金香緣雲南過橋米線 (已結業)

聖誕節呢日去左荃灣行街Shopping, 經朋友介紹話附近有間幾好食既過橋米線~一於就試下啦呢度既座位都好闊絡, 環境乾淨有好多選擇, 都揀左幾耐下蕃茄湯小鍋米線我揀左呢個蕃茄湯米線, 個湯酸酸甜甜都幾開胃~米線口感彈牙, 又唔會太淋仲加左生菜同冬菇! 食得light D, 夜晚party可以返食多D!套餐A 朋友就揀左個套餐, 麻辣湯底, 入面有好多料: 牛肉, 豬潤, 雞柳, 生菜, 魚蛋, 豆卜, 炸醬, 花生..... 數唔哂店員會親自將呢d 配料按次序放入個鍋度~ 好快手!超足料, 好味道~跟餐加$3就有豆漿! 好大支好滿足既一個lunch, 米線個量好多, 多到食唔哂..下次可以叫少米, 或者兩人一碗麵再加小食

節日過後想簡單食清清地，見呢間食評幾好又就腳所以試下。一黎到光線好光猛，感覺好乾淨，無up味(可能新裝修)。落單既應該係老闆，好親切，原本我哋叫炸章魚燒但賣晒，佢介紹炸香菇燒 佢話一樣咁好食。我叫咗炸醬，腩肉，扎肉，豬骨湯米線朋友叫咗牛腩，鮮牛肉，滷蛋，豬骨湯米線，仲叫咗涼拌海帶絲。首先，涼拌海帶絲一來到比想像中大碟一盤涼拌小食都係得幾啖，值得一讚，朋友好鐘意汁味道。小鍋米線好大鍋好有誠意，米線好滑，湯較清，適合簡單食，又唔想食太濃味米線食完太口渴，清清地幾唔錯。炸香菇燒味道幾好好香口，炸表面皮薄好鬆軟，並不是一般貢丸，質感好彈牙，似墨魚丸加冬菇絲。腩肉不太辣但太肥，好似肥牛咁，炸醬味道剛剛好不太辣 味道不太濃。扎肉好特別，好有黑椒味，但2塊太少。整體餐廳感覺好乾淨衛企理，服務都幾好，米線份量好多，非常飽肚，味道淡而適中，食完唔會口渴。

而家米線店開到成行成市，但係每一間都總有分別既呢間係荃灣既米線店，打正旗號係雲南米線，又有小鍋又有麻辣又有酸辣，配菜選擇都幾多下唔同既配菜都係唔同價的小鍋米線我叫左既餸有牛腩，牛根，大腸每樣都只係單份既份量，但係都幾多下，幾鐘意呢度既牛腩，食落唔會痴牙，口感不錯，配合埋麻辣米線既湯底一流，牛根都係超好味，好入味而且好嫩滑，不錯不錯涼伴皮蛋呢道菜唔難整，最難都係個醬料，辣得黎又食到皮蛋個口感同味道！值得一試

今時今日，食米線已經變得無乜選揀。可以勾引到味覺既餐廳越黎越少。今日去試一間同事介紹既餐廳，都係用米線做招徠，試試佢先。香辣炸豬頸肉 $28酥炸既外層，似係台式鹽酥雞既做法。肉質煙韌有咬口。覺得唔夠味仲可以配埋酸辣醬，又係另一種口感。酸辣小鍋紅薯粉(四川牛孖筋/章魚燒/香菇燒) $50個人認為，食米線或者食任何麵都好，適量既辣係必需既。湯底香濃，同埋啖麵一齊放入口，啖啖都食得到既香濃。個人推介章魚燒同香菇燒，係坊間少有既餸，同屬丸類，只係材料上有些分別。味道上同平時食既墨魚丸、牛丸好唔同，值得一試！

荃灣開左一段時間既米線舖，金香緣雲南過橋米線，大陸franchise既品牌，響深圳成日見到，但係未食過。我就叫左腩肉米線，朋友就叫左蕃茄。我個碗腩肉味道都幾特別，腩肉都幾入味。我覺得都幾好食，而且份量都幾足夠，都算幾大碗，可以一試😎

放假陪老婆喺荃灣行街，行到好累，就喺附近求其搵啲嘢食，經過這間米線店，見其環境不錯，又不會太嘈吵就這間吧。老婆叫了炸醬竹笙牛柏酸辣米線，我叫了雞柳腩肉魚腐麻辣米線，先講份量，每份份量大，而且足料，湯夠多，唔會食食下成碗冇哂湯。再講味道，竹笙夠哂爽口，食到最後都後咁爽口，炸醬份量夠多，一啖炸醬一啖麵都仲夠，之後講下個碗雞柳腩肉魚腐麻辣米線，腩肉塊塊又大又多，而且咬落去就食到肉汁，夠入味。雞柳都冇令人失望，算得上滑，而且兩碗湯底選了小辣，湯底味道唔算太重，易入口亦唔油膩，雞柳索哂入面啲汁，好正。再講麵身，煮麵時間控制得非常好，麵質保持彈牙，唔會煮到過咗火變糊仔，配合埋芽菜， 口感非常好。還叫了涼拌貓耳及手帕青瓜。青瓜爽口新鮮，口感清新，味道小辣，非常惹味。貓耳係老婆最愛，味道同青瓜相似，但口感不同，軟身啲。食飽後，再同老婆行吓街先。

