金西南米線

营业中

休息中

金西南米線喺銅鑼灣真係人氣爆燈！次就試吓佢哋嘅手撕雞米線 (另加$15)，睇吓係咪同平時一樣咁正！😋一如以往，可以自己揀餸、辣度、米線份量等等，真係好flexible！我揀咗少米線、BB辣、多芽菜、多酸菜，務求食得健康啲！大大碗米線賣相都幾吸引～酸辣湯底依然咁濃郁，辣肉碎、韭菜、酸菜樣樣齊，酸酸辣辣，好開胃，米線依然保持水準，彈牙爽滑，吸晒啲湯汁。不過，今次嘅手撕雞份量就爭啲， 冇平時其他餸咁多，雞肉嫩滑同幾好食，不過份量少食落有啲唔夠喉！另外，今次同朋友坐角落面壁位，雖然比平時搭枱好少少，但一坐低就俾人溫馨提示 45 分鐘內要食完埋單走，Lunch time 人多都明白嘅，不過咁樣催有少少影響用餐體驗。#金西南米線 #米線 #手撕雞 #酸辣湯 #銅鑼灣美食 #hkfoodie #相機食先 #食好西 #lunch #限時

我好鍾意吃米線，這家米線令我好回味，食完想再食！⭐️下午茶｜酸辣小鍋米線酸辣小鍋米線選擇了小辣程度，湯底酸香帶有微辣，十分開胃，米線口感爽滑，搭配芽菜和酸菜更增添了層次感。配料方面，金獎腩肉微辣入味，肥瘦比例適中；滷水豬肚和雞翼也處理得不錯，豬肚沒有異味，雞翼滷得軟嫩。⭐️炸海鮮卷（配沙律醬）加配小食，炸海鮮卷外皮酥脆，內餡鮮美，搭配沙律醬更顯風味。⭐️泰式炸魚餅 泰式炸魚餅帶有微辣的泰式香氣，與米線相當契合。⭐️豆漿飲品選擇了豆漿，甜度適中，冰涼解辣，是不錯的搭配。 ⭐️1人餐｜酸辣小鍋米線酸辣小鍋米線選擇了BB辣，辣度較低，適合不太能吃辣的人。配料方面，金獎腩肉依然出色，滷水豬大腸處理得乾淨，肥牛肉質嫩滑，炸醬帶有微辣，增添風味。特別推薦豬皮，吸滿湯汁後酸辣過癮；蘿蔔清甜無渣，能中和辣味。⭐️酸辣手拍青瓜（細）酸辣手拍青瓜爽脆開胃。⭐️通菜通菜簡單焯熟，保留了蔬菜的清香，配上南乳醬。

琴日去金西南米線食個米線下午茶，叫左酸辣小鍋米線同涼拌薯粉，裝修完之後第一次食！酸辣小鍋米線湯底酸香開胃，小辣配多芫荽同蔥，香氣撲鼻。加咗金獎腩肉，微辣醬汁入味，腩肉軟腍肥瘦適中；滷水豬大腸爽口juicy，墨魚頭彈牙鮮甜，滷水雞翼香滑唔膩。小食嘅酸辣手拍青瓜清爽開胃，藤椒魚皮麻辣脆口，麻辣手撕雞味道濃郁，椒鹽炸燒賣外脆內軟，配走甜嘅凍檸茶好解渴。下午茶套餐包飲品，價錢親民，性價比高！涼拌薯粉又係第一次試，扭扭條薯粉好掛汁，點咗少麻辣多汁，麻香過癮。配豬潤、芝士腸同肥牛，仲有滷水雞翼，味道層次豐富，食到好滿足。裝修後嘅店舖環境乾淨企理，冷氣夠涼，坐得舒服，比以前嘅茶餐廳風格進步好多。登龍街又多間麵店選擇喇

之前放工日日都會經過呢條街啦，每次路過金西南就會發現有勁多人喺度排隊，所以今次都想着自己嚟試一下好唔好味。但係我想講真係好好食呀，依個米線！第一份量都算比較大啦女仔可能食完嘅話係都會有少少full嘅。第二係BB辣係完全冇難度嘅，所以食唔到辣都可以照嗌。第三就係一定要嗌佢哋嘅腩肉，真係無敵好食啦，特別係浸喺嗰啲湯汁裏面成個肉嘅嗰個香味加埋湯汁嘅香味口感非常之豐富然後我嘅friend話俾我知佢哋嘅燒賣都好好食，所以下次有機會會再嗌一下燒賣嘅😍

