金田日式放題 (已結業)

四人, 每人$210最好食 1) 炸年糕(有芝士餡)(2) 燒牛舌(3) 剌身(其實只能跟名將比)其他一般! service好好! 我的年輕朋友都喜歡這裡, 但對於我就一般!

今日同幾位朋友一齊黎金田食日式放題第一炮就係試食d刺身,我覺得三文魚和鱆紅魚係最好食,甜蝦其次,tuna真係好麻麻之後再黎芝士年糕,比想像之中好,勁好食!!!外面個皮炸得很脆,入面的芝士很流出黎咁,仲係暖暖嫁!至於燒牛舌亦是極上之作超級彈牙,調味岩岩好!!埋單發覺都唔係算平,不過成班人坐0係呢度高談闊論一晚,超好的氣氛!!

同個fd念唔到咩食.咪下來網睇下,見到咁多好評咪試下啦~~~環境唔錯.服務都幾好~~但只有三文魚好食炸蝦天婦羅 得個熱.完全無味壽司 好差串燒~魚腐彈= ='其他都係一般最氣><走單次數多...到寫十樣..來得幾樣好似只係味噲湯寫左三次都無來..要叫人吹下先有200一位完全唔值..好似無食過野..選擇又少

呀~~每個星期一有一日假,就一定睇住OPEN RICE黎搵野食....點知呢次奶晒野~~D人話羊架好好食..點知黎左2次,5件都係好硬,D魚生唔新鮮,連最基本O既三文魚都係無乜色,炸蝦係無乜蝦味,個魷魚SO又係個個都話好好食,我真係唔識欣賞~~全晚最好食得個蒸旦,好滑好好味,食左2個...最後連CAKE都無提過...無送到...唔知佢地日日D野食品質係咪都唔同,2個人叫埋野飲4百幾呢個價錢絕對唔會再黎....P.S.:服務不錯,但冷氣超凍....唉....次次睇食評都去完感覺好好...呢次完全地有奶野O既感覺....我已經係一個乜都塞落口O既人....OH~~~

難得有朋友仔請吃飯~當然要吃得豪+抵~經過我四出尋找~呢一間放題的好評比率最高~所以就選了這一間!!!!!吃完感想如下:1.)上菜速度快(落左order唔使10分鐘就有野食~)2.)食物質素高(魚生鮮甜,燒物新鮮燒起,炸物唔油而脆,壽司飯夠細.....)3.)走單次數少4.)服務態度佳(我地係8:30後WALK-IN,因為知道平$40首先打電話去問的時候態度好好~解釋詳盡雖然等到9:10到先有得入~但係已經算快~而且佢仲好好,叫你留低電話,有位打俾你另外,到左10:30LAST ORDER,我地以為佢地12:00關,點知係11:00ORDER左一大堆野~一定吃唔曬~佢地唔單指沒有罵~而且仲好好咁俾多十分鐘我地~仲係咁道歉同體諒我地吃的時間小~~~~同急~吃唔曬係人之常情~今時今日做到咁平~又咁好服務態度真係第一次見!!!!!!)只想講一句~呢間係我吃過最滿意的一間放題~無論邊一方面都101分~

早知道無可能 Walk In之前亦嘗試早一天訂位也無法確保今次因為大夥兒聚會需要至少預早兩天訂位其實每間日式放題食物款式都差不多就食物質素及服務方面評論都有不俗表現點了四輪刺身盤我一人至少鯨吞五斤魚生刺身十分新鮮有光澤不含雪味（當然不能跟東京築地魚市場比較）而且食物上檯速度亦很快毫不吝嗇．．．速度較慢的都是炸物類（炸蠔和天婦羅）吃了很多刺身後吃甜點的胃由自動啟動侍應說在不同時間有不同的甜品提供每人只限一款朋友在前後十五分鐘分別點了Cheese Cake 和 綠茶 Mousse Cake味道當然不能奢望與甜品店的相比吃下就算了另外，店員差不多每15-20分鐘就主動為客人添茶和清理桌上碗碟座位亦十分舒適和寬敞整體滿意程度都 OK ！唯一不滿就是慕名而來的客人太多，訂位很困難．．．結賬：$188 + 10% 　Manhattan 信用卡優惠：0.05% Off