又到每星期上課時間，今天早左收工，可以吃左晚飯才上學。同學仔話唔想吃太飽，就選米線。這間店舖裝修乾淨企理，彩光光猛。坐下我們叫了冬菇、蘿蔔、豬膶酸辣米線，朋友叫了腩肉、扎肉、豬大腸麻辣米線。我的先來，雖然叫了小辣，但辣味仍然好濃，立即要叫烏龍茶飲。蘿蔔好冧好入味，豬膶有少少硬，不過還可接受，冬菇好入味，配上芽菜、酸菜、蔥花好好味，啲米線不是太冧，剛好。朋友碗米線，啲腩肉好入味，扎肉都ok, 豬大腸超正，好正，頂瓜瓜。朋友見隔離碟口水雞好正，又想吃，好la, 捨命陪君子啦，好味，但對我來說太辣了，後來又加多碟涼拌皮蛋，這碟辣味剛剛好，好合我口味。這間店在學校附近，晚上收十點，放學來吃也很好。這間米線店，價錢不貴，街坊價錢，不錯，又多一個食堂。

是日星期五😌，下班前的10分鐘🕖，接到了尊貴客戶的一通電話☎，最後大家就要在這快樂的星期五💖，繼續加班了💻。基於被毒氣籠罩😔，當所有事情都處理好後☹，同事妹妹與人妻🐷決定要好好的吃一頓🤪，好好的幫助消化那一肚子的氣🤯。剛好想起公司附近有一家米線店🍜，一直也沒有機會試過🤔，就去那一家好了😛。店內環境開揚😳，天花掛了滿滿的中式傘子☔，既優雅又不失時代感😍。店內提供了4款湯底🥣，另有多款配菜供自由配搭😁，更有幾款的小食提供🍢。麻辣小鍋紅薯粉配四川牛孖筋肥牛及豬潤🍜：香氣撩人的麻辣味🌶，當然是要配煙煙靭靭的紅薯粉嘛💘；牛孖筋口感爽嫩🐮，骨膠原豐富喔👍；豬潤爽滑彈牙🐽，完全不會有腥味💖。花鵰雞中翼🐣：一客共有5隻🖐，肉質肥厚🤩，入口馥郁清香😌，與雞肉的鮮甜完美融合💞，讓人一口接一口的🤤，停不下來💓。總結： 雖然這個星期五沒有預期的開心😌，但至少得到了好西的慰藉💝，毒氣馬上煙消雲散😘。

今日係荃灣附近搵野食填飽個肚。路過見到呢間食用雲南米線既舖頭幾企理，幾大間。價錢又平民價！決定揀呢間！😄環境乾淨舒適，放滿了好多特色擺設 油畫。本身打算食雲南米線，經餐廳推介佢地最新出既 藥膳醉雞米線，我決定試一試喇。一黎到已經嗅到陣陣既藥材味。天氣開始涼涼地，食藥膳雞 補下又幾好。😃未食之前，試下個湯底先 😋湯底好濃味，湯底好足料，落左好多 蟲草花落去，味道甘香鮮甜，好暖胃！估唔到仲有好多件雞食，索哂啲湯好入味。雞肉嫩滑。又幾好味喎！😋仲叫左個 涼伴皮蛋 🌶食。味道唔會話好辣，接受到。辣得黎夠哂香，好惹味。份量都幾大碟。好開胃。另外仲叫左支 豆醬 飲😀味道好清甜，幾好飲

同朋友係荃灣行完街，行到肚子都餓！好想食個 tea，坐下食下野抖一抖 😀😀見到呢間雲南米線有下午茶優惠，又幾抵食喎！就呢間喇。😄🍴餐廳都幾大間，好光猛舒服。冷氣又夠哂涼。主打都係食米線，都幾多餸你選擇，價錢又合理😀我就揀左碗： 柱候牛腩 ，魚腐，墨魚丸 ，酸辣小鍋米線（小辣）😀都幾大碗喎！酸辣湯底十分開胃，酸酸地又辣辣地好惹味！米線煮到夠哂腍。吸收哂個酸辣湯。而且都好多料，質素都唔差。牛腩炆到夠哂腍又幾重牛味。舊舊切到唔會好大舊，咁就方便我食喇😋下午茶時段仲可以加錢叫豆漿！好抵，只需要加$3就有成樽豆漿你飲。仲幾好飲添！仲叫左：炸章魚燒丸子食！👍幾好味！炸到成粒都好香脆，食落又唔話覺得好油膩。炸粉唔厚。章魚味濃，食落仲有一粒粒章魚，好有咬口，好彈牙。🤤鮮味十足！

