金華冰廳

营业中

休息中

適逢搭車唔使錢，搭巴士去太子食個早餐再去其他地方玩本來諗住事但搵間食就算，點知間間都勁多人，突然諗起老字號菠蘿油，幸好原來佢開多咗間舖（其實我無幫襯幾年）好快就有位，講真待應係多既，但無咩服務可言，但好乾淨食食吓嘢1個姐姐叫我地縮腳拖地，轉頭唔夠5分鐘第2人個姐姐又叫我地縮腳入返正題，我地叫咗1個菠蘿油，1份芝心西多士，菠蘿包脹卜卜夾住一片大約3mm既牛油，咬落去皮面勁脆，但又唔會一片片粉碎散開，仍舊出色，但如果個菠蘿包可以暖暖地更好。而芝心西多士.......只係兩片方包夾住一片芝士再上蛋炸一般嘢，無驚喜，下次都係食番傳統花生醬 好啲

有時口痕都會行過買返個菠蘿包食大大個味道又好食以菠蘿包黎計真係冇得輸雖然菠蘿包就食得多但都好少機會會坐喺入邊堂食咁啱今次有時間食少少野所以就揀咗金華冰室食返個快餐雖然都係雞扒公仔麵搭番杯凍檸茶少冰嘅基本茶餐廳嘢味道都係正常雞扒雖然都係擺喺個公仔麵上面但係都好夠熱同埋脆脆地原本都有諗住食返件西多但係由於食完個雞扒公仔麵都飽飽地所以決定留返下次先再嚟食呢個西多士另外提一提我諗由落單去到啲嘢送到黎應該3分鐘就到左真係好快手

是日心癢癢, 想吃菠蘿油和小食, 身在旺角, 便想起金華冰廳。不理邪惡與否, 只管吃, 就邪惡到盡頭吧!得獎菠蘿油 $12菠蘿飽是熱的, 牛油是凍的, 一冷一熱, 有冰火感覺。面頭菠蘿蓋十分脆口, 吃時要小心, 會碎掉。牛油厚厚的, 大大塊, 每口均能吃到牛油, 超滿足。炸雞脾 (1隻) $20炸雞脾炸得香脆, 入口鹹香, 肉質不柴, 略微偏乾。濃滑奶茶 (熱) $18奶茶是金華名物之一, 奶茶茶味濃郁, 與奶味搭配得恰到好處, 口感幼滑, 不能錯過。

食物勉強，服務態度勁差我諗食嘢食物質素其實好多地方差唔多，一間咁耐歷史嘅茶餐廳，講真其實食物質素不嬲都係幾好。但係有時食嘢，態度同心情受到影響，即使幾好食嘅食物都變得唔好食。有啲人的確係鍾意俾人催逼下，就好似某間餐廳喺香港佐敦果一間咁，服務態度差都好多人嚟幫襯。咁樣無可厚非，一個願打一個願捱。但係講真食完之後，食之前已經一肚戲，同埋客觀啲咁講，佢嗰啲食物唔係好夠熱，都唔好講食物嘅味道，客觀嘅溫度我都覺得唔合格。沙嗲牛肉凍凍地，個湯底又唔係好熱，隻蛋又唔係剪得好好食，火腿好似冇煎過，淥熟左就俾你食。同埋啲通粉，用嘅牌子我諗間間差唔多，但係呢一間嘅絕對唔係特別出名好食嘅通心粉牌子。大家食慣早餐都明白，通心粉得幾款，師傅嘅手勢令到質素會提高，但係呢度只能講係食得落口，一啲都唔出色。

