金潮榕火鍋刺身專門店 (已結業)

星期五天氣凍，又諗起打邊爐！諗起上星期同事食過深水埗有間好正既火鍋店，再上綱睇下，真係幾好，D相吸引，食評又得，就打去訂枱！去到環境唔錯，見到有好多日本清酒，請侍應介紹了一支好似叫(八海山吟釀)真係唔錯！好肚餓坐底叫D刺身和小食先~花竹蝦刺身(爽甜……正)，酸薑皮蛋 (皮蛋有糖心)、酒香鴨舌！食完頭段叫湯底先~杏汁白菜豬肺湯 (D湯好香、好甜)每人飲碗先，好味，再來點主菜~本地手切牛肉(見到已經流口水~好靚，侍應仲教我如果唔怕太生可以試下灼3，4秒入口~好腍好有肉味~正)，手打三寶丸(蝦丸必食~彈牙)裡面好大粒蝦肉，炸響鈴，花蚧(超甜~正)，仲有九菜餃、豬肉條、脆脘魚片、脆炸午餐肉、蜂巢豆腐，西洋菜……食到停唔到、、好滿足！今次同事真係無介紹錯，食物質素和賣相都相當好！已後我地打邊爐必定首選

我好鍾意打邊爐架，上星期見到朋友仔去左呢間金潮榕，朋友仔又不斷傳食物相俾我睇咼，令我好有衝動去，所以決定去試下。由深水埗地鐵站行5至10分鐘就到，我地一行9個人，好彩訂左枱星期日七點幾，入到去睇到下層滿坐，意為要等，原來仲有上層架。跟住侍應帶我地上上層，行上去之前，我見到有個玻璃魚缸，有蝦魚象拔蚌，隔離又有個玻璃櫃排埋d生蠔，睇落幾新鮮咁，諗下食邊樣：D上層都有幾張大枱，我地被安排在一角，幾好架，因為我地成班人好嘈！個個都爭住畫野食，咩都叫黎試下。首先叫左象拔蚌剌生，生蠔，皮蛋酸薑，鴨舌象拔蚌剌生-有條有片，爽到爆又鮮甜生蠔-好有海水味喎，完全唔需要加檸檬皮蛋酸薑-一定要食，無異味鴨舌-好似有小小酒味，唔通自家制？湯底-胡椒豬肚湯，小小辣手打墨魚丸幾彈牙，叫埋芝士蝦丸，雲吞內有蝦，豬肉條豬腳根要烚耐d好林仲要點埋芝麻醬食架。羊肉片好羊味呀，炸竽頭可即食或烚黎食蟶子王加粉絲烚10秒食得，好甜好爽喎。牛皇拼盤正到不得了，一見到個樣，個個都爭黎影相，侍應仲專登介紹各層係咩種類的牛同埋烚既時間，白色的叫牛白肉烚8秒，入口即溶，還有安格斯牛肉粒越烚越林，大家一人一片好快食哂，無牛不歡，所以再叫手

This is a wonderful hotpot place!  Sham Shui Po continues to impress.  We called to book ahead of time, and it's probably a good idea since it's a small place.  I think there are some rooms in the back too though.  The staff is really friendly.  If you want to 冬瓜盅 soup, you need to order ahead of time.  We will next time.  We had the drunken chicken soup base instead.  The chicken was awesome, and you get specific instructions to cooking it yourself (bring water to a boil, throw in the chicken,

最近係Openrice見到有間火鍋叫"金潮榕"係深水埗, 食評都幾好, 今日咁蹺係附近做嘢, 於是約埋幾個朋友一齊邊一邊 ! 訂咗檯7:30, 去到即刻可以入座. 再望下周圍D裝修同環境都唔錯, 有個魚缸仲有刺身bar.開始點嘢食, 見到餐牌有我至愛嘅菜乾豬肺湯底, 即刻叫侍應來問一問: D豬肺係唔係新鮮架, 佢話係日日新鮮, 我o地幾個朋友異口同聲咁話就好.(因為平時都好想飲, 但係洗豬肺好麻煩) 當個鍋上檯時已經好香菜乾味, 跟住其他食物陸續上檯, 我o地點咗本地肥牛(好有牛肉味同好腍); 秘製豬肉條; 手打丸(新鮮手打, 好彈牙 ); 鮮蝦水餃(好大隻同爽口); 鮮蝦雲吞; 仲有好特別嘅即炸紫菜響鈴, 平時係出面食o個D無紫菜, 係呢到佢o地加咗之後香D好特別, 最後更係要試o下D豬肺啦, 真係好新鮮(越煲越腍 ), Yammy . 總括來講由冷盤(刺身拼盤+生蠔)到火鍋及配料都食得出呢間食店好有誠意同用心款待客人! 下次一定會再來!   

