金田家

营业中

休息中

男爵薯餅就是紫薯餅拼牛肉薯餅。紫薯餅內裏十分軟潤綿綿，甜度剛好，亦含栗子粒。牛肉薯餅內有點免治牛肉，較為普遍。這裡的湯底經18小時的熬煮，濃厚得來又不太鹹，惹味得禁不住要邊吃麵邊喝湯！圍滿整個碗的豚肉片切得很薄，刀功細膩，十分軟腍又富脂香。麵質選了普通的，個人認為偏腍，喜歡更有口感的話可選硬或超硬。黑松露拉麵是期間限定的，而且每天只賣20碗！濃厚的湯頭，加上足料的松露，令整碗拉麵都充斥着松露香氣，餘韻縈繞口腔久久不散！麵質方面，我選了硬身，個人認為下次可選超硬，令麵身更有口感！

去到銅鑼灣，突然想食拉麵，即刻search openrice, 搵到金田家，其實登龍街真係開左好多間拉麵舖，下次可以再黎呢條街搵食！入到去，有好幾款拉麵選擇，我就揀左雞白湯豚骨拉麵加溏心蛋，拉麵不像平時食嗰啲，但十分彈牙，湯底好濃，不過80幾蚊一碗拉麵其實幾貴，份量亦不多，溏心蛋都非常入味，原隻上，無切開的，整體感覺都不錯，滿意！

我朋友之前同我講過呢家拉麵幾好食但係一直都冇黎。尋日下晝岩岩得閒喺銅鑼灣，而金田家好近地鐵站（時代廣場附近）就入去試咗。我去果陣唔係好多人，好快就可以食到。店員都幾熱情~其實我都唔知要邊一款好就要做經典拉麵（點都係經典應該唔會差掛）。都可以揀拉麵既硬度。我就揀左普通。鐘意麵筋道D既人就可以撿硬D既拉麵。拉麵既味超香！！！好想幾口就食曬佢，但係有D熱都唔敢食甘快。拉麵入面有蔥（都可以走），紫菜，肉片同我都唔知係咩既黑色嘢（都好好食）。拉麵既肉真係超好味。肉片帶住一D肥肉。平時我係堅決唔食肥肉既人，但係尼個就好唔同。因為一D都唔膩。所謂肥而不膩瘦而不柴大概就係甘樣掛！同埋D湯我建議大家千企唔好浪費。拉麵既湯簡直就係精髓！湯好濃好香，鹹淡岩岩好。同拉麵一起食真係絕配！尼次黎冇食果D小食，下次都想試下其他~同朋友行下街之後喺尼度食真係方便又划算。

朋友推薦好好食，同係日本食既拉麵一樣味，就拉隊去食。等候食物時間唔長，一陣就有得食。第一時間試個湯先，濃郁既豬骨湯味道，又唔會太鹼，已經覺好正。再試埋片叉燒，半肥瘦，好食。再食埋店舖推薦既溏心蛋，咬左一口溏心自動流出，雖然要加12蚊，但值得！

見銅鑼灣呢間金田家有咁多好評，於是來試下。今晚來都有6，7個人等位，對面間麵店條龍就更加長，如果唔係都想試下我地被安排坐Bar枱位，間店比我既感覺有點港式，可能因為好少見拉麵店請咁多「師奶」年紀既女仕做廚房叫左個雞白湯豚骨拉麵，飲啖湯，雞湯非常濃郁！有啲似我鐘意食某間鮑魚雞湯Hotpot個湯底！「將」住個口，好好飲！拉麵方面我慣性選「硬」的。我滿意麵條那個硬度，湯亦非常好喝，但兩者混合卻融洽不了起來。叉燒係另上（唔知點解），肉比較瘦，口感好特別，輕輕一咬已分開，唯獨是肉凍左少少同乾左少少見好多人叫這個男爵薯餅，睇返其他食家啲圖，原來一時係切開上，一時會係全塊上的。兩舊分別係紫薯同牛肉餡，紫薯幾好味；老實講，另外果舊唔講都唔知係牛肉，淨係食得出咸味。

