金華冰廳

营业中

休息中

服務態度一般，叫碟干炒牛河，如果爆滿場都情有可原，入面都大把檯，客人不多，居然要等成半個鐘，仲要吹餐先出餐，口味好差，其他茶餐廳都好味過呢間，超失望，再唔會幫襯

久聞大名，香港no.1得獎菠蘿油，點知食咗2次都唔太改變到我都佢嘅印象。先講環境，第一次食嗰陣6點冇晚市，我同友人5點鐘先去，左邊鋪冇位，要坐右邊舊鋪，自己感覺右邊鋪d伙記忙好多，又唔得閒理你，執怡都好求其，上手嘅食物殘骸仲未抹乾淨就要我地坐低食，我忍！諗住茶記都係咁加上趕收工。我分別嗌咗菠蘿油、蛋撻同熱奶茶。提提大家有最低消費，唔能夠只嗌一個包。菠蘿油出名係出名，但一攞上手，唔熱嘅？甚至稱唔上暖，只係唔係凍，個牛油就凍嘅，中規中矩啦，個菠蘿皮都脆嘅，味道都唔錯，整體個包都好綿密好軟熟，只係略厭佢個温度真係唔夠。之後飲奶茶都覺得只係正常茶記水平。蛋撻就真係望住佢新鮮出爐上比我地，不過就等足半個鐘先有，個人一般般酥皮蛋撻，所以唔太識評價，不過就真係熱辣辣，相比個菠蘿包有誠意好大。上星期想比多次機會個菠蘿包，所以3點到再去，今次入咗左邊間鋪，啲伙記有禮物啲，環境又坐得舒服少少，不過菠蘿包依然係唔熱。整體值得試嘅，不過係咪香港第一，我覺得應該係過譽。

下午茶時間，蛋撻加菠蘿油。冰廳內飲啖茶食個包，不過唔係新鮮出爐就差啲⋯菠蘿包體幾軟熟但熱食應該會再正啲，而牛油部分都較細塊同薄亦因包無熱力所以無半溶嘅口感。酥皮蛋撻蛋漿幾滑但酥皮唔太食得出有層次，比較薄亦唔算脆。第一次飲細路鴛鴦，即好立克溝阿華田，味道沒甚麼驚喜，只是想一嚐而已。朋友就點了奶茶。平日都好多人客，但環境似普通茶餐廳多過懷舊冰廳。一定要點飲品而且食物唔熱，應該不會再去堂食，下次會外賣。PS相比依間我更愛另一間係位於新蒲崗嘅菠蘿油。

完全係貼錢買難受嘅食肆，之前有自由行，對香港客同遊客嘅大細超招呼態度都唔撚理，茶記求求其其唔難食，嗌完快快趣趣畀人走就可以而家生意差，得返香港客，唔知係咪事頭婆冇得做show少出現，啲侍應工作求其，包個外賣慢到一個點，永遠唔會再幫襯想去食嘢嘅建議帶相機同講普通話！

今次買我最鍾意食嘅菠蘿油包體軟熟，表面酥脆內裡牛油個樣係固體但入口瞬間即溶咬開變咗流心🤩✨...#hkfoodie#foodie#foodphotography#foodiegram#foodpics#pastry#bake#foodlife#chef#fooddairy#lovefood#instafood#photographylovers#instagood#takeaway#香港#茶餐廳

📍金華冰廳 一間比較耐歷史嘅冰室，每日都有好多人排隊買號稱香港第一金牌菠蘿油 🥯 菠蘿油($12)啱啱出爐 熱辣辣 賣相非常靚仔 一大塊牛油夾喺中間 超邪惡😈 牛油好重奶香味 菠蘿包皮脆酥化，又好有空氣感 兩樣野加埋好夾！ 😋 馳名酥皮蛋撻($6個）同樣啱啱新鮮出爐 蛋味香濃 甜甜地 皮脆 做到外脆內嫩嘅效果 非常好食 值得一試 👍🏻 得獎西多士 ($20)不過不失嘅西多士  份量都幾大 同樣都係有一大塊牛油放喺上面 可能知道拎過獎 對佢有D期望 味道一般 口感偏淋 有小小失望🤦🏻‍♂️正所謂飲啖茶食個包😂茶走($18)偏貴 💰 茶味濃厚 🍵口感順滑 雖然加左練奶 但一D都唔甜 唔會蓋過茶味 一啖茶 一啖包 香港特色嘅味道 😋

🍍菠蘿包 $7麵包係喺店鋪出面櫃以暖燈包溫所以要撞正出爐先會食到熱辣辣嘅菠蘿包外皮酥脆牛油味唔會太重 用手攞都唔會油膩膩咬落鬆軟得嚟包體紮實實在 唔會好似食空氣咁

.得獎🏆菠蘿油!!!!大家食過未🥳🥰今日去左好出名嘅金華冰廳 @kamwahcafe 😋🥰食早餐😆最出名嘅就係菠蘿油🐷………..🌟得獎菠蘿油🏆❤️($12)名不虛傳真係好鬆化，每次食菠蘿油皮都一定唔會淋😋咁多年水準都仲係保持到😬😆😆………….我地仲加左2份早餐😂早餐仲係好平$35😋好抵食🥳🥳………….

