金裝燉奶佬餐廳 (大圍道) (已結業)

今日約左朋友係大圍見面食個晚飯, 行左一大個圈, 見到呢間金裝炖奶佬, 六點半左右, 望入去己經坐左約六七成客人, 見環境都幾好, 光線又充足, 感覺好乾淨, 即管入去試一試, 朋友點了個吉列魚柳咖哩撈公仔麵, 一杯柑桔蜂蜜茶, 一放上枱, 大家異口同聲講左句無汁架咩? 又話係咖哩? 因為見到d公仔麵都唔覺有汁, 朋友食後意見係魚柳唔錯, 炸到金黃色, 公仔麵食落就只有少少咖哩味, 偏淡, 我自己就點左個鐡板肉眼扒意粉, 跟餐湯, 包及飲品都係$68, 抵食, 羅宋湯不過不失, 落單時, 伙記問我要幾成熟, 心諗, 幾十蚊的牛都有得揀, 我order五成熟, 結果係令人失望, 係九成熟, 意粉反而幾好味, 最後點左杯特飲, 紅豆冰, 個人就覺得太甜了, 整體成餐飯都不太滿意

除左差，諗唔到第2個字形容呢間餐廳，幾年無黎，無神神其他鋪頭無位又入左去食。啲野煮到咁都仲可以存在咁耐，真係配服佢。第一次食炒蛋係會放落個麵度既。個早餐收到人3x蚊，啲料又少又難食，塊包好好扁，無烘既。個麵係暖既，唔夠熱。可一不可再。同埋環境好污漕，同埋個waiter fing左啲食物碎落我度。

咁岩附近工作，簡簡單單黎附近食個午餐，餐廳menu 都算多選擇，啲圖照得幾好睇，但同實物相唔相符就見人見智啦！佢menu 有埋糖水，賣相好似幾吸引，不過今次食lunch就無叫到。叫左咖哩吉列魚柳撈公仔面，上枱時仲熱辣辣，新鮮出爐。不過就無乜咖哩味，本身都無太大期望，不過不失啦中午時分好似唔算多人，唔洗等位就有位。不過價錢偏高。凍飲要加$6好貴服務態度還可以接受，茶餐廳的質素黎講價錢真係偏貴，食完承惠$63大元。

個日趕時間是但入左黎食等左10分鐘到 見佢未黎又趕時間就打算轉外賣叫左服務員黎改外賣佢同我地講 可以呀 反正佢都仲未落單個時已經白左反眼 成十分鐘都未落單咁好啦 一人一句叫佢轉外賣本身叫個西多士 同佢講西多士唔要啦其他都轉下外賣佢就話好好好⋯10分鐘後 無啦啦有碗麵 我地都叫返岩岩幫我地轉外賣既員工黎同佢講我地全單轉外賣喎佢就話 下，外賣？我聽唔明白你地係呢個意思你地趕時間呀？ 我地已經嬲到唔想同佢講野叫佢轉曬外賣 快過左5分鐘連野飲都上埋呢個時候先有另一員工黎跟進該員工真係好有問題外賣最小講左3-4次 一開始表達得好清楚你錯你咪認左佢係到話聽唔明咩意思之後野食方面真係好垃圾 公仔麵可以無味 唔會再幫襯

前幾日好夜去到大圍，又肚餓，出火車站一望就望到燉奶佬仍然開門，唔理咁多食左先。雖然成十一點，店舖仍然好多食客。最正嘅係，夜一夜都有好多款食物比你揀，肉類鐵板餐，小菜配個飯，米線，話者你食飽想食個糖水都得你揀，唔怪得咁多人。不過好彩佢有兩層，等位都唔耐，幾分鐘就ok 由於都太夜，自己同朋友都唔想太heavy ,所以清清地揀左個香茅豬頸肉米線，朋友揀左個煎雞扒米線。大約五分鐘多啲就有得食，唔算耐，未餓親。清湯上嘅香茅豬頸肉米線熱辣辣，個湯好清新，一啲都唔咸，食完都唔洗飲成杯水去解渴。米線煮得恰當，唔會太腍，連埋豬頸肉放入口非常正。豬頸肉數量都算多，又唔係煎到燶哂，亦唔油，啱哂宵夜食。最好就係仲有啲椰菜伴米線，點都有啲菜健康啲。朋友塊煎雞扒都試左舊，皮都算幾脆，但咸左些少，size 都正常，宵夜夠飽。重點要講係，呢間店晚上6點後有免費糖水，日日唔同。今日係腐竹雞蛋糖水，不過呀姐話無蛋。都唔緊要喇，唔洗錢，仲要唔錯，腐竹又有，煮到半溶，好正，個糖水唔係好甜，啱哂健康嘅你。

記住張佩兒呢位女員工對客人o既態度差到我要記住佢個名！每位客人黎到都係想食得開心啫，呢位女員工對客人啲態度好似對佢啲同事咁，我哋叫咗兩個鐵板餐，個鐵板唔熱，連基本「炸」果吓都無，塊肉似落咗勁多鬆肉粉，肉眼排好似豬排咁，淺色到呢…都算啦，我哋問佢「請問個涷飲加幾錢」佢「嘖！」一聲，之後攞張餐牌話「上面咪有寫咗囉，涷飲要加3蚊，加個糖水先唔洗錢呀！」成個餐唯一好的就係杯涷檸茶，少甜真係少甜咗。唔記得講埋，個羅宋湯真係好淡，加咗好多水無蕃茄味。成個餐HKD68真係又貴又唔舒服！！

