金雞去骨海南雞專門店

营业中

休息中

話說當天入西貢行山，之前要找好西吃，朋友極力推介金雞海南雞,於是就去try try,睇下係咪浪得虛名一入到店舖，五算大間，一間小店做到咁有名氣，確實要试真d雖然店員好像有一股高傲的態度，但本人依然有禮的態度下單，點左一個海南雞飯同麻辣雞飯，本來唔食雞皮的我,我見我朋友食得津津有味,於是嘗試一口,🐔皮果然好爽，雞肉亦好滑，果然味道不錯，個人個喜歡佢個醬汁，撈飯一流麻辣🐔飯，不算辣海南🐔飯(小飯)連皮食原來更可口

今日難得同朋友行山，體力勞動前，當然要大快朵頤吃一餐又飽又痛快的。西貢的餐廳很多，所以我們行了一圈，打算選擇一下，行經見到海南雞飯的專門店大招牌，而且深深被吸引了，最後決定一吃以星期六的中午時間，店內人數多，但也不用等候長時間，大概5分鐘便能安排入坐來到必定要吃招牌海南雞飯，所以我們點了兩份去骨海南雞飯套餐（跟湯）$52上菜時間亦很快，對於日常需要應付客流量大的餐廳來說，這是基本上菜的海南雞飯，湯比較普通，不過冬天冷冷的，飲一口熱湯，非常醒胃飯量看似適中，以女生的食量，應該剛好，而相比下，海南雞的份量比想像中要多在吃第一口時，先沾配上的醬料，放入口中，如我所想，雞味很香，多上入口軟軟係骨，雞肉亦很嫩滑，再加一口油飯，這個完美配合的美味，絕對不能錯過雖然我很少入西貢，但為左可以再食這海南雞飯，這絕對是我入西貢的一大動力

最近疫情下，個個都想去郊外除低個口罩，但行山又多人，所以就鼠入黎西貢遊下船河啦西貢有特色同好味既餐廳都好多，但心郁郁都想食下海南雞，一搵之下，西貢原來有專門店！呢度講明係專門店，絕不三心兩意，所以餐牌可以揀既野食，真係得幾樣揀。不過咁都好，起碼唔駛食幾次先試勻啲菜式。今次就叫咗個二人餐同一個飯餐，一個小食。咁就試哂大部份既野食啦～主打一個係海南雞，就咁睇已經知道啲雞又嫩又滑。浸得好靚！一個例牌，有翼脾又有雞翼。雞胸唔柴又無渣，值得一讚！元腣，入得餐牌，梗係有信心。啲元腣林得黎又入味，個汁夠濃夠甜～另外，額外嗌咗個飯餐。咸魚魚蓉肉餅。呢個絕對有大大驚喜。本身上到枱面，覺得又薄又乾，完全係唔靚仔。不過一食落去，肉餅味道好夠，又唔太咸，味道黎講岩岩好而最大既驚喜，係肉餅煎得好香好脆！咬落去feel到外脆內軟既口感，絕非普通既肉餅。正餐之外，見到一款小食係另外既餐牌，貪心既我都忍唔住嗌咗黎試下。泰式魚餅黎講，味道幾好，煎得唔差，個醬有料到。細細舊又容易食。唔錯！主菜之外，跟餐仲有送湯同油菜。個湯都係南瓜湯，自家煲。天氣熱，飲杯凍檸賓

好耐以前食過呢度印象中無乜特別今日再黎睇下有無分別叫左個二人餐海南雞半隻加狀元蹄例牌餐湯先到顏色好深，感覺好濃郁味道都幾好海南雞無骨好嫩滑配嘅3款醬汁酸辣汁好出色，真係食得到微辣👍油飯同菜都正常元蹄好淋滑唯一一個問題係呢度食野嘅節奏太快拍得住澳牛上菜快收碟快令人想慢慢享受下都難希望可以改善下

去骨海南雞飯套餐(跟湯)• 雞肉極之香嫩滑溜，皮與肉的比例剛好，充滿雞油的香味卻又油而不膩。• 去骨後的雞肉吃得很暢快，不用顧慮的啖啖都是肉，可惜只剩雞中翼没有去骨而已。• 附有三款醬油供配搭，分別有蔥油、豉油、辣醬。不過不用醮之下都能吃出油雞的香味。• 令我感到最驚喜的是套餐中的油飯，特別之處在於是油飯之餘還加入了酥炸了的香蒜粒，令在香口程度大幅提升！• 以食物的質素和份量而言，我認為跟價錢成為正比，值得推薦及一試。

