金田日式放題 (已結業)

一月時先來食過, 好正! 朋友話想試, 又再來啦!食物: 刺身好新鮮環境: 坐得好舒服, 有bb車都ok很值得推介的一間食市!!

今晚是同學生日飯, 壽星女鍾意食日本野. 咁我地 Book 左呢度.我幾年前來 , 果次印象都幾好. (而今改左名叫 放題] .)坐位近門口,自成一角, 其實佢地方不大, 但環境優雅, 都鬆洞, 幾舒適.呢度都系剔紙仔, 將食物分 6 大類: 刺身 壽司, 炸物, 燒物, 鐵板燒, 沙律, 重有一樣好像雜類之類, 忘記了. 呢度最好既系 刺身. 簡直喜出望外! 唔系一般酒店 buffet D下價貨色. 多數酒店 buffet D刺身, 我見到都唔想食. 但系呢度我食左好多. ,因為真系好新鮮, 咁既價錢, 真系任叫任食 Wor, 而且刺身出得好快. 赤貝, 八爪魚, 甜蝦, 鮪紅魚. 必食 !壽司無試, 個胃位置有限. 不可輕舉妄動. 要講部署. 朋友試左手卷, 話都 ok . 正~ 三文魚沙律. 佢地系用三文魚魚腩, 生菜墊底. 淋上日本沙律油. 魚腩好肥美, 配上沙律油, 酸酸甜甜. 好正 ! 蟹子沙律, 蟹子都好新鮮. 好味既重有~ 炸蝦天富羅, 蝦好彈

一行五人第一次到此日式放題，環境唔錯，坐位亦都唔算窄，頗舒服。刺身：種類頗多，新鮮而且都算厚切，對於我主攻刺身的，滿意。章紅及吞拿都有中等水準，始終係放題，OK啦，相比其他的放題餐廳算好水準。熟食方面：推介串燒牛舌(夠香)、羊鞍(少少蘇，有羊味)、西冷牛粒(半生熟)、薄燒牛肉、燒三文魚頭、芝士年糕(軟滑有芝士香，不過我覺得唔用炸方式，用火輕輕在外面咯燒，更好味亦唔會太油)、焗帶子薯蓉(全粒帶子，薯蓉夠味)。當晚所點的好多好多，大部份都唔錯，不能盡介紹。唯獨在服務方面，起初會主動加茶，不過後期可能枱數開始多，就需要求救加水。不過都可以諒解的。但係有少少唔好的，係當Order到第三次的時候，唔知道係咪漏單，往往啲單都係漏上，只出部份，感覺上係留起啲單，唔翻單。需要追追追......追追追......。總括來說，價錢中等，食物水準OK，都會再返去一試。

食過兩次, 第一次帶住個細既同一班朋友食, 果次因為阿仔吵怨巴閉, 搞到我煲水錄腳咁食, 食唔回本, 今次唔同啦, 朋友生日, 賣甩左個仔同老公一齊食!刺身: 款式都算多, 而且好新鮮, 最好味既係三文魚, 赤貝同甜蝦, 三文魚啖啖肉; 甜蝦真係好鮮甜, 大大話話我都食左廿條腳都有壽司: 我緊係唔試啦, 咁多好野點會為左舊飯食到飽晒, 但心癮大, 叫左個吞拿魚手卷, 個紫菜好脆, 三文魚夠凍又係啖啖肉, 好驚喜咁覺得舊飯又真係幾好味, 咁又食左2件燒物: 蒜片西冷粒, 燒三文魚, 燒魚頭, 燒牛舌, 墨魚飯, 青口, 全部都幾好味, 牛舌真係好爽口, 我唔敢食但都叫左 2 round, 反而青口個sauce就怪怪, 忌廉白汁...杰撻撻我唔多想食. 羊鞍! 出奇地好食, 我唔多食羊但都食左3-4件, 唔太蘇但又好香口炸物: 餃子, 天婦羅, 吉列生蠔, 雞翼, 雞軟骨, 多春魚, 全部都好熱, 天婦羅都ok, 唔算勁多粉其實仲食左好多野, 不過記唔晒, 總之呢餐我食回本又開心, 服務都ok, 上order上得快, 都好少漏 order, 咁既價錢咁既質素真係十個抵!P.s. 東亞信用卡

