金鳳大餐廳 (山林道) (裝修中)

放假約埋媽子行下尖沙咀,行到攰攰地,去咗山林道嘅金鳳大餐廳撐檯脚鋸下扒!打開餐牌,除咗有多款扒類套餐外,仲有沙律、小食、焗意粉、焗飯同海鮮套餐……等我哋嗌咗🍴加$25升級卡邦尼帶子意粉套餐🍴大蝦牛扒鐵板餐兩個套餐都配有和暖牛油餐包外,我哋揀咗一個羅宋湯,另外加$20轉龍蝦湯。紅湯蔬菜多足料,龍蝦湯creamy澀澀哋,兩個湯都幾有港式味道。平時食開嘅卡邦尼帶子意粉用忌廉汁煮,口感比較漏,呢碟就幹身感覺係炒嘅,仲加入雞蛋代替忌廉汁,意粉有蛋香味,帶子煎到金黃軟嫩。牛扒七成熟啱啱好,侍應細心淋上黑椒汁,熱辣辣嘅鐵板發出"喳喳"聲,好在有用紙巾遮住唧!牛扒肉厚,仲有少少粉紅色,吾會靭!大蝦彈牙有口感。仲有幾多薯條同配菜!如果再多啲黑椒汁就更加好喇😜。餐飲點咗杯檸檬水,另外加$18轉飲金牛。芒果雪糕幾滑,倒入忌廉,雖然食到好飽,都好味呀!下次嚟試下佢哋嘅紅牛、白牛同黑牛先!兩母女坐係舒服嘅餐廳慢慢嘆,都幾爽!又或者外賣都有折扣優惠㗎。

尖沙咀平民價錢据優質扒既餐廳 - 金鳳大餐廳以平民懷舊鐵板餐而聞名既金鳳大餐廳，1969年已經係太子起家，近年分店遍佈各區，最近更進駐屯門開分店，每到午巿晚巿時分，更座無虛席，人人枱上都會見到個熱辣辣既扒餐，黑椒汁淋係燙熱既鐵板上，滋滋咋咋，食慾大增 ! 但屯門新店既客人太多啦，CK就約左朋友去食另一間稍為無咁多客人既尖沙嘴分店。由於今次朋友已經訂左位，所以都未至於要好似門口既客人咁我地食完餐包都未入得黎，十分感恩 ! 餐廳設計懷舊簡約為主，裝修十足西式扒房。由於係即叫即整既，扒都要15分鐘先上到台面，大家真係要耐心D等丫，慢工出細貨丫麻 ! 所有食物都係由早上十一點半供應至晚上十點，選擇十分豐富，多達20款，除美國德州西冷、安格斯肉眼、美國牛小排等美國扒餐外，亦有其他牛柳、羊扒、豬扒、雜扒等選擇，折實後連加一最平係$126，包餐包、餐湯、咖啡或茶 ! 呢次我地試食左同一款牛扒餐，我自己一個食美國德州頂級西冷餐而2個朋友就SHARE。因為係西冷部位，故肉質帶嚼勁，太熟既話有D嚡，建議大家揀五成熟，係朋友怕食生冷野先揀7成熟，我覺得哂左塊扒呀，試唔到肉果種鮮味。至於黑椒汁就十分濃郁，鐵板

🍽金鳳大餐廳細細個成日跟爸爸媽媽去食港式嘅据扒，大個咗反而冇咩點食。突然心血來潮食返呢間老字號，啲感覺即刻返晒嚟.^◡^.♥︎野菌牛柳餐（$155）牛柳叫咗七成熟，雖然係比較熟一啲但係一樣係易入口唔會太靭，食呢啲一定要用鐵板上，然後再喺塊鐵板熱辣辣嘅時候淋啲黑椒汁上去先有feel😚加埋啲蘑菇做點綴感覺十分豐富～～♥︎招牌牛柳餐（$133）呢個餐真係必點！屋企人每次去到都會食返同一個餐，加兩蚊仲會有額外更多嘅蒜蓉，令到口感好有層次，比起無加真係好食好多📍尖沙咀山林道9號A地下💰人均消費：約$160

唔太理解點解啲人話好食，亦都唔理解點解成日排隊，可能係午市好平？我嗌左招牌牛柳，一放入口軟林林，冇肉味完全唔係落得太多鬆肉粉嘅狀態加錢嗌咗個龍蝦湯，我都係飲返羅宋湯算😒嗌咗個黑松露肉飯，個黑松露醬全部都係生粉開出嚟嘅顯Byebye真係你食埋我個份🌝

