金裝燉奶佬餐廳 (大圍道) (已結業)

年初二到車公廟之前，在大圍揾吃午餐嘅地方。不少食肆還未開市，有開門的都擠滿人，還在門外加了摺檯以應付。唯一這間「燉奶佬」，雖然鄰近港鐵站，但還有不少位。時間關係，我們入左去吃個午餐。老公點了「經典百搭套餐」，我點了午餐餐牌入面的酸辣湯香茅豬扒撈米線。「經典百搭套餐」：我們都十分認同這個餐很「經典」。這麼細舊的雞扒，我們見到都細細聲「嘩」左一聲酸辣湯香茅豬扒撈米線：真的是一碗中式酸辣湯+一碗香茅豬扒米線。酸辣湯味道比較清淡。不過，在茶餐廳，吃得飽就算了，不要有要求。農曆年都開工，謝謝伙記們的努力令我們有地方用膳

午餐時間來到沙田大圍這間金裝燉奶佬，地點近大圍火車站，都算幾方便，這間店分兩層，可到樓上座位進膳。店內菜式選擇都幾多的。今日選擇了紅蔥醬油雞飯套餐，套戲配上紅蔥一碟、雞、白飯和中湯各一，這碟醬油雞貌相不太吸引，而且雞肉不太滑，有點鞋鞋的，雞肉算是有肉感的，但味道就一般般，味道也比較淡而無味，而碟紅蔥亦不太香口，喜歡吃香口蔥油的也有點兒失望。中湯可以的，白飯都好大碗，下次要再試試其他食物看看會否好點。

難得去大圍踏單車，就係大圍站附近找間野食。見到燉奶佬係各區都有唔同分店，今次終於可以試吓。豬軟骨喇沙米線🌸午餐($52冇加一)喇沙湯底幾入味，有少少辣，係可以接受到既程度。豬軟骨好軟同入味，d餸都幾多，驚喜既係碗麵仲有隻蛋。跟餐有個鹹柑吉茶。係個滿足個午餐😍

今晚同媽媽一齊食左一個豬扒飯餐，一客火鍋，首先豬扒飯餐，豬扒切了三件，有 蔥油 附送如果鍾意食蔥有嘅就可以要嚟撈飯， 白飯一碗加咗少少好似藜麥嘅都幾好食。 豬扒 旁邊配上涼拌雲耳，味道不錯，幾開胃。整體都ok, 有7分另外叫咗一個牛肉火鍋用豬骨湯清清地幾好，湯底裏有幾件切件羅白，已經煮到好林好味吸收了湯底的味，另外仲有一件粟米。 火鍋料有切件翠玉瓜幾片，生菜幾塊，幾片肥牛，大半碗米線，紅蘿蔔幾片，蕃茄2件，魚蛋2粒，豆腐2件。 次序梗食咗肥牛先啦， 跟住放翠玉瓜，豆腐落去索下未。煮多幾塊牛肉個湯底充滿牛肉味，放米線落去煮，真係好好味。豬扒飯個餐可跟飲品或者加8元至12元要糖水，我哋就要咗一個桃膠腐竹糖水暖暖哋幾好味。整體都有7.5分，下次都會再黎

大圍附近餐廳都差不多試過了，唯獨燉奶佬。以前是真正的甜品糖水舖，不知何時成為餐廳？餐牌選擇眾多，基本上茶餐廳無異。當中有自由搭配一類，選了雞髀，豬扒，蝦餅。熱薏米檸檬水。等了十分鐘，合理時間。豬扒醃味一般，香茅味一般，有點太淋。雞髀是豉油滷水底，再翻炸，大小中等。肉質稍鞋，味道尚可。蝦餅太多粉，鹹味無蝦味，建議不點。叫少意粉，至少有少意粉。當然是茶餐廳意粉，不評論。薏米水，至少煲過，甜味合理，酸度平衡，值得推薦。整體而言，價錢合理，雖然味道一般，多是翻炸東西，至少不欺客。職員態度正常。差評不少，其實也沒有如此差，可以一試。

講到糖水甜品，燉奶佬的確幾出名，口碑亦唔差，不過今日猴子唔係嚟食甜品，只係路過想食個平平哋嘅下午茶餐，所以叫咗碗越式香茅豬扒米線。係人都知糖水一定要夠火喉，紅豆沙要煲到起沙先好味。或者燉奶佬實在喺糖水界太成功，所以不知不覺咁將佢哋嘅功夫帶到落下午茶餐之上。呢碗越式香茅豬扒米線，無論係豬扒定係米線都煮到好腍，完全唔需要用力咬，入口即溶。如果只講味道，其實係OK嘅，只係欠缺口感，不過猴子覺得煮得腍都唔一定係壞事，起碼適合老人家食。最後值得一讚嘅係佢哋嘅樓上雅座，乾淨企理又光猛，仲可以望吓街景，十分舒服寫意。