-茶餐廳絕對係我嘅comfort food，太子嘅金華係我鐘意嘅茶餐廳之一😄-蛋撻：一坐低，阿姐話又蛋撻出爐，當然立即要返一個🤍 熱辣辣嘅蛋撻真係好好食，酥皮鬆化而且牛油味香濃，入面嘅蛋餡唔會過甜，真係令人忍唔住一啖接一啖🤤 唔係怕肥嘅話，真係好想食多個😮‍💨-熱奶茶茶走：冬天必飲🤍❄️ 雖然係好邪惡嘅飲品，不過真係好難拒絕🤤 好鐘意哩度嘅茶底，唔會澀又唔會比煉奶搶曬風頭👻 肥都要飲一杯😆P.S. 佢哋嘅菠蘿包同西多士都好好味🤤

下午茶時間口痕痕，路過金魚街就一定要會一會金華。點咗個暖暖地菠蘿油，配一片厚厚牛油真係超好吃。查實現在有好多新餐廳出超級大個冰金菠蘿油，本人就比較喜歡夾好咗溶溶地大少適中的！！

本身呢間嘢就腳，即使食物質素普通，但為左醫肚先會去食。但，果度啲侍應真係態度極差。本身間餐廳有足夠位，啲侍應係都要我同其他客逼埋一齊食。坐低左都要起身離席搬去其他位住先OK。一餐飯我最多食15-20分鐘，食完就走喇，絕不浪費時間坐係呢間裝修極差既餐廳度。啲侍應係咁叫啲客搬黎搬去，倒不如快啲落單上嘢食，俾客食完快啲做下一單。我見佢要我搬黎搬去，我乾脆走人，乾脆去第二間坐得舒服啲，服務態度好啲既餐廳好過。幾老字號都好，都要啲嘢食OK，同服務態度OK！可惜，呢間嘢兩樣都無！

突然想食個傳統茶記早餐，諗住去返有咁上下歷史嘅茶記會穩陣，都唔係食特別野，只係沙嗲牛肉米加凍檸茶少甜，沙嗲牛嚟到個賣相已經令我打個突，真心第一次見腸仔煎蛋唔係另上而係放埋一齊，浸淋晒嘅感覺好差，牛肉又厚切味道又普通，食到我失去意志但又怕唔飽，諗住食埋個馳名菠蘿包打底，個菠蘿包係好重秤並非空氣包，可惜唔暖又唔脆好似食緊粉團咁，杯檸茶係大杯抵飲嘅不過少甜後又鬼咁苦跟本唔想飲，好後悔太子咁多茶記唔揀偏偏揀正中伏嗰間 so sad

適逢搭車唔使錢，搭巴士去太子食個早餐再去其他地方玩本來諗住事但搵間食就算，點知間間都勁多人，突然諗起老字號菠蘿油，幸好原來佢開多咗間舖（其實我無幫襯幾年）好快就有位，講真待應係多既，但無咩服務可言，但好乾淨食食吓嘢1個姐姐叫我地縮腳拖地，轉頭唔夠5分鐘第2人個姐姐又叫我地縮腳入返正題，我地叫咗1個菠蘿油，1份芝心西多士，菠蘿包脹卜卜夾住一片大約3mm既牛油，咬落去皮面勁脆，但又唔會一片片粉碎散開，仍舊出色，但如果個菠蘿包可以暖暖地更好。而芝心西多士.......只係兩片方包夾住一片芝士再上蛋炸一般嘢，無驚喜，下次都係食番傳統花生醬 好啲

有時口痕都會行過買返個菠蘿包食大大個味道又好食以菠蘿包黎計真係冇得輸雖然菠蘿包就食得多但都好少機會會坐喺入邊堂食咁啱今次有時間食少少野所以就揀咗金華冰室食返個快餐雖然都係雞扒公仔麵搭番杯凍檸茶少冰嘅基本茶餐廳嘢味道都係正常雞扒雖然都係擺喺個公仔麵上面但係都好夠熱同埋脆脆地原本都有諗住食返件西多但係由於食完個雞扒公仔麵都飽飽地所以決定留返下次先再嚟食呢個西多士另外提一提我諗由落單去到啲嘢送到黎應該3分鐘就到左真係好快手

是日心癢癢, 想吃菠蘿油和小食, 身在旺角, 便想起金華冰廳。不理邪惡與否, 只管吃, 就邪惡到盡頭吧!得獎菠蘿油 $12菠蘿飽是熱的, 牛油是凍的, 一冷一熱, 有冰火感覺。面頭菠蘿蓋十分脆口, 吃時要小心, 會碎掉。牛油厚厚的, 大大塊, 每口均能吃到牛油, 超滿足。炸雞脾 (1隻) $20炸雞脾炸得香脆, 入口鹹香, 肉質不柴, 略微偏乾。濃滑奶茶 (熱) $18奶茶是金華名物之一, 奶茶茶味濃郁, 與奶味搭配得恰到好處, 口感幼滑, 不能錯過。