金碧酒樓

营业中

休息中

今年中秋佳節出外用膳應節，經過親朋戚友的推介，選擇了在「金碧酒家」。地點是在彩虹邨一間超過50年經營的舊式酒家，地方不大，環境裝置尚停留在50年前，來到彩虹邨時間尚早，我到周圍環境逛逛，來到平台看見打卡熱點，經過時間洗滌，大廈外牆的彩虹褪色了！換上萬家燈火！舊屋邨設有獨立停車場，車輛與車主有著滿滿的幸福！這棵大樹看不到雀鳥聚集，卻發出非常吵耳的鶯聲鳥語，聲音分貝超強勁！如果需要訂購懷舊菜式，需要落訂金。我在幾天前透過櫃員機落訂$500。 預訂的懷舊菜式包括：杏汁豬肺湯、蜜汁炸鱔魚、茄汁大蝦、炸蟹鉗。開飯了！首先飲湯；湯盅蓋揭起飄來杏香撲鼻，湯水清甜，質感柔滑可口美味，每人份量可分享三碗之多！ 熱騰騰炸蟹鉗，未可立刻往嘴巴送，幸好酒家冷氣強勁，稍等片刻便可以大快朶頤，蟹肉與蝦膠的組合，味鮮嫩、爽口彈牙！相對以往的炸蟹鉗，份量多一倍，每人一個炸蟹鉗，已經很滿足了！蜜汁炸鱔片令我看傻了眼，鱔肉片切得非常大件且厚身，肉質非常鮮嫩，配合蜜糖與酥炸， 香酥甜味，分量也頗多。 椒鹽鮮魷炸得比較乾身，沒有油膩感。炒蕹菜是非常幼嫩的白蕹，味道也很好。 吃到這刻已經覺得都飽了！最後出場是茄汁大蝦，茄汁的味

係食懷舊菜之選，唔單止菜懷舊，就連店舖裝潢都好懷舊。依家服務態度非常唔錯，上菜速度快，會幫手分菜、分湯。杏仁豬肺湯濃稠清甜，鐘意杏仁味的朋友一定要試。包飯份量超級足，生菜唔夠仲可以添加。內含肉碎、冬菇、蔥、脆米等；可直接食，也可夾埋生菜包住一齊食。後者因為有菜提鮮避鹹，會清爽可口很多。豉汁蒸龍鱔，外酥內嫩，鱔肉肥美，但因為太多肥美，食多幾啖就會覺得油膩。總體而言，懷舊菜味道較好，服務質素提升。價錢而言，我個人覺得唔貴唔平，正常。

白肺心機湯：材料足，冇豬臭味，湯底濃得嚟啱啱好，每次去金碧必飲。蠔豉生菜包：相信入面放左好多隻蠔豉先能帶出咁濃厚嘅蠔豉味。喜歡蠔嘅朋友一定要試哦！紅燒元蹄：應該好好食，但可惜到最後先上，胃部空間已經冇乜。元蹄炆得好冧，又不會太爛，如果係第一碟上，一定大量白飯待候。酥炸鮮魷：正常味道，個人覺得偏咸想食美味料理同享受懷舊氣氛，金碧係好選擇

每次路過總是被包場食唔到，今次終於約齊人，提早預訂，可以一試經營五十多年的懷舊小菜館。店內保留著舊有風格，裝修方面唔洗太著意啦😅😅😅每碟菜都大大碟，所以一定要約齊人先泥食蜜汁燒鱔球炸得非常外脆內軟，超驚喜蠔豉生菜包最鍾意食呢個，好惹味開胃，似水上人住家菜式😍順德鯇魚睇蒸蛋杏汁豬肺湯 【必試推介】帶有陳皮香、杏香，口感順滑，感覺滋潤錦鹵雲吞除左勁脆嘅雲吞，配料都較多八寶鴨出面已經好少食到，真心整得好好味，但份量真係太勁。