成班朋友黎到西貢行山，一到西貢市中心立馬過去美食街沖著金雞海南雞飯去了🤤金雞兩個店面都滿座但是我們願意等，大概等了十分鐘左右就有位置了今天有四個人，所以可以點個四人套餐$298❤️❤️住家老火靚湯湯一點都不馬虎，南瓜湯好濃郁係住家湯既味道呀，勁想飲多碗👇🏼三色醬，個人最鍾意右邊既薑蓉👇🏼👇🏼鹵水汁時菜👇🏼非常普通，整個套餐最失色既一樣菜❤️馳名香煎手剁咸魚蓉餅呢款個個都話好味，好香口，微微咸魚味魚餅整到超薄，所以好易入口❤️雞油飯唔會好油，有雞油香味，比普通白飯會更好味❤️❤️招牌去骨海南雞一隻因為我地點既係四人餐所以可以有成隻雞非常嫩滑，去曬骨啖啖肉🌟算係我食過最好味既海南雞飯之一P.S.因為呢邊都多人食飯，店家人手比較少，所以要點餐後需要等比較久一點。😂

又一間出左名就串到死的食店，其實光顧已經有一年多，分量一向吾算多，不過味道還可，平時多數見到老闆娘多，問佢攞杯水都肯俾，今次我兩個人去食，問老闆攞兩杯水，最初只肯俾一杯，因為有烏蠅，我攞左黎洗下啲筷子，所以再問攞多杯，個老闆已經嘈，話平時吾會俾水的！我話食左成年都未試過，講真要多你一杯水多你幾多成本！我兩個人要兩杯水都不過份！你收我五十幾蚊一個飯，叫你俾杯水都吾肯,老闆話地方細喎，個個要杯水仲得掂，你咁樣不如貼告示不提供清水啦，地方細就吾俾水依啲借口都講得出！我一定吾會再幫襯

是晚西貢遊，為的是享受一點平靜。上兩次已經留意到這間海南雞店，今次特意回來一試。店舖不大，不過對面的小舖位也可坐的。樓面姨姨似是泰國人，廚師則應是香港人，一邊放著本地著名樂隊Beyond的歌曲，一邊預備食物，相信他心裡都有份熱血！我們點了二人餐，有一碟無骨海南雞（例牌）、一碟咸魚肉餅、一碟油菜、兩個油飯、兩個南瓜🎃湯及兩杯飲品，這樣多食物才$178呢！海南雞肉質滑，無骨，三款醬汁正常，有甜豉油；肉餅前至脆身，入味；油飯味道正常，不會過膩。缺點：檸茶茶味較淡😂

係西貢完左水上活動當然要係附近搵食啦我同朋友就轉入條巷仔搵食，見到金雞就介紹比朋友話唔錯（因為之前都食過兩次），咁就決定食呢間。係紅蘿蔔🥕粟米🌽湯，鮮甜唔覺有味精，飲落有住家湯既感覺☺️好幸福呀。主角到喇😍如果想食雞脾位就要加10蚊，但我個人冇咩所謂，因為呢到既海南雞係好滑既，個飯係一般海南雞會配既油飯，食落好香，真係就咁食飯都得！不過雞份量就唔算多喇。點雞既汁有三款，黑色食落有梅味，朋友話似涼茶味，但唔係好苦個隻涼茶，中間辣醬唔會好辣，最後仲有蔥油，真係一次過滿足你三個願望呀😂要提一提大家如果假日尼食就要早少少，因為上次星期六夜晚同屋企人尼食，我地食完個陣就聽到話冇曬海南雞喇。

