金華冰廳

营业中

休息中

今日都行旺角經典嘅冰室吃著名嘅菠蘿包和奶茶。冰室沒有平日咁繁忙，店員也十分禮貌客氣。冰室沒有太迫嘅格局，座位設有格板，感覺舒適。今日試吓經典菠蘿油和港式奶茶。菠蘿油-這菠蘿油大大個，麵包焗得鬆軟，外脆內軟，尤其那菠蘿脆皮，又脆又香甜，口感鬆化，麵包質地軟身，甜甜地嘅味道，配上鹹香嘅厚切牛油，一鹹一甜，一脆一軟，十分滋味。奶茶-奶茶口感都幾香滑，茶味比較濃郁，沒有茶的澀味，味道幾OK。難得可以再嚐到香港經典滋味，正宗嘅菠蘿包買少見少，可以一試。

話說前晚瞓唔著上YouTube睇茶餐廳食物，見好幾條片都有介紹金華冰廳的菠蘿油，仲俾分幾高下，即刻決左試返。有低消，每個人都要焗住嗌杯野飲，唔係呀我食茶餐咋bor都要咁😅好啦好啦如果真係好食都無所謂。但，成件事都係令人失望的。首先講返個菠蘿油，一來皮焗得唔得鬆化，有啲硬，口味偏甜。二來牛油味好淡，唔純，幾乎無乜香味，日賣上千隻的菠蘿油又點會用到靚牛油呀😅街邊隨便搵間麵包舖嘅菠蘿包都好食過呢間。蛋撻亦都唔多掂，首先蛋黃味好弱，蛋撻無蛋味叫咩蛋撻呀⋯⋯d奶味都係奶粉兌出嚟，人造香甜。又講返飲品，必嗌wor質素應該好過招牌少少啩，點知又係伏樣，嚴重圖文不符😅得返啲威化餅零碎地浮在面上，雪山不知所踪⋯⋯呢杯頹飲都盛惠24蚊。At last，成餐最正常就係個乾炒牛河，味道與其他茶餐廳持平，牛肉幾大片下，炒得都叫嫩滑。食客，總在網紅店裡跌低，但又爬起繼續食。

諗唔到食乜，突然間諗起佢個菠蘿包就揀咗去呢間食。叫咗個常餐，雪菜肉絲通粉再加左個鮮油菠蘿包。其實淨係想食佢個菠蘿包但係冇理由晏晝淨係食個包。個通粉就正正常常冇乜特別，菠蘿包係大大個再加一片厚身嘅牛油 😍

喺太子基道書樓對面，有一間屹立不倒，長期都係咁好食嘅茶餐廳。菠蘿包係呢度最出名嘅食物，仲有佢個杯飲極都唔厭，超級好味嘅奶茶。沙嗲牛肉都好好食，整體來講早餐冇得輸

已經數唔到自己去左幾多次金華 竟然冇寫過食評基本上每月都最少去一次 因為金華應該係我食過最港式既冰室如果第一次去我會介紹呢幾樣野1. 菠蘿油新鮮出爐 個皮好脆加上一塊厚厚既牛油 係金華既代表 如果鐘意雞排可以試埋個雞排菠蘿油 一樣出色2. 雞排/豬排炒公仔麵/意粉雞排/豬排調味出色 同埋炒得夠wok氣 配菜葱芽菜洋蔥 3. 奶茶一定要多奶茶底濃 入口滑 甜味剛好 今日試新野叫左個生炒雞絲飯 都冇令我失望 一樣夠係wok氣以前炒粉面飯 野飲分開計 依家可以加錢有野飲 價錢比較合理

平日下午經過，見到冇乜人，就入去試吓馳名嘅金華冰廳。坐低即刻要嗌嘢食，俾我諗吓食乜都得掛？因為係下午茶，唔想食咁多嘢，所以散嗌左個蛋撻同埋凍檸茶，阿姐即刻面露不悅。Fine，我都唔expect茶餐廳有服務㗎喇，諗住嗱嗱臨食完即刻走。蛋撻都未放落口，就聽到後邊阿姐話我嗌咁小野。下午時段又唔係多人，我食個蛋撻都係5分鐘啫，都唔會好阻住你生意啊？更何況你又唔係滿座，點解要歧視一啲嗌得小野嘅客人呢？蛋撻係好食嘅，不過無下次。

通常五寶飯都係比紅腸當係一個餸！呢間竟然比燒鴨乳豬油雞叉燒同埋鹹蛋！超抵食👍🏻乳豬仲要勁脆皮😋叫咗杯熱奶茶！杯奶茶好有茶味！店員服務友善！送餐速度快！會再返嚟！

🌖 Cheese Curry Noodles with Chicken Chop The tastes of cheese and curry are in great balance, none of them is overwhelmingly strong that outshines the other. It’s one of the go-to dishes if I feel like having cheese curry! 🌖 Stir Fried Udon Noodles with Beef I’ve always loved stir fry udon, but I find it quite hard to find satisfying ones in Hong Kong. Kam Wah Cafe’s one has got some merits - served hot, the right amount of stir fry soy sauce, although a bit greasy. One of the reorder-able ite

