金碧酒樓

营业中

休息中

去年8月31日首次到訪「金碧」，相隔未到一年，於 8月3日約同飯腳再次感味這舌尖上的彩虹！這回飯腳統統是酒鬼，老公還特意帶備了一支 Magnum 香檳，送給快將生日的壽星女。香檳質量超出預期的理想，為這頓飯聚添上泡泡的喜悅！人未齊，先要來佐走小菜！富嚼感、帶小肥，調醃味自然的叉燒，未來得及拍照已給吃光了！到現在回想起來，「金碧」的叉燒的確擁有一股撲實的特質，相比潮興的什麼黑毛豬、什麼矜貴的處理過程等的叉燒，「金碧」由簡單原始而來的叉燒風味，不禁令人生愛！第二道佐酒菜是小炒皇，一看濕漉的芡汁附在食材之上，心裡感覺有點不對勁！蝦乾、鮮魷、西芹、腰果、韮王等用料十足、質量亦優，以致味道和層次均十分豐富，只是未夠乾身，變成一道濕版小炒皇而已。上次有幸嚐過「金碧」的辣鹽鮮魷，這回一定要來一客佐酒。魷魚新鮮、外乾內軟，加上香氣盛放，又不會過鹹，一流也！人齊了，起菜！大抵是不想加重廚房的負擔，訂菜時老闆娘依舊提議杏汁白肺湯，就這樣我再重溫杏汁白肺。正如上次食評所說，湯感順滑、杏味不算濃厚，純甜的湯韻最為突出！一盅杏汁白肺湯份量超多，每人最少可分兩碗，而我和部份愛湯的飯腳起碼來了三、四碗，令人依舊滿足

约了朋友回到中學時昀彩虹村金碧酒楼食飯懷舊吓，心諗街市食都要訂位🤔，原來要時間做準備工夫。未齊人，食住叉燒，油雞先，半肥瘦叉燒好好味，肉又霖，汁又好野味👍油雞又滑，汁甜而不膩，味道適中，重点是很入味👍第一道是杏汁豬肺湯， 眾所皆知，這是工夫菜，先不說味道，很多地方巳經不煮啦，因為太多工夫。好重杏汁香味，豬肺爽口，配自家製辣椒醬更好味，湯有胡椒味，但不辣，好好味👍第二道菜是看似平凡的八寶鴨，切開鸭身後，滿滿的餡湧出，有蓮子，餡料保留各有味道，一齊食味道很好。第三道是錦鹵雲吞，兒時的菜式，現在偶然在酒楼見到，它的酸汁加入三色椒，一片片炸得脆脆的雲吞，放一羹酸汁連椒一齊食，好開胃，另你食完想再食👍第四道足忍吾住口的椒鹽鮮魷，明知膽固醇高，也要食一條，弹牙的鱿魚，簡直是魔鬼，令我夾多一條又有一條。第五道是一碟陳醋雲耳，這是陳醋的酸味，加入紅椒、蒜，醒胃之餘，雲耳可以抑制番膽固醇，不过我个人認為偏甜。第六道朋友一定很喜歡食炸嘢啦，再來一個酥炸鮮蝦丸，蝦彈牙，炸得脆，好味，碟碟都保持出準。第七道是蜜汁燒鱔球好特别，第一眼以為是茄汁蝦添，又脆又酸又野味，加上啖啖鲜魚肉，好好味👍第8道是蠔油手撕雞，又

足料的龍躉骨湯，惹味的京葱炒豬頸肉，大口大口吃下的蒜蓉果皮蒸龍躉頭腩，不常吃到的八寶鴨，至杏仁霜到蒸饅頭，吃到的不只是餸菜的味道及懷舊味道，還有人情味。席中有紅酒，白酒，也有清酒。帶了英勲 純米吟醸生原酒 24h，中鮮，中旨，淡中酸。英勲的生酒當然不會令人失望，但跟蒸魚，炒魚並不特別匹配。英勲 純米吟醸生原酒 24h齊藤酒造產地 京都市伏見区使用米 京都產京の輝き80％ 祝20%精米歩合 55%酵母 --Alc 16%日本酒度 --酸度 --冷飲

