金羅寶韓國料理

营业中

休息中

有時會同朋友喺晏晝過嚟呢度食午餐，未試過食夜晚，今日咁岩約咗朋友喺銅鑼灣就試吓。餐廳好大，可以容納好多人。 一坐低就送咗八碟泡菜，有魚片有薯仔有泡菜，有細魚仔等等。我最鍾意就係魚片，另外泡菜好辣好好味，如果之後要refill 就每碟要加$10。韓國泡菜煎餅 - 每次去韓國餐廳都會叫呢樣餸，好大塊一共分咗六件，但就有少少多油，好多泡菜好足料。下次試埋海鮮煎餅先。炆牛肋骨 - 之前晏晝食炆牛肋骨就百幾蚊，但晚市就要二百幾蚊，相對分量大好多，而牛肋骨選材適宜，肥瘦度適中，脂肪比例均勻，連個紅蘿蔔同埋白蘿蔔都好淋好入味。辣豆腐湯 - 嚟得韓國餐廳就要飲辣豆腐湯，個湯不是太辣，飲完之後成個身都好暖，而好多湯料，有好多豆腐，蛤同蝦。最後餐廳附送甜品，有雪糕同紅棗水，咁我同朋友就各自一個要雪糕，一個要紅棗水，紅棗水好入味，應該煲左好耐，甜度適中，建議大家下次可以試下。

今天來銅鑼灣逛街，順道在附近搵食，朋友推薦這間滿載口碑的地道韓燒，果然好介紹！餐廳環境開揚， 座位舒適， 靠窗邊更有大卡位適合一班朋友聚會。值得一讚的是抽風系統，燒烤氣味不會太勁！食物種類選擇豐富 , 有燒烤肉類及海鮮，亦有多款小菜。甫落單即上多款韓式前菜，共有8小碟，當中有些較為特別，例如: 韓式麵筋， 一口薄餅…碟碟都好味開胃，前菜也一絲不苟呢！食韓國菜當然要試韓國燒酒，這款韓國燒酒略帶甜味易入口，侍應還送上一碟紫菜、花生給我們佐酒，非常細心！牛肉控的我們當然主打是牛肉， 先來一客"蛋拌生牛肉" $205 ~ 嘩！一睇賣相，已經口水直流，生牛肉伴滑滑生雞蛋，嫩滑味美， 媲美地道韓國生牛肉，啖啖好滋味 ! 接着便是主角烤肉。牛肉控必食的 "烤牛肉" $138 及" 烤牛肋骨肉" $188 ~ 牛肉不但牛味濃郁，油脂均勻， 調味鹹度適中 ， 食後也不覺口乾口渴， 忍不住encore ! "韓式醬爆豆腐" $125 ~ 惹味香口，口感滑溜，一道簡單菜色已包含了地方特色配料 , 令人回味！最後每人還有免費甜品， 紅棗茶或雪糕任選一款， 好窩心呀

上星期，在銅鑼灣朋友逛街。又到了食飯時間，一於睇睇 OpenRice 附近有咩好食，最後選擇食韓國菜，找尋到 "金羅寶"。一於去品嚐一下先😁😁。坐下來好好休息一陣，店員就送韓式八小吃，這些小吃相當醒胃。有小點當然不少得韓國美酒，清新脫俗帶有少許甜味。烤牛肋骨肉、烤牛肉經調味後的牛肉，更鮮香更香牛肉味，點上少許自家製醬汁，加上牛肉內的肉汁混合後夠晒味道，經烤製後，色香味俱全，我們各人吃過不停！蛋拌生牛肉滑蛋拌生牛肉，生牛肉顏色鮮艷，顯示得新鮮，加入鮮滑蛋，令到牛肉口感更滑，除滑蛋外，更有爽口蘿蔔條，大大增加了口感！鹽燒鯖魚分量十足的鹽燒鯖魚，味道得宜，皮脆肉嫩有水份，還有鯖魚獨有的清香味道😋，非常吸引。餐後店員送上雪糕或紅棗荼，雪糕為咖啡味，味道濃郁又夠滑，不得不說滿足、完美👍🏻👍🏻😊😊。

因為工作地方附的冇咩餐廳，除左茶餐廳同food delivery 之外就冇咩選擇，所以間唔中都會出去銅鑼灣搵野食😋😋好耐冇食韓國野，係銅鑼灣有好多韓國餐廳，有名家啦，新羅寶等，但我最中意都係金羅寶❤️❤️食韓國餐廳最期待同開心嘅就係前菜八小碟啦，金羅寶嘅八小碟一d好吸引，份量好大份，樣樣都好好食，最愛係甜嘅薯仔同麻油菠菜，食完仲可以refill 😍😍每次黎金羅寶都會叫紅炆牛肋骨，十分入味，連羅白都好甜好lum，送飯一流😋😋今次仲叫左菜包豬腩肉，份量多到好驚人，最後梗係食唔晒要打包啦😂