某天我好想吃拉麵，正確是我想吃溏心蛋才對XD經過登龍街，就想起朋友曾推介「金田家」的不錯。在星期日晚上8時左右去，人流不算多，就只要等2-4人後，就可以入座。我們剛巧坐到看見廚房狀況的位置，可以看到廚部如何把客人的拉麵一碗碗製成。而且未煮的拉麵就在我面前，我看得好興奮XD光是拉麵的種款式已經有六款！我跟隊長看著拉麵的點單紙，這兩個有選擇困難症的小孩四眼發呆地看著點單紙，要是有過百個選擇，我們要一直考慮到清晨！幸好店員誠懇地過來跟我們一一介紹每款拉麵，還熱烈推介了男爵薯餅，我們才能選好拉麵款式。金田家提供的拉麵硬度有「超硬、硬、普通、軟」，我點「硬」，夠al dente 有韌度的才好食嘛~(要知道隊長點了「普通」，哈哈哈哈哈！)男爵薯餅率先上枱，表面金脆看似平平無奇的薯餅，外脆内軟，而且骨子裡才是重點！內餡紫色的蕃薯讓我好驚喜，吃著有甘甜的甘栗顆粒，這配搭超好，我本人就可以連吃兩個紫蕃薯薯餅。另一個薯餅是薯仔牛肉，可能我先吃超班的紫薯薯餅，覺得薯仔牛肉這款沒有很大特色。男爵薯餅是一甜、一咸，建議大家先吃咸味的薯仔牛肉，其實這組合也挺不錯，只是紫薯配的日本甘栗的香甜太突出，我要高度表揚！隊

行完一整天去食晚飯，老實是因為一蘭太多人等先去。叫左個雞湯白豚拉面，店員係完全無講過唯獨係呢款拉面是用較粗曲的面條。我去食拉面係為左食幼身爽口果隻面。其他拉面鋪有得揀面款同湯濃度，呢間無。服務員係有責任解釋番點解用呢隻面，但我一問之下，答覆只係﹕係呀，呢個湯跟呢隻面。=_=

拉麵係我最近好鐘意食的一樣野，鐘意鋪頭會因應唔同客人要求、喜好去製作一碗麵出黎。雖然日式拉麵店往往好細、坐得唔舒服又好快要走，但正因為同其他食客距離近，可以充分感受到其他人的情緒，更加有助融入環境。一坐低，唉呀好失望，冇得任加芽菜，好彩冇得加芝麻！但有其餘兩種配菜。其中一種真係辣到痴左線﹝不是粉紅色果種﹞，店面應該喺樽面表示，方便唔食得辣嘅朋友仔。經典拉麵中有只紫菜、叉燒、麵同木耳絲，我覺得唔夠食所以加左芽菜同溏心蛋，真估唔到隻溏心蛋原來咁正！加$7就有左芽，價錢算係公道，因為都裝滿一大個碗，而且好夠新鮮，放落湯底一陣之後變半生熟，口感剛好。其他拉麵店極其量只有半隻溏心蛋，金田家就$12一隻。稍稍深色、介乎灰同咖啡色的外表，表示佢好入味。食一啖果然冇叫錯，蛋白好甜而且非常軟滑，一啖麵一啖蛋，不得鳥！流心蛋黃同樣係香香甜甜，但該種甜十分天然，唔會蓋過個蛋味。唔知日式拉麵麵質係味都偏硬架呢？我明明叫左「軟麵」但都只不過係香港普通麵的軟度。同行的姊妹們叫左「普通」，但佢地話好硬wo!所以好彩叫左軟麵姐。

同吃貨朋友係銅鑼灣行完街，兩個人決定去金田家食個拉麵。六點幾去到已經有幾枱客人，我地就坐左吧枱，睇住師父準備食物。綠茶 $15一向很注重拉麵湯底既我都被金田家既湯底吸引住，因為湯底係用上豬骨淆成濃湯。我自已就叫左一碗赤子拉麵，另外同朋友share左二款小食，一款係日式煎餃，另一款係男爵薯餅。赤子拉麵 $93賣相唔錯，配料都幾多下。最驚喜係佢配料入面有一粒粒既柚子，甜甜的，口感不錯。赤子拉麵既辣味蓋過左香濃的豬骨湯味少少，個人推介食至尊拉麵個湯底比較好。另一款係男爵薯餅 $33一塊係栗子紫薯餅，炸到外面好脆入面好軟，口感一流。另一塊係牛肉薯餅，相比起栗子紫薯餅我就覺得不過不失，無乜特別。大將餃子 $30味道是普通在超級市場買到的餃子，不會太油，算是不過不失。