燉奶佬餐廳不經不覺已經係香港三十幾年，呢間餐廳比我既感覺係味道唔差之剩重幾抵食，以往都有幫襯過佢既早餐，宵夜，小菜果啲。餐牌分咗上下兩款自選餸，上面揀兩款下面揀一款。經典百搭套餐 ($56) : 揀咗西冷牛扒、炸雞脾拼吉列炸蝦，咁樣揀覺得幾抵食，最衰上面每款只限點一次，如果唔係實叫兩隻炸雞脾 😂 炸雞脾又脆又啖啖肉，而且西冷牛扒又大塊，食完成個真係飽到想死。👍🏻 👍🏻 可惜杯凍奶茶就麻麻地，茶味唔夠濃。

第一次食呢間嘢， 因為距離火車站都好近，算係幾方便。其實第一眼望，賣相已經唔太好。味道方面，個湯底有啲咸，肉嘅份量對於晚餐嚟講都算少。。跟住呢個就係佢個晚餐。鰻魚望落去好長，但其實好薄，係唔夠飽。佢個汁都唔錯，但用嚟撈飯就唔夠。至於炸蝦偏乾，而且麵包糠太多，唔係好食到蝦肉。跟住又試佢個喇沙湯底。呢個湯底就甜甜地唔算辣， 分量都算唔錯，唯一唔太好嘅係隻炸蝦浸到淋曬。最後呢個就係店員落錯咗單。同上面講過一樣，鰻魚太薄，而佢嘅肉燥分量都唔足夠用嚟撈飯，豆腐就有少少酸味，唔知係滷水嘅味道定變壞咗，所以都唔係好敢食。價錢方面唔算太貴， 但相信喺附近有更好嘅選擇。另外，杯凍奶茶勁甜，千祈唔好叫嚟飲

22/2/2019 @ 大圍金裝燉奶佬餐廳今日同屋企人去食下午茶，諗住好耐冇食過去幫襯下。人唔多， 不過店員叫咗我哋坐樓上下午茶選擇都有唔少，經典茶餐同粉麵都有幫襯佢大部分原因因為佢可以餐飲轉糖水，但原來而家要加錢，仲要最少都加8蚊………紅燒花膠豬軟骨米線，屋企人話普通羅宋湯米粉配 炒滑蛋，蠔油冬菇，午餐肉…個人覺得非常唔好食，原先以後餸同粉會分開上，點知……之後碗野勁油！我問佢拎左隻碗仔片油……餐肉係勁乾勁硬，一啲味都冇，好似食冇味嘅厚煙肉咁，滑蛋倒左落碗野度唔見得有幾滑…冬姑得兩粒…油一碗熱渣咋，足料的，但太甜每個餐一碗粉+一碗糖水埋單都$49，兩個人食成百蚊，唔抵食+唔好食！大圍咁多茶餐廳，真係唔駛揀佢

每逢收工或者打波打得夜都會黎食，雖然稱唔上話超級好食，不過都算接受到啦，價錢唔算太貴，但勝在夜晚11點都仲有晚餐可以食，5十幾蚊可以食到牛扒腸仔飯，11點後大圍邊到搵到！

賣相唔算太吸引，但味道都算可以。因為我差不多成晚上十一點鐘先食，呢啲時候都唔會太多選擇吧。個餐晚飯量同菜量都好夠既，難得去餐廳食野都可以有咁多菜。雖然無影到肉燥，因為佢在豬扒底下。其實肉燥的份量同味道都好夠，易入口，口感唔錯，又唔太鹹。香茅豬扒火喉剛好，唯一不足的是他不是厚切，口感一般啦

星期日早上來到大圍想找早餐吃，對當區不熟，在港鐵站周圍行了一圈，竟然找不到連鎖餐廳，又竟然星期日早上很多茶記已爆滿!來到有兩層的燉奶佬，還未滿座，由於曾在其他分店吃午餐，個人覺得不俗，便趁機試試它的早餐。上了樓上雅座，沒有了樓下的熙來攘往，更可以靜靜地享受這個星期日早上! 聽到很多人都order 魚柳早餐，我也來一客吧!在沒有什麼期待之下，這個早餐上桌時居然給了我很大的驚喜，炸魚柳配炒蛋、餐飽和沙律，吃慣了連鎖餐廳，沒想過早餐的份量可以幾乎把碟子堆滿! 尤其沙律的份量，今時今日可以說是generous portion了。味道也很能令人滿足，而沙律除了份量之外，用料也是以水果為主，不像很多以大量薯仔充場面的沙律。魚柳也很滑，炒蛋一般，略嫌不夠熱。可能我謂口細，這個早餐我幾乎吃不完呢。已很長日子沒有寫食評了，這個早餐竟然令我有再寫食評的衝動，還將之付諸實行!

