金西南米線

营业中

休息中

🔹️與朋友仔到銅鑼灣Shopping完, 便到附近登龍街“金西南米線” 晚餐🍜 店舖裝修簡潔衛生, 食物除了有招牌米線外, 更有多款小食和餸菜配搭, 美味多選擇👍店員有禮、效率高👨‍💼👩🏻‍💼 價錢親民💰🔸️酸辣小鍋米線🥘餸菜以自選配搭 ~ 點了肥瘦適中的金獎腩肉、可口入味滷水雞翼、滑嘟嘟豬紅、爽脆豬皮、甘香松茸、軟嫩日本鱈魚豆腐、清甜蘿蔔、掛湯豆卜配自選了BB辣湯底,幼滑米線, 食材豐富、口感充實😋🔸️涼拌米線 🍜以自選爽口入味滷水豬大腸、軟綿綿魚腐、甜蜜蟹子丸、鹹香鯊魚丸、爽嫩生菜、鹽香手撕雞配BB辣熱撈米線,啖啖滋味😋小食點了：🔸️日式捧餃🫔餃子皮薄香脆、滿滿豬肉餡料, 外脆內軟🤤🔸️炸海鮮卷🌯外皮炸至絲絲酥脆, 內裡以鮮嫩彈牙蝦肉Yummy😋🔸️酸辣手拍青瓜🧆手拍青瓜味道酸酸辣辣, 十分惹味開胃👍🔸️通菜🥬以翠綠幼嫩通菜加上微辣椒絲腐乳, 消滯解膩🥢🔸️飲品🥛點了甜度適中豆漿和橙汁🍹

“1人餐 酸辣小鍋米線”($68)“自選 涼伴米線”($38)“椒鹽炸燒賣”($12)呢間金西南米線喺銅鑼灣開業多年最近重新裝修過,變到成間cafe咁落單都變咗網上落單,簡單又清晰首先點咗個酸辣小鍋米線1人餐呢個餐包咗2個餸,1款小食,1杯飲品餸就點咗肥牛(+$6),腸仔酸辣湯底超級開胃😚入面加咗啲辣肉碎,韭菜,酸菜,花生,芫荽等加上煮到岩岩好嘅米線,正呀😋小食就揀咗藤椒魚皮(+$5)魚皮爽口,椒麻香十足,食得好過癮😛另一碗就試試熱撈薯粉配料點咗金獎腩肉(+$9),滷水豬大腸(+$9)🐷腩肉大大片,肉質嫩滑☺️加上微辣好惹味🌶滷水豬大腸就夠哂入味😙薯粉係幼身嗰種,食落好q彈又索汁2碗粉都超級大碗,食完真係好夠飽🤣貪得意仲叫咗份椒鹽炸燒賣食落酥酥脆脆又炸得幾唔錯😝

好多年前已經鍾意食呢間米線，裝修完之後仲未嚟過，今日咁啱經過咁就黎試下啦。首先，我哋點咗一人餐，包括酸辣小鍋米線。米線質感滑嫩，搭配酸辣嘅湯底，口感豐富。腩肉（微辣）、滷水豬大腸作為配料，每一樣都經過精心調味，味道鮮美，特別係腩肉嘅微辣口感，真係好出色。另外，我仲叫咗個酸辣小鍋米線。呢中自選米線可以根據自己喜好添加配料，我揀左勁辣，而且仲可以多芽菜、多芫茜，每一啖都充滿驚喜，勁辣嘅湯底真係好濃味但又唔會太辣，非常開胃。除咗主打米線，餐廳嘅小食選擇亦都非常豐富。我哋點咗藤椒魚皮（$25）、麻辣手撕雞（$38），特別推薦麻辣手撕雞，雞肉嫩滑，麻辣味濃，食過難忘。為咗平衡整體味道，我哋仲點咗一碟生菜。清新爽口嘅生菜，搭配以上嘅豐富口味，係一個非常貼心嘅選擇。呢間米線又平又好食，下次都一定會再黎呀。

係銅鑼灣做運動之前去咗金西南米線食野呢間剛剛係銅鑼灣翻新好！ 裝修好靚呀！好過以前舊鋪成間都係電線超多🤣 點咗兩個一人酸辣小鍋套餐 好抵食又好味！另外點咗兩個小食：藤椒魚皮同蠔油生菜藤椒魚皮好有特色 唔係間間米線舖都有！如果大家未食過嘅話，都可以試吓魚皮食落好脆身 食後辣味會更出！ 一人套餐本身分別送酸辣手拍青瓜 跟麻辣手撕雞 （+$8） 麻辣手撕雞雞肉好嫩滑 夠曬辣🥵 鍾意食辣嘅朋友可以點！手拍青瓜食落好爽脆又夠凍 涼拌來講好食！有一碗酸辣小窩米線BB辣配料：蟹籽丸、金獎腩肉（微辣）、鹽香手撕雞（+$15）！另一碗都係BB辣配料：金獎腩肉（微辣）、紅腸、豬紅（+$7）、貢丸（+$9）我和朋友都超級推薦金獎腩肉🌟🌟🌟🌟🌟！一定要吃！而且酸辣湯底味道唔錯好濃郁！蟹籽丸係我每次必點之物👍🏻 鹽香手撕雞都唔錯 同小食麻辣手撕雞好唔同前者就唔辣 不過鹽醃得好入味！😋 豬紅則好彈牙唔會散開曬！絕對新鮮！貢丸好似食緊豬肉丸咁！其實呢兩碗都少米線咗，但都係大碗到食唔曬而且餸嘅份量算多！大胃王一定要來！如果大家平時路過登龍街 或者想醫肚可以揀佢！ 坐得舒服服務又好👍🏻👍🏻👍🏻 啲野食好食！

