金潮榕火鍋刺身專門店 (已結業)

又到一年一度我決定食咩既日子啦，哈哈。既然擁有最大既話事權，緊係要就返自己地點啦！於是就試試樓下呢間火鍋店，因為見佢開左都幾個月，好評如潮，心諗一定唔差！外內人黎食可能要搵搵地點先知係邊，但交通都算方便，地鐵站都係行五至十分鐘到。第一次黎無咩好介紹，唯有叫哥仔介紹下啦，蕃茄花甲湯、生蠔…仲有好多野，總之就勁豐富啦湯底色水靚之餘仲好鮮甜，而且食材新鮮，我地一行五人都掛住食而無咩點影相ｏｒｚ哥仔果然無介紹錯，服務態度同環境又唔錯，下次有時間會再食，到時再補相！

老公一班好友相約食飯，地點一早已選定在深水埗「金潮榕火鍋刺身專門店」，因此店之食材及用料非常新鮮，還有這裡的員工非常細心及服務態度非常親切。講番當晚我哋叫咗d嘜食先啦！一坐落班男人定要飲啤酒，所以佢哋就介紹了酒糟鴨舌，嘩..…正呀…..酒味夠濃，彈牙又有咬口。跟住嚟每人一隻美國生蠔，好味得不得了呀！鮮甜味美又多汁多肉，簡直超酒店貨式，吃到中段朋友知我耳油未盡還幫我再order，一上檯我已急不及待將蠔肉放入口內再慢慢品嚐。繼續上檯是兩個火鍋湯底，本人及一些朋友是嗜辣之徒，「麻辣湯底」是不可缺的，另一個是給哪些怕辣朋友們的就是「冬瓜盅湯底」，待應先將冬瓜盅裡的湯分給我們，跟住就將瓜盅切開作火鍋湯底。至於火鍋料就要提提以下幾樣比較特別及超有水準的：牛頸脊超嫩滑、有牛味、有咬口三寶丸粒粒手打的蝦丸爽、墨丸彈、鯪魚丸鮮豬什併盤非常新鮮及用心清理乾淨，包括有豬大腸，豬粉腸，豬天梯，豬肺，豬膶連豬生腸都有炸響鈴即做好脆口、配自家製的泰式醬汁非常惹味三式釀豆卜放入麻辣湯底，吸收湯汁味道絕配雲耳爽口有益萵荀清甜爽脆除了生蠔及火鍋外，這裡的刺身亦是鎮店之一，材料不鮮不選，這晚刺身併盤材料包括：珍寶帶子、北

網上看見這間火鍋食評好似唔錯所以一試！這裡有法国生蠔$48隻買4送1叫了8隻 好有海水味叫了楜椒豬肚湯，先飲湯味道正宗咸菜好味正本地手切牛 好味手打芝心虾丸 好味彈牙炸魚皮 麻麻炸響鈴即做 好脆豬什 新鮮ok海中虾 $98size一般得7隻豬肉條 好味脘魚片 麻麻雲耳 ok魚蛋 一般墨魚滑 好味刀削面跟埋肉燥 有驚喜好味

This is my first experience in appreciating this hotpot resturant.We have wonderful meal gahthering here with 6 best fans as customer service is friendly & enviroment nice & new, chairs is comfortable.We have order many sashimi e.g. life shrimp served with thai chilli sauceAlso try Chinese Wine braised duck tongue ( I am a glutton & very adventurous in experimenting with food, I have been with love with the this dish ever since)I think the sucess of this hotpot resturant is due to many contribut

天時暑熱，諗住係太子落深水埗食小炒，人多就梗，等吓無咩所為，但真係太熱，見對面燈光火著有間新開舖，走去睇睇，好似冷氣勁開，雖然地方唔太大，平日七點幾，得番一張吉桌，應該唔太差，最重要係有勁冷氣，即入。一入感覺良好，格局骨子，聞到隔離濃濃胡椒味，當然跟風嚟個胡椒豬肚湯底。個侍應提意三條友叫兩碟小食，邊等湯滾邊食同時佐酒，炸招牌餃勁有風味，兒時口味即時返到嘴邊，年過三十者，必定知到呢種口味，唔食就走寶。燒雞泡魚乾穩陣嘢，唔洗多講佐酒一流。個湯到咗，香就香喇，味都夠濃，跟手了吓個湯，唔係吹水真係足料，忍唔住飲咗兩碗。唔怪得前後幾枱都叫，order 咗個豬肉條、安格斯牛、嚮玲，坦白講安格斯牛、嚮玲呢啲嘢合晒格，特別一提秘製豬肉條係待應推界，真係得第二道未必有。可能太熱無咩胃口，見之前待應靠得住，問吓有咩好嘢填肚，叫我試吓刀削麵，碟麵跟碗肉碎撈嚟食，一啖食落去，正呀，唔洗講，連相都影唔切，條待應見我食到無停，走嚟同我講，原來係度小月肉燥，去台灣食過就知好嘢，佢仲要優化咗無莞茜，呢間嘢拍得住佐敦嗰幾間質素，又無咁多人同串，可能地區問題價錢都平啲，不過走先見到 9:30後有八折

