影片
更多
2012-07-17
74 浏览
天時暑熱，諗住係太子落深水埗食小炒，人多就梗，等吓無咩所為，但真係太熱，見對面燈光火著有間新開舖，走去睇睇，好似冷氣勁開，雖然地方唔太大，平日七點幾，得番一張吉桌，應該唔太差，最重要係有勁冷氣，即入。一入感覺良好，格局骨子，聞到隔離濃濃胡椒味，當然跟風嚟個胡椒豬肚湯底。個侍應提意三條友叫兩碟小食，邊等湯滾邊食同時佐酒，炸招牌餃勁有風味，兒時口味即時返到嘴邊，年過三十者，必定知到呢種口味，唔食就走寶。燒雞泡魚乾穩陣嘢，唔洗多講佐酒一流。個湯到咗，香就香喇，味都夠濃，跟手了吓個湯，唔係吹水真係足料，忍唔住飲咗兩碗。唔怪得前後幾枱都叫，order 咗個豬肉條、安格斯牛、嚮玲，坦白講安格斯牛、嚮玲呢啲嘢合晒格，特別一提秘製豬肉條係待應推界，真係得第二道未必有。可能太熱無咩胃口，見之前待應靠得住，問吓有咩好嘢填肚，叫我試吓刀削麵，碟麵跟碗肉碎撈嚟食，一啖食落去，正呀，唔洗講，連相都影唔切，條待應見我食到無停，走嚟同我講，原來係度小月肉燥，去台灣食過就知好嘢，佢仲要優化咗無莞茜，呢間嘢拍得住佐敦嗰幾間質素，又無咁多人同串，可能地區問題價錢都平啲，不過走先見到 9:30後有八折
一入感覺良好，格局骨子，聞到隔離濃濃胡椒味，當然跟風嚟個胡椒豬肚湯底。個侍應提意三條友叫兩碟小食，邊等湯滾邊食同時佐酒，炸招牌餃勁有風味，兒時口味即時返到嘴邊，年過三十者，必定知到呢種口味，唔食就走寶。燒雞泡魚乾穩陣嘢，唔洗多講佐酒一流。
個湯到咗，香就香喇，味都夠濃，跟手了吓個湯，唔係吹水真係足料，忍唔住飲咗兩碗。
唔怪得前後幾枱都叫，order 咗個豬肉條、安格斯牛、嚮玲，坦白講安格斯牛、嚮玲呢啲嘢合晒格，特別一提秘製豬肉條係待應推界，真係得第二道未必有。
可能太熱無咩胃口，見之前待應靠得住，問吓有咩好嘢填肚，叫我試吓刀削麵，碟麵跟碗肉碎撈嚟食，一啖食落去，正呀，唔洗講，連相都影唔切，條待應見我食到無停，走嚟同我講，原來係度小月肉燥，去台灣食過就知好嘢，佢仲要優化咗無莞茜，呢間嘢拍得住佐敦嗰幾間質素，又無咁多人同串，可能地區問題價錢都平啲，不過走先見到 9:30後有八折
张贴
