粒，超級惹味。牛扒肉質好淋而又肥瘦適中，一路据都唔會有筋好難切，下面既豬扒亦都係煎封得好靚，有肉汁而豬味好突出。仲有薯條同埋菜係底，成個餐都好抵食同埋一定夠飽!我另外叫咗個極品牛小排餐，其實所有扒餐都可以碟上同鐵板上，咁當然大部份人都會揀用鐵板上夠哂熱辣辣啦!牛小排有兩大件，牛味相當突出而我地叫咗5成，上到鐵板燒完就真係岩岩好夠5成，睇嚟佢地控制生熟度好純熟!牛小排亦都冇太多筋而肉質相對結實D，跟餐既係薯格而唔係薯條，同樣係鐵板底，被我揀既黑椒汁同埋牛扒既肉汁覆蓋住，真係冇得彈!最後晚餐仲有個雪糕送，今日既係綠茶味，奶同茶既比例岩岩好，最岩就係食完扒餐消油膩!食夠250蚊仲會再送蜜糖雞翼，雖然係免費但一D都

今日來到尖沙咀，山林道有一間叫金鳳嘅餐廳， 呢間餐廳係一間老字號嘅食扒嘅餐廳。應該無人唔識佢。除咗長沙灣之外，尖沙咀都有分店。。。呢間餐廳，老字號加上佢嘅餐都分量好大，而且價錢又唔貴！非常抵食！餐廳職員都好友善，佢哋會介紹下最近推出一啲新嘅套餐。今日我哋就試咗美國德州頂級西冷牛扒，牛肉味濃，鮮嫩多汁！我哋用鐵扒碟上，淋汁嗰下，真係好香！佢嘅牛扒都幾厚，而且一啲都唔鞋，好嫩口，又真係多汁！佢個牛肉味，的確幾濃！令一款，我哋叫咗，帶子紐西蘭牛扒拼荷蘭豬扒，呢度除咗牛扒出名，原來豬扒都唔差！一樣好鮮嫩多！又厚又大塊！我覺得金鳳嘅扒餐，真係無得輸！價錢合理，平民化夠晒貼地！