金華冰廳

营业中

休息中

这家来过好多次了，起码有三次，讲真，我唔知道原来未写过，既然咁好食，值得回顾一下！早年去香港的时候，因为价钱问题，住在旺角，过来还算方便，当时第一次食，印象非常好，那时是2015年的时候了！后来16年专程过来，反而觉得退步，因为菠萝油唔热的话，确实比较难食！今年清明去香港的时候去过一次，效果反而非常好。我总结的原因係，在人多等位的时候去，味道一般比较好，因为食物流转速度快的时候，一般都比较新鲜！这次试了菠萝油、三鲜炒乌冬和蛋挞，菠萝油非常新鲜，新鲜出炉，味道自然好！三鲜炒乌冬，味道是好的，但是比较油腻，多食两口的时候，就会好漏，但是仍旧推荐，因为非常香口，我中意！奶茶蛋挞几乎每次都会点，不会有错！

🍍無敵菠蘿包 (只限熱嗰陣🙄)金華冰廳嘅菠蘿包大概係無人不知啦以前我返工經過，成日都會買嚟食♨️熱辣辣新鮮出爐，菠蘿面香脆鬆化，麵包厚實有彈性真係冇得彈！🤤。搬咗屋後好耐都冇食，今日經過，諗住重拾舊歡，見到佢都有一盤包喺到，應該都新鮮嘅 😋店員拎起一個已入紙袋嘅包比我，一拎上手，凍嘅☹️拎出嚟食啦，皮面都仲係脆嘅，不過已經離晒包身，一咬就跌落嚟 😫個包亦因為凍咗唔再鬆軟，好硬好實 😫😫 以後都唔要食凍嘅金華菠蘿包呀😣

最近公司好多嘢做，冇啖好食😕繁忙肚餓之中，突然好掛住金華嘅菠蘿油，就的起心肝早啲收工衝出去食。嚟到金華已經八點幾，見冇咩人就走咗入去坐低堂食，menu都唔洗睇即刻落單🙋🏻就喺呢刻，收到一個晴天霹靂嘅消息，菠蘿包已經賣哂⚡️店員表示想食菠蘿包就七點前最穩陣😫店員隨即推介西多士，咁我都六神無主喇，就聽佢講叫咗份西多士，再加咗杯凍嘅美祿暴龍。‼️注意，金華最低消費係一杯飲品，喺呢方面佢地好有堅持，你食幾多嘢都好，就係要你點都要叫杯嘢飲。西多士上有大大一塊牛油，牛油薄薄地容易推開，糖漿有一大樽喺枱面俾你自己慢慢加。西多士中間有層好薄嘅花生醬，可能因為我好鐘意食花生醬嘅關係，覺得落得唔夠多囉😂整體嚟講都好味嘅。美祿暴龍就係美祿上面加啲美祿粉。美祿沖嘅份量正常啦，唔會太甜，又唔會溝得太多水。*******今次食物飲品都唔錯，但下次都係要再過嚟食返個菠蘿油。

去金華冰室竟然唔係食菠蘿油，今次係食乾炒牛河及快餐乾炒牛河合乎水準，我朋友點嘅，但係佢食唔晒，最底嗰幾條佢話太油所以冇食，牛肉有啲乾，食淨左半碟...咁浪費，早知我食埋啦⋯⋯是日快餐係金華豬扒飯，好坦白講，嗰塊豬扒真係好一般，依家出邊間間都厚切豬扒，而金華保持用返舊式豬扒，係一種堅持呀？定係唔識進步呢？但係嗰個西汁真係非常傳統，快餐仲有薯仔蕃茄煲排骨湯，可以話係非常之咸及重味精，依樣亦係傳統冰室不能缺少的特色！下次都係食個菠蘿包穩穩陣陣

細個既時候唔鐘意去冰室茶餐廳, 鐘意食薯條飲汔水, 但人大左偏偏又掉返轉, 可以食到熱喇喇既飯已經好滿足, 今日難得外出工作, 經過冰室就諗都冇諗入左去啦, 天氣開始有少少秋意, 叫咖哩配白飯我覺得就最岩key咖哩好香而且非常入味, 煮到粉粉地, 用唻送白飯簡直一流, 我一個女仔都可以食哂成碟, 好好送飯！再加一杯凍奶茶醒一醒神, 茶味濃, 唔會飲落得奶味, 依d真係香港先有既口味, 雖然依間餐廳網上評價一般, 但我今日依一餐我好滿意！