我有個同事住喺銅鑼灣，佢知我喜歡食美味米線，就介紹我去屋企附近間米線餐廳，這間餐廳叫金西南米線，佢話主食米線煮得好好食，食物質素好，價錢又唔貴，亦都冇收加一，仲日日都好多顧客。我同朋友來到餐廳見到有很多顧客，仲有不少外賣嘅顧客。餐廳餐牌都不錯，選擇米線可以選小窩米線或涼拌撈米線，仲可以加配料、加小食、加飲品，而配料都好多款式，味道亦有得選，可以選唔辣、BB辣、小辣、中辣、大辣、勁辣，真係令人叫得開心，多謝同事推介我同朋友來食。朋友就叫咗酸辣小窩薯粉（小辣），配料選咗金奬腩肉、魚皮餃、豬皮、微辣炸醬，我叫咗酸辣小窩米線（BB辣），配料選咗墨魚頭、滷水豬大腸、滷水豬肚，小食我哋就叫油菜（通菜）、黃金炸咖喱角、椒鹽炸魚蛋、椒鹽炸燒賣，而飲品選咗凍奶茶、凍檸檬茶、凍豆漿來配搭食酸辣小窩。🌶️🌶️酸辣小窩薯粉（小辣）湯底酸辣開胃，小辣適合多數人，酸度明亮，辣味來自辣椒，湯頭帶微甜，金獎腩肉肥瘦相間，滷得入味，只有微辣，軟嫩帶膠質，魚皮餃外皮Q彈，內餡鮮甜，吸附酸辣湯汁後更夠味，豬皮泡發後蓬鬆多孔，吸飽湯汁後口感滑嫩，酸辣味突出，微辣炸醬味道鹹香微辣，拌入湯後提升濃郁度，薯粉滑溜有嚼勁，搭配酸辣湯非常

🌟自選酸辣小窩米線：層次豐富嘅酸辣盛宴首先，主角當然係佢哋嘅自選酸辣小窩米線！湯底一上枱，已經聞到陣陣酸辣香，唔會太嗆鼻，反而帶住一種開胃嘅香氣。湯底酸度適中，辣度可以自選，我揀咗中辣，入口先酸後辣，慢慢滲出微微麻香，飲落去好順喉，唔會太油膩，證明師傅調味功夫到家！ 配料方面，我揀咗酸菜、芽菜、韭菜、肉碎、腐皮、花生、金獎腩肉、墨魚頭、豬皮、豬紅、豬大腸，真係豐富到爆！每樣配料都處理得好好： 🌟金獎腩肉：肥瘦均勻，燜得入味，肉質軟淋得嚟帶少少咬口，唔會太膩。 🌟墨魚頭：爽脆彈牙，鮮味十足，完全冇雪藏味，證明新鮮。 🌟豬皮：清洗得乾淨，吸滿湯汁後超入味，口感煙韌有嚼勁。 🌟豬紅：滑嫩冇腥味，入口即化，同酸辣湯好夾。 🌟豬大腸：處理得乾淨，滷得入味，咬落去有少少韌性但唔會黐牙。 🌟酸菜同芽菜：增添爽脆口感，平衡湯底嘅濃郁。 🌟腐皮同花生：腐皮吸湯一流，花生炸得香脆，增加層次感。 米線本身煮得剛好，唔會太淋，掛湯能力強，每一啖都食到酸辣湯同配料嘅精華，真係食到停唔到口！ 🌟麻辣手撕雞（小食）：麻香惹味，肉質嫩滑除咗米線，我仲試咗佢哋嘅麻辣手撕雞。雞肉撕得細緻，肉質嫩滑，完

話説我同朋友第一次去食，入到去枱又細，又要同人搭枱，咁都算啦。跟住落單之後，唔知道個米線包埋飲品，唔小心另外落多咗杯嘢飲（奶茶），無對單，跟住呢個本身係我問題，但係當時都唔知道點解多咗杯嘢飲，啲服務姐姐就大聲講，同其他服務姐姐當住客人面前喺度爭拗，令我聽到唔係好舒服。跟住後來睇返張單，我先知自己另外叫多左，當然係我問題。咁正常係幫我取消一杯，但係佢同我講，因為已經沖咗，落左單，最後係我問題，我係飲兩杯奶茶。。。叫多左不是問題，但係對姐姐既處理感到無奈同埋有啲唔係真係為客人處境而考慮。當然中立啲講，有一位服務姐姐好有禮貌。另外，米線係大份，味道有好多米線鋪都有差唔多水準，個人認為不值得要排隊去食。。。😭😭