銅鑼灣區美食琳琅滿目，要數到正宗韓國菜，必定是金羅寶韓國料理。內裏的座位十分寬敞，服務員有不少韓國人。這店子是同事介紹的。我們點了牛肋骨，人蔘雞湯，和韓國米酒。點完菜之後侍應立刻給我們上了幾道韓式小吃，這裏的小吃種類多，而且十分美味，絕對不是粗製濫造的。我尤其愛吃沙律，而泡菜，醃青瓜亦合香港人口味，不會太辣。小碟辣魚乾，非常香脆。黑豆花生，腐皮，豆角，全是健康食材。調味牛肋骨，肉質很腍，一點也不韌，肥瘦均勻，份量亦不少。是同事介紹的必吃之選。人蔘雞湯(小)，雞肉嫩滑，計內有不少糯米飯，人蔘味甘香，湯汁濃郁，亦很飽肚。最後見到鄰座點了生馬格利米酒，我們也試試。米酒味濃，算易入口，微甜，這米酒保存期限並不久，應該挺受歡迎的，像是每桌也有點。

雖然一直住在銅鑼灣區，但是每次看到金百利的人龍就喪失上去吃的慾望。這次我帶著喜歡韓食的媽媽👩來到老店-金羅寶試一下它們的lunch set🤤比較驚喜的是lunch set的款式很多，有湯、飯、麵......而且有很多香港不太多韓國餐廳有的湯品。🍽前菜基本上兩位以上就一定會有8碟小菜，每天有點不一樣，但是整體來說都好吃的👍🏻🍽血腸鍋非常想念韓國的血腸，沒想到在香港也能吃到！味道跟我在韓國吃到的差不多，而且數量也很多，吃完非常飽🤤🤤🍽粉絲蓋飯媽媽的粉絲蓋飯比較失色，調味不夠，太過清淡了。🍽甜品甜品可以選擇雪糕或紅棗茶。朱古力雪糕算高質，裡面有朱古力碎！紅棗茶也非常滋潤，不會太甜👍🏻

其實有時都好想飛去韓國，食個燒肉就返香港。不過無奈我最愛嘅荷包舞淺小姐，唔容許我咁任性~唯有喺香港去追求我呢個夢想。今日好開心因為肥仔終於達成心願，搵到間韓國人主理嘅餐廳。是肉肉，是很多肉肉，是很多肉肉給我選擇~都是肉肉~其實除咗肉肉，仲有好多嘢食，例如我最鍾意嘅豆腐湯。有成10款嘅小碟。仲有生醃蜆肉，去韓國係去高級啲嘅餐廳先食到。雞肉閃令令，好新鮮~已經將雞一次晒落個爐入面，肉質鮮嫩，醃過嘅雞會帶甜，超好口福~肉質爽口，又脂肪平均嘅韓式豬肉排。呢個會帶少少辣，食完再飲啤酒簡直一流叫咗個豆腐湯，啲蜆多到呢，又有蝦，又有滑豆腐，辣得嚟帶勁勁嘅鮮甜感~正啲蝦又好鬼新鮮。最後仲送埋甜品，去完韓國兩個鐘，宜家搭笠落返銅鑼灣先唔記得講，餐廳大部份嘅員工都係講韓文，所以識嘅話，可以露返兩手。

很久沒有食韓國料理，今日在Sogo血拼完，去了食韓餐。餐廳很大，有很多卡位，坐得很舒服。最重要的是星期六亦有午市套餐，套餐由$75起，普通約$80至$85都有。除了前菜，還有甜品，真是蠻不錯。前菜有8道，色彩繽紛，而且好開胃。牛肉炒粉絲很Q彈，配有牛肉蘿蔔湯。牛肋骨湯有軟稔的牛肉，配有粉絲和蘿蔔，還有白飯呢。薯仔豬骨煲並不是很辣，亦不會很鹹，可能要配合香港人的口味，配有薯仔、菜等，煮得沸騰，熱的東西總是好吃的。

問咗個韓國通佢極力介紹呢間嘢畀我食真係好多人食嘅可能我哋又懶呀叫咗一盤 mixed meat韓國醃咗嘅肉真係好咸呀真係覺得一般般我個茶杯上面仲要有唇膏服務可能真係人手唔夠搵人斟茶同埋加啤酒直到我走 我嘅第二杯 無論酒同茶 都未飲過我都唔會返嚟再食韓式八小碟其實都係一般般一個禮拜之內中兩次伏真係好傷心韓式醃肉下次燒烤都係唔好再嗌防止增加我腎臟嘅工作量廁所又大陣味其實我去嗰兩間都係韓國人開嘅真係唔明白點解會咁差