環境不錯, 已訂位,都不用等位, 魚生,海鮮都很新鮮, 服務態度好. 紫菜響鈴即做,  椒鹽脆骨腩好脆,  蕃茄海鮮蟹湯底湯底,夠濃足料, 象拔蚌刺身, 三文魚腩新鮮,食材新鮮，抵讚。

朋友生日...遇著天氣下降...不用多想就決定要打邊爐啦, 朋友間奉行了一個傳統..就是由上一次生日的朋友負責統籌下次生日的飯局, 包括約人及找地方, 訂位等等...難得大家都喜歡這個做法..,每人都有機會負責一次...(其實這個practice是小妹想出來的, 因為過往他們每人生日都是我負責統籌..我開始懶的時候就想到這個方案..她們又樂意接受, 嘻嘻)可能是平日再加上位置不算近地鐵站, 樓下只有一半的枱有人, 我們被安排坐到樓上去, 除了我們就只有1枱客人...叫了一個蕃茄海鮮蟹湯底, 及本地手切牛肉, 還有一些手打丸, 及不常在其他火鍋店吃到的"蛋角餃"!湯底是十分足料的, 除了一大隻蟹外, 還有蝦, 花甲等, 我們都在未開始放其他食物前, 趕快呷一口湯底, 味道很鮮亦有蕃茄味, 熱騰騰的喝幾口, 人立即暖晒!手切本地牛肉價錢是貴一些, 但物有所直的, 很有牛味, 不像那些雪藏的肥牛, 完全沒有牛肉的味道手打丸亦很新鮮, 材料十祝, "蛋角餃"其實是用薄薄的皮包著少許豬肉, 個子小小的, 是在國內上海地方比較流行的火鍋食品, 但在香港則不是很多地方吃得到, 皮是沒有雲吞皮那麼厚,

第一次去~環境唔錯,可能因為平日,去到時係無人,同埋我地有訂位,所以唔使等,入到去就有位!湯底有好多款選擇,今次揀咗個瑤柱冬瓜,店員話因為過咗時節嘅關係,所以唔係成個冬瓜盅上~不過湯都好香好好飲~配料唔算平(我覺得有點貴添~),加$10可以雙拼(啱哂2個人又唔怕一碟食唔哂,又可以叫多2款~),但都幾新鮮,叫咗個細手切牛,都唔錯,不過有點厚,所以太熟會韌,伙記好有禮貌,食完仲有生果送~以深水埗嚟講,呢度都算係環境好,食物好,服務態度又好~真係值得一讚不過下次應該會搵多幾個朋友去,可以叫多d嘢!

今次已經第三次惠顧, 一行10人去開餐 (今次隔離枱又見到明星) ~ 一坐底我地叫小食醫下肚先~炸鯪魚球(即叫即炸), 酸薑皮蛋, 三文魚刺身 , 記得上次見到有人叫左花雕蛋白蒸水晶蟹(我當時先知有一款蟹叫~水晶蟹, 白雪雪 好靚; 我係出面都未見過)已經好想食 , 不過上次人少, 所以無叫, 今次一定要試(原來真係好正, 最重要係有烏冬底, d烏冬吸晒蟹既精華..好好味), 再來多個象蛂蚌刺身(好爽脆), 跟住開爐~叫左兩個鍋 皇室冬陰公湯(嘩!景然有隻龍蝦係鍋入面), 同埋店員推介 潮州湯底, 配料~海中蝦, 手切牛肉(好得, 好腍), 黑柏葉, 墨魚滑 (新鮮人手打), 豬肉條 (跟左一碟日本麻醬, 點左之後d豬味真係提升左), 肥鵝腸, 炸響鈴(又係即叫即做), 鮮蝦雲吞(必食), 午餐肉, 刀削面...好滿足! 最後仲有西瓜食~哈哈送既(多謝經理Gor Gor) ! 總括來講這間火鍋店d食物及環境都好好, 以後打邊爐我地都係來此店! P.S.: 好彩有訂位, 7:30來到已經好爆!

