金雞去骨海南雞專門店

营业中

休息中

去骨海南雞飯套餐，9塊雞肉再加一隻雞中翼，份量可以呀！黃油雞皮唔膩帶爽彈，雞肉嫩滑可口。油飯外觀已很吸引，乾身且看不到一絲的油膩，吃下軟中帶有淡淡的雞香味，而混有的炸香蒜令其更惹味。滷水西貢狀元元碲飯套餐，菜名很厲害，但味道卻一般。滷水很稠，可又沒什麼味道，元碲肉尚算炆得軟淋，不過就仍是較粗嚡。反而個豬皮炆得只見是肥膩膩的，吃上去又滑又彈牙。都會跟湯，的確是濃雞湯，好喝。另加飲品，特飲+$18椰汁冰，十足的椰子榨汁，濃滑。龍眼冰，較清潤，微甜。

聽人講西貢呢間海南雞飯幾好食，一行四人喺西貢玩完就去試吓啦。餐牌其實唔係好多選擇，我哋直接嗌咗一個四人餐($298)，包海南雞一隻，滷水豬蹄，菜心一碟，餐湯四碗，油飯四個， 仲有四杯餐飲。個海南雞建議咩醬都唔點試一試先，真係幾香雞味，同埋非常之嫩滑。油飯入面有啲炸葱，都幾香。餐湯係南瓜湯，菜心都係正常普通水平。至於個滷水豬蹄，唔太識欣賞，都好林入味但係對比海南雞，真係覺得一般。一開始見呢個四人餐包幾多野覺得抵食就嗌左，但係其實食落真係海南雞同油飯最好味，其他表現一般，所以其實寧願係嗌四個海南雞飯，仲抵過四人餐，因為四人套餐入面嘅餸都係一般。

女朋友係住西貢既但平時就好少喺西貢食嘢今日佢帶咗我去食西貢好出名嘅海南雞飯🤤🤤🤤今日嘅行程係食完早餐再去coffee shop Hea呢間無骨海南雞飯佢話喺西貢好出名果然係名不虛傳我哋兩個人 一個人嗌左去骨麻辣雞飯套餐跟湯 （油飯）$57另一個就咁嗌去骨海南雞飯套餐跟湯 （白飯）$52 辣同唔辣相差$5😂😂😂 只不過係加多左辣醬🙈🙈🙈雞係好柔嫩 好滑👍🏻👍🏻 油飯係過份油😞😞😞 其他都好好食！

一年一度的西貢獨木舟順利完結，天公造美令我地玩得盡興，完成壯舉後便去醫肚。今次不食泰菜，反而簡單的食個海南雞飯，來到這家金雞海南雞飯專門店。這家小店原來都有幾間分店。店仔細細，但外賣的人都很多，很多都成隻雞買走。我地每人就點了一個飯。跟餐仲有湯送。雞飯的份量適中，雞油飯中好像加入了蝦米，和其他的感覺不太一樣。飯也有雞油香，入口都粒粒分明，幾好食！雞件的份量頗多，雞皮黃得閃閃令，好吸引。加上雞醬和蒜容等，十分不錯。餐湯是南瓜蘿蔔湯，飲落清甜。埋單每人50幾蚊，食到飽且質素不俗，感覺抵食！

準備去西貢玩水，是抗疾下的戶外活動，曬下太陽早一點入去食lunch 小巷中随便入一間 小巷位好小，環境衛生都一般。呢個轉一只賣海南雞飯$58 一碟 先曬骨食入口啖啖肉我試了辣醬，分別就是多了辣油，都係原味跟返薑，醬油膏同酸汁先正式好味原味轉了雞髀位，我好彩都唔會鞋身。個飯雞湯鹹香味幾重，仲撈了炸蒜碎添，幾好味。連我呢個low carb diet 都食了兩小口飯,等陣行多d路把糖份用掉吧！包一碗南瓜湯，中式南瓜湯，飲到南瓜煮到溶的甜味