同朋友一翻投票下~決定再次到此店~這是很開心的年三十晚~食物都很有水準~值得一讚~刺身:三文魚~吞拿魚~甜蝦~相比迥轉還要好~值回票價~串燒:牛舌最保持原汁原味~唔會太幹~我暇愛芝士年糕~好有口感~^^還有鐵板燒~超過一百款~我諗要分幾次先可以試完~至於鋪面感覺都算舒服~但地面比較滑~而服務...由於我地8點幾先入座~但侍應唔知係咪趕住行年宵~十點未到就已經不知所蹤~究竟十點定十點半last order呢~定係怕我地行唔切年宵連last order 都無人理會~甘既服務質素就真係要改改~非常不滿~不如改名做金田快餐店啦~都無得比人任食既==

之前我同男友仔有黎過呢間金田覺得OK所以除夕個晚我一早BOOK定位黎食,上到去就話要等一陣,算喇~除夕夜等下亦無問題喇,等左半個鐘後終於有得食喇~點知無茶既,咁咪叫個人黎比兩杯茶我地喇,見到個類似部長既女人想同佢講,點知佢彩都唔彩我,係見我地唔到丫定係忙呢,之後有個侍應見到我地個情況即刻就比茶我地,算喇~講番食物先~刺身好新鮮,我男友仔比較鐘意食佢地既芝士年糕同羊鞍,我就食牛舌同埋薄燒牛肉,牛柳粒都好好食,好有水準,侍應好勤力不停幫我地加茶換碟,之後到左甜品,當我地食緊野個陣聽到話甜品係焦糖燉蛋,咁咪問個部長喇,點知....佢又係同頭先情況一樣唔彩我地,之後我仲發現到佢同另外一個部長係度傾計,仲傾得好開心添但我見其他侍應個個都好勤力做野,唉~我望到咁既情況真係替D侍應唔抵丫所以服務我比3分,個3 分係我比個D侍應

8/1/2009 同學聚會於金田進行，評價如下：1) 刺身出奇地新鮮，雖然係放題，但每一片都有返咁上下厚度...絕對不是薄切慳料~~抵讚~!! 而其他燒物如羊鞍、牛舌、多春魚等等都唔錯~~2) 地方尚算舒適，效率又快，呢頭落單果頭就有野食~~3) 侍應加水換碟次數多到不得了，連台上既骨都幫你執埋4) 冇時間限制，聚會傾幾耐都得...

第一次寫食評...10/1 同兩個朋友去lee 間食晚飯, 之前見到openrice 好多食評都唔錯, 所以好有期待結果"不負眾望", 真係好有水準1. 食物質素好- 刺身新鮮, 特別係甜蝦, 勁正!!! 還有係烤半脾, 感覺有酒店水準潻呀!!! 其他食物, 如天婦羅, 牛肉粒, 牛舌 都好好....2. 服務態度良好- 個個waitress 都好好, 佢地仲會時不時幫你換碟, 仲會幫你清理枱上的食物殘渣, 值得一讚~3. 上菜效率高- 3 個人order 咗3 round, 每次份量都唔少, 但就永無漏單, 兼且速度快, 唔知係咪因為人唔算多呢4. 最值得推介的係, 地方淨潔兼唔限時- 朋友去過, 佢同我講話個toilet 有d 跣叫我小心, 點知去到, 好乾淨喎~同埋好少可日式放題會唔限時間......一班朋友吹水聚舊真係一流呀!!!$198 per head, 計埋加一埋單每人約$220.............平時去食峰壽司都要$120 每位, 如果比多$100 可以任食, 又冇人趕你走, 食物質素同服務態度都有番咁上下的話, 真係唔錯架~