係寶石大廈對面原來有間米線鋪頭都幾好味，平時住你係荃灣咁耐都好小經過，今日下午茶時段黎到，入面都幾大，而且環境衛生😄叫左個小窩米線，加左豬大腸同魚腐，味道幾好，湯同米線既分量岩岩好，另外叫左個醉雞翼，有四隻都幾入味，唔錯

以米線為主嘅食店, 好多時都會將重點放喺湯底又或者餸上面, 但係其實米線本身好重要, 金香緣嘅米線爽口滑嫩, 口感特別好, 所以我特別鍾意食小鍋米線今日特別肚餓, 所以要左三個餸, 大腸, 腩肉同埋魚片角, 大腸厚厚的, 但唔會靭, 腩肉唔會太肥, 而且仲好入味, 魚片角好爽口彈牙, 魚味重之餘又唔會太咸花雕雞中翼呢款小食有分大小, 小嘅3 隻, 大嘅5隻, 我叫左個大嘅, 食落去酒味剛剛好, 唔會太重或太淡, 雞翼唔會太肥, 配米線食真係好啱

荃灣好多食肆, 當中食米線嘅食店都有唔少, 當然質素參差, 今日下午茶專誠嚟到呢一間我喜愛的其中一間雲南過橋米線, 呢間米線品牌已超過十幾年, 絶對有實力酸辣小鍋紅薯粉🍜🍜米線食得多, 今日特別揀左紅薯粉, 晶瑩剔透, 柔潤嫩滑, 另外加左三個餸, 分別係鮮牛肉, 豬潤同大腸, 鮮牛肉肉質鮮嫩多汁, 豬潤咬落唔會有渣, 大腸處理功夫好緊要, 呢度做得好好呀, 洗得好乾淨, 煮得又淋又入味香辣炸豬頸肉🐷🐷豬頸肉用炸嘅方法比較少, 不過厨師功夫唔差, 炸得好鬆脆可口, 又可以保留到本身嘅肉汁, 好味😋😋

我最愛既食米線既餐廳執左, 雖然食米線既連鎖餐廳開到周圍都係, 但我就係唔鍾意食連鎖既, 又多味精只要遇到間新既米線鋪, 我順路去到都會敢於嘗試呢間係荃灣既米線, 有4 款湯底, 豬骨, 蕃茄, 酸辣& 麻辣湯我地都係愛辣之人, 就揀左酸辣 &麻辣, 每人3個餸麻辣湯+四川牛孖筋+冬菇+白蘿蔔麻辣就算要小辣其實都幾夠辣, 刺激過癮餸既份量都幾多, 牛孖筋好軟腍入味,冬菇厚身又大大粒, 平時食車仔麵都無佢咁大粒, 又燜得入味白蘿蔔好甜又無渣, 切得大大舊另一碗就係酸辣湯+牛丸+鮮牛肉+香茅豬扒酸辣湯已經放左酸菜牛丸彈牙, 鮮牛肉嫩滑香茅豬扒微焦香口, 入口鬆化手拍青瓜, 冰涼爽口, 酸酸帶點微辣, 提昇食慾叫左樣樣都係辣, 叫返個唔辣既小食, 花雕雞中翼, 凍凍地, 加上滲出香濃酒香, 好好味食辣要飲返杯凍飲, 青檸梳打, 落足一粒青檸原本想要豆漿, 因為有解辣作用, 可惜賣哂, 轉要左忌廉整體米線水準唔錯，食完都唔口渴

荃灣最出名的美食之一是米線, 今日行到來這邊, 試一間未吃過的小店。花雕雞中翼5隻$30: 花雕很香很入味, 雞翼肉亦滑。小鍋米線 酸辣$50: 叫了少少辣, 對我來說辣度仍是很高, 而且很熱, 所以感覺較辣, 不過食得辣的話便很開胃了, 選了配料牛筋、炸醬、竹笙, 牛筋較硬身爽口, 我較喜歡吃軟的, 竹笙較少見, 值得一試, 炸醬不辣, 調好味, 另外附上的, 味道不錯。小鍋米線 蕃茄湯$50: 湯底蕃茄味濃郁, 不食辣來說是很好的選擇, 章魚燒是有粒粒章魚在的小丸子, 味濃, 切雞和魚片不過不失。涼拌土豆絲$20: 麻辣味道幾強, 適合喜歡辣的朋友, 我們就要邊喝飲品邊吃。青檸梳打$16: 味道清新, 酸甜適中, 是食辣野的良伴。