因為有朋友係拉麵迷，一搵到目標就搵埋我去食XD去左依間金田家既拉麵店，見到係一間極之多人讚好既豬骨拉麵，咁就陪佢嚐嚐味吧XD門面係以日文名做招徠，所以要先睇一睇間野既相先唔會去錯～環境尚算唔錯，幾有日式拉麵店既氣氛，每有客人入黎店員就會以日文作歡迎枱上有醬油、醬料等，方便調味拉麵款式唔多，而且全部都係豬骨湯底，而且拉麵既硬度有得選擇，適合番唔同口味既人士需要，我覺得依點做得幾細心～我地先嗌左綠茶XD因為唔會太甜太膩～至尊拉麵，濃而不稠既豬骨湯底，香味濃郁，有少少「張」口的感覺，拉麵硬度適中，食落有彈性，至於豚肉好淋同薄身，夾起好容易碎開，不過豚肉肥瘦均勻，搭上豬骨湯底味道更加出唐揚雞塊，又平又抵食既小食，雖炸得有啲油膩，但雞肉極之嫩口，外脆內軟，非常香口好食而且份量二人食都覺得好飽足，雞塊既肉質口感係滿分～必食之選！男爵薯餅，炸得比較窿，兩件餡料唔同，一件係牛肉一件係紫薯，紫薯味食落甜香，而且好少機會食到紫薯既薯餅，感覺好新鮮，而且味道都唔錯，而牛肉味則薯味較重，中間會食到少少既牛肉粒，因為點左雞塊所以再食都覺得好飽呀～

近來出外吃飯發現頗常以日本拉麵作為主食。自己愛吃固是其中一個重要因素，但身邊的小友及太太的從旁"推波助瀾"也是十分具有決定性的....本欲到"三田"那邊吃一碗沾麵的，但一睇到門外那條打晒蛇餅的人龍就已大呼怕怕....轉個頭來，看見在網上蠻有人氣的這兒竟然有位，看來此刻還是要退而求其次選擇到這裡來落腳。三田的沾麵，還是留待下次機會再去試吧....太太自己之後雖有飯局但仍捨命陪君子過來吃兩囗麵，真是難得。她和小友共享的豆芽叉燒拉麵，湯底比我點的至尊清淡多些；豆芽只算屬普通貨色身形未太飽滿胖嘟嘟；叉燒片得薄薄的亦不得我心，肥潤度比起至尊內的那塊是略為高一點但整體上仍是欠缺了那種豐腴肥美的彈牙囗感....至尊拉麵的湯一如前述是濃厚得多，甜度豐足非常杰身膠囗；叉燒同是薄切而且略瘦偏嚡；麵條則屬幼身的好處是吸嗦湯能力有相當。不過我個人相對地就更喜歡較爽且彈牙，經鹼處理過的黃色粗身麵...本想馬上給這兩碗東西一個交叉了....怎知在嚐了一口溏心蛋之後，民意便來了一個大逆轉....咬開這只蛋，光看這個剖面已知對版了。蛋白的燻色很足味亦然，嗒落還存在著丁點的甜很易令人討好；蛋黃差不多是100%的真正流心

金田家，早於試業期間就去試了。當時是有日本人座震！仲要係本宗的日本店主！覺得湯底夠晒日本風，夠晒原汁原味。當時，男友就喜歡湯底夠晒濃味，但對我黎講，略嫌過濃了一點。日本湯底風味，就一定夠晒的了。事隔了一段時間，跟幾位女性朋友再食金田家，不知道又有無什麼轉變？？無咗日本個部拉麵機，改以飛紙仔形式落單。賣的款式跟以前差不多，是多了一兩款的麵款。點了個炸雞，這項有驚喜！炸得很透，但油算不多。雞塊光鮮有光澤。沙律醬點黎食，可以中和少少油。雞塊炸得夠嫩滑，算是不錯，味道也適中。男爵薯餅，一塊有兩件。是兩款的口味。有紫薯口味以及牛肉餅味。對個紫薯，我係讚的！最好呢就可以有一款只賣紫薯的！因為真係好好食！餃子，無乜驚喜，不過不失。至尊拉麵用上豬骨製的湯底。還有五大片的日式叉燒！再加埋溫泉蛋，好滿足！湯底跟開業時比，清了一點。對我來說是剛剛好！日本風味雖有點減淡了，但更迎合香港人的口味。而麵質可以選普通、硬或是軟，我則選擇了軟身的。叉燒水準保持！溫泉蛋，可能被我浸在湯中久了，有點兒過熟，但味道是不錯的。總括來說，雖然風味有點轉了，但愛淡一點口味的我，仍然會繼續支持。加上這裡多了不同的小食，選擇更多了！