号称香港第一噶菠萝油，真系相见不如闻名。首先讲个包，皮啲而且确系脆，但个包身就有哋粘牙，如商家所讲块黄油哋确有柠檬味，不过就唔够冻，个包又唔够热，吃唔出冰火两重天噶感觉，冇左菠萝包噶灵魂，如果尼个包出自一间普通不知名噶茶记，我唔会觉得佢有几差，但系佢系享有香港第一噶美誉，仲号称拿奖无数，对比之下就真系只能用失望来形容。另外，我仲吃过一次干炒牛河，质素亦都系麻麻地，牛河唔够干身，吃起身整口油，奶茶都不过系中规中矩，冇麽特出噶地方。同埋帮衬过噶吃客应该都知道尼间茶记噶服务就出左名噶差，我去个两次撞正人少，所以就冇遇到唔好噶待遇，但系可以feel到哋伙计真系好hea下。最后我想讲，一间餐厅可以拿到奖就证明出品系唔会差到边噶，但系拿奖虽难，维持原本噶口味仲加难，如今噶金华冰厅俾我噶感觉净系得翻个招牌，忘记左初心，而咁“出名”噶服务态度，亦只不过系砸烂自己招牌

This restaurant was so good!First let's talk about the food first. Although the food is a little bit salty, overall the food is still tasty.The drink was better than other restaurant. because we can taste that the restaurant 落多左粉落去. Really recommend you guys to try, its because I have tried this restaurant so many time. Still, no food 令我失望。Really go to eat the things in this restaurant !The real original HK FOOD!!

金華菠蘿包長期以黎都係H先生首選😏$6一個質素高價錢平仲要大大個 真係超抵💰今日試堂食呢個咸牛肉蛋菠蘿包😎蛋炒得好滑溜 無過火 入口唔鞋😝咸牛肉份量又多🤤咸咸香香配上新鮮熱辣炒蛋 簡直係Perfect Match🤪重點菠蘿包個皮仲係脆 味道唔係超甜👏🏻個包keep到溫度 咬落好夠軟熟☺️行過當食個輕盈Tea 確實係唔錯選擇👍🏻不過補充返$23唔包野飲要另叫👀所以抵食指數相對調低😅

行完金魚街，入去叫左菠蘿油加奶茶，菠蘿包一般，牛油唔香，奶茶亦無奶茶味，食完個包，飲剩半杯奶茶，只是10分鐘也沒有，店員走來叫我坐另一枱，我話我就走，剛想飲埋杯奶茶，轉頭老闆娘走來同我講：你好耐喎，你去後面坐啦，我話我飲埋就走，佢仲向我眼超超，我飲埋唔洗20秒已經埋單走，當時沒有坐滿客，唔知係迷我幫襯得少，所以態度咁差，老實講旺角區出爐麵包不是你一間有，比你好食的大有店在，你間鋪又唔係好坐，客人進來飲杯茶食個包只是花15分鐘時間，老闆都咁樣親自趕客，咁唔志在，不如摺左間鋪罷

細個成日都嚟太子依間金華茶記食飯，今日咁啱經過就入去食咗個lunch。叫左個星洲炒米同必食招牌墨西哥油。星洲炒米好有鑊氣，辣度啱啱好，料亦都好多，有叉燒、火腿、蝦、青椒、蔥、芽菜同洋蔥，不過略嫌多左少少咖喱粉，未算均勻，偶爾會食到一啖好多咖喱粉，少少苦，茶記來說，炒嘢算中上。墨西哥油一定要試，係世一嘅墨西哥包呀😍😍。外鬆內軟，係鬆並唔係脆！夾埋舊安佳牛油，簡直是人間美食🙈！下次經過一定要再買！🙂🙂🙂🙂🙂奶茶就中規中矩啦，沒有特別，只屬中游水平。啲姐姐嘅服務態度都好好，充滿人情味。

一直都有久唔久食下金華既菠蘿油, 真係食足十幾廿年, 今朝心血來潮諗住滿心歡喜咁去食個早餐啦, 目的最主要緊係想食菠蘿油啦 , 點知一坐底亞姐既招呼好到呢, 完全無得頂, 係咪唔比人諗下食乜先？係咪唔比人另外再叫野先, D野已經無之前咁好食, 個菠蘿油完全唔知食緊D乜囉, 個皮好似食緊曲奇餅咁, 其實我係咪食緊墨西哥包呀？牛油又縮晒水, 杯野又無啡味, 糖水味黎既我其實食緊D乜呀？奶茶又無茶味, 完全係奶水味, 今次一去, 令我完全失望到極點