與兩年沒見的朋友到了 上間餐廳吃飯.於星期一中午想預訂星期三晚的位子,卻原來已沒位子可預約了.店員說最快也要到下星期二才有位......留了電話給他, 他說如果當晚有缺再通知.真的有那麼多人去吃?還是手法?今天下午接到電話, 說有位子.上到去, 是滿座.點食物方面,有七張紙可選,分別為:刺身,壽司,個人料理, 鐵板,炸物,沙律及燒物.算起來, 應該也有七十至八十款食物.刺身還算是鮮, 北寄貝尤其好.鐵板類的牛肉頗好吃.沙律類的三文魚沙律好吃,用黑椒汁調製的三文魚加上菜.炸物....天婦羅好像沒甚麼特別.壽司....沒有叫, 來這裏不是吃壽司的.有漏單的情況出現,上菜變得慢了一點.無限時段限制是這間餐廳最大特色之一.

我同班萏同事去聚會, 諗住唔限時間, 價錢又不貴, 所以去金田.但係去到發覺食物選擇少, 每個類別只得幾樣魚生唔新鮮, 三文魚冇三文魚味,牛冇牛味, 天富羅淡茂茂出菜慢雖然服務態度好, 但真係唔會去第二次.

年幾之前同同事farewell, 意外地search到呢間野. 當時覺得好好味. 雖然呢到既價錢比出面一般既日式放題貴. 不過難得係當時十幾個人都覺得抵食. 係食完嗰次之後我對呢到既放題都係念念不忘. 但係都要等到年半之後既今日, 同朋友講開, 佢對呢到既芝士年糕讚不絕口. 終於都有機會再黎喇.雖然呢到話係不限時BUFFET, 但係我哋星期日去幫襯, 打電話去BOOK位時佢要我哋8點半前交枱. 咁同限時有咩分別... 不過無計啦, 星期日都唔好阻住人做生意. 打電話去問時佢話6點半先開始, 但係我個frd六點三到左佢都已經話可以開始order喇. 當我哋6點半上到去時即刻有得食. 黎食放題梗係要勁食魚生啦. 呢到刺身既選擇比一般既放刺要多. 好多地方無吞拿魚, 劍魚腩, 鱆紅魚等呢到都有. 唔知係唔係想黎左咁耐先黎到令到現實同期望有分別. 我覺得d刺身好似無我兩年前黎咁鮮. 變得有d一般貨色! 至於熟食方面, 我哋試左好多不過好似無咩等別難忘. 芝士年糕上枱時唔夠熱, 多春魚好細條仲要燶燶地, 秋刀魚無去魚肚好腥. 其他食過都無咩等別. 反而佢送嗰個甜品就幾好味. 應該係綠茶慕絲蛋

之前有同事黎食過, 話唔錯, 於是尋晚同女友黎試試刺身簡直喜出望外,款式都算多,三文魚又鮮味又肥美,甜蝦真係好鮮甜赤貝係貴野也夠新鮮爽口,我Encore三次吃,值回票價薄燒牛肉,蔥蒜惹味,肉汁豐富口感好,必吃鐵板牛柳粒,絕不行貨,牛係西冷牛粒,成晚最好味,半生熟唔un又入味,正炸物大部份也不錯,個人偏愛蝦天婦羅卜卜脆好好味燒牛舌夠香,羊架有羊味不過少少蘇- 值得一試還有大部份食物都唔錯,不能盡介紹環境其實比起其他放題真係好得多, 坐得好舒服店員都好有禮貌,值得推介的一間店

慶祝生日 訂位七點, 我們七點三到. (他們會DOUBLE CONFIRM; 下午打了一次, 七點時再提我們) 坐位寬敞, 十分好刺身一流, esp三文魚, 甜蝦, 北寄貝 鐵板燒好好, esp 薄牛肉, 羊鞍串燒正, esp 雞軟骨, 牛舌 蒸蛋, 胡麻牛舌, 也很特別蟹籽沙津好多沙津醬 扣少少分鍋物沒有, 只有泡菜鍋, 不太好吃服務好, 經常加茶, 換碟 甜品是抺茶慕司, 好吃星期日 188 加一, 渣打95折, 兩個人 $400 有找~ (洗手間十分乾淨, 女兩格, 男一格, 共用洗手)