金田家這個名早早就聽過了~卻又從未來試過~(有點out)說實在, 搬了入大西北的我也好少走出來吃吃喝喝了這趟我可是老遠跑來吃的啊~就是因為好姊妹的一句~嘩~金田家好好味的啊~姊妹跟我說~老板是地道的日本人金田家全也是用上豬骨淆出來的~一整個濃與鮮麵是爽爽彈牙的~感覺是與來到日本吃的沒兩樣…我可是抱著久久去不了日本的心情來吃啊~到步的時間~也估不到裝橫是這麼日本風的啊~坐下來不算寬敞~但感覺還是ok的我來了一個赤子拉麵加紫菜一客唐揚雞塊一客男爵薯餅連麵的硬度也可選擇呀!好快就有得別了~有點快餐式的感覺赤子拉麵加紫菜是帶點香。辛。辣的味道伴上香香甜甜的柚子~味蕾感覺好新鮮~不過就是因為辣的感覺於我來說有點過火開口一兩口的時候還在感覺濃濃的豬骨湯味~但多吃兩日就被辣的感覺蓋掉了啊~麵我選的是普通的硬度~感覺也有夠彈牙爽口的份量也剛剛適合女兒家的呀!不過叉燒太薄身, 雖然是很軟很溶口的但我嫌口感有點不夠呀!紫菜是一整個脆身的~用來伴伴味道是真的不錯呀!男爵薯餅一塊是紫薯一塊是牛肉薯兩塊的外表倒是有夠乾身脆脆的牛肉的那塊吃下去感覺粉粉的~吃不到牛味, 是薯香較濃的一類而紫薯的那塊, 一咬下去就好

在金田家開業時食過，對那濃濃厚厚的湯底一直非常難忘。但那時候的選擇頗少，只專注做拉麵，沒有其他side dish。之後也再食了一兩次。近日又再心血來潮，索性約朋友再續前緣。很久沒來，選擇多了，拉麵也有新口味。近來懷孕中的我，胃口不佳，所以點了赤子拉麵加溏心蛋。亦跟朋友一起點了小食一起吃，包括男爵薯餅、唐揚雞塊及大將餃子。唐揚雞塊炸得金黃香脆，不算太油膩。味覺較敏感的我覺得鹹了一點，但朋友說不太鹹。應該是我的味覺敏感了。男爵薯餅是最吸引我的，$3x有兩塊薯餅，每塊都可分成4份，很抵。分別是栗子紫薯及牛肉薯仔，炸得剛好，鬆軟感仍在。第一次吃栗子紫薯，味道略帶甜，很好吃。相對牛肉薯仔就被比下去了。餃子煎得幾好，不過就是普通餃子，哈哈。赤子拉麵上枱了，先嗜一口湯，但湯頭已跟以前不同了。這湯底以豬骨湯為主，加入辣肉醬及少量柚子，配搭起來都幾好飲。而且不會過鹹，食完整碗拉麵後亦沒有口渴感。跟拉麵的有數片腩肉, 切得很薄，厚一點會更好，因為一夾即斷。不過味道不錯，都OK。整體晚餐都OK的，如果我第一次食會覺得一切很好，但有了比較後，我還是比較掛住往日那個濃濃厚厚的豬骨湯底。

I was here with my B at night.The Ramen shop opposite to this shop was full so we dicided to have a try here.The shop was actually quite small with only 10 to 20 seats.  The tables were quite small and they were put quite closely to each other so it was quite packed for boys with larger body size.豬骨拉麵 was much better than I expected.  The pork slices were great as they were soft and fresh.  The textual of ramen was okay and the soup was thick enough without being too oily.Overall speaking, it wa