金鳳大餐廳 (山林道) (裝修中)

金鳳的鐵板牛扒相信都唔少人食過咖啦，今次竟然系尖沙咀行街都撞到距地有分店，梗系要繼續食肉之旅，鋸個扒啦。店鋪都相當大，熟悉的港式扒房風格，攞號埋位都相當快。Menu都相當多選擇，美式扒餐，港式扒餐，飯餐都有。最愛的依然系美國牛小扒，梗系要繼續order啦，朋友就試下蘇格蘭牛扒。扒連餐包同餐飲（紅/白湯），正常嘢啦。白湯味道OK，正常水準，呢個唔系重頭戲，無所謂。餐包皮脆內軟，裡面仲系暖粒粒，搽埋牛油，都好好食。7成美國牛小扒，餐上黎果時，店員先會問你攞乜汁，我就揀左蒜蓉汁，一落就咋咋聲，配埋薯菜，絕對夠飽。牛扒夠厚身，表面焦香，內裡肉汁豐富，牛味十足啊。搭配蒜蓉汁真系勁好食。蘇格蘭牛扒真系超大份，鐵板都擺唔落甘滯。落噶系黑椒汁，肉質都相當唔錯，但個人更喜歡牛小扒果種牛油的芬芳。總結：一如既往的有水準，出品品質有保證。