銅鑼灣人氣米線店🍜今次想介紹一間人氣米線店😋 佢由2003年開業至今 全港有兩間分店 一間喺係旺角 一間係銅鑼灣 位置都好方便👍🏻 我今次去左銅鑼灣店 店內唔算好大 座位之間略嫌有少少迫🤪 平日去到都要排10-15分鐘 人氣十足😍.佢有小鍋米線、涼拌米線、過橋米線選擇 價錢$38-$65不等👍🏻 另外佢有接近40款配料選擇 價錢$7-$15不等😋 比較特別嘅會有鹽香手撕雞、鯊魚丸、牛肝菌、松茸等🤪 🔹雲南小鍋米線（金獎腩肉、木耳絲）🍜🔹雲南小鍋米線（滷水豬大腸、蘿蔔、豬紅）🍜兩碗米線份量都好多 就算男士食都夠飽👍🏻 佢有得選擇辣度、麻度 中辣中麻食落好惹味😍 腩肉、豬大腸都好入味 炆得好淋😋 反而蘿蔔、豬紅略嫌唔夠入味🤪🔹滕椒魚皮🐟推介❤️ 魚皮口感超爽 食落酸酸辣辣 好開胃😍 絕對會食唔停口😋🔹炸燒賣💛正常發揮 唔太驚喜🤪🔹咖喱角💛正常發揮 唔太驚喜🤪🔹腐乳通菜🥬正常發揮 唔太驚喜🤪.整體✨ 呢間人氣米線店有兩間分店 一間喺係旺角 一間係銅鑼灣 位置都好方便👍🏻 銅鑼灣店環境唔算好大 平日去到都要排10-15分鐘 人氣十足😍 米線好大碗 有接近40款配料選擇😋 另外特別推介滕椒魚皮呢款

有米線關注組有網友推薦金西南米線，咁岩係銅鑼灣返工，收工後就捉埋友人一齊覓食🤭可能實在太餓，每人都叫左勁多餸，非常豐富🤣上菜既時候一大碗勁澎湃😂食得晒證明我地真係好飢荒🥹自選｜酸辣小鍋米線 $47 BB辣金獎腩肉 ｜日本鱈魚豆腐星星｜墨魚頭｜腐竹｜蘿蔔｜通菜湯底酸辣開胃，得獎腩肉肥肉適中，食落幾香口，有微微辛辣味😋墨魚頭爽脆有咬口，鱈魚豆腐爽滑彈牙，米線煮到岩岩好，煙韌有彈性，配埋各款蔬菜一齊食，爽脆掛汁唔算太辣自選｜酸辣小鍋米線 $47 唔辣金獎腩肉｜日本鱈魚豆腐星星｜滷水豬大腸｜腐竹｜黑木耳｜蘿蔔友人表示大腸都算軟腍入味，食落唔錯藤椒魚皮 $25魚皮爽脆，藤椒鮮香帶微微辛辣，惹味😋通菜 $20/碟口感爽脆，加埋腐乳一齊食幾咸香熱檸水 跟餐+$9熱檸蜜 跟餐+$9

呢間米線已經食咗好多年，由喺登龍街裝修前食到依家新裝修之後。本身裝修前環境仲噏耷啲咁已經俾人感覺衛生狀況差啲都冇事。我本身唔係啲特別挑剔挑食嘅人，所以唔特別在意，即使發現新裝修之後食物質素同以前完全唔同都一直keep住支持。一路以嚟都好獨沽一味，淨係嗌單餸米線，貪平之餘自己本身食量唔大同埋又唔食得辣，所以永遠只會嗌腩肉，一係就嗌墨魚春卷再配凍檸茶打底咁就唔怕辣到食唔到，但就偏好腩肉多啲。試過檸茶嗌開少冰少甜，有陣時啲冰溶晒杯嘢暖暖地，心諗少冰又唔係叫你少到咁喎…不過我冇出聲。有試過腩肉凍凍地嘅，都係冇出聲，因為我真係覺得冇所謂啦，算啦，好一餐唔好又一餐，都係食飽個肚啫。以前舊裝修嗰陣就一直都係食湯米線，新裝修之後有一日突然戚起條筋試吓撈米線，試完之後返唔到轉頭，自此之後就冇再食返湯，所以就理解唔到其他人話覺得湯底死鹹死酸，甚至酸到牙痹嗰種感覺了。但我想講嘅係佢撈米線嗰啲汁料嘅份量都係好飄忽，一時多到浸住晒，一時就少到勁乾撈唔起。點都好啦，總之新裝修之後遇到咁多唔同問題，我全部都冇出聲，睇過咁多位嘅負評我諗應該係最大包容度嗰個🤣唔知點解反而新裝修之後先嚟短期內兩次食完之後唔舒服，第一次就

