金裝燉奶佬餐廳 (已結業)

平日晚上沒造飯，媽說要來樓下的「金裝燉奶佬餐廳」一試。剛坐下便開 Openrice 的 app，竟然有 16 個喊面之多。可是已經坐下，不好意思就這樣離開，唯有頂硬上吧 蒜香雞扒龍利柳：雞扒沒有肉味，龍利柳也沒有鮮味，而且兩者皆是超細塊。只是求其用洋蔥汁拌勻，根本沒有預先煎煮過啊。好些白飯粒都是一餅餅的，令人倒胃口。鮮茄雜菜雞柳天使麵：這個更不像樣，完全沒有鮮茄，只是獨沽一味的洋蔥汁。雞柳是冇味的，雜菜只是數片西芹。腐竹雞蛋糖水：除了不夠熱外，味道上還算合格。杞子圓潤龍眼蜜：有數顆杞子，龍眼味不太突出。幸好不是太甜，是冬日清潤之選。服務生禮貌欠奉，時常大聲談笑，對顧客很是騷擾。還記得剛剛開業時，這裡是人山人海的。現在的客量已經大不如前了，實在要好好檢討一下吧。

有時候，做得好的餐廳就因為許多理由而做不住，反而令人扯火的食肆可以繼續生存。這間燉奶佬便是一個好例子。這個宵夜餐，等了超過20分鐘才到，那件雞扒比起KFC的還要細小，再加一件所謂的魚餅，和一大薯仔多過生果的室溫沙律，加一杯飲品就$24。雞扒弄得油油膩膩不好吃不在話下，那件泰式魚餅質感比起街邊的魚蓉燒賣更不如。這次以後，我再沒有幫襯過。同系再另一邊的叻哥也較好。

見好耐都冇食過呢間, 又冇乜邊間d下午茶好食, 所以比多次機會佢, 但依然冇改善~~~入到去, 差不多自己搵到位, 先有人問你幾多位, 然後指你埋去佳, 但坐低之後, 水又冇杯, 叫人落單又等到頸都長都冇人見到, 佢又唔係人手唔夠, 但硬係冇人做嘢lor~~ 瑞士炸雞髀個名好靚, 但其實即係用瑞士汁煮熟咗先, 然後你地叫果陣先炸番熱.............不過都幾有瑞士汁味, 睇d色水已經知~~ 但隻脾好明顯縮哂水, 好似加細碼咁, 食完都唔覺有食過嘢lor~~~ 豬扒+魚餅+薯條全部都係熱辣辣, 所以等咗好耐, 豬扒都有少少香茅味, 魚餅依然好難食, 薯條炸得好脆, 又夠熱, 最好食都係佢~~~ 紅荳冰跟餐加幾蚊轉的, 都有2/5杯紅荳, 但d紅荳好硬, 未夠林, 好重椰汁味, 而且佢d冰又係碎冰, 唔錯~ 椰汁涼粉跟餐如果唔叫飲品可以叫平價糖水, 叫貴果d要補番差價~~涼粉切得好細粒, 從來未响街食過咁細粒的涼粉, 真夠細心, 粒粒唔超過1cm~~ 細細粒混埋椰汁食, 口感一流~~椰汁底唔太甜, 又夠濃味, 糖水係全餐最好食~~佢d食物質數麻麻~~ 但最好食竟然係d糖水, 佢應該

到第一城朋友家玩樂後, 晚上想食糖水才回家~本來想去許留山, 但因滿座~ 因此轉了去燉奶佬坐下後, 不停找餐牌~ 到不太發現有糖水~明明記得之前去食過係有糖水的~ 誰不知現在改了..只得4 - 5 款糖水可以選擇!本來叫了3個燉蛋, 2個熱的木瓜銀耳糖水~轉頭侍應說只剩下2個燉蛋~ 我們都沒有關係~ 改為3個木瓜銀耳糖水~等了一會, 終於來了4個糖水..正正少了一個木瓜銀耳糖水...明明侍應說好..會改單..我們只好再叫侍應..誰不知一名少女侍侍應,明明只是站在我們身旁, 她都可以當聽唔到..佢行開左~ 我地大叫,佢都繼續走左去............我們真的十分無奈!再叫另一個侍應, 明明她看到我們舉手, 卻完全不理...................幾經辛苦先叫了一位男侍應加單, 卻又等了好久..都沒有上菜..又要再叫經理去追十萬個無奈!!!說回食飯~ 燉蛋好滑~ 好香甜~ 用膠碗上,好唔環保~木瓜銀耳糖水, 朋友說好好味~ 我冇試過, 不便評論~服務..可以話係冇~不會再去了!

