金鳳大餐廳 (山林道) (裝修中)

放工經過尖沙咀呢間餐廳🍴見到佢外觀有滿滿的香港情懷，望入去見到每個都係食据扒，再望望價錢都有咁嘅份量，都真係幾抵！仲要係平日夜晚都坐滿人，入去試下都應該冇壞嘅！.美國極品牛小排 $140一嚟到睇到佢用鐵板上，已經幾有驚喜。有蒜蓉汁同黑椒汁選擇，牛小排都有兩大塊，牛味香濃、肉質細緻幾Juicy,底下仲有雜菜同薯格，呢個餐仲配有餐包同餐湯及飲品，都真係幾抵！🤣.金鳳招牌牛柳 $90嚟到當然要叫下佢個招牌試下啦！我想講嘅係真係勁…大塊！！！女仔真心食唔哂！仲要配上薯條同椰菜喺底，牛柳肉質厚實有咬口，但又不失肉汁，口感都算細緻。呢個餐都一樣配有餐包、湯同飲品！