金碧絕對係要再去啲好地方，全晚消費1750蚊，7人一席，算做超值。全晚8菜一湯，除咗4個懷舊菜同豬肺湯外，大家又加左個腐乳通菜、金碧小炒、椒鹽鮮魷、同埋干炒牛河。呢啲基本小菜，食家年同㕑神家族啲金姐，大家持不同啲意見，食家年覺得干炒牛河熱騰騰，金姐就覺得油琳琳；小炒對於厨神家族出身啲金姐嚟講係失敗之作，炒工比起金老爺同金姑爺啲手藝有一段距離。我冇緣品嘗老爺同姑爺嘅厨藝，但同意做工一般，未能令人有難忘嘅回憶。我童年家境清貧，4個懷舊菜（八寶鴨、燒鱔、鹵雲吞、扣肉），除咗扣肉外，幾個餸都係我長大後先有條件品嘗。其中鹵雲吞，更係去年跑友係蓮香樓先介紹我食，雖然有回憶，但唔係童年回憶。用一般消費者嘅角度去評價4個懷舊菜，雖然大家贊不絕口，但我卻覺得一般。豬肺湯的確係一絕，可惜每人只有一碗，小食多滋味，同意！鱔球加咗好多味道，蓋過咗原有鱔啲肥美味道，話係燒，但食唔到炭火嘅味道，應該係炸嘅。八寶鴨，難為佢哋可以搵到隻咁瘦嘅鴨，裏面蓮子、栗子、薏米多個鴨肉，食完有飽滯嘅感覺，降低食慾。鹵雲吞據金姐嘅指導，是應該用山渣熬汁煮嘅，但明顯呢個鹵雲吞係用茄汁做嘅。扣肉對我嚟講，有啲得人驚，佢係3/7，甚至乎

之前同朋友講左好耐要試下呢間既懷舊菜, 今日終於可以約齊人一齊去試嘞! 佢地既價錢唔算好平, 但全部都大大碟, 完全無可能食得哂。環境就不要抱期望, 但黎得呢度, 就係要食滿滿既懷舊風味。豬肺湯  – 香濃既杏汁, 湯底濃郁非常, 豬肺好爽口, 一道高水準既湯。錦鹵雲吞  – 雲吞炸到脆卜卜, 香脆可口 而個錦鹵汁用料十足, 有豬潤, 叉燒, 蝦仁, 魷魚, 菠蘿等等, 個汁酸酸甜甜好開胃。蠔豉生菜包  – 餡料勁多, 咸咸香香好惹味, 而且蠔豉, 豬肉同其他配料全部都切到大細一樣, 配上清爽新鮮既生菜包住食, 真係一個接一個咁食到停唔到口, 大推!紅燒元蹄  – 上枱果陣真係嚇一跳, 元蹄超級大隻, 炆到軟軟淋淋, 滿滿既骨膠元蜜汁燒鱔球  –鱔球大大件, 炸得香酥, 外脆內軟, 面頭仲沾滿蜜糖, 但份量真係太多了, 食左2舊已經覺得好滞。蠔油手撕雞  – 同坊間食既手撕雞完全唔同, 金碧既手撕雞唔係一絲絲, 係以粗條上, 配上紅蘿蔔, 西芹等一齊炒, 夠哂鑊氣之餘仲好惹味。金碧酒樓彩虹彩虹村金碧樓 22 號地下港鐵彩虹站 C4 出口, 步行約4分鐘

和朋友講了很久，終於可以去試試。我們四人共點了五餸一湯，有杏汁豬肺湯丶蠔豉生菜包丶香酥鴨丶錦鹵雲吞丶順德鯇魚腸蒸蛋丶酥炸蟹拑，份量大大碟，味道係正，出面沒有幾多地方可以食到這些菜式了，不過好多款菜式想食記得要預先預訂和要下訂金，我們叫的菜式可以看以下相片，也可以參考一下以下要預訂的懷舊菜式餐牌。價錢方面，手工菜式，不是便宜，而且飯店環境大家都不要有什麼期望😅，服務也一樣，特別老闆娘是招招積積的😂。最後再食埋送的甜品，個個飽到捧住個肚走😂，當然要打包，不要浪費，所以建議多些人一起去食會比較好。

彩虹邨金碧酒樓開業五十幾年，從朋友口中得知此店不論裝修，菜單食品依舊堅守如初做懷舊菜，聽到有八宝鴨就好想去試，好快就約咗家人去聚餐一試，朋友話一定要訂枱，有幾款菜式一定要預訂，訂枱排到三星期後！我預訂咗八寶鴨，杏汁豬肺湯。當晚到場，屋邨內小店一間，枱不多舊裝修保留得很好，今次人多可以試多幾款菜式，杏汁白肺湯，酥炸鮮蝦丸，蜜汁燒鱔球，生炒骨，八寶鴨，紅燒元蹄，菜膽雞，錦鹵雲吞，芙蓉蛋，魚香茄子煲，南乳粗齋煲。席間各人對食物讚口不斷，味道正宗，好食、好好食，原因全枱都係50後同60後，對今晚各款菜式都很熟識，人家說的懷舊菜古祖味，當年感覺番哂嚟，大家邊食邊話說當年，同枱個個都話要帶朋友再嚟食，平凡菜式没有花巧，煮工水準之上，今晚每個菜都不再詳述有幾好食，建議你自己嚟品嚐一下，如酒樓大廳的對聯寫:

最近好少出街食野，難得放寬6人一枱食飯，媽媽話朋友介紹呢間懷舊菜唔錯一黎到已經門口貼住爆場啦。哈哈，好彩有訂位者，懷舊菜要一早訂位落單先有得食架。呢度叫懷舊菜係無價錢架。。。食完埋單先知，今次人均$400因為樣樣都想試，份量又大份，所以一早帶定盒黎打包🤭#荔芋香酥鴨 - 好鬼酥化呀，隻鴨起晒骨啖啖肉，好惹味#錦鹵雲吞 -炸雲吞勁香脆，錦鹵汁好多料，有豬潤，叉燒，菠蘿，蝦仁，青椒#蠔豉生才包 -第一次食呢款菜，又幾特別，好大盤生菜俾你包#杏汁豬肺湯 -嘩，超多豬肺，因為朋友之前已經試過，覺得太好飲。今次6人都嗌煲大既。。。 6個人每人飲完2碗，都仲剩半煲🤣 全部打包，正#蜜汁燒鱔 -條鱔好粗身，燒鱔脆卜卜加埋蜜汁，好好味#梅子炆鵝 -好濃郁既梅子味，好食，不過隻鵝就比較肥😂

Mission completed... #小秘書 忙到癲嘅日子終於暫告一段落... 大家月尾之前又可以約我出去玩喇❤️ 難得呢晚大家咁有雅興，居然諗到走去 #彩虹邨 #金碧酒家 食 #懷舊菜，我當然奉陪啦🤪 不過要我喺三四十度天氣底下等大家收工，實在有啲接受唔到👉🏻👈🏻 唯有返屋企沖個涼再出嚟匯合大家😅一如以往，#金碧 門口都係掛住個牌「已包場」，咁多fans既？唔係一早搵朋友幫手，我哋呢晚都好難book到位。因為 #懷舊菜式 都需要時間準備，所以我班同事早喺十日八日前已經度緊個菜單，我當然係坐享其成嗰個啦😂#小秘書 比預期中遲咗少少，原來係我未到之前發生咗段小插曲，枱面上杯碟滿佈冷氣機吹出嚟嘅微塵😰 好彩有兩位前輩搞掂🙇🏻‍♀️🙇🏻 見7:15都未齊人，我哋先嚟一個#椒鮮魷做 #小食，#師傅 用薄薄嘅 #脆漿 鋪上 #魷魚 一齊炸，放上 #椒鹽粉，特別惹味😆 另外我哋叫咗幾款 #懷舊菜式，#錦鹵雲吞、 #花彫蛋白蒸蝦、#豉汁蒸鱔、#茘芋香酥鴨，同埋 #杏汁豬肺湯。先講個湯，我真係覺得夠晒誠意，好濃嘅 #杏仁 味道，#豬肺 一啲腥味都無，好

繼續清舊食記，今天分享上月尾在彩虹村 金碧酒樓 的一頓暢快飯局。 這是一間屹立彩虹村50多年的懷舊酒家，環境只是一般，店內更是嘈得不得了，還是晚晚爆場，不提早訂檯就吃不到，可見出品有一定吸引力。論味道，這裡或不是頂級，但勝在有風味同時價位相宜，這晚人均$300已經吃到撐著肚子離開～先謝謝車媽媽安排＋訂菜，抵達後先來一碟脆皮燒肉，邊吃邊等；燒肉味道是不錯的，但已經凍了風味要扣點分啦～人齊正式開飯，一來先有大大煲熱度十足的杏汁白肺湯，湯頭鮮甜順滑，同時富有杏香、肉香及陳皮香，好喝得來又十分滋潤，個人十分喜歡的～然後是錦鹵雲吞，這次的雲吞皮就是新鮮炸起，清脆口感配上加入豬膶、蝦、魷魚、青紅椒及菠蘿的酸甜汁，十分吸引，忍不住吃了兩件才收手。也非常推介這裡的酥炸蟹鉗，個子碩大的蟹鉗丁點不油不膩，個子碩大同時裡面蟹肉成梳，十分的足料鮮甜，除了淨食也可配上甜酸汁享用～好友一直重申這裡的順德鯇魚腸蒸蛋有多好吃，這晚一會終於了解到其魅力：成品除了一點不腥，那蒸蛋還十分的滑溜潤澤，加上淡淡的果皮香氣更加迷人，很快就給掃清光了！   接著又有花雕蛋白蒸海蝦，那蛋未算最滑溜，酒味也可以再香再濃一點，但海蝦無