喺太子行完街要等齊人食晚飯，想坐下歇歇腳、唔好食咁多。麵包類算不算輕食😅菠蘿包枱枱都有一個，醒目嘅一定要叫個食吓。 菠蘿包中間唔放牛油，改放咸牛蛋，增加視覺感，味感及飽肚感。咁啱呢個菠蘿包頂頭唔夠“菠蘿”脆口感依然👍憑外表真係估佢唔到平平無奇西多士中間加芝士，芝心法蘭西多士，芝士竟然有拉扯感👍 麵包鬆軟脆邊，自己倒糖膠甜度自由控制。睇睇餐牌得獎西多士$20， 芝心$26蚊。菠蘿包有好多選擇食物質素ok，寫單呀姐有待改善😄 總之唔好要求有咩服務。

之前次次去金華d侍應都正正常常，有d係nice 既，有時唔記得拎漏野，提多佢一次會say sorry 番比你。星期日中午12點半去買個豬扒菠蘿包，門口兩3個人等緊。我比左錢就企埋一邊等，好快有包，個年輕侍應就拎出黎叫「豬菠蘿！」，咁我就上前話「係我呀」想接，個痴線呀姐一野衝出黎搶走左個包，用質問語氣岳高頭問我：「個包幾多錢？」我明明比左錢，真係唔明佢講咩，話：「下？咩呀？」佢話：「我問你比左幾多錢？」我話：「21蚊囉！」佢先比個包我 -_- 我已經無出聲嬲嬲地走，佢仲大力瘋狂拍個麵包架對住我走左個方向大叫：「咁我唔知丫嘛！」唔知以為金華依家新增菜色係痴線呀姐，仲要放出門口賣。其實你做茶餐廳憑咩覺得人地會厄你個包呢？你咁醒驚人地偷拎你d包就出飛仔，憑飛仔拎包啦！同埋其實都幾十歲人，唔該好好面對自己。如果你做咁耐都唔知個包幾多錢，執包伏走啦。如果你明知幾多錢仲要咁樣質問個客，我祝你今世下世再下世都做茶餐廳 呢個呀姐皮膚白白地，及肩長度鬈頭髮。

9/10/2018 早上入到去金華叫左個$32 套餐,沙嗲牛肉米粉,份量少,牛肉得3,4小塊,米粉幾啖食晒仲少過大型連鎖餐廳既早餐份量,就算送埋火腿蛋腸仔,我係女仔都覺得唔夠飽,腸蛋火腿賣相唔靚仲要唔熱既...諗住拿拿聲飲埋杯凍奶茶就走,飲到剩返1/3先發現有兩隻蚊滋係面嬲死我,都唔知頭先有冇飲到其他蚊滋落肚,離開餐廳後屙左3次,以後唔會再幫襯,環境衞生實在太差地下好多蛋撻碎,菠蘿包碎,咁多職員都無人清潔架。

今時今日甘既服務態度...事源係：我地兩人叫一個午餐，菠蘿油，兩件蛋撻。🤬🤬🤬🤬🤬🤬阿姐話唔可以甘叫，要叫野飲。我唔明甘話會再叫其他野食。阿姐繼續大大聲話唔得，要叫飲野。一定要一人一杯，唔理你叫幾多野食。嘩！真係唔知咩規矩。一定要叫飲野？「金華」出左名之後就巴巴閉，設好多規則。趕客都係平常事，知你想賺盡旅客錢。🤮最重要野又唔係特別好食。你可以設最低消費，但係咪一定要人飲野？大家話「澳牛」冇禮貌，相對「金華」真係蚊同牛比，「金華」連最低既選擇...連尊嚴都冇俾我地👎🏻👎🏻👎🏻👎🏻👎🏻

叫滑蛋蝦仁飯，端上來一睇，即刻成個人都唔好了。。。竟然系用冰鮮蝦！又細只！超市包裝蝦都無甘細！蛋就只得半只打散，勾生粉就當滑蛋蝦仁！甘架質數要你46蚊！好過搶！你好野！算我唔好彩碰著黑無端端走入去食一肚氣！癡L線，食支浪！好學唔學，學深圳又貴又難食呃人！

