金裝燉奶佬餐廳 (已結業)

呢間野啱啱係第一城開既時候晚晚都爆晒. 淨係等位都要等成個幾兩個鐘先食到一餐飯. 因為羊群心理既關係, 係嗰段時段我都 "等" 過一次. 結果係自從嗰次就無食過~~~ 係餐廳門口既人潮一日少過一日, 到而家高峰時期都好少出現人潮. 背後既原因我諗 '味道' 都佔一定既份量!朋友係我屋食完煮家飯之後提議去食糖水, 全個第一城好似得番呢到同許留山... 因為唔想食浸左糖水既芒果, 所以最後我揀左呢到. 雖然唔駛等位, 不過餐廳既入座率都幾高. 睇完餐牌之後就點左薑汁燉奶! 燉奶佬既燉奶, 應該都算係安全之選! 上枱時溫度適中, 暖暖地可以即刻放入口嗰隻... 燉奶本身都好滑, 薑味既濃淡都適中, 但係~~~ 太甜~~~ 本來熱 + 薑味都已經中和左某程度上既甜度, 但係食落依然係過甜. 我同朋友都係食左一半就放棄左! 時隔多年再黎都唔得, 我諗我唔會再比第三次機會佢喇!

呢間, 都算係令我幾失望的餐廳，真係除左坐得舒服外，冇野值得我再來光臨。跟屋企人一齊食lunch，叫左個咖喱牛腩飯，肥牛伊麵及珍珠奶茶，三樣野都極之失望：1) 咖喱牛腩飯：有部份白飯係生的！咖喱飯冇咖喱味！只係牛腩幾淋，唔會"痴"牙2) 肥牛伊麵：只得三, 兩片的肥牛！仲要係縮水肥牛！好呃錢！伊麵過淋，好似糊仔，口感好差3) 珍珠奶茶2杯：1齊order但2杯飲品分開時間上囉！淡而無味！好多冰！叫侍應加水只會由1/4杯加到2/4杯囉！而且個個侍應都顧住傾計，好似唔駛做咁！呢份真係佢地的"優差"囉！相信以後不會再幫襯！去隔離M記好過！

同個FRIEND成夜晚9點幾10點先黎到第一城, 又肚餓, 就去燉奶佬啦~因為之前去開大圍既燉奶佬都覺得幾好~~~我叫左個炸醬麵, 炸醬D肉絲好甜, 過甜了........湯清過頭清, 無味可言..............不過成個 麵都食得落口, 仲食晒添。一個宵夜廿幾三十蚊, 包一個糖水, 我叫左個椰汁黑燸米, 幾好味, 果然燉奶佬出名甜品, 都係食甜品穩陣D

由於我中意燉奶佬有甜品送所以我好中意黎燉奶佬食XD上次黎仲要排隊tim...木瓜雪耳幾好食=]30幾蚊一個餐,,okay啦..吾平吾貴..D位又坐得好豬服-v-次次黎親爸爸都會叫咖哩..其實間間燉奶佬既味道都有D吾同..有好有吾好..同樣系一碟咖哩牛腩都會有好大分別..同埋呢到D飯真系超級大碟.有兩三碗飯甘多..不過有次我叫一碗普通既雲吞面..我爸爸食飽都未黎 = ="

我記得之前去食佢比我既感覺係差左好多 我唸住唔會再去 但早排老公叫我去試下 我起初都唔係咁想 但老公同我講d野食好食左好多 咁試下啦 去到叫左好耐先有人過來落單(當時係午餐時候 可能真係太忙啦 不過真係好耐) 我仲罵我老公 但d野食好多就到 (不過侍應放食物果陣就咁擺低就走) 食物品質都好好 我個意粉好靚 好好味 老公個咖哩牛腩都好好味 不過辣左d 到我走果陣 埋左單 有個廚房師傅同我迎面而來 阻住左我出門口 但佢好有禮貌咁同我 say sorry 唔好意思 仲讓開比我行 仲同我講 多謝曬 bye bye 我覺點解d廚房會仲有禮貌過d侍應既?不過 我同呢間餐廳都改觀左好多 到而家都有去 到現時為止仲未令我失望(只限食物)服務都仲係馬馬 丫 值得一提係佢地個早餐 好快趣

工人琴日返左屋企拜山要過4日冇工人既日子今晚冇人煮飯,所以是但搵間野醫肚~見到呢間價錢唔錯 菜式都幾多 就入去試下我要了個野菌烏冬($33)妹要了鮑片拉麵($33)父親要了豬扒配飯($47)(忘記了名字 但改得很好聽=.=)幫我地落order的年輕男waiter好似發緊夢=.=湯最快黎(父親個晚餐跟的) 雜菌忌廉,我沒興趣之後來了個沙律(都係哨餐) 也不是我杯茶爸的餐茶 熱咖啡 賣相不錯 味道就不知道了跟住妹的拉麵來了竟然冇幫我地走蔥! 我講左2次要走.料都ok,有一條蟹柳 栗米 海帶 2片日本魚蛋 半隻蛋 幾片鮑片這個價錢 幾抵鮑片我唔試 但父親說味道像螺片@@跟住父親的豬扒配飯都來了是分開上的一碗白飯 一碟豬扒豬扒我沒試 搶了配菜來吃 挺不錯.我的烏冬..真的等了好久差點想催他們在到野菌有3種 份量ok配料和妹妹的一樣烏冬頗彈牙 不錯總括來說 這個價錢能吃到這些食物真的很抵但是滿店都是年輕待應全都在夢遊 談天 這很要不得.埋單 $113 沒加一(幸好)如果要加一 得到這些服務 我真的會破口大罵..