我見有喇沙米線諗住試下，買左一碗外賣，點知等左差唔多半個鐘。一開始又唔講要等咁耐，態度又差，仲唔應係自己落單🤯😡碗米線又麻麻地，唔會再去大圍燉奶佬！價錢又唔抵It was my first time trying the Laksa at this place. I ordered take out and waited for almost half an hour. The waitress was really mean. I will not go back to this restaurant for sure😤DO NOT recommend

其實都知大概咩狀況非必要都少來而什麼是必要呢？🤔就係凡過左22:30雖然大圍夜晚掃街好興旺但餓起上黎 晚飯都未食，不能以魚旦燒賣解決十蚊串魚旦好襟計 食幾多個十蚊先飽肚呢返完一整日工，又攰又餓又盛，就決定入燉奶佬塞飽自己通常就係太夜 又想嗱嗱聲坐低食飽飽先會去我叫左葡汁海鮮意粉係我都知實伏但無其他野想食就俾次機會佢海鮮雪藏貨仔無除無味就已知但連個葡汁都好伏好淡葡汁味 開粉杰噠噠仲要個汁碗係乾嘅d意粉就水呢呢淡某某點食啊大哥有無側忍之心咖結果要叫waiter拎多碗汁先食到🙈$53 葡汁海鮮意粉 +$3 熱檸茶🙈 充滿希望的晚上

深夜去到大圍火車站附近想食宵夜，見近近地又就腳就去左火車站對出馬路果間金裝燉奶佬到開餐喇。係餐牌見到餐廳有優惠套餐，所以我梗係要幫襯下啦，真係幾抵食，幾個優惠套餐都唔洗 50 蚊，而且餐廳重要唔收加一服務費，真係好有良心。最後點了台式肉燥雞扒套餐，套餐跟兩款配菜 : 木耳同泡菜，餐湯可選中定西，肉燥飯份量好大碗，如果係女仔真係分分鐘會食唔哂，雞扒整得都幾好，最後仲可以以優惠價 4 蚊加多碗糖水添，雖然糖水就唔係話特別出色，但係以 4 蚊來講就真係無咩可以要求。

晚上時間到訪大圍，比較少到此區，又時間緊迫，所以只想簡簡單單搵間茶記於工作之前醫醫肚一出火車站過馬路就跟左個街坊入左去「燉奶佬」，個街坊好熟架步地上左樓我慢吞吞入到去，阿姐好熱烈地招呼，我就免得上上落落於地面的一層找個位置隨便坐下了樓下的面積其實不太大，但座位都排到滿滿平日下午茶時段，可以獨佔一張枱下午茶供應至6時被南洋風情的菜色吸引了由於我最近好想食咖央多所以叫了咖央多西多士+油雞脾套餐都幾快就上菜西多士只是半份的但因為有油脾，所以都可以接受疑惑沒有糖漿之際阿姐就補上了咖央多西多士完全沒有咖央味道好失望（不要誤會，圖中青色的是沙津菜，不是咖央）油脾反而幾好食皮脆肉嫩而且幾入味至於最簡單的熱檸水就最差第一水唔滾第五檸檬唔新鮮飲到既只有雪櫃味

第一次幫襯。位於大圍地鐵站附返，方便。茶餐廳來說, 食物質素及衛生已較其他好。食物都有些小創新, 這個醋香番茄估唔到喺呢度會食到。 不是太餓, 點了一個牛肉米線小辣，都幾好食。

係大圍搵野食，但夜了少少好多店都關門，好彩燉奶佬會開到好夜宵夜時段好多餐都平叫了香茅雞扒熟蛋麵，雞扒好香好味另外重叫了豬頸肉太陽蛋米線豬頸肉比較韌，好難咬重另叫一樣小仔白酒忌廉汁煮藍青口，好夠忌廉味，青口加忌廉好正😋

Need to have a quick dinner at Taiwai and this restaurant is next to the mtr station, so we decided to eat here.The fish spaghetti only has a small piece of fish and the spaghetti is soft...It charge me $53 while I can have a high quality fish spaghetti in Central for $58 with two big pieces of fish. I totally don't understand how can they charge this amount but give me food with low quality. Bambi ordered fried rice which is also $53, rice is fine but the sauce is sooooo less.... Will it kill t

今時今日的燉奶佬已不是當年的燉奶佬，而是一間不折不扣的快餐連鎖店。今晚飯後和友人來這裡食甜品，點了個熱招牌燉奶，不夠熱不在話下（可能微波爐返叮但不足時間），更大問題在於只吃到奶粉味，差矣……友人點了個腐竹雞蛋，反而不過不失，中規中矩……下次去燉奶佬，還是吃快餐吧！

今日同女友入沙田踏單車，路經此店，見無乜人，就入去dinner。坐位無湾仔個間咁好坐，幸好有樓上，樓上較闊落，感覺都乾淨，80分。照呼既亞姐，不過不失，親切就無，黑面亦無，60分。上餐速度就慢D，要催，50分。洋蔥汁牛扒香腸飯$48，各方面ok，飯就少左D，70分。凍華田火山+$8，正常，70分。燒汁茄子燴牛飯+熱奶茶$45，都ok，無驚喜，70分。燒汁同洋蔥汁好似一樣，無分别，合共$101無加一，每人$5O，合理既，90分。✔會再去