野食一般，之後先講。一間連大陸路邊攤都不如既服務態度。落柯打催人，出個快餐本身已經極慢仲要送餐就送俾後來搭台既人先，追單先發覺個搭台冇落單食左我果個。之後sorry都冇句都算，食完仲要催人埋單走，係一食完就問你可唔可以埋單！杯野仲未飲完架大佬。叫左個黑椒雞扒飯，除左飯少就係扒細，收成四十幾，連埋個味精湯成餐都係食味精。健康飲食主義唔建議。除左波羅包外其他都一般，以後都唔會再食呢間都唔推薦其他人食。迫不得已都唔會再食。

今天同朋友二人去食久違了的菠蘿油，叫了一人一份菠蘿油加凍檸茶，嗜甜的朋友見到枱面的糖漿，便想加落菠蘿油處吃，點知有伙記阿姐突然衝埋黎大力拍她的手背，喝令她放下糖漿，說：「糖漿只可以食西多先可用！」坐對面的男仕都話有無攪錯，個伙記咁無禮貌！咁係咪一定要飲熱飲先可以用枱面啲糖？食意粉先可以用枱面支胡椒粉？點解菠蘿油唔可以用枱面的糖漿？仲要比人打手！咁緊張就收埋支糖漿，叫西多嘅先至攞出黎比人囉！出手打人，離晒譜！呢間餐廳真係以後請我都唔會再去，食到一肚氣！

今早在附近開工經過金華, 必定入去嘆個早餐港人早餐必備的沙嗲牛肉麵+熱奶茶沙嗲牛麵好多茶記都有但好味/沙嗲味濃的就不是間間都做到金華冰廳既沙嗲牛麵係我食過咁多間出名茶記最好味的1/2間沙嗲汁夠濃調麵身不會煮得過淋牛肉質地軟林食落唔會有渣奶茶都好濃滑食晒成個餐其實已經好飽但黎到無可能唔叫埋招牌菠蘿油(肥膏就是這樣練成的)果然無後悔熱辣辣新鮮出爐菠蘿油菠蘿包表面極鬆脆配上鮮油簡直食唔停口打呢篇食評時回味返都想再食過

尋晚去呢間茶餐廳食晚飯，朋友叫晚餐A+凍檸茶, 我叫雪菜肉絲湯麵，收銀員入機時大叫係咪唔叫嘢飲呀，我答「係，只要一杯凍檸茶」，侍應跟住話：「之後唔准再叫」，我話：「咁搞笑，之後唔俾叫嘢？」，突然收銀員態度奇差，面目可憎大叫：「而家叫你叫又唔叫，一陣再叫杯嘢飲變正價，你又嘈」，嘩，我本來想起身同佢講，第一，我唔知原來雪菜肉絲湯麵叫飲品也可以有優惠，第二，我真係無話會再叫，要唔要咁大聲講嘢。但朋友㩒住我，怕佢哋在食物吐口水。其實佢地應該同客人講「如果你而家唔叫埋飮品，一陣杯嘢飲會變正價」並不是大叫「之後唔准再叫」。頭先寫食評前，原來好多人都投訴佢哋服務真係好差，我明白幫襯茶餐廳唔應該期望有好服務，但至少唔應該俾人鬧。

對於粟米肉粒飯, 印象中嘅模樣跟味道, 好似已經食唔到了。印象中嘅肉粒, 係平日煲湯豬肉嘅顏色, 並不偏紅, 炒至差唔多熟, 連粟米及少少火腿粒, 炒到香口為止, 配上甜甜嘅芡汁加一碗白飯, 一碟簡單的碟頭飯就完成。路經金華冰廳, 見餐牌上有粟米肉粒飯, 好想知道佢係咪我揾嘅味道, 一於入內一試究竟。是日快餐 $41- 粟米肉粒飯 (少飯)- 花生眉豆雞腳湯- 熱檸檬茶見到呢碟粟米肉粒飯, 令我有點失落, 那不是我要搵嘅粟米肉粒飯。雖然係有點失落, 但金華出品係有保証嘅。肉粒鬆軟, 粟米粒加粟米蓉煮成的醬汁, 味道真係唔錯。是日餐湯為花生眉豆雞腳湯, 沒味精, 夠正氣。熱檸檬茶茶味濃郁, 係一餐完美嘅總結。