同事帶我地黎呢間金碧食懷舊菜，一行十幾人食左好多野！我覺得樣樣都好好食，尤其係個蜜汁脆鱔，蠔豉生菜包同個蒸魚腸係最得我歡心！😘另外仲有杏汁豬肺湯，炸蝦丸，焗元蹄都好正。價錢吾貴，材料新鮮，真係抵食夾大件，可惜掛住食吾記得影相！🤣已相約同事下個月再去encore！😎

好友A小姐提起很想到金碧酒樓吃晚餐，經她一說那條癮即起！因為我太太太掛念小店的蒸魚腸，所以膽粗粗攪一場良朋共聚金碧夜！人未到齊先來碟脆皮燒肉過口癮，皮脆唔肥亦不太鹹Ok啦！終於到齊先以杏汁白肺湯迎接各位良朋，從來不太愛喝杏汁的我沒試，但不打緊最重要大家也喜歡便好了！接下來是錦鹵雲吞現在坊間少有供應了！脆卜卜的雲吞皮配甜酸汁很難不好吃，汁內更有豬豬膶、魷魚、青、紅椒及菠蘿等豐富配料呢！ 之後有勁大隻妙的酥炸蟹鉗，熱辣辣炸起即上檯吃時差點燙到嘴巴呢！沾上甜酸汁吃最合襯，蟹鉗咬下超有彈性，內裡的蝦膠足料足味，最重要一點也不油膩，炸功非常到家！令我朝思暮想的順德鯇魚腸蒸蛋來到了！魚腸處理得宜一點腥味也沒有，加上蛋香和果皮香的味道真是誘人不已，再吃仍然覺得相當美味和吸引。B先生指點的豉汁蒸蟠龍鱔霸氣上檯，豉汁調配得恰到好處夠惹味，白鱔夠鮮甜沒泥味唯獨肉質不夠彈牙否則更加滋味。私心想吃的花雕蛋白蒸海蝦，蛋白夠嫩滑花雕味可以再重點更佳，海蝦的份量激多吃極不完似的，還要隻隻鮮甜爽口很值得一吃！今次選來香口的金皇蒜香雞，皮脆肉嫩富雞味又是水準之作！大家意猶未盡再點來椒鹽鮮魷，依舊酥香煙韌有鮮味佐酒一流。

尋找到從前既好味杏汁豬肺湯...好飲.略覺不夠濃而且偏甜八寶鴨...老舊菜已少有酒樓有做.好味.但栗子少左d花生過多炸蟹鉗...絕味...如蟹肉再多一點會錦上添花.蜜汁燒鱔球.爽口彈牙椒鹽鮮魷...個炸醬皮差左d旦魷魚鮮元蹄...入口有淋淋感...好好食花雕蛋白蒸蝦...酒味唔濃.個人喜愛酒味.我就想濃點蒸魚腸...唔腥...近年難得既味道蠔豉生菜包...野味好香成間店雖然舊又迫旦都好舒服冷氣好足.好過市面大多數食店酒樓...！店員服務...好正...大家都融為一體...！好開心

自從今年初第一次幫襯，到而家已經幫襯咗 4 次，呢個月仲要幫襯咗 2 次 🤭🤭早前帶媽媽食過一次，佢對呢度嘅杏汁豬肺湯念念不忘，佢生日就再嚟食多次啦 🙂 我哋一行 7 大 1 細，叫咗一個湯加 4 個懷舊餸都食唔晒。杏汁豬肺湯依然好香杏仁味，媽媽仍然讚口不絕，生菜包啲生菜好甜，中和返炒香嘅蠔豉冬菇肉醉同炒米粉。錦鹵雲吞小朋友食到眼閃閃 😅紅燒元蹄一上檯大隻到 O 晒嘴，食落唔油膩仲覺得啖啖骨膠原，到剁椒魚頭上檯又再 O 多次嘴，要幾大條魚先有咁大個魚頭? 哥哥叫咗中辣，我頂唔順，食咗小小都覺得好正，仲有粉絲墊底吸晒啲魚汁 👍👍👍早 2 日再同中學同學一行 11人嚟慶生，杏汁豬肺湯，生菜包同錦鹵雲吞係鐵膽，再加陳醋木耳，金碧小炒王，大魚兩食，花雕蛋白蒸大蝦同金華玉樹雞。陳醋木耳好入味，啲醋食得出係正嘢，金碧小炒王相比下有啲遜色，大魚兩食好正，尤其係蒜蓉蒸魚腩，無魚鱗之餘仲感覺到滿嘴骨膠原，花雕蒸大蝦好滑，有好多隻大蝦，金華玉樹雞餐牌上係無嘅，唔知點解同學知道有得叫呢？好明顯呢個係手工菜，清清哋好香。另外見其他檯都有叫釀鯪魚餐牌都係無，唔知仲有幾多樣神秘菜呢？