今天和友人去西貢，中午時段，想找個地方吃東西，看到openrice介紹好像不錯，決定一試。到達店舖，有個熱情的阿姨招呼我們進店內吃飯。我們進去對面鋪位坐下，店內沒甚麼裝潢，應該是多客人，才租用作用膳的鋪位。餐牌只有幾個餐，我們選了普通的海南雞飯餐和滷水蹄飯餐，飯餐跟湯，都要$52一個餐。飯餐送上後，我們有點失望，因為雞肉實在太少。然後看一看隔壁桌，點了二人餐$176的，份量則較多。因此，可以的話，建議選二人餐會較好。油飯的香氣十足，有乾蔥在裏面，吃上去香而不油。雞肉是嫩的，但雞胸部分較乾，而且有雞皮的雞肉都很薄，份量很少。而另一個飯滷水蹄飯則大失所望，皮的部分軟軟的還好，但肉質很乾、很硬，不好吃。可能剛巧選了不好的部分給我們吧！南瓜湯好喝，屬於中式老水湯類。店外不斷見到很多人買外賣雞肉，可見雞肉是好吃的。可是，個人覺得，飯餐的雞肉太少，而滷水蹄飯餐也不好吃，只有飯和南瓜湯較好。如果真的要吃，建議選二人餐，因為與飯餐差太遠，感覺不良好。下次來西貢不會再吃。

門口見有明星黎食過合照，睇報道都好似唔錯，不如就試試。鋪頭細細間，得四張枱，都不時有人入黎食，更加係不斷有人外賣，一於試試佢嘅招牌菜式：去骨海南雞同元蹄。叫左2人套餐1.招牌去骨海南雞半隻海南雞幾滑，好滿意！雞皮唔會太肥，連皮食又更香滑，一d罪行感都冇配上甜蠔油、蔥蓉、辣醬，更惹味。份量都幾足。2.雞油飯雞油飯好香，應該係有用蒜炒過，飯面有d蒜皮。俾我見到其中一碗飯入面有粒八角相信係落埋落去炒過個飯。3.滷水西貢狀元碲元蹄肉估唔到竟然都幾滑！煮得腍一d都唔硬好啱入口。皮更加係超滑同埋厚身，骨膠原豐富，好好食。味道偏濃，但唔算太鹹，啱普遍人口味。套餐仲包住家老火靚湯。應該係南瓜湯。湯較清，應該真係冇落味清，有少少南瓜蓉同埋雞骨，味道算唔錯。菜就細細碟，較幼身，但好嫩飲品就真係好一般，普通凍熱檸茶，好細杯，係茶餐廳茶杯。整體都滿意，不過佢d餸可能係一早整定？一叫就等唔使兩分鐘就上枱。餐牌： 內在環境：

去開西貢耐唔耐都會幫襯呢間海南雞店~ 可能因為出咗名啦， 如果老細(有一個女，一個男) 睇舖嘅話多數都比較串嘴， 反而有個泰籍女侍應就好有禮貌，又好落力做嘢嘅~最鍾意食係佢個油飯， 好夠味有落到炸蒜去蒸飯， 配埋佢個蔥油 (有芫茜一齊整嘅) 一流 另外佢嘅紅汁，今次比之前辣咗，我自己鍾意食辣嘅，所以覺得好食咗，啲味豐富咗至於雞方面，今次份量比以前多咗少少，但係 雞皮與肉中間冇咗層啫喱 😭海南雞飯跟個湯係南瓜湯 (中式嗰隻) ，不過越嚟越細碗。。同埋今次冇任何湯渣 (以前會有一嚿粟米+少少南瓜) ，今次係淨湯$52 海南雞飯跟例湯一碗， 性價比嚟講係ok嘅 油飯同埋醬汁加分

平日中午到西貢經過這間海南雞店沿路個條巷都係食店林立競爭激烈見這間鋪頭keep住都有食客 都坐到滿哂 見有人離開即閃入去 唔洗等位同行朋友都好肚餓兩個人就叫左一隻雞雞肉非常滑嫩連雞胸都好滑食得非常過癮 啖啖肉 大推👍🏻另外仲叫左個小食酸酸甜甜更加開胃！今餐非常滿足

位於西貢嘅金雞人流非常多，每次經過都見到坐咗起碼7成人，今次就同大家試下佢啦！！！我就叫咗一個最classic嘅海南雞飯，唔洗講啦，食海南雞一定要叫油飯。佢依到嘅油飯好掂，碟飯一黎到就聞到佢嘅油香味，最神奇就係佢食落口竟然唔會覺得好油，個油香同佢嘅無骨海南雞真係好夾，啲雞重要好滑好有雞味冇雪味，加埋佢地提供嘅三隻海南雞醬，個味道又多咗個層次。隨餐佢會送一碗湯，今次就飲咗南瓜湯，同大部分港式餐廳嘅例湯一樣，都係比較淡，不過個人覺得都冇乜所謂嘅，反正黎都係為咗個飯而唔係碗湯。碗湯可有可無。喺到推薦佢比大家試試。