我本身住第一城,夜媽媽少選擇陪媽咪去食dinner(我屋企唔係成日煮飯果Ｄ家庭)Ｄ野唔係特別好食黎講好貴,閒閒地都$40或以上除左宵夜餐lor......再加埋Ｄ服務態度,我稱佢地爲-----無態度!唔算好忙都叫好耐先有人應,黎到又黑口黑面,我真係覺得唔想做唔好做啦!!呆下呆下咁,掛住自己傾傾傾...我唔會再幫襯佢!

本身住第一城,間唔中收工都會去食下宵夜,因為附近無乜餐廳,但上次去最後一次,我諗我唔會再去,上次去到間舖無乜人,但d侍應好似好忙咁,叫佢比杯水比到埋單都未比到,好耐先叫到個人,叫佢寫野個時個樣又好唔耐煩咁,總之態度差到你估唔到,d野食又唔係特別好食~

好唔得囉d服務!!!!唔寫野唔落單唔會幫趁!!!!

Food is alright. Ordered a curry with rice but tastes quite average. Rice is quite hard and the curry is not spicy at all.Dessert is quite dissapointing. Nothing special.Service is quite poor. Waiters are not helpful and not polite to customers at all. The one working in cashier is even worse. As we are a group of 5 ppl, we requested to pay individually in the counter. Then she, and the manager as well, looks very irritated and annoyed and said that we are causing them a lot of trouble. Then the

今日中午同daddy 大佬去左燉奶佬食飯,daddy 叫左個沙嗲鮮雜菌雞柳飯, 諗住咁特別試下點知個汁唔係沙嗲, 只係一個中式芡汁味同色同完全係兩回事同佢講"我都未食過呢d 沙嗲汁" 佢竟是答:"未食過就試下..."差得很.

尋日到呢度同媽媽食晚餐，叫左個皇牌鴛鴦焗飯，不過無，問我轉唔轉做焗咖哩海鮮飯，無所謂。跟餐有粟米忌廉湯，芒果沙律（起無問我情況下轉左做木瓜沙律）。媽媽就食照燒牛扒拉麵。先講下個湯，好糊口，好似加左好少水ge罐頭湯~~味道好淡，帶好重ge奶油味同甜味，要額外加鹽。沙律，好普通果隻公司沙律，上面放幾粒木瓜~~木瓜都算清甜，不過我食唔落d沙律醬，又係好多同好杰。焗飯，咖哩味好香，不過又係唔夠味，又無辣味。一樣都係好杰，個飯底就好碎好濕，食到一半就好滯~~d海鮮就無咩特別（問題），最好食就係d蟹柳，唔係成口粉。d魚都係無味，口感就係魚肉，但係就咩味都無。墨魚仔就中等，硬左少少。媽媽食果個拉麵，d湯底幾好，清清地，不過見d配菜就少左d，粟米都係得果十幾粒。一樣，都係d蟹柳好味！但係d牛扒就唔得啦！好似早餐牛扒，都唔係日式照燒牛扒！一，唔夠厚，二，無肉汁，三，有梳打粉味。最後，叫左一個熱桑寄生，同凍腐竹糖水。桑寄生好味，無其他糖水鋪ge苦澀味，清潤十足，隻蛋都好香蛋白味。腐竹糖水就普通，豆味唔夠，不過蓮子夠香。值得讚係隻蛋都係凍，唔錯。不過，d服務就好唔得，唔知係唔係繁忙時間。叫左成三次，先有人應

以前每逢會去大快活食早餐，因為好味抵食，但自從有一次老婆提議去呢度試o下D 早餐後就愛不釋手，呢度既扒類早餐比大快活份量多，味道又會好些，款式都算多，可配另外兩款常食到的食物，如煙肉、腸仔…等，總之就多啦，又有粉麵早餐，一流，呢度早餐做到好晏，成十二點都有得食，所以晏左都唔驚食唔到，夜後既晚餐亦唔差，仲可以配十一蚊既糖水食，想食完飯後來一碗糖水呢度係一個唔錯既選擇，每晚十點後還有特價，一個字形容，抵，會繼續幫趁架

本黎想去吉野家食牛肉火鍋,卻去左燉奶佬...「牆上是羹,玻璃也是羹」羹上還站著聖誕老人,居高臨下,俯瞰全店...呢度都幾多人黎食,走左一枱,又黎一枱...不過,大部份人黎食晚飯,都會叫番碗糖水食...點左個茄蓉雜菜牛肉燴意粉,加個椰汁黑糯米...糖水可以要求飯後至黎,憑單而取...意粉幾大碟,不過還是雜菜牛肉比較多...因為係燴意粉,擔心會被燴得淋淋,但出來卻唔係,有咬口...茄蓉都幾酸,而且夠多,撈意粉唔錯...牛肉就係淋淋的,不過肉味幾重,唔"un"...雜菜就係d西蘭花,蕃茄,紅蘿蔔,蘑菇,蕃茄好酸,但食落d汁唔夠,其他都ok...因為自己唔太鍾意食熱的糖水,所以就食凍的...椰汁黑糯米份量唔少,入面有好多黑糯米,甜度適中,加上椰汁更能帶出其香味...服務都唔錯,不過男侍應比女侍應更有禮貌...埋單$35,唔貴,食快餐都差唔多錢...怪不得會多人黎食...