去幾次.那天跟朋友來有刺身,爐端燒,鐵板燒,小食我地吃放題的習慣都是刺身最先,之後鐵板燒,爐端燒說回食物吧,第一碟刺身包括赤貝這個是名貴刺身,確實任食,這個是最吸引我的地方三文魚也是非常肥味新鮮厚燒牛肉,厚度岩岩好,燒得又恰到好處,唔生唔熟牛肉好嫩,好香gei 牛肉味,我地一共食左2客令人回味無窮薄燒牛肉,這個必點.多汁 幾香口,見到就流口水呢,我地每人都食左4-5件其他食物的質素也十分不俗,上菜的時間非常快總括來講:價錢算貴左小小,然而有咁既質素,值得吧

前日星期一同男朋友去食,從來都未試過吃日本放題可以吃得咁開心的刺生三文魚,北寄貝,赤貝,甜蝦,油金魚,八爪魚等,夠厚亦新鮮食到回本為至壽司類都ok新鮮 落左單既野食黎得勁快，我地都食得好快,狂風掃落葉咁，基本上我地食完佢就即刻收碟，但不斷再有食物黎到，張table都唔夠位擺羊鞍有驚喜, 生熟也掌握得剛好炭燒雞串,牛舌,煙鴨胸,薯蓉扇貝,牛柳粒,薄燒牛肉燒三文魚都好正每樣試D已好飽,好滿足牛柳粒男朋友最喜歡叫左幾round炸物有點油,但也可以最後不能不讚佢的服務態度一流,環境良好,唯一最大缺點是唔包飲品囉200蚊唔駛任食放題我十分滿意我都會再黎食

今日我同朋友兩個人去walk in食等到差唔多9點半就入得因為我地太肚餓一坐低就係咁叫野食魚生,關東煮,墨魚餅,天掃羅,壽司,串燒,年糕等等佢d野食黎得好快同埋冇好似其他放題咁狂走單味道亦都唔錯佢加茶同收野都幾快係放題黎講...金田真係唔錯最令人驚喜既係天掃羅,墨魚餅同芝士年糕關東煮亦好入味不過個人覺得大板燒餅真係麻麻地同埋串燒咸左少少。因為太肚餓所以唔記得影相添~_~

禮拜一晚上同朋友食咗個好夜晚飯，因為要就一個朋友OT（可憐香港打工仔...），於是揀咗食8:30後walk-in，價錢係$148 + 10% per head。大概9:10左右坐低，當然係咁叫嘢食。我之所以覺得呢間放題堪稱"超滿意"，係因為差唔多樣樣都好得，亂叫都冇所謂：魚生夠新鮮，尤其係赤貝同板壓三文魚壽司，簡直係喜出望外，而且一啲都唔孤寒，三文魚、吞拿魚剌身大大件厚切，壽司係餸多過飯；燒物亦很出色，尤其係多春魚、牛舌同雞軟骨，好多鋪頭會因為趕時間，搞到有燒燶情況，但係呢度冇喎，我地叫咗起碼十幾串串燒，冇一串係有燶，好得 ... 朋友叫天婦羅，雖然我冇食，但係見到啲顏色好金黃，係炸得好靚樣，朋友亦大讚；就連關東煮蘿蔔都好味；另外，呢啲放題鋪頭一般都好迫，雖然呢度張枱都係好細，但係收碟收得快，同埋枱同枱之間空位都算多，所以感覺上冇咁嘈，亦唔會覺得似搭枱咁。朋友大讚，話我好介紹，會將呢度列為必去放題。想幫間鋪頭澄清，以晚啲客為咗價錢問題唔開心：呢度放題$188 + 10% per head，冇時段限制，8:30後walk-in（如果有位）會有特價$148 + 10%