去西貢都好多次，真係一次都未行入過依條小巷。咁啱有充足時間，又吾想隨便搵間祭五臟廟，即管掃到入去，發現原來條巷裡面有好多吾同小店。小店正合我何車，一於由頭行到落尾，再行回去，終於決定嚐試下依間 海南雞飯，反正都真係好耐冇食過海南雞飯，幾時之前食過都冇哂印象囉。好在我不嬲吾會係繁忙時間食午飯，所以雖然係得4張檯嘅小店，但就係啱時間吾忙，所以正好配合疫情坐得輕輕鬆鬆。佢地依過海南雞飯不愧寫招牌菜，雖然份量不大，大胃王一定吾接受，但我最鍾意係個雞味道同好滑，而且個飯底亦非常好味，吾同出面一般油飯嘅感覺，同埋跟送個湯都好吾錯。食飽行出來先知道原來對面仲有一間舖仔係佢地，繁忙時候就可多啲位啦。下次我會再嚟試下佢個豬手飯！

很久沒去西貢，一入到西貢下車第一時間和我的子女跑去他們最喜愛的金雞海南雞。我們都是忠實的金雞迷今日點了幾個套餐，本來想點個四人套餐不過人實在太多，下次平日過嚟可以慢慢食元蹄肉餅一樣好食，但是今次雞和南瓜湯飯相較之前比較淡茂，眼見就廚師全都很生面口，換了廚師換了口味，那位廚師仔都看不見他不過都是我心目中全港第一的海南雞，加油繼續努力

成日都聽人講呢間海南雞好出名，所以今日禁岩嚟到西貢就試下佢。間舖頭好細，得5，6張枱倒。今日好彩係平日少人啲如果唔係一定有排排先食到。我地兩個人想食多少少嘢，所以叫左個金雞二人餐。首先嚟咗個南瓜湯，好重南瓜味同好溶，好真材實料好好飲。-西貢滷水狀元蹄滷水汁好入味，令到成隻豬手都好有滷水味。另外隻豬手好滑，唔會乾柴柴，脂肪同肉嘅比例都啱啱好。真係食唔停口。-無骨海南雞半隻到主角出場啦，一攞出嚟就見到隻雞好嫩滑。但你就唔好expect 佢會好有雞味😂 啲雞做到嫩滑已經好好😋另外嗰啲醬油都做得好好味。-雞油飯一聞落去就已經好香雞油味，呢個雞油飯都煮得好有心機，唔單止落雞油煮仲有加咗啲炸蒜同八角，等個雞油飯更加有層次。👍🏻176蚊食到咁多好味嘅嘢，真係好抵。唔怪得知，咁多人會過嚟排隊。下次會再嚟食👍🏻

呢間位於西貢嘅海南雞飯，真係出晒名，去得西貢嘅朋友，或者鍾意食海南雞飯嘅，都一定會聽過唔係講笑，真係雞，非常白滑，飯又好味，非常夠香，會令你沒齒難忘！大家可以見到佢嘅雞件雖然唔多，其實份量唔算大份，但係正正就係因為咁，會想你食多啲，可能下次再返嚟幫襯雞件主要以雞胸附近嘅肉為主，就算連皮，見到脂肪其實都唔算多，所以唔會食到成口油，雞肉非常嫩滑，唔會有種鞋恰恰嘅感覺重點黎啦，雞點上甜豉油，佢哋嘅辣椒醬，辣得來又唔會太誇張，味道真係非常啱啱好！令一個令你覺得好食嘅，絕對會係佢嘅油飯，因為除咗油飯非常香，原來入邊仲有一啲精粹，就係一啲乾蔥！你會覺得好似食緊印尼撈麵咁樣嘅感覺，但係原來係海南雞飯，所以其實真係好出色，絕對值得一試，食完你就會知道點解佢真係咁出色又咁出名㗎啦！

<<生在美食天堂，點可以唔識食>> <<I born in Paradise of Food，why not explore deeper?>>西貢小街裡的平常茶餐廳雖然叫海南雞專門店，但其實好似普通茶餐廳咁....我就係比個名吸引左入去既普通~特色位應該係炸蒜油飯吧~雖然就蒜頭味唔算重，雞件少不過滑既，抽到雞翼就算唔好彩。仲有三汁送飯，食開海南雞既朋友都知。總結/其他食品:就不要抱太大期望就好了裝修:室內裝修80年代風味，坐位密集服務:招呼唔錯，都有笑容