抵食嘅醒晨早餐。三十幾蚊有碗面加腸仔火腿蛋。今次嗌咗沙嗲牛同雪菜肉絲通。兩款都唔錯，唔會話太鹹，好食但係又未至於話有咩好特別。中意佢個流心煎蛋同腸仔，腸仔係脆嘅！同埋都係唔會太鹹，平時食個啲廚師腸好多我都覺得太濃味，但係呢間嘅腸仔就真係好得^_^

今日午餐時間,係太子附近一帶搵食,花園街附近無咩選擇,過左黎食波羅包好出名既金華開飯午餐無理由食波羅包架嘛,叫左2份午餐燒汁配厚切豬扒飯,送例湯 咖哩牛腩飯 跟熱奶茶呢度唔止麵包出名既,其實佢個咖哩都好好食,係港式風味落左好多香料但唔會太辣,牛腩件切得大細相約,一口SIZE,燉煮過之後已經變得好淋一咬就撕得開咖哩汁撈飯聖物,又濃又香,牛腩入味,例湯 今日係老火黃瓜湯,天天不同款式豬扒厚切大件,醃過再煎香再淋汁,應該鬆過肉,肉質唔死實之餘仲幾軟,一切就分得開,唔錯飯既份量超大碟一球大白飯,一定食得飽最後就試埋佢既招牌奶茶,茶濃奶味香,入口順口,唔帶苦味,味濃久久不散金華冰室地址： 旺角弼街45-47號平均消費$60評分7/10

今晚叫了兩隻炸雞髀，第一隻好正常，全熟，另外一隻食到一半，發覺唔係好熟，紅紅地，同個職員熟唔係好熟，他說，好呀，我幫你，之後五分鐘後，隻食過的雞髀再炸了一炸，我們嚇傻了，食過的雞髀再翻炸了？好唔衛生，恐怖😱，以後不敢食了

太子的西洋菜街與弼街附近有三寶：金華、民華、康年。雖然我的食評間中會提及金華，但原來我從未寫過金華。這個下午，我一個人食晚餐，叫了金華豬扒飯。有湯有飲品，價錢只是45元。由於我長期減肥，我只要點豉油，不要其他汁。這個飯，只有一條菜及一塊豬扒。將貨就價，我是接受的。湯也做得有誠意，不是無味或味精湯。金華的涷奶茶是不好飲的，太澀，加上我要減肥又想慳錢，所以還是熱奶茶。總結來說，金華的飯餐雖然是頹飯，但那是精美的頹飯，值得支持。

昨日下午五點時，由於未食lunch，剛在附近做完嘢，急急腳就入了金華餐廳。去到咁啱其實冇位，門口附近有一個卡位有人坐緊，差不多就食完。個老闆娘就係咁叫我哋坐埋去，其實我唔太願意，不過老細係咁叫左幾次，只好同對方講聲唔好意思，就坐咗落去，我老公唔好唔好意思坐就企咗喺隔離。感覺好似催人哋食完快啲走，對方人仲未走，老細已經叫我哋可以落單先。。。雖然對方睇落唔係好介意，不過成件事就令到我哋好尷尬😔進入餐廳的時候，剛好遇到菠蘿包新鮮出爐，即刻叫咗個菠蘿油食。由於個包暖暖地加上好肚餓，所以二話不說就食咗啦，冇影到相，皮脆內軟，唔錯唔錯，亦係我黎咁多次最好食嘅一次。我老公叫咗個老婆餅，不過老婆餅係凍嘅，我個人覺得唔好食例牌每次都會叫的西多士，今次食感覺真係好一般，遠遠唔及出面普通嘅茶餐廳最後叫咗個廈門炒米，第一次食，都算唔錯嘅，熱辣辣炒起加上兩人都好肚餓就食晒了基本上每次只要黎太子附近都會嚟呢度食嘢，不過有點兒覺得一次不如一次。感覺係食名氣多於本身食物嘅質素。今次叫的食物中，除左剛出爐的菠蘿油和廈門炒米我覺得係好食的其他就一般般。。。至於環境衛生，就一般般啦，我每次一定唔會用自己嘅消毒紙巾再抹過一次