一班朋友行完山，朋友帶我們去彩虹村食飯，她說要一早訂位，我心諗街市食都咁巴閉……金碧茶楼，原來是食懷舊粵菜，因為要時間做準備工夫，所以訂位之餘，有些菜要預訂。8个餸早巳預訂，由於未齊人，所以加叫叉燒，油雞，边食边等。半肥瘦叉燒好好味，肉又霖，汁濃香甜👍油雞滑，汁甜而不膩，味道適中，重点是雞好入味👍齊人開飯，先上杏汁豬肺湯， 眾所皆知，這是工夫菜，先不說好唔好味，很多地方巳經嫌功夫多不煮啦。湯好重杏汁香味，豬肺爽口，配自家製辣椒醬更提味，湯有胡椒，但不辣好好味👍跟住上錦鹵雲吞，兒時的菜式，現在偶然在酒楼見到，它的酸汁加入三色椒，一片片炸得脆脆的雲吞，放一羹酸汁連椒一齊食，好開胃，另你食完想再食👍啱晒同枱小朋友下一道菜是看似平凡的八寶鴨，切開鸭身後，滿滿的餡湧出，有蓮子同其他豆類，餡料保留各有味道，融合一齊食，香甜好味。再上一道忍吾住口的椒鹽鮮魷，明知膽固醇高，也要食一條，弹牙的鱿魚，簡直是魔鬼，令我夾多一條又有一條。好彩來一碟陳醋雲耳，這是陳醋的酸味，加入紅椒、蒜，醒胃之餘，雲耳可以抑制番膽固醇，不过我个人認為偏甜，食到咁上下消飽肚感。朋友實係喜歡食炸嘢啦，又來一個酥炸鮮蝦丸，蝦彈牙，炸

這間金碧酒樓,是朋友推薦去的,也是朋友訂的枱,如沒有訂枱,是不能進入,這酒樓不是去到便可進入吃。入到店內,真的是超舊式酒樓,枱櫈也很殘舊 點餸是要一早訂枱時一起訂的,有好多餐牌有的餸 而店內的全是熟客 杏汁豬肺湯是朋友話一定要點的湯,豉油雞比較多人(是我們一枱人)說好吃的,但是蒸魚腸不正宗很大的一碟,但不好吃,豉椒排骨麵味道正常,還叫了豆豉鯪魚油麥菜,普通的一餐沒有點評的說那麼好。環境不好,坐得不舒服,空氣不暢順,還要訂枱才能吃,這麼麻煩的酒樓,我下次也不會來。

今年老公生日，book了金碧慶祝，我們6人叫了三餸一湯，每當一道菜上枱，大家都不其然嘩一聲，因為很大碟，味道不錯，最後都吃不哂。我打算下次再約多些人去，要吃哂其他菜式。

今次晚飯是失望了，我和家人7人訂了6:00晚飯，訂了杏汁豬肺湯，蜜汁燒鱔，生炒骨，椒鹽鮮魷，西蘭花炒牛肉，蒜香雞。只有椒鹽鮮魷和蒜香雞是可以叫可口。杏汁豬肺湯一鍋，只有四至五塊的的豬肺，每人一塊也沒有，多口問一聲侍應生，卻對我們說：’你們是來飲湯的’，意思即是沒有豬肺也沒關係！是把豬肺留給熟客嗎？西蘭花炒牛肉，牛肉是沒有牛肉的顏色，也沒有牛肉味道，不知用什麼調味料來醃製的。生炒排骨，味道是不錯，但排骨真的只有骨，沒有肉，質料比較差。名過於實，以後可以不來這飯店了！

早前同班朋友喺度慶生，嫂嫂聽到我話好味，就叫我訂檯過年團拜食飯。我哋原來訂 11 位留咗梅子蒸鴨，盤龍鱔，生菜包，錦鹵雲吞，杏汁豬肺湯同椒剁魚頭，但妹妹一家後來嚟唔到，記得減少個魚頭但唔記得減人頭，所以其他 5 款都大大碟 😂😂😂杏汁豬肺湯有一貫水準，材料十足，每人飲咗差唔多 3 碗，媽媽都話好飲 👍生菜包生菜好甜，有蠔豉，有馬碲，食到尾好飽都要淨食生菜。錦鹵雲吞好脆，連食好少嘢嘅侄女都食咗好多片。盤龍鱔好肥美，但太大碟食到有啲滯。梅子蒸鴨就有小小失望，因為隻鴨太肥我哋好多都食唔到，同埋隻鴨唔太入梅子味，媽媽後尾揀咗啲瘦啲嘅包走，可能隔咗晚佢話好味啲，我哋淨咗好多鴨同芋頭，酒家姐姐分咗兩盒包走。涼瓜排骨普通餸，不過不失。臨走嫂嫂即刻攞咗咭片，相信佢都好滿意 😋😋