慶祝朋友生日，朋友想食韓國嘢，上網搵完資料發現呢間勁多好評，決定上嚟試吓因為大家都冇興趣食韓燒嘅關係，我哋全部都係叫主食/主菜！我個人覺得，要食韓國主食嘢，唔需要上嚟呢間～全部都冇特別好食🤷🏻‍♀️出面有更好嘅選擇【人蔘雞湯好多油】上枱嗰陣，店員有幫我地切雞！湯飲落有啲油油地，而且人蔘味同雞味都唔重，感覺上好唔足料～唔太推介 【雜錦海鮮辣麵】麵質好重麵粉味，又唔彈牙又唔滑😗海鮮湯亦都冇海鮮鮮甜味，只係單純地辣，唔推介【海鮮煎蔥餅】正正常常，餅底煎得幾脆，可以試試【韓式年糕水餃湯】正正常常，清清淡淡，唔使食重口味可以嗌呢個【冇溫度嘅標準服務】服務標準，唔殷勤！因為慶祝朋友生日嘅關係，我帶咗一個小蛋糕上嚟。問佢哋可唔可以幫我雪蛋糕，佢哋話可以！讚👍🏻但我偷偷地叫店員幫我上蛋糕嘅時候，佢竟然原個紙盒上🙈 起碼都幫我換過碟吧🤷🏻‍♀️ 搞到成件事都好尷尬

今日黎到我經常黎的金羅寶食午飯。座位有卡位，所以坐得好舒服，部份店員雖只懂韓文，但態度友善。前菜有8碟，其中3碟: 魚仔乾、薯仔甜美、 蒟蒻配酸味的菜係我的至愛。白切豬肉包心菜嘩！份量好大，食哂覺得好滿足，第一次點豆板醬，豬腩肉個樣唔討好，但入口唔韌，唔會有羶味，菜有3種，新鮮脆綠，配有醃製的沙律味道更可口。豆蓉肉菜羹第一次食，個樣又係唔討好，但豆蓉攪成粒狀，入面有一片片肥肉、洋蔥，一起喝味道不錯，似洋蔥湯。石頭鍋飯店員先問我們駛唔駛加辣醬，然後再幫我們拌勻，真係好熱，有部份飯更變成飯焦，香脆可口。最後仲奉上紅棗菜 (可選雪糕)，真的很窩心哦！

金羅寶一直是我這十多年來最愛的韓國菜館，這週末又前來品嚐它們的午市套餐即使是午餐前菜也絕不欺場，八小碟不另收費，有甜有辣有鹹，口味多元化，令人胃口大開在正宗的韓國菜館水冷麵是必點的！加了芥末及白醋的湯汁帶出天然蔬果甘甜味，搭配蕎麥麵條感覺很痛快韓燒最怕就是火喉控制不宜，浪費了食材。鐵板上是最好的選擇！五花豬腩肉肥瘦均勻，油脂分佈平均鐵板牛肋骨肉肉質軟嫩。每個鐵板餐包一碗湯，有牛肉同胡蘿蔔，味道清甜。高麗人參雞湯雞肉嫰滑味濃，內裡的糯米煮至軟綿綿飯後甜品有朱古力雪糕！性價比超高

近來韓國烤肉大行其道，但烤肉感覺始終較為熱氣肥膩，我較喜歡平實正宗嘅韓國菜，更著重烹調技巧。今次光顧嘅金羅寶經營已久，位於銅鑼灣金百利廣埸，地方華麗舒適。前菜是八小碟，清新可口韓式泡菜香辣美味，蓮藕粉中帶脆。韓式牛肉炒粉絲很有鑊氣，粉絲炒得均勻美味，完全吸收牛肉味道。韓式牛肉石鍋飯充滿熱飯焦香，飯焦脆而不硬，牛肉新鮮，牛味濃郁。韓汁炆銀鱈魚份量很多，韓汁很正宗，酸辣帶果香，銀鳕魚肥美鲜甜，原來炆煮都可以咁好味。還奉送 無味精蘿蔔牛肉清湯，清香味甜，家庭靚湯感覺。

周日往銅鑼灣行街，在附近金百利廣場午膳，選擇食吓韓國菜，這間金羅寶韓國是老字號，可以食到正宗韓國菜。餐館地方很大，佔晒全層，裝璜雅麗舒適。先來韓國紫菜和泡菜，接着是八小碟前菜，當中以泡菜最美味，不咸不太辣。韓式牛肉炒粉絲好好味，牛肉香滑，粉絲腍度啱啱好，不肥不膩。石鍋韓式牛肉飯熱辣辣香噴噴，店員禮貌地講解並兜勻鍋飯，我地才知道這樣嘅飯更好食，飯焦香脆可口。炆銀鳕魚唔係一般韓國菜館有得供應，銀鳕魚在甜香醬湯內更覺鲜甜嫩滑，蘿蔔腍甜唔會散，真係食得好滋味。

今晚約了韓迷朋友共晉晚餐，當然要由她帶路食好野，她提議到金羅寶吃韓國料理，一於舉腳贊成啦一到門口，已傳來陣陣的烤肉聲座位非常寛敞濶落前菜款式非常多樣化，醃漬入味，食到無停口，最like 魚乾仔吖侍應後來又拿多另一款泡菜及紫菜來，非常豐富及美味韓式麵豉湯是朋友指定叫的，有點微辣，食材料足，味道很地道，每人飲了三碗冷湯麵也很不錯，加了調味後，湯底有點微酸，蘋果、蘿蔔及青瓜加埋冷麵配合得很好，最適合夏天食啊炸醬麵看似烏卒卒，但入口卻很有驚喜，醬汁調味得宜，我們把炸醬和麵撈起後，更感到麵的煙靱柑橘茶非常解渴芝麻雪糕是送的紅棗茶也是送的