今天到訪金西南，食物質素未有網上所述那般高分，整體表現中規中矩。雖然菜式選擇不少，但味道偏普通，沒有特別驚喜。環境方面還算整潔，服務態度尚可，無功無過。價格方面感覺與質素不太相符，性價比一般。總體而言，期待較高但稍有落差，適合簡單用餐，但未至於會特意回訪。

成日路過拉麵街，一間成日都見幾多人入面嘅米線店，今次就嚟試吓啦，發現都好多附近返工嘅人過嚟食，如果平時一個人食晏呢度都幾啱，價錢同好多連鎖式米線店差唔多，不過呢度仲有唔同嘅小食，價錢親民都幾抵食。今次同朋友嚟，揀咗一個撈米線，一個酸辣小窩米線，轉紅薯粉，小窩米線底嘅醬汁都幾夠濃味，唔會太辣，啱香港人口味，見到佢有一個得獎腩肉，都特登叫黎試吓，口感不錯，可以一試。反而今次令我覺得有驚喜嘅，唔係米線，竟然係佢嘅小食，除咗好多款式可以揀之外，我最鍾意嘅係藤椒魚皮，佢同出邊嗰啲小食好唔同，呢個魚皮係薄身啲嘅，好爽脆，啲辣味係由食咗落去慢慢滲出嚟嘅，呢個口感如果配麵食真係幾正嘅小食，推介

天氣凍凍地，食個米線暖吓個胃，諗住食個金西南小窩米線，點知唔食由自可一食把幾火，新裝修之後味道完全唔同晒，連配料嘅品質都唔同，唔知係咪轉左新老世之後所有嘢都下降晒，以後出銅鑼灣又可以少一個選擇

經過銅鑼灣突然想食米線，上網search到哩間打開openrice見到好多負評，已經有d想走，但最終入左去試大伏！！！！！！果然d差評唔係假既湯底完全無香味，得酸味，唔辣唔香叫左兩餸：腩肉同豬血，腩肉味道OK既幾好食但豬血真係第一次係米線鋪食到無味既豬血重點：凍檸茶好難飲......糖漿味道亦奇怪小食揀左魚皮，不過不失，份量偏少最搞笑係食緊既時候隔離檯兩個人都係咁鬧，問間米線點解會係銅鑼灣必食教訓：以後見到openrice d差評要信

好多人都話裝修之後冇咁好食 但係其實裝修前都麻麻哋🧐叫咗酸辣湯底 肉眼可見佢係比較水狀唔夠濃郁 就算加咗炸醬都冇幫助😟 松茸菇嘅香味唔係好明顯 成碗米線都冇咩記憶點😟

【#思思賢美食推介】 銅鑼灣人氣金西南米線😋必試金獎腩肉酸辣米線！平日約朋友食lunch，作為米線愛好者，網上見到金西南米線重開，就去試試佢～Lunch time都幾多人排隊，不過等咗10分鐘左右就有位喇。酸辣小鍋米線一人餐($68)，有兩款餸、小食同埋嘢飲。可以自己揀餸、辣度、米線份量等等，幾好！我揀咗少米線、BB辣、多芽菜、多酸菜。一上枱，嘩！真係好大碗！金獎腩肉好多，食落好嫩滑，肥瘦啱啱好，真係好食！不過魚腐就真係得幾粒，如果多啲就好喇。個酸辣湯底好濃，入面有啲辣肉碎、韭菜、酸菜，酸酸辣辣咁，幾開胃。米線好彈牙，又唔會太粗太幼，吸晒啲湯汁，每一啖都好滿足。我叫咗個手拍青瓜做小食，清爽開胃，同個濃味嘅米線好夾。真心推介金獎腩肉，必點！份量十足，肉質鮮美！個酸辣湯底都好正，唔會太辣，啱晒我。 最正係可以自己揀餸、辣度、米線份量，好貼心！不過，雖然唔使搭枱，但座位有啲窄，好似背對背咁食飯。如果喺附近返工，買外賣返office食舒服啲。總括嚟講，呢間金西南米線裝修後，環境舒服咗，食物質素都keep到水準，CP值高！下次想試吓佢哋嘅涼拌米線！ #思思賢美食推介 #銅鑼灣美食 #金西南米線