對上兩個月嚟過食蛇筵, 由於太好味道嘅原固當晚即席予約試試佢哋嘅老派粵菜, 但估唔到食晚飯都要予約成2個月(蛇筵重誇張, 我係4月訂台, 12月先食)。當晚先上杏汁豬肺湯，杏汁味濃郁，肺有煎過，足料，但豬肺略嫌洗得唔夠白，但好味。蠔豉生菜包，分量多，蠔豉豬肉刴到好似黑胡椒粒咁碎, 咬落每啖都有蠔豉嘅平實口感同鹹香加埋豬肉粒嘅咬口，再加生菜包嘅爽脆與清新，整個菜平衡做得好好，有別與老派粵菜偏鹹嘅味道，此道菜好吃。錦滷雲吞，做法正宗， 雲吞片絶對唔係薄切切！鬆化，唔粉，炸得透，熱辣辣，配酸汁加叉橈鮮尤同吃，襯熱吃，絶品。順德鯇魚腸蒸蛋，坊間魚腸一般是焗，此處做法為蒸，原因為魚腸焗比蒸較為好處理，但焗就吃不到魚腸獨有的鮮味及質感，魚腸變得老化沒那麼好吃。固金碧此道順德鯇魚腸蒸蛋對自家的信心甚高，魚腸的鮮味，雞蛋香味，果皮特有甘味三者配合得非常立體，有層次，同為絶品。八寶鴨，絶對老派粵菜味道，鴨肉鬆化不黐牙，連子同樣鬆化香甜好吃，而伴碟的芥菜膽伴以鴨汁共吃可口，絶品。紅燒元蹄，極度邪惡的一道菜，肥肉煮至啫哩一樣，入口即化，元蹄煮致肥而不膩，時間工夫缺一不可，必吃！同為絶品。紅燒龍躉尾，老饕最愛

我覺得黎金碧食飯需要一定既勇氣～幫老公約食生日飯，我地一行十人首先要預早book位，我打左十次八次都唔通，到打到第一次有人聽時，可能剛好係午市，接電話的人，態度較差，非常趕收線仲叫我之後要打多次黎叫餸第二轉打去叫餸，特登揀六點頭打去，成功落哂餸，對方叫我落訂$500，到時食飯個日拎返入數紙就可。我入數後，第三轉打去，因爲有餸想更改同順便講聲入左數，對方有抄底要改餸的，但最後我都係無改餸🙄🙄我地七點到，間酒家係真係好old school既，好明顯係食個種情懷～仲要枱枱都係book左位，唔會有街客入黎～等緊齊人時想嗌個小吃送下酒職員提議小炒皇或义燒同椒鹽鮮尤我地本身有落椒鹽鮮尤既，但如果食左呢，就無得再加多碟🙄🙄🙄我都明玩法要落餸先就係等酒家約食材時方便d，始終都係屋村內既小酒家，唔預有walk-in客，但都唔係預到咁吻水，多小小都無吧😓最後 我地都叫左碟义燒送下酒稱唔上好食。。。講返當晚預先訂既餸：豬肺湯交到功課既 每人有兩碗有杏汁味但唔算濃 有朋友唔好杏汁都飲到豬肺份量都多 洗得乾淨生菜包好大碟 跟兩份生菜都食唔哂有馬蹄 蠔豉 有咬口且爽口炸雲吞雲吞皮炸得乾身 個汁酸甜度剛好炸子雞唔熱

食團年飯既地方一向都係長輩話事, 我呢D小朋友帶個人去就得啦最後揀左金碧酒家, 起初都以為係D普通酒樓, 去到發現原來係D好舊式餐館行入門口果陣已經見到貼住張紙寫住是日包場客滿, 入面果然座無虛席呢間餐館淨係睇裝修都知道歷史悠久 (以下圖片係食完D人走哂得返我地枱先影架)去到原來呀姨已經一早訂好哂食咩餸, 等齊人就開始上菜第一道菜係杏汁豬肺湯, 唉, 心諗大獲啦, 我最怕杏汁果種味但呢個湯真係出乎意料地好飲, 唔知廚師做左D咩調味令到個飲到有杏汁味而又唔會令到我反感另外個豬肺都好好食, 豬肺首先炒香過, 仲調過味, 真係好好味之後就到生菜包, 一般既生菜包都係用免治豬肉碎但呢度竟然係用蠔豉, 入面仲有D馬蹄, 夾埋一齊出乎意料地好食, 既有新鮮感又好食呢道椒鹽鮮魷味道都唔錯, 炸粉好薄, 但椒鹽味略為唔夠呢個炸雲吞一上枱既時候真係嘩左一聲, 因為好大碟, 同埋好耐冇食過炸雲吞平時係出面食果D炸雲吞都係只會比碟甜酸醬你, 但呢度個甜酸醬仲有青椒, 肉片, 蝦仁個醬非常好味, 個味調得岩岩好, 唔會太甜或太酸, 真係好開胃呀西芹炒班球都炒得有大酒樓既水準, 魚肉彈牙同埋一D都唔腥最後呢碟厲

