影片
更多
2009-07-02
禮拜一晚上同朋友食咗個好夜晚飯，因為要就一個朋友OT（可憐香港打工仔...），於是揀咗食8:30後walk-in，價錢係$148 + 10% per head。大概9:10左右坐低，當然係咁叫嘢食。我之所以覺得呢間放題堪稱"超滿意"，係因為差唔多樣樣都好得，亂叫都冇所謂：魚生夠新鮮，尤其係赤貝同板壓三文魚壽司，簡直係喜出望外，而且一啲都唔孤寒，三文魚、吞拿魚剌身大大件厚切，壽司係餸多過飯；燒物亦很出色，尤其係多春魚、牛舌同雞軟骨，好多鋪頭會因為趕時間，搞到有燒燶情況，但係呢度冇喎，我地叫咗起碼十幾串串燒，冇一串係有燶，好得 ... 朋友叫天婦羅，雖然我冇食，但係見到啲顏色好金黃，係炸得好靚樣，朋友亦大讚；就連關東煮蘿蔔都好味；另外，呢啲放題鋪頭一般都好迫，雖然呢度張枱都係好細，但係收碟收得快，同埋枱同枱之間空位都算多，所以感覺上冇咁嘈，亦唔會覺得似搭枱咁。朋友大讚，話我好介紹，會將呢度列為必去放題。想幫間鋪頭澄清，以晚啲客為咗價錢問題唔開心：呢度放題$188 + 10% per head，冇時段限制，8:30後walk-in（如果有位）會有特價$148 + 10%
我之所以覺得呢間放題堪稱"超滿意"，係因為差唔多樣樣都好得，亂叫都冇所謂：魚生夠新鮮，尤其係赤貝同板壓三文魚壽司，簡直係喜出望外，而且一啲都唔孤寒，三文魚、吞拿魚剌身大大件厚切，壽司係餸多過飯；燒物亦很出色，尤其係多春魚、牛舌同雞軟骨，好多鋪頭會因為趕時間，搞到有燒燶情況，但係呢度冇喎，我地叫咗起碼十幾串串燒，冇一串係有燶，好得 ... 朋友叫天婦羅，雖然我冇食，但係見到啲顏色好金黃，係炸得好靚樣，朋友亦大讚；就連關東煮蘿蔔都好味；另外，呢啲放題鋪頭一般都好迫，雖然呢度張枱都係好細，但係收碟收得快，同埋枱同枱之間空位都算多，所以感覺上冇咁嘈，亦唔會覺得似搭枱咁。朋友大讚，話我好介紹，會將呢度列為必去放題。
想幫間鋪頭澄清，以晚啲客為咗價錢問題唔開心：呢度放題$188 + 10% per head，冇時段限制，8:30後walk-in（如果有位）會有特價$148 + 10% per head，但係特價時段係冇得book，如果要book，就算8:30後都要$188 + 10% per head；希望呢啲價錢資料可以登喺自助餐情報度，以免啲客誤會，俾個喊樣就唔抵。
今個禮拜日會再去同人慶祝生日
张贴