尋晚去咗一間係我覺得最抵....最有禮貌.....嚟得最齊最快...最好味.....最唔駛催最唔會食到一肚氣gei 點紙式放題款式都夠多其實 雖然d staff 就唔係好日式但係食物水準真係超得魚生出奇地無雪水味 係人都實去過呢d 所謂任點任食gei 日式放題ga la但有幾多間真係好味...仲要真係嚟齊ga wor...唔駛你催十次嚟六次或者出極都係人地隔離枱d order.... 呢間真係超級值得推一推....喺尖沙咀寶辣巷一間叫 ""金田日本料理'" ((咁上下)) 仲要有得訂枱訂幾點都得..無分時段無限時間中銀渣打仲有九五折 (( 雖然唔係好多...好過無)))以$188 一位加ten 真係抵叫做

同bf都好鍾意食日本野所以咩野價位, 放題與否都試過不少食店的平安夜, 我同bf 7:15pm左右去到金田食放題~今次係第一次黎食, 因為聽聞都唔錯~就試下啦冇book位~walk-in就有位~不過waitress話要8:15pm前埋單~因為之後哥場fully bookedok啦~無問題~節日嘛金田都幾多choices,都幾期待架除左sushi~我地咩野都有點waitress上菜好快~偶有漏單, 不過笑容唔錯佢地收碟同加茶都好密所以~服務方面我幾滿意的不過食物素質就好失望啦先講刺生~~除左甜蝦外, 每樣都充滿雪藏味, 有D仲好腥下食「宵夜刺身」都冇咁誇張然後係炸物唔知係咪怕人多而預先炸定~~結果上親台的炸物都係暖暖的, 冇左熱騰騰的香脆特別係炸蝦天婦羅不過個炸雞軟骨都唔錯個人係芝士愛好者~例必食CHEESEorder個芝士咩野 (忘了名字)好彩waiter上菜時講左句「芝士XX」...如果唔係都唔知自己食左因為完全冇芝士味...之後我冇order其他芝士野了仲有就係哥個味噌湯太咸, 而且味精味有d重~雖然服務唔錯~不過食物質素令人失望$218一人(未計加一) 實在不值....我同bf都

第一次寫食評, 寫得唔好請多包涵~~Christmas諗唔到到女朋友去TST食咩, 見到間野comment幾好, 不如一搏! XD間野Christmas都有起價, $238.....唔算起得太多, 可能市道唔好啦.....仲要冇book枱都仲有位~~菜式option唔算少, 有82種.........入左單出菜算快, 可能唔多人啦........推介: a) 海鮮薯蓉北海燒呢個燒物要讚ge........係個薯蓉............點解要讚個"ニ奶"? 因為個薯蓉真係好香好香...........加上帆立貝算ok (當然唔算太鮮)......b) 土豆冷豆腐豆腐好滑, 仲要個汁香...........:c) 炸物D 炸物唔係落左好多漿, 但好有口感.........咬開好鮮, D汁仲keep 到.......至於壽司都ok..........中階la......刺身唔太鮮.........不過有個別東西(esp. 菜)頗唔ok.......但大致上食物都唔錯........服務幾好, 雖然waiter唔夠.........有個高級ge初頭做到黑面, 佢幫我地添完茶, 我地講句唔該之

這陣子大家都比較忙，很久沒見，又是大家生日的前後，於是便約出來聚聚了 因為大家都喜歡吃日本菜，更喜歡吃刺身，經 Openrice 內搜尋後，決定要來這裡食!!!我們的目標都係刺身 於是一口氣試了很多款的刺身刺身類甜蝦 & 鱆紅︰值得食！新鮮！三文魚 & 赤貝︰都 OK~吞拿魚︰不太新鮮...蛋︰很凍，我倆都怕是「隔夜蛋」呀...壽司類松葉蟹壽司︰沒有想像中咁好食，似普通蟹柳鰻魚壽司 & 煙鴨胸壽司︰一般炸蝦手卷︰炸蝦的炸粉好好好厚 炸物類炸蝦天婦羅︰蝦比炸蝦手卷的蝦大隻，炸粉也沒那麼厚甘蝦腐皮卷︰有點兒油芝士年糕︰必食！我倆已很飽，也要再食！ 表面脆脆的，內裡是暖暖的芝士，很香！yummy~天婦羅南瓜︰一般吉列日本生蠔︰嘩...完全唔得，d 炸粉厚到，咬了一半都未見到隻蠔，而蠔也很少，唔得...炸雞軟骨︰同一個問題，很厚的炸粉.......沙律類蟹子沙律︰都不錯~蟹子與 salad 份量比例恰當 一品料理醬汁豬軟骨︰朋友吃先，佢話完成唔得，我就沒吃了日式蒸蛋︰熱辣辣的~ 有東菇、日本魚蛋，同朋友 share 了 日本珍味 B（即是辣味螺肉）︰螺肉很大粒 爽爽的~鐵板燒類因為我唔食牛，