年尾食團年飯，屋企人話訂左位，去彩虹村食。心諗，山長水遠去屋村食，點解呢？原來屋企人話超好食，咁我就一齊去試下啦。去到店門前，門口好舊式，原來主打食舊式菜👍🏻👍🏻第一道菜，係湯，聽講係最出名既，個湯得一款，係杏汁豬肺湯。佢係一大鍋咁上，入面湯料十分，好好味，好強既杏汁味，㐸左3碗🙈🙈（我吾覺好重味精，飲完吾會好口乾）上菜啦，第一道係豉油雞。個雞好滑，特別係個汁，甜甜地，好好味。😊再黎係金蠔生菜包出面食吾到呢個餸，佢地用蠔切粒再炒乾，加埋肉粒同其他配料，炒完好香口，用生菜包住，口感好豐富，非常推介食呢個😘再黎係炒菜，但個炒菜好特別，係用甜梅菜炒菜芯，好過用xo醬炒。之後一人一碗白飯，飽到上心口，重點係埋單吾駛一千蚊，抵到爆。如果大家都想食到舊式菜，可以一試，債要訂位先，否則應該食吾到😂😂😂

一月中旬星期六，涼爽有風的夜晚。今天晚上跟親戚們到這家懷舊酒家吃年夜飯，聽說這裡的懷舊菜做得比很多有名的懷舊菜館還好吃，他們早就訂好桌跟菜品，一嚐懷舊風味。門面一點不明顯，藏在巷中，還好有人帶著。裡面好像時光倒流回到六七十年代：手寫菜牌，懷舊摺椅，保留的全是老香港風格。人齊後上菜，第一道是杏汁豬肺湯，本人其實非常討厭杏仁的味道，覺得很臭，這個豬肺湯卻完全沒有這問題，杏仁味清香，豬肺給煮得完全不腥，配合起來潤喉濃郁清甜，忍不住連喝兩碗。湯喝完，秘制八寶鴨上桌，香氣四溢，從未試過八寶鴨，原來裡面是滿滿的配料，最記得是蓮子，還有火腿豬肉糯米等等甚麼都有，味道卻出奇地跟鴨肉非常搭。鴨肉酥爛入味，口味鹹鮮，一吃真的停不下來。之後是蜜汁燒鱔球，香煎蜜汁完全鎖住每寸白鱔肉，非常香脆多汁，而且骨頭全起掉，吃起來滿口是香滑飽滿的鱔肉，實在很滿足。最後的古法鯇魚腸蒸蛋是整晚精髓中的精髓，之前試過一次，吃了一口已經腥到受不了，很嘔心，所以看到它上桌就很怕，但是這裡的是兩回事：魚腸是鯇魚腸，跟蛋一起蒸卻完全沒有一點腥味，證明店家在處理魚腸的過程裡的手工非常出色，除腥是一點不馬虎；蒸蛋滲透魚油，蒸成完美的金黃色

訂咗差唔多成個月嘅晚飯，實在令人期待又期待，果然名不虛傳!先上杏汁豬肺湯，好香杏仁味，豬肺有用鑊煎過，好多料，有薑，果皮等，每人有兩碗，正 👍生菜包，肉碎好好味，生菜好多。錦滷雲吞，成個組合好好味，我哋仲即時加多份 😅炸蝦丸，其實佢打得好好味架，不過相比其他有點比下去咯…蒸魚腸，呢個真係唔係我杯茶，試咗小小，都 ok 嘅，其他人就不停話好好味 😆百寶鴨，的料煮到淋晒好入味，好多料好填肚，攪到之後啲嘢都唔係好食得落啦 😭蜜汁脆鱔，朋友話次次都係好後先上呢個餸，熱食同攤涼食唔同味，我個肚唔爭氣無位啦 😖最後係糯米飯，足夠嘅花生，飯夠乾身，無得輸，都係只可以試小小。啲亞姐好好人，幫我哋影相好攪笑，另一位提揸機嗰個唔好影埋天花板，我哋自己影嗰時，有個亞姐又成日裝我哋個蛋糕 🤣🤣朋友已經想返嚟再食第二餐啦！餐廳坐位唔算舒適，裝飾好舊，食物大碟，要人多先可以試多幾個餸，佢都可以成日爆場，可想而知大家都係為美食而來 💖

此店極之難食，服務態度差勁，環境差系正常，因為已經有50幾年歷史，舊，污糟和臭都可理解，但是我有朋友都不會介紹他/她到這店用餐，所有食物都不是一流， 而是三九流. 收費極貴，仲要得到咁既服務態度， 都吾系好明，每晚都有咁多傻人去依間垃圾店捧場！所以話好多人都系人云亦云， 人話好食就瘋擁去食， 食完才知道自己有幾咁戇居😆原因系因為這裡付五星級價錢， 他還五星級既服務態度給大家😄⋯⋯最後酒家金句［你不來第二次是你們的錯］我覺得來第一次都是大錯特錯. 不再回頭.