🐻不嬲都係飯桶嚟，但嗰日帶佢去食完呢間米線之後，佢好似對米線呢樣嘢改咗觀🤣🤣自選酸辣小窩米線 $38起湯底我哋叫咗BB辣，對於我哋呢啲淨係食到少少辣嘅人嚟講，辣度算幾友好，碗米線熱辣辣，個人都會食到出晒汗😂 亦唔會太酸，酸辣嘅平衡做得唔錯，米線麵質偏稔少少每款餸大約係加$9-$15，我哋每一碗都加咗4個餸，貪心鬼😆 金獎招牌腩肉係必點嘅，個醬非常惹味，就算浸咗湯都食到個醬嘅味道，但又無破壞到湯底個味，相當唔錯，墨魚丸爽口彈牙，魚蛋又係出奇地好味，魚味好濃郁🥰麻辣手撕雞 +$38份量算幾多，雞肉肉質嫩滑，辣度對我哋嚟講比較難🥵 但麻辣好過癮，係食唔停嘅麻辣嚟🤩食完金西南之後，🐻表示嚟銅鑼灣要食米線一定係食佢🤣

📍登龍街開咗好耐嘅小鍋米線，裝修咗之後都係第一次入嚟食，出邊排滿晒長龍，座位有啲迫會比較啱快食嘅人。揀咗小鍋酸辣米線，佢哋嘅配菜(芽菜、韭菜、酸菜、花生)全部都可以mark多！米線煮得啱啱好，配料嘅蘿蔔同豬紅都得好入味，尤其蘿蔔冇渣好清甜。另外涼拌米線就會比較濃味少少，呢個嘅餸就有揀咗招牌腩肉同魚肉春卷，腩肉唔會話真係好肥，同埋辣辣哋幾正。另外可以加錢配埋菜同小食，呢度椒鹽燒賣同魚蛋可以揀。菜係冇落油都幾健康，可以浸落湯或者點腐乳食都得。手撕雞帶微辣，嗰汁都幾香。

位於銅鑼灣的雲南米線麵食店，在登龍街多年的老店，於旺角也開設分店了。翻新後的店更簡約、整潔。價錢也很親民，掃二維碼下單，方便快捷又不會有錯漏。小食：藤椒魚皮 魚皮薄片爽彈，濃香的藤椒味，麻香辣，特別開胃。炸物：椒鹽炸燒賣外皮炸至金黃薄脆，灑上椒鹽，蘸點辣椒醬，很邪惡。小食：麻辣手撕雞雞肉大大條，麻辣汁醃得很入味。配上花生、芫茜，更提鮮。米線：自選酸辣小鍋米線配料：墨魚頭、魚肉春卷、豬紅、腐竹每碗米線已內含酸菜、辣肉碎、芽菜、韭菜、芫茜、蔥，再以仔麵的形式自選配料，加入自己喜愛的餸菜。配料鋪滿整碗湯麵，非常豐富。湯底酸辣恰好，選了小辣。魚肉春卷肉質紮實；墨魚頭爽脆；豬紅滑溜。米線：自選酸辣小鍋米線配料：鹽香手撕雞、牛丸、豬紅、滷水豬大腸這碗湯底同樣是酸辣湯底米線，中辣程度，湯頭更有層次，米線腍身，吸收了辣湯汁，越吃越辣越過癮。每份配料份量十足，豬大腸多片；牛丸有牛味，很彈牙。手撕雞鹹香。

曾經係銅鑼灣返工嘅小編，每次想食米線就會揀金西南米線🍜最近再去發現店舖裝修咗，而且轉咗QR Code落單下午茶 | 酸辣小鍋米線 配 金獎腩肉 (微辣)、滷水雞翼HK $56椒鹽炸燒賣+ HK $12米線嘅辣度有BB辣到大麻辣，仲有唔辣同素湯可以揀。配料有多達四十幾款揀，價錢由$3-$15不等。下午茶會送飲品。小編就揀咗金獎腩肉 (微辣)同滷水雞翼兩款。重新開業後食物水準實在大不如前😪雖然米線好似係大碗咗，但腩肉煮得過熟，味道上亦過鹹。滷水雞翼雖然入味，但肉質就麻麻地。炸燒賣一份6粒，但口感上食落並非外脆內軟，反而外層係偏硬身雖然裝修後店舖係靚咗，用QR Code落單亦比較方便。但係座位比較窄，而且上菜嘅速度亦比以前慢咗金西南米線地址 : 香港銅鑼灣登龍街41-51號金龍大廈地下D號舖電話 : 26825668營業時間星期一至日 11:30 - 22:00

經過銅鑼灣，一定要來這間米線店！這碗腩肉魚腐酸辣米線，色香味俱全，讓人一眼就忍不住想品嚐。👍🏻湯底酸辣適中，帶有魚腐的鮮香，讓人感受到濃厚的層次感。😚腩肉煮得恰到好處，肉質軟嫩，油脂和瘦肉的比例完美，入口即化。❤️米線滑順，吸附了湯汁的味道，每一口都充滿滿足感。😍碗中還點綴著花生和香菜，增添了口感和新鮮感，讓整碗米線更加豐富。😋搭配一杯清爽的飲品，這頓飯絕對是值得回味的美味享受。💗🎉