其實這間真係幾貴下，我會人認為真係冇咩野好食，只好叫左這個是日晚餐，豬排牛排洋荵汁飯，$37記得以前仲跟湯同糖水，但現在只有跟是但一個咁姐係變相加價啦D味道都ok啦，冇話真係好難食，但又唔見得話好好食囉，仲有佢個樣放得好"求期"以前晚飯時間好多人，要等位，但現在星期日都唔洗，因為佢唔抵食呀！食物放得入口，但唔會回味

路過此地, 想吃點甜的, 就進來試了一客甜品.熱木糠軟心燉奶 $20: 5分, 見有這個好像幾特別的甜品, 就試試這個吧. 結論是: 木糠跟燉奶是不能溝埋一齊, 各自為政. 燉奶不太滑, 不夠奶香, 在面頭加上木糠是起不了化學作用.還是吃正常版吧.

這間餐廳之前食過晚餐, 味道一般, 服務差(完全唔夠樓面)今日諗住午飯時間, 人客不多, 應該會好D, 再試多一次!叫咗一個餐, $33 一係湯, 一係飲品, 完全唔抵!食物, 太多汁, 飯少, 搵笨!最火滾係, 差不多食埋最後一啖飯時, 行過來收碟!收哂D匙羹之後問我仲要唔碗湯?! 即刻問佢我用乜飲? 埋單即走!呢間餐廳, 永不幫襯!

之前我媽媽去食話ok, 咁星期日一家人再去試下, 點知 kfc 仲好食過佢, 去到d 位又窄人又多仰要等位,入到去的時候都差唔多14:30 問佢地d 人有下午茶未佢地話14:30先有就走左,入面又無鐘 佢地又唔講話比住你睇住先, 佢地d 服務比麥當勞仲差, 之後再過2分鐘再問佢可唔可以比個餐牌睇住先, 佢又係答14:30先有問非所答, 之後再問咁即係幾點有, 佢就話比你地睇住先一陣先有....完全火都嚟埋。之後叫下午茶味道嘛嘛, 服務又差, 有機會都唔想再去。

呢3個字, 已sum up 左我呢餐.本看個menu 係幾好樣的 所以叫了個豬扒. 但點知上枱係咁樣的.....評價係如上.炸到燶晒, 硬晒, 脫晒水, 油淋淋為止.好采大豬女友的粉尚算ok否則呢餐我就全軍覆沒了

星期日下午茶, 行過見有位, 就走咗入去食, 雖然之前食過麻麻地, 但見隔咗咁耐, 可能換咗廚師, 搏一搏啦~~入到去差不多自己搞到位先有待應問你幾多位, 但問完又唔係帶你去位, 問完就算..........坐低好耐都冇人理, 水都冇杯, 想叫嘢食又唔見有待應, 唉................諗咗好耐都唔知叫乜好, 因為款式太少, 又唔係好啱食, 勉強叫咗2個餐...........瑞士汁雞脾 顏色好深, 但食落係冇味的, 隻雞脾唔知點解會係炸的?? 食落又唔夠熱lor~~ 鮑片火腿湯意粉 呢個係跟餐加錢的, 2個餐都加這個, 但竟然2碗的份量係有明顯差別..........1碗有2塊鮑片+較多火腿絲, 另1碗有3塊鮑片, 但火腿絲量減少好多.............唔通唔夠鮑片, 所以比多d火腿絲補數?? 無論鮑片數量多與少, 呢碗粉都係淡而無味.....................吉列大蝦沙律 有3隻炸蝦, 炸得好脆, 而且仲係熱辣辣 d沙律就太多沙律醬, 好濕, 而且唔夠凍..............椰汁黑糯米 跟餐唔叫飲品, 叫咗個糖水, 係全餐裡面最好食....

