金華冰廳

营业中

休息中

點左最出名的菠蘿包同蛋撻，價值$11，味道一般，極其量只可以同普通面飽舖看齊，因為微暖同價錢便宜姐如果論味道，我會推介敏華！仲有就係呢度服務態度其差，都係劉德華果句：今時今日咁既服務態度係唔得嫁！唔係比錢買服務果種，係普通對答都成問題，建議用平板落單同收錢，咁職員就唔駛對客喇，齋送餐同執檯希望佢地做到最低要求啦環境衛生差，裝修陳舊，影響食慾，食完都忍唔住要急急腳走人，此地不宜久留想比錢買難受的可以去試下

今日去太子購物，順便去掃街(食街邊熟食), 當然要往金華冰廳食番個出名嘅菠蘿油，麵飽未出爐已經要排隊等候。出爐麵飽熱辣辣，香味撲鼻，酥皮鬆脆香甜，夾著厚厚冰凍牛油，啖啖麵飽充滿油香，十分美味，超正!

11點半來到，不算迫，不用搭枱。之前來都是吃蛋撻菠蘿油為主，今次是第一次試正餐，叫咗咖喱雞飯和菜遠牛河。咖哩份量不小，味道帶少許辣，飯就略嫌硬了少許。之後一路食便覺得越辣，所以這個咖喱和平時茶餐廳食的不同，我食雞就略嫌鞋了少許，吃得出是煎得太乾！菜遠牛河炒得不錯，牛肉唔會炒得老，河粉和平常吃到的一樣，不算有什麼驚喜。好了，最後還是忍不住叫一個蛋撻來,因為當侍應捧著一盤新鮮熱辣出爐的蛋撻出去櫃檯時，那種香氣是很難忍著不叫的，這裏出名的是酥皮蛋撻。酥皮特別鬆化，而蛋的味道會比較像小時候食的那一種較甜，吃罷蛋香在口腔裏歷久不散。總結就是這裏的蛋撻和菠蘿油才是首選。

因為超愛食雞翼同酥皮蛋撻，10年前有個朋友帶我食金華下午茶A餐，試過一次之後就知道又搵到間長期飯堂，每次下晝喺太子的話都會食金華。講真佢雞翼唔係話真係咁好食，有時仲會咸得濟，但雞翼控嚟講有得食雞翼就可以。重點係佢個酥皮蛋撻係超！好！食！蛋味夠濃，酥皮夠酥（唔係脆，係好有層次感），配搭佢介乎焗熟同未焗熟嘅蛋漿，整體係非常之好，一啲都唔突兀。所以餐廳出面長期有人排隊買蛋撻。之不過價錢唔平，兩隻全翼加蛋撻加熱飲差唔多$40。見證住佢10年間不斷加價而又長期爆滿。題外話，試過一次夜晚去食晚餐，真係可一不可再，難怪夜晚咁靜。評價（10⭐️為滿分）：蛋撻：⭐️⭐️⭐️⭐️⭐️⭐️⭐️⭐️⭐️雞翼：⭐️⭐️⭐️⭐️⭐️⭐️熱奶茶：⭐️⭐️⭐️⭐️⭐️⭐️

經常經過太子金華冰廳，🤩都有人在這間老字號的餐廳吃東西，今次終於可以一試。餐廳裝修有懷舊的特色，雖然比較狹窄，但為了嘗試他新出爐的麵包🥯蛋撻，也願意的。可惜不如人意，令到我朋友有些不開心😠，原因是，服務員的態度問題有待改善。當然明白茶餐廳沒有什麼太好的服務,但是基礎對答也需要培訓。我們點了一碟炒米粉，同一件蛋撻。比我們遲來的客人都已經有餐在品嚐中， 我們遲遲都未到，我們見到服務員問他可否跟進餐，都已經一段時間。服務員的回答非常可笑,又無禮又大聲，他說有就有，無就無😅😅😅其實我們覺得等的時間比較長，😭😅又遲遲未到，眼見其他客人的餐都到了先找他跟進，他的回答實在有待改善。😅😅😅蛋撻剛出爐味道可以，炒米粉質素也沒有想像的那麼好，質素一般。令我朋友難堪確實對餐廳的服務水準,感到有些失望😞

