金雞去骨海南雞專門店

营业中

休息中

係西貢完左水上活動當然要係附近搵食啦我同朋友就轉入條巷仔搵食，見到金雞就介紹比朋友話唔錯（因為之前都食過兩次），咁就決定食呢間。係紅蘿蔔🥕粟米🌽湯，鮮甜唔覺有味精，飲落有住家湯既感覺☺️好幸福呀。主角到喇😍如果想食雞脾位就要加10蚊，但我個人冇咩所謂，因為呢到既海南雞係好滑既，個飯係一般海南雞會配既油飯，食落好香，真係就咁食飯都得！不過雞份量就唔算多喇。點雞既汁有三款，黑色食落有梅味，朋友話似涼茶味，但唔係好苦個隻涼茶，中間辣醬唔會好辣，最後仲有蔥油，真係一次過滿足你三個願望呀😂要提一提大家如果假日尼食就要早少少，因為上次星期六夜晚同屋企人尼食，我地食完個陣就聽到話冇曬海南雞喇。