嶄新科技、裝修亮麗、走了美味…係時候哀悼20年嘅風味嘅逝去，記得中學嘅時候有一次同學介紹我嚟金西南食米線，第一次食驚為天人，嗰碗濃郁豬肉湯底、軟硬適中嘅米線、醬爆鯊魚丸、還有人生第一次食就愛上咗嘅豬大腸，自從嗰日開始，中學時代甚至試過一星期食三次都唔覺得厭倦。舖頭由白沙道搬到去登龍街，裝修依然簡約擠迫，每次坐出面都一定要企起身兩次讓人出入，而口音唔正嘅樓面姐姐二十年後依然唔正，但佢依舊咁親切、而米線嘅質素依舊美味，一到下午茶時段甚至大排長龍。今年隨登龍街翻新，舖頭裝修嘅時候甚至上門碰釘，不過作為忠實fans依然默默等待，一開返就立即幫襯。那個以為很先進的手機點餐諸多錯誤，最後還是人手落單，明明跟過去20年點的東西一樣，送上來卻是貨不對辦，明明走了酸，但湯底依然酸得像孕婦才想嘗試的味道；配料變化不大，但價錢就像去半島茶餐廳卻錯誤進了半島酒店。香港人對於通脹基本上見慣不怪，過多357日就會習慣了，可惜那舌頭真的不能忍受這碗寧願在家沖個合味道杯麵，都不想再嘗試的米線。20年的回憶，是時候要埋葬了。

我係12:21落單，13:05先出第一碗米線。由坐低到食完1個鐘期間，有4張枱取消張單唔食，有客等左足足一個鐘都無嘢食，亦都有客等左半個鐘黎左碗錯嘅米線。間舖唔算大，期間仲有個樓面阿姐不停巡黎巡去，巡到啲客要不停側身讓佢，但其實啲客都未有嘢食，都無碗你收，請問巡黎做乜？有客同阿姐反映碗米線錯左，阿姐只係一笑置之，無幫佢換返。味道普普通通，唔係一個值得我等成粒鐘嘅咪道。但其實已經等左咁耐，等到嘅人都已經唔太care個味道。

裝修前已經差咗好多，諗住俾多次機會佢，點知裝修後更加難食！叫咗竹笙 蘿蔔 雞翼小鍋米線 麻酸辣竹笙每一條都有沙，懷疑洗唔乾淨，平時食譚仔/三哥果啲都會叫竹笙，從未試過食到有沙，今次真係大開眼界。蘿蔔有渣，亦唔係特別甜，同埋切得太大嚿，筷子夾唔實，一跌就濺起啲湯，彈到周圍都係。雞翼ok，不過不失米線份量比以前少咗重點嚟喇，個湯底極劣，首先麻酸辣但一啲麻味都冇，其次成碗米線一大浸怪味，唔識形容，有種食緊廚餘嘅感覺🤮🤮價錢絕對唔平，$87食垃圾唔會再俾機會佢！奉勸各位唔好幫襯！唔好信所謂Foodie嘅推介！

以前在銅鑼灣返工必食的米線店，性價比高。在裝修前都特意前往去食，當時質素已經一般，湯是喝下去有些微洗潔精味。不過見裝修後想再食，裝潢得不錯，店舖明亮環境乾淨，當時一人去食不用等位。現在手機下單，以往很快就上菜，而這次等了15分鐘還未上菜，我問女侍應：唔該可唔可以催一催單，因為一陣有事趕時間，唔該。她回答：15分鐘呀，呢度正常起碼要等15分鐘以上嫁。我說以前唔使等咁耐，咁可唔可以催單？如果唔得就麻煩取消張單，我就走真係趕時間（反正未付款）。她說：以前係煮定，依家係一碗碗煮。美食係需要時間烹調。我回答：我係想問你可唔可以幫我催單，得定唔得呢？她好差語氣說 得～ 她轉身行去廚房說xx號枱要走喎。然後2分鐘就有碗麵了。其實件事好簡單，繁忙時段車仔麵要等15分鐘可以理解。真的不用與客人討論，直接處理事情就可以。何況討論後你還是要去問，期間已經可以做很多實事。食物質素大不如前每次前來都必點腩肉米線，所以這次點了 金獎腩肉熱撈麵小辣，份量算多，醬汁沒有比以前濃，撈麵來說汁有點多。凍朱古力也略淡。不見得要時間烹調的食物有多好吃😅

裝修之後第一次去食。以前喺銅鑼灣讀書嘅時候係飯堂，好有人情味。翻新咗之後第一次去，有啲員工我都認得，本來懷着熱切期待嘅心情。嗌咗三個餸，菜心腩肉雞絲中小麻辣。個湯底同以前比都係差咗少少，但最過分嘅就係菜心得三條😅😅😅😅唔講以為係送嘅，定係我唔知道而家市價係幾多？加錢嘅菜竟然得三條，嗌咗三個餸再加一杯嘢飲埋單70幾蚊。有夠貴同不值，腩肉同埋雞絲嘅味道就正常發揮，同以前都差不多，呢個價錢呢個份量，應該之後都唔會再去食，非常失望。