應該超過十年冇食金鳳喇，記得讀書時代到啱啱出嚟做嘢，間唔中就會去金鳳鋸下扒，嗰塊鐵板，加埋倒黑椒/蒜蓉汁落去嘅喳喳聲，大家要用張餐紙擋一擋，絕對係一個經典。🤣🤣🍴🍴今次揀咗尖沙咀山林道嘅老店，餐廳依舊都係好多客，環境裝修同以前一樣，好有feel. 睇吓餐牌，同以前有少少唔同，多咗啲貴價少少嘅美國牛選擇。一場去到，揀咗個美國牛小排套餐加一個招牌牛柳餐。識食當然係兩個餐都加咗蒜蓉，真係好食好多，呢$2唔慳得。🐂🐂兩個餐都叫7成熟，仲連鐵板上，但食落肉質好鮮嫩，一啲都唔韌。特別係牛小排個牛味好濃郁，加埋嗰蒜蓉醬同埋蒜蓉，真係一絕。牛柳亦好淋好入味，配咗黑椒汁加蒜蓉，好惹味。🍅🍅餐湯同餐包依舊好味，雜菜湯少少甜少少酸，加埋個熱辣辣嘅餐包，配埋牛油，所有童年回憶返晒嚟。另外仲有啲好有特色嘅飲品，除咗有我熟悉嘅黑牛，原來仲有白牛、紅牛同埋金牛。因為食完個扒已經好飽，所以只係簡單叫咗杯熱檸水同凍華田，下次有機會先試下啲牛牛飲品🐮🐮。另外要特別讚下店員好親切友善，雖然人客都多，咁忙碌依然保持笑容有禮貌，值得一讚👍🏼👍🏼

今日去開尖沙咀山林道揾食，係呢度有一間屹立多年嘅茶餐廳 — 金鳯大餐廳，最出名係特色扒餐，佢既下午茶都非常抵食，有三文治、豬扒包、沙律、豬肋骨、撈麵、西多士等等比你揀！今次叫左蕃茄肉醬焗意粉（$41）、一口西多士配吉列魚柳（$38）。肉醬意粉係傳統既蕃茄煮意粉底，肉醬由西芹、蘿蔔粒、洋蔥、肉碎、蕃茄醬煮成，並加上芝士鋪面焗熱，油份夠所以意粉好濕潤好易入口。一口西多士有兩大件，份量幾大，上枱熱辣辣，入面嘅餡係好香既粗粒花生醬，不過略嫌唔夠多煉奶，有啲乾，魚柳普通，肉質比較散。跟餐凍飲唔洗加錢，奶茶茶味夠濃，送西多一流！埋單仲唔洗加一，真係好抵食！

今日嘅午餐，來到位於山林道嘅金鳳大餐廳食呀。餐廳懷舊嘅佈置絕對氣氛一流，佢哋最近做緊一個午市扒餐88折嘅優惠，今日當然就係叫返個扒。我就叫咗牛柳餐，7成熟，份量唔錯有兩塊扒，加$2蚊就有一注蒜蓉俾你。成個餐叫不過不失啦，合理水準

尖沙咀山林道真係有好多好嘢食，今次同朋友就嚟食金鳳大餐廳雖然望落好似一般茶餐廳咁，但係其實佢係一間好正嘅港式扒房餐廳menu選擇非常多，套餐會配埋餐包、湯同埋飲品，價錢都非常合理我同朋友各自叫咗一份套餐，餐湯我揀咗飲羅宋湯，因為一直都覺得佢會比忌廉湯健康我叫嘅係五成熟嘅西冷牛扒餐($116+1)，塊牛扒都幾大塊㗎，五成熟燒得啱啱好唔會韌，性價比好高！朋友叫嘅係五成熟嘅美國德州頂級西冷扒($173+1)，佢呢份牛扒嘅肉質會較為厚實，同埋牛扒係跟鐵板上，熱辣辣咁食更加過癮飲品冷熱同價，我就飲咗杯凍奶茶呢個價錢好抵～開心

.平時一定大排長龍嘅金鳳大餐廳 今日終於試到🤤🤤✨………….感覺並無人講嘅咁神奇😂😂😆✨我感覺只係普通茶記水準😆但佢有咁多好評嘅原因，應該係因為夠曬抵食😮茶記價錢💸但仲包湯同餐包😙………..味道：🌕🌕🌕🌗🌑3.5/5性價比：🌕🌕🌕🌗🌑3.5/5服務：🌕🌕🌕🌑🌑3/5環境：🌕🌕🌗🌑🌑2.5/5(因為太受歡迎所以同其他食客坐到好近🙈🙈)回頭率：🌕🌕🌕🌑🌑3/5…………📍地址：金鳳大餐廳 (山林道) (尖沙咀)尖沙咀山林道9號A地下………..