踩完單車係大圍諗住食個普通下午茶，點知中伏，又貴又難食，所有野都係批發預製買番黎再是但加熱，垃圾！杯野飲菠蘿冰又甜到放唔到入口，入面生果係罐頭都預左，但有怪味就接受唔到，我成杯都無飲，又貴又唔好食，點知服務都好差，早知去食其他野好過，都未講完，個栗米仲要唔熱，真係傻架，是是但但咁，完全無心機煮俾人食以後都唔會再黎食呢間垃圾同佢既所有分店，真係3無，無野好食，無野飲得，無服務，仲要貴，又唔好坐，嬲嬲地成個餐無乜點食

餐廳就在大圍地鐵站 A 出口前面。其實這燉奶佬和旁邊的源記，都是港式茶餐廳，源記就是雲吞麵魚蛋麵牛腩粉還可以，燉奶佬則有更多款式種類，但食物就更平庸。以前來大圍騎完單車，就來燉奶佬吃完糖水再回家。但今天的金裝燉奶佬茶餐廳，已不再是以前的燉奶佬糖水店，所謂的金裝有點徒具虛名，這次帶著朋友看完展覽，竟還是朋友說想進來。燉奶佬分上下兩層，我們進來就去了上層閣樓，其實上層客人更少，位置更寬敞，空氣更流通，坐得更舒服，侍應也沒有樓下那麼匆忙倉卒。我們四人剛坐好，先叫了一份涼拌蓮藕，蓮藕算是爽口，沾上辣椒醬和豉油，清爽中帶麻辣更惹味，其實涼菜份量不少，但四人幾分鐘就吃完。我和 A小姐都只叫了粉麵，都是喇沙麻辣的重口味。我叫了喇沙海鮮湯米粉，喇沙湯沒有辣味，但海鮮份量足夠，有魚片 / 花甲 / 魷魚，也有滷蛋 / 豆腐 / 豆卜。 A小姐叫的是麻辣牛腩米粉，牛腩中筋多肉少，也有點過辣。兩個米粉，喇沙和麻辣都不正宗，配菜勉強可以，但米粉稍差。B 君和 K君都有做運動健身，恰好中午也沒吃飯，下午茶也叫了兩份鐵板。B 要的是牛仔骨吉列魚柳，牛仔骨在切下去時也軟熟，但略韌嚼勁稍重，吉列魚柳也炸了過頭。K 則

三點幾, 未食LUNCH 又唔知食咩好, 於是同女友去左大圍燉奶佬食少少野。去到見唔係好多人, 上左二樓, 打算靜靜地 可以二人世界, 望左個餐牌都一陣,於是,就點菜啦。 然而, 個主管侍應話冇晒個餐, 咁我同女友 就馬上看, 畢竟唔係多選擇, 緊係要d時間看看架啦, 個下就已經第一次 白眼我地, (我心想: 咩事!? 你地冇列清楚得返咩餐可以點- 已經唔岩,仲要嫌我未想好食乜)。個陣我二人都肚餓, 冇太計較, 反正都照食啦.免得再搵其他餐廳, 然後, 點完餐, 等食物期間,(大概10分鐘) 又有兩個客人坐係我地附近, 隔一個位。 當時位置情況:我X客女X客突然, 個主管侍應叫我地兩個轉位 (我個下有d呆呆地, 咩事要調位, 加上好似問都冇問我地同唔同意喔; ok! 你話好似潭X咁, 多客人個陣, 都會咁我都明白, 生意難做, 但是我望望周圍, 你仲好多位喔。 再者, 係調都唔係我地兩個啦, 點解唔係搵個兩個新客呢?) 個陣, 我地都好客氣咁配合, 畢竟, 我地忍得到 都算...去到個位, 連上手d野都未清, 就趕人過黎. 當下真係火都黎...之後d野 都係凍既, 好似微熱咁, 食左冇