菠蘿包好出名嘅金華茶餐廳，一大朝早去到應該會係好新鮮，新鮮出爐嗰隻。但係個菠蘿包一咬落去係硬到咬唔到。同阿姐反映想換，有以下不合理嘅回應：1）你都無常識嘅菠蘿包凍咗梗係啱㗎啦！2）可以幫你叮翻熱佢，但係我話阿姐我咬過喎，阿姐再話我哋落紙袋包住先叮，但疫情關係我心諗都唔係咁好啦，所以我拒絕。（其實乜做食肆可以咁無衛生意識㗎咩）3）你落單前無話你要熱嘅菠蘿包，你枱上面呢個係微暖嘅 （事實係已經凍晒加硬晒，我懷疑係隔夜㗎囉）4）堅持唔換，要我加錢買多個Fine, 我趕時間$7 我可以比，我買多個真係微暖嘅，不過已經無晒胃口。我從來無喺OpenRice 寫過食評，今次不吐不快⋯以後亦唔會再幫襯

禁既餐廳我會罷食，出名但生意唔應該禁做，此風不可長！老闆娘態度超惡劣！事原今日，我媽咪在冰廳內吃著等我（整個過程只有30分鐘左右！當時有位剩，外面無人等緊位，我無係果度食）她一個人叫了一個西多士，一份炸豬扒餐，一個西炒通餐（預備俾我帶走），一共百幾蚊，食了15分鐘左右，一直受盡老闆娘大聲的冷言冷語，講食咩可以食禁耐，俾佢她一個外賣盒啦等等（在因疫情下，我媽媽只佔了半張枱），重點是我媽媽一直係度食都無停過，跟本未吃完！一路食一路受盡冷言冷語！直到埋單，個老闆娘發現食左成百幾蚊野，就立即超細聲禁講，變咗第二個人禁！好食多人幫襯就坐耐少少就要俾人話住食？食晒得個坐字就當然唔岩，但佢一直食緊wo ! 重要食左成百幾蚊！！！坐15分鐘左右就開始受到冷言冷語？！出名大晒？

全港最正菠蘿油，真正支持香港🇭🇰，梗係要食返香港野，支持港式飲食文化！泥呢度叫咗三樣好高質素的港式特產！菠蘿油：全香港最好食，牛油散發陣陣幽香，菠蘿包係佢哋冰室自己做，菠蘿皮好酥脆，麵包夠鬆軟，牛油好高質素酥皮蛋撻：又係全港最好食，酥皮一層層，蛋撻的蛋漿唔會太稀，亦唔會太硬！牛油香混合蛋香，好高分。港式西多士：係香港人就一定要食，又係香港飲食方法之一，呢間做得唔錯，西多士有陣陣蛋香，任加糖漿，略嫌佢中間花生醬有啲少

只針對呢個《秘製豬軟骨米粉》：它絕對是零誠意之作（莫非兩舊硬化豬肉正正就係用咗金華的驚天秘製配方？！），就像只係求其整多個款俾你呢d麻煩友揀吓咁～即磨咖啡熱辣辣，係唯一的安慰。舖頭到處張貼佢霸氣寫住嘢食未上都要戴住個罩嘅A4紙，恍惚個口唔係食緊嘢就會瀨嘢，十分幽默。另請自行行入舖，若見到有d人企喺度，跟住排隊就得（條龍係喺舖中間開始一直伸延入舖，好多人喺門口都唔知原來入面有人排緊隊）。成日經過但好耐冇幫襯～ 記得佢個西多士好正！！！菠蘿油係幾時加咗價㗎？

We thought to try a well known Cha Chaan Teng in our Prince Edward neighborhood. Our experience was “okay”. There’s an English menu however, the staff was not so clear on our order. The waitress asked customers to help to communicate with us. This made us & the customers trying to help uncomfortable. Our recommendation is make the Chinese stickers on the English menu easier to read for the wait staff. It would make for a more pleasant experience for the customers & staff.

今日好早出門口做嘢，諗住快食個早餐，就去左金華冰廳食，叫左個好出名的鮮油菠蘿包，但因為唔係餐，所以飲品要單叫，叫左杯熱鮮奶，個鮮油菠蘿包真係好正，外脆內暖，加上牛油的香味，真係想再食多個。

最近好鐘意食菠蘿包，本身係一個食包達人（一日可以食勁多個包）今日特登出去依間金華冰廳買，因為菠蘿皮脆，而且並唔係空心包，因為而家好多包坊間舖頭咬落去都係得返一半另外一半就係空氣。而且依家普通嘅麵包舖一個菠蘿包都要（$5），我暫時食過咁多菠蘿包最好食係（西貢）要11一個。點解特登出嚟買？旺角實在方便請$6就有一個菠蘿皮脆，包身足料實在難得，未試過一定要試吓！