前幾日一早訂左檯聖誕去食放題，之前一路都好驚，硬係覺得200幾蚊o既放題唔太安全，因為之前有去過大久保o既經驗，難聽d講句，大久保真係俾屎你食…… 服務又差又漏單食物又差…… 不過睇過呢度o既食評好似都okay，所以就揀左呢間！今日去到，首先覺得環境都幾好，都算靜丫，坐得舒服！waitress好細心咁講解點樣寫紙叫野食，第一輪嗌左好多刺身，少少小食，刺身好快到，而且質素真係唔錯！比起我上兩個星期去酒店食宵夜buffet有過之而無不及 我食左三文魚、甜蝦、北寄貝、八爪魚、鯖魚，最好味係三文魚，夠肥美！甜蝦就普普通通啦，其他都okay小食方面呢，我睇左呢度d食評，跟住大家o既推介黎嗌的，不過個牛舌同埋羊鞍都比較un，我覺得麻麻的，但蒜片西冷同埋芝士年糕真係冇得頂！我嗌完一轉又一轉！最後係每人有一客甜品送o既，不過個waitress好奇怪，原來有兩款可以揀，但佢都冇問我地就俾左件chocolate cake我地，味道okay啦，不過我見其他人好似有類似布甸的東西，好想試下呀！waitress收碟速度勁快！幾乎係你一清碟佢就即刻收！加水速度都好快！服務方面真係好好！抵讚！計埋加一，聖誕每人24

已忘記去過這裡食放題多少次了！每次都是滿足的離去！我是刺身狂，食了最多的是甜蝦，好好味，很新鮮，只是細隻了點。今次的甜品係布甸，有d紅豆醬淋在上面，很好味，可惜一人只可享用一客。要讚的更是服務生的好禮貌、做事非常勤快！以此價錢，絕對值回票價。

好在book左位.. 估唔到都幾旺場.. 有唔少walk in客.. 餐室design唔錯.. 弊筆響座椅度.. 無論窗邊位定其他位全部都係單人椅.. 實在唔方便攞野.. 你知響尖咀區女仔就梗係會shopping吓嘛..至於食物種類唔算多.. 但勝在食物水準都算高.. 咁當然有d係會差d啦.. 依本人口味我就算得燒物類比較遜色左少少啦.. 無湯麵.. 無鍋物.. 同埋飲品得茶係free.. 汽水同果汁order都略貴.. 要十五至三十蚊不等..服務態度算係唔錯.. 就係因為鋪面唔算大.. 員工人數ok.. 所以反應都算快.. 亦唔會話人太多死位係見你唔到..價錢亦算公道.. 東亞同渣打咭當晚亦有八五折優惠.. 計起都係一百九十二個半一位.. 都係抵食之選..最後就梗係要講吓我地order過d咩啦... ...1) 剌身八爪魚、吞拿魚背、三文魚、北寄貝、赤貝、魷魚、甜蝦、玉子、立魚、鱆紅魚*只係試過玉子.. 算ok..2) 壽司松葉蟹柳、炸蝦手卷、鰻魚芝士反卷、鰻魚*必食松葉蟹柳.. 炸蝦手卷都唔錯3) 沙律無order4) 燒物秋刀魚、薯蓉北海燒、雞串、鹽焗三文魚頭、墨魚餅、粒粒粟米、