到這食堂是第一次，去之前沒有看關於它的評語，只是它在大街，為了少少方便，進入這裏食個早餐。它的早餐較第一城內的其他地方貴兩至四元，我order了最平的，就是生菜番茄煙肉三文治加熱奶茶。奶茶不用三十秒就到，心想OK。一等等了十五分鐘，只有向其中一個女侍應問：『請替我跟跟，三文治已經三個字重未到』。一分鐘後，這女侍應向我說：『就黎啦』。我問：『係唔係漏左單？她說：唔係漏單』。我即說：『如果唔係漏單，三個字乜都做到啦！究竟是什麼原因咁耐呀？』她不再理會我，態度表情好像說『關我乜事呀，等啦』。這份三文治終於兩分鐘後到。是什麼原因要遲十五分鐘，無人想向我交代，更不用說有人會向我道歉。是否這份三文治要什麼功夫需要十七分鐘才做好？生菜是生的，蕃茄也是生的，煙肉才需要花時間去煎，十七分鐘？太不可接受，女侍應的態度也不能接受。二十元的早餐就要客人等十七分鐘？何況煙肉好像食剩的豬油渣，很難吃！我也不會再幫襯的食堂。還有一事，就是它的座位頗細，如果與熟朋友同坐還可以，但是要搭枱的話，就要與同枱對面的人顯得頗為難尷尬。

試左 黑椒茄子牛肉天使麵...d茄子唔多覺有味..黑椒就好唔襯d送..結果咪失敗囉..d麵好無天使麵應有水準口感..係勝在肉份量適中..但都無乜味la..唉..服務勁差金句:你可唔可以大聲d呀?服務勁差表現:掃梗垃圾..我企左係後面想出去..等左幾秒佢都仲唔借開..到我出聲唔該..佢先慢條斯理借一借..仲要黑口黑面唔出聲..

這是一間我曾經非常喜歡的茶餐廳。因為曾經好好味，而最吸引之處係有糖水吃。但真係令我愈來愈失望！請大家看一看個餐牌︰咖哩牛肉飯(註︰下面有列明泰式XXX，其他頁亦有列明其他菜色。)但係，我希望order 的是一個一般人期望的一般咖哩牛肉飯…點之……原來……個咖哩係咁。好似水咁…好稀…係黃色的水…問下個waiter，佢話係巴基斯坦定邊一度既style，但個餐牌都冇話 咁又係，冇話即係乜style到得 >_< 但太突然，突然同我想像太不同…而且個黃色水…個畫面對我來說太震撼吃下去，辣但冇乜咖哩味，不太好吃，但OK不是想像般差，只是不是想吃的那種味道。最差的是牛肉，像是白烚的牛肉… 可能是特色之一。這款咖哩實在太特別了。

今晚到呢度食晚餐,叫左個set dinner , 鴛鴦排飯 (豬排+雞排) + 野飲等左唔夠10分鐘左右已經上到菜豬排好有香茅味, 雞排個汁幾好,D排唔肥唔瘦,剛剛好配菜普通,但D飯出怪地新鮮好食, 份量又足,比上次大有進步但$38貴左D, 平少少會好D

之前都食過1、2次, 係上菜速度慢D之外, 其他都尚可, 但經過今次之後, 我諗未必會再幫襯囉~~~星期日晚六點幾, 有大把位坐, 今日叫3樣野, 3樣都唔得......... 淨牛腩 -> 基本上唔可以叫牛腩, 叫淨肥膏就差不多, 一碟成$28, 但只得6-7舊牛腩(原整計), 有3-4舊係大半肥膏, 少半瘦肉, 另外果幾舊都係一半一半, 肥膏唔駛講都唔會食, 所以只係淨番半碟肉, 而呢半碟肉(唔計連肥膏部份), 只得2-3粒肉仔, D肉仔仲要係鞋過牛肉乾, 仲難食過D煲完湯的瘦肉, 又乾又鞋, 完全冇汁, 好似風乾咗咁............ 豬頸肉湯金邊粉 -> 豬頸肉燒得太乾, 唔夠juicy, d金邊粉太林, 而且係一舊, 好似煮定哂放响碗入面, 然後加湯咁樣, d湯又淡而冇味............. 海南雞拼豬軟骨飯 -> d雞應該整好哂, 只係等斬, 而d豬軟骨更應一早炆定, 都唔明點解要等成3個字先上............ 上果陣仲要話飯後補.......... 雞只得3舊胸肉, 1隻好多黑色雞毛的亦尖及中亦位.............見到d