與朋友去開深水涉，見到有間新的打邊爐舖頭，個名幾特別，叫金潮榕，眼見內裏幾光猛整齊，便入內一試。原來除了打邊爐外，這裏還有小食和刺身，水準幾好。皮蛋酸薑，糖心皮蛋，正！ 酒糟鴨舌，酒味夠濃，彈牙有口感。炸蝦餅，真係幾好味，蝦肉鮮，夠香口。生蠔，伙計話係法國貨空運到港，又真係幾靚，幾新鮮。游水章紅刺身，鮮甜，價錢吾貴，不過如果可以再切薄一點會更好。桂花蚌，幾彈牙，有甜味，吾係普通急凍貨色。鮮蝦雲呑，傳統雲吞味道，食得出用料吾錯。三文魚刺身，鮮甜肥美。原本諗住食打邊爐，結果食左好多小食及刺身，D野食幾好食，招呼亦好，下次要黎認真試下其他打邊爐野食。

個晚放工同班朋友8個人行完個黃金之後餓餓地,又唔知食乜好,最後決定打個邊爐去左附近見到間新開既火煱店,決定試下個環境好整齊,幾光猛,d位都寬敞d服務員都幾親切,招呼周到,唔錯唔錯=]由於行到'支力''支力'地,我地叫左d刺身食先條樟紅魚同象拔蚌即叫即劏,勁鮮甜勁爽口我地揀左兩個湯底,一個係冬瓜盅湯底(第一次試),另一個係蕃茄海鮮湯底(鮮甜!!)冬瓜盅個湯底好特別,首先飲左個盅d湯,用料十足,好正!!呢個係另一個係蕃茄海鮮加花甲湯底,又鮮甜,又開胃手切本地牛同埋個自製鮮蝦雲吞一定要試下!!如果好雞子既一定要試下個新鮮雞子,好鮮甜,唔似出面個d得個大字唔錯!有機會再去下d生蠔

本身好少寫食評，剛剛試了間新開ge火煱店，覺得幾好食，所以試下寫。都幾難揾，原來係石硤尾街corner位小菜皇對面。當晚有兩條游水章紅魚，兩百幾蚊一條可作活魚刺身，幾抵，不過我地人少所以無試到，下次試。打邊爐梗係要試下牛肉la, 這裏的牛肉我幾鍾意，有咬口，有牛肉味，啱晒我！牛栢葉吾錯，新鮮有甜味，吾似白色漂到無味淨係食到豉油味果D。在坐有位朋友鍾意食豬什，話呢果豬什拼盤好正，件件新鮮，有豬大腸，豬粉腸，豬脆管，豬肺，豬膶連豬腸花都有，好味。 真係即炸，攞出黎時仲好熱，配埋則邊果隻酸辣醤，幾夾幾好食。 手打芝士蝦丸真係好食，芝士味同蝦味好夾，蝦丸本身好新鮮，吾似加左粉果D，真係食到一啖啖蝦肉，LIKE! 帶子刺身可以，但吾算突出。海蝦雲呑都吾錯，應該係自己包，入面隻蝦都大大隻，有蝦味，吾似出面交黎果D貨式。呢間火煱店幾好食，而且新開，火煱料新鮮，地方亁淨，招呼幾好，會再黎。

朋友介紹，到了深水涉"金潮榕"吃火煱和剌身。地點不易找，在福榮街石硤尾街"小菜皇"對面，店子不大，訂左位先好D。這個火煱湯底好特別，其實是將整個冬瓜蛊放進火煱內，先喝冬瓜蛊內的湯，再將整個冬瓜打散，變成冬瓜上湯煱底。冬瓜蛊清甜，用冬瓜做湯底亦無咁熱氣，幾好！刺身雪櫃有法國生蠔和象拔蚌，望落都好新鮮。試左法國生蠔，吾錯，幾新鮮。手切安格斯雪花牛肉，肉身夠腍，但牛肉味略淡。即叫即造，師夫即場"撻"蝦膠及墨魚膠，鮮味十足。非常新鮮，有豬肺，豬膶，豬大腸，豬肚等，正！魚生只有三文魚一種（好味），北寄貝幾甜，如果帶子可以整隻上會更有"睇頭"。叫左條立魚刺身，睇住師夫係魚缸攞條魚上黎，條魚好生猛，上碟後條尾仲郁緊，加埋店員介紹的酸汁，刺身好鮮甜，好好味。記住食完刺身後椒鹽煮返條魚骨，好香口好惹味，送啤酒一流。仲有試左白鱔片，幾好。花枝片，普通。豬脆管，幾爽脆。炸魚皮，一般。總括來說，是一間有誠意的小店，店內企理亁淨，店員服務態度友善，食物新鮮精美，質數高，食物一分錢一分貨，希望小店可繼續保持高品質，高水準的服務，喜歡火煱的話，可來一試！