以前是間超喜歡食的茶記， 啲服務阿哥非常貼近食客， 就像朋友一樣。 但現在員工個個以為自己是間六星級茶記員工， 由行入餐廳到坐底果啲阿姐嘅服務都勁差(由其資格老果個) ， 幫老闆趕客咁， 真系想講xzy, 入來比錢食仲要受你西面。 如果一間茶記欠了人情味， 就算啲野几好食都會變味。

老實說，菠蘿包很難吃，有怪味。。都算了。我主要很反感門口賣包短髮大嬸，有些人恃著賣的東西熱門，沒有好服務我是覺得正常，我已經不是要求滿意服務，我只是要一個能夠正常買賣的一個流程，但是這個大嬸當客人是她的出氣包像的，有一次我買早餐，已經說了要什麼麵包，找贖的時候她問我什麼包，然後她說：要說呀，你覺得我只有你一個客嗎？。。但我想說，我就在你面前，買麵包要排隊，不是我要難道是隊尾那個人嗎？。。。包又是你裝的，不是我難道鬼買？年老了，早點退休比較好，不要在門口趕客，搞不好還有人來買。

看到很多人评论服务态度差，但其实还好，因为店里人多嘛，很难照顾周全，没时间跟你多说一句话、说话语气不好其实都挺正常的。我一般不在乎服务态度和环境。 但是很不巧的是，比较关心食物本身的我和朋友点到的东西都很一般，不仅是“麻麻地”。 奶茶太淡，冻奶茶尤甚，权当做解渴之用了。 蛋挞没有蛋味？？？这简直是对蛋挞的侮辱！！！不夸张的说，如果有之前没在香港吃过蛋挞的人不巧来了这里尝试蛋挞，会从此对粤式蛋挞绝望，用料之粗糙令人发指！ 鸡扒鸡翼也是，不知道怎么找的供应商，肉质又老又柴。 总之就是感到很迷惑，不知道这间店是做街坊生意的还是为了赚快钱做旅客生意的。 最后感叹一句，餐饮店开在人流密集的地方果然是容易生存，怎么做都不会门庭冷落。真好。

未到早上時分已經勁多人，有新鮮出爐嘅菠蘿包，咁出名咁一定要試吓啦。鋪頭有分兩個鋪位所以坐嘅位置都幾鬆動，但係由於人數比較多所以都唔敢坐咁耐，或唔可以坐喺度一直享受。以佢嘅食物都唔錯，普通嘅粉面其實同出面茶餐廳差唔多，呢度最好食都係佢嘅菠蘿包。但係如果真係要排長龍過嚟食我就應該唔會啦。只不過咁啱經過又想食菠蘿包。我另外仲叫咗個蛋撻，都有驚喜。佢嘅菠蘿包入邊有勁大嘅牛油所以食落超好食，佢驚我有都應該有揀過所以同菠蘿包好夾。

呢間餐廳經常大排長龍，皆因菠蘿飽和雞批好出名。熱辣辣出爐，香味十足，的确幾吸引。幾經辛苦，每樣買了一個。雞批嘅饀料好豐富，鷄肉軟滑多汁，批皮亦好鬆化，好味!再來一個無敵菠蘿油，熱辣辣麪飽夾塊冰凍牛油，難以形容的滋味，確實好有滿足感!!