記得細個果陣時，每逢佳節，爸爸媽媽都會帶我去食鐵板餐慶祝。所以，港式西餐廳對我黎講，實在有很多童年美好嘅回憶。但係，隨住時間過去，香港實在有太多美食，所以已經好少去幫襯港式西餐廳了。今次趁住聖誕假期，專登揀選左位於山林道嘅“金鳳西餐廳”去幫襯，貪佢歷史悠久，品質應該會有一定嘅保證，實行懷舊一番。唔需要等位，服務員好快就為我安排好座位。我今次就特別d，點選左鐵板羊架餐。落單不久，嘢食很快就可以上台了。羊架有3件配以薯條。我選取咗洋蔥汁，因為怕黑椒汁太辣，薯條是粗身那種，食落薯味更重。餐湯就係白湯，味道非常傳統。對我嚟講，牛油餐包每每係食鐵板餐重點，牛油包點埋西湯一齊食，麵包吸收左湯味道，食落自然就更加美味啦。至於，我選了朱古力作為餐飲，味道就真係一般般啦，如果能夠濃些就更好。完成懷舊旅程的第一站。👋👋👋

今晚約左朋友响山林道食飯，佢話好耐無食過牛扒，咁既然見到呢間咁老字號嘅牛扒店，緊係要去幫襯吓啦。入到去見到餐廳全full，呢間分店比總店大，舊有香港冰室裝修。雖然食牛扒好似油淋淋咁，但呢度仍然好乾淨。餐牌好多嘢揀，我哋就揀左一個港式扒，招牌牛柳餐，另一個就美式扒，美國牛小排餐，兩款扒都跟鐵扒上，一路食一路keep住熱。餐湯例牌紅白兩選，朋友話羅宋湯酸咪咪，夠開胃。而我就揀左忌廉湯，鹹鹹地，結結地，味道正常。餐飽軟軟暖暖，又大隻，搽埋牛油食，幾好，好耐無食過呢d餐飽喇。兩款扒加左生蒜，淋黑椒汁炸炸聲，份量足，各款有兩塊扒，容易share，同樣七成熟。招牌牛柳又厚又淋，入口軟熟，加埋黑椒汁超好食。美國牛小排都係厚，好有質感，厚實有咬口，都係連黑椒汁食好d。餐飲最後先叫，兩杯都夠晒大杯。朋友叫左杯少冰走甜凍奶茶，做到唔甜唔太凍之餘，茶味仲好濃添。我就叫左杯凍朱古力，夠濃夠甜又夠凍，飲埋佢飽晒。

每月特選晚餐 (北海道帶子拼西冷牛仔扒)呢個晚餐非常豐富，除左有餐包🥖餐湯🥣餐茶🍹，仲有沙律🥗同甜品雪糕🍦，當然唔少得就係主角鐵板扒餐🥩。而家鋸扒好少餐廳用鐵板上，呢間金鳳就出晒名係食舊式鐵板扒，牛扒肉質非常鮮嫩，入口有咬勁，完全無肥膏肥肉，而且帶子有鮮味及咬口。除左個汁咸左小小之外，其他都屬中上水平，值得encore😆

入到餐廳之後，我想食比較淋嘅牛扒，於是就問下店員邊一隻牛扒係最淋，店員就話牛柳扒係最淋。結果上到枱之後，果然牛柳扒真係好淋呀，其實我都好少喺其他餐廳可以食到咁淋嘅牛柳，而且好有牛味呀，呢蝶牛柳扒有兩塊，另外下面會配咗啲薯條同埋翠玉瓜。醬汁方面可以揀蒜蓉汁或者黑椒汁。呢個餐會包埋忌廉湯，同埋餐包，個餐包上到枱係熱，而且好鬆軟呀，配埋個忌廉湯嚟食真係唔錯。嘢飲方便會包咗一杯凍檸茶。我朋友就叫咗荷蘭豬扒，豬扒有兩塊，而且好大塊，比較抵食，豬扒肉質都係新鮮的。L

How does steak 🥩 sizzle in the old hong kong style? Let’s go to have a look at the Golden phoenix restaurant!!It’s my first visit here but I realised that this restaurant has many stores in other places like Lai Chi Kok, Prince Edward and etc.Talking about the food, me and my friend ordered ‚US Black Angus Rib Eye - $183and also Fillet Steak - $118 to compare if more expensive steak here tastes better or are they just the same.i added $20 to try their lobster soup, and my comment would be, pleas

雖然香港西餐廳越開越多，但有時都想懷舊下，食下港式西餐，今日係佐敦附近，就懷舊一下食下金鳳。今次叫咗兩份套餐： 招牌牛柳餐 、每月特選晚餐招牌牛柳餐招牌牛柳餐包左餐湯主菜同埋嘢飲羅宋湯佢嘅羅宋湯都幾夠味，味道偏辣，裏面都有唔少蔬菜牛柳鐵板個人推介呢個牛柳鐵板，首先佢嘅牛柳夠厚身，食落去啖啖肉，口感軟淋，好容易就可以切開，同埋牛味比較重。呢個鐵板配埋薯條。每月精選晚餐特選晚餐包四道菜再加嘢飲蟹子雜果沙律細細個好鍾意食呢啲雜果沙律，甜甜地酸酸地，作為前菜真係唔錯呢主菜係北海道帶子配西冷牛扒仔個帶子幾有驚喜，兩粒大大粒，仲幾有鮮味，而個牛扒仔就正正常常，呢個鐵板佢係配薯格。意大利配方雪糕佢呢個雪糕係抹茶味，雖然係跟餐，又幾好食喎，佢個味道係日式抹茶嘅味道，仲有啲甘甘地。餐飲