諗住入西貢行吓食下野，門口等位等左15 mins, 又無飛派，焗住企門店等7點幾鐘，入到去叫2人餐跟油飯配湯加泰特飲，諗住終於有得食，坐左無耐話耐話要調位，去隔離屋，咁呢閉，咁算啦，轉隔離屋坐幾分鐘後，有個人話無晒海南雞，你轉唔轉肉餅，元碲飯，我諗緊問有無2人餐個湯同菜，又話無架，無晒海南雞由2人餐變單點飯，無野飲，無湯無海南雞，又唔好叫海南雞飯專門店一係入座前，話俾我地知無海南雞，仲入唔入座咁趕客！！！

西頁總店始終是比較好，食品品質分店是無法做到。假期真的很多人，要排隊，不過好彩地方夠多，連旁邊的茶餐廳的可以坐，加上大家都食得好快，所以好快有位，雖然要搭枱，不過明白的。是日叫了二人套餐：招牌去骨海南雞 - 味道很好，都算滑嫩，醬汁一流滷水西貢狀元碲 - 入味，外皮滑滑，但肉質有點嚡滷水汁時菜 - 夠味湯 - 好味飯 - 是次沒有白飯，只得雞油飯海南雞還是首選，而且有很多人外賣全雞，就知佢有幾得。西貢真的有很多其他選擇，下次可以去試其他野。

去西貢行山，先到市中心吃點東西，自然想起了金雞海南雞飯。11點的尷尬時間，食客一樣多。我哋一行四人，稍等了一會才有位。除了海南雞，也元蹄、肉餅。 看了又看，還是選了招牌無骨海南雞飯。先來個自家湯水 - 青紅蘿蔔南瓜湯。南瓜很出味，可見此湯火喉。 招牌去骨海南雞飯 $57份量看似不多，但吃落超夠飽。 海南雞皮脂肪不多，既薄又滑溜。平時不吃雞皮的我，也忍不到把它吃光。 飯比較軟腍，沒什麼雞油，但勝在有椰香。 加$5的麻辣雞飯，就是加了麻辣汁汁。醬汁不算太辣，我覺得食回原味就夠了。 整體質素不錯，但未到要排隊等位或西貢必吃之選。餐廳資料:金雞去骨海南雞專門店      地址: 西貢福民路(食街)34號地舖 電話: 34889844

入西貢 除左車仔面同炸雞🍗仲有間海南雞飯幾好食幾年無食，今日下午特登去試下味道同以前有無唔同啦去到無位，個職員話可以去對面間餐廳坐果間明明係茶餐廳，唔知點解可以坐過去坐低之後就叫左兩個海南雞飯 一個要雞脾一個正常等左十五分鐘就有得食食落口發現隻脾係超滑真係會冼果種滑就算唔係脾既肉都無鞋既感覺個醬汁都係果三隻我最鍾意都係個甜醬個油飯都好香，而且係混左炸蒜係入面食落幾有口感唯一不足既地方就係雞既份量唔太多呢個價錢黎講,如果多d就好喇

上星期太忙，忘了打返個食評⋯⋯上星期六好忙亂的日子，一早全日就要去上堂，晚上還要回去馬鞍山聽講座，勁趕的途中娛到電話，一起聽講座的朋友竟然在西貢食緊飯，仲可以幫我買外賣，先是羨慕人地可以咁悠閒，亦慶幸大家記得我會食唔切飯！原來佢地特登去西貢食海南雞飯，我就一於唔蝕底，叫佢地帶個外賣返嚟！平日都喜歡食海南雞的我，今日一打開個盒就知係好嘢！雞油飯又勁香，而那些的雞肉滑到一個點，配埋佢俾的醬，真的無得輸，俾返錢朋友時，仲話50有找，實在太抵食！下次我要去店食！

喺西貢出完海，曬到燒豬咁嘅時候，朋友話帶我去食一間西貢好出名嘅海南雞飯🤪 即刻lur飯應！一入到去見到都好多人，不過好快就有位坐低。▪️ 無骨海南雞飯($52+8=$60)雞皮肉嫩爽口，皮肉比例剛好，雞肉嫩滑🐷 而且份量好夠！夠送曬一碗飯🤫 三款醬料分別係，豉油，葱茸同辣汁。當中好出奇地最好食嘅竟然係豉油！從來其他地方食都覺得豉油太鹹，但呢間餐廳使用左甜豉油，真係出乎預料之外！〰️〰️〰〰️️〰️〰️〰️5/5🐷〰️〰️〰️〰️〰〰️️〰️