經過太子有啲肚餓，醒起金華冰廳嘅下午茶，雖然入面好多人，但咁啱又唔使等位。喺金華冰廳食嘢都避免唔到要同人搭台㗎啦，環境係有啲迫，不過都幾有冰室嘅風味。👌🏾✨招牌菠蘿油🔸個包係熱嘅🔸個皮好似曲奇咁脆🔸牛油溶溶地好正‼️呢個包真係好好食，唔怪得會咁多人專登嚟食，食到停唔到口呀！！✨凍奶茶🔸兩個字：好味！🔸茶味足，奶同糖都好balance！✨餐蛋通🔸個湯好夠味，掛晒係通粉到好味🔸餐肉同蛋普普通通啦最後兩個人食左$51蚊，都係一個幾抵嘅下午茶！👌🏾

金華出名菠蘿油，本人亦相當受落，最喜歡豬油味的菠蘿包，脆口，再加上一片冰冰的牛油，人間一絕美食。今天早上經過，不吃太油膩，吃個早餐，選了B和F餐。當然要點奶茶，一個茶走，一個正常，其實兩杯都很滑，但太多奶，失茶味，飲完有輕微茶葉「喼」味，還有點「鞋口」，水準大不如前。沒有方包配，有煎蛋、香腸、火腿，一早做好幾份，因此煎蛋是冷的，唯一可取是蛋黃半熟流心。只是看圖也知道叉燒太瘦又干，好像「隔夜」，味又不夠湯只是煮麵熱水，什麼都沒有。沙嗲牛肉麵只有牛肉上有小許沙嗲汁，超級市場的比這個還有味，牛肉當然牛肉味不足，太淋沒有口感。公仔麵不太淋，爽口，但油味重。整體...沒有下次早餐，質素很差，除了麵包，其他都不入流。

一間服務差成咁餐廳，再搵幾多個人話佢有幾好食都無用！1）啲嘢我之前食過跟本唔好食2）服務態度勁差，佢當你大陸人/遊客！星期日好多間茶餐廳都要排隊，我同朋友（兩個人）見佢唔洗排又馬上有位咪行入去坐底，我兩個坐底後咪諗住叫早餐食，因為我朋友未諗到食咩所以我準備叫先，落單果位大陸阿姐走過黎落單，我叫咗「一份早餐再加蛋撻」，因為朋友未諗到叫咩早餐話轉頭再叫，之後阿姐話唔得！我話咩事唔得？阿姐話每人一定要叫嘢飲，我咪同佢講我朋友未諗到轉頭先再叫都唔得？佢西口西話語氣勁差咁大大聲聲話坐底就要每人都一定要叫野飲！我都廢事再理佢，決定拍枱走！香港人可以唔洗再去！旺角周邊好食過佢服務好過金華的餐廳大把！

came for dinner and had a curry and a pineapple bun on the side. Their food is only average but their pineapple buns are pretty big and crispy on top. Level of service was as expected at these types of restaurants - they are indifferent towards you and you have to yell and chase after them to even take your order. Again, we expected it so nothing to complain about. If you're visiting and don't speak Chinese, I recommend coming to buy a few pineapples to go.

今日去這間所謂老字號，我地2大2小叫左2個晚餐、2個菠蘿包、1個蛋撻，總數已經成100蚊，個伙計仲話叫我地幫幫忙叫多杯飲品或者西多士，我話我地已經叫左好多食唔晒，佢就態度整差咁話寫明每人最低消費1杯飲品，我未話一杯飲品最多未20蚊，我地4個人叫4杯飲品一共80蚊，依家我地叫左成百蚊都唔得，佢就好惡咁唔知點計話有小朋友已經當我3個人咁計，我真係激到爆，我問佢呢條例係點計㗎，我幫佢計，點樣先係每人最少一杯飲品，係唔係一定要叫飲品，即係我叫咁多野食都唔得，佢一路行一路鬧咁走開左，佢地根本就無特定規則，只係見你叫得唔合佢地要求就迫你叫多d，簡直離譜邊有茶餐廳有最低消費，澳洲牛奶咁好食咁多人都無d咁嘅規定，好似覺得如果你只係想食個蛋撻就唔好入去浪費左佢個位，唔怪得差唔多全間d客都講國語，我估佢好快就唔會再有香港人去，我就肯定以後唔會再去，而且食物越來越差，菠蘿包凍到硬，蛋撻又成日無，d伙計態度超級差，好多人驚左就被迫叫多樣野飲，真係仲衰過返大陸。