前二天要為朋友諗地方慶祝生日, 正在煩惱之際, 在飲食雜誌看到這間"金潮榕"好似幾好, 最緊要大家都鍾意"打邊爐", 於是打去訂坐~一去到已經可以入坐, 而且員工服務態度仲好親切~當番茄海鮮蟹鍋上枱時, 朋友已經大叫, 因為個鍋都滿晒, 再睇下湯底有咩~原隻花蟹;大蜆;青口; 仲有蝦, 非常足料份量十足, 再飲碗湯~好鮮甜跟住其他食物開始上枱~法国生蠔;頂牛 有牛味又腍;手打芝心虾丸 好鮮又彈;豬肉條;炸響鈴 即做好脆; 仲有招牌蛟...大家食左2個幾鐘, 抱住個肚仲樹起手指公讚我, 我們會再回來的~P.S.: 這裡服務態度同環境都唔錯， 下個月父親節同屋企人來食  

入冬以來, 天氣日日凍, 到咗2013年元旦, 好想歎一餐暖笠笠的火煱晚餐, 以前都係走入酒樓食. 最近見有個老友力讚呢間"金潮榕"火煱專門店, 於是一月一日一家大细去咗幫襯"金潮榕"食番好的, 哈哈! 果然冇介紹錯 !一坐低, 殷勤嘅侍應先遞上一個長方木架, 內盛有六款新鮮的香料, 用來橯各人自己面前碟仔豉油的，小朋友覺得好好玩！我地先叫咗兩碟小食:『酸薑皮蛋』,『洒糟鴨舌』; 同一客刺身『三文魚腩』可清清味蕾，醒醒胃; 令胃口大開! !本來侍應向我地介绍『杏汁豬肺湯』底, 合時又潤肺, 可以先喝湯才打邊爐, 不過 因為小朋友’不懂吃豬肺, 我地結果叫咗『番茄薯仔湯』底,, 味道酸甜純正, 可一邊飲湯, 一邊火煱. 火煱料方面, 大人點了『本地手切肥牛』,『秘制豬肉條』,『豬粉腸』, 『韮菜餃』,『花膠筒』,『皇帝菜』; 為小朋友就點了『芝心手打蝦丸』,『芝心手打墨丸』, ,『海蝦雲呑』和『即炸響鈴.』,大快朶頣 ! 以我來講, 真的好耐未嚐過咁濃郁新鲜嘅牛肉,而質地又自然鬆軟; 豬肉條都滑溜易咬; 手打芝心丸更令兩個仔仔食到唔停口, 真係第一次食到咁有誠意和質素的火煱, 値得推

經朋友介紹之下，去到位於深水埗福榮街（近小菜王）的一間刺身火鍋店，叫做＂金潮榕＂。店舖環境比較整潔及舒適，沒有一些焗束的感覺。廁所較為整潔，只少完事後沒有反胃感覺。講左咁耐，可以入番正題。首先一坐低，店長就介紹小食給我！1）椒鹽脆骨腩非一般的煮法，因為從未食過用脆骨腩去做椒鹽。食後發覺兩件事夾埋一齊，原來咁好食！食材新鮮，超爽口彈牙！抵讚！最好梗係送番杯啤酒或者可樂！2）刺身生蠔店長再黎介紹即開生蠔，小弟還是第一次食即開生蠔！因小弟都是食開酒店自助餐既生蠔，才發覺味道及鮮味差那麼遠！！Yummy 超重海水味及好鮮甜！我老婆食開生蠔都話讚！店長還送了一客三文魚剌身給我倆口子！！ 超讚！3）秘製豬肉條應該用豬頸肉製，但佢地用左一些特別既醃料醃製而成。所以入口時比較入味及比較新鮮彈牙爽口。另外，再配合埋麻醬，簡直完美。食完覺得，打邊爐並非牛肉既專利。4）芝士蝦丸對於一些食芝士既人黎講，可以一試。因為芝士味夠重及新鮮，但對於手打製黎講，我相信可以再爽口及彈牙一些，但這也是不錯的選擇。5）最後梗係火鍋主角喇！店長首推本地手切牛肉。食後，牛肉味極重，比平時食開的還要好味！這是不俗的牛肉。如果份量多

無意中朋友在飲食雜誌看到這間"金潮榕"已經覺得非常吸引, 決定一行八人到此為朋友慶祝生日~絕對没有令我們失望~員工服務態度非常好~食物質素當然也非常好啊~可能大家聽到個價錢有少少動搖, 但我們八個人都絕對覺得物有所值~因為除左post出黎既圖, 其實我地都仲食左好多野, 又飲埋汽水啤酒添~其實我地之前都食過幾間咁上下價錢既火鍋店, 如果有食過既朋友仔, 都知道價錢都唔係平, 所以比較下去, 講埋服務質素, "金潮榕"絕對比得上果d大牌字既火鍋店我們會再回來的~p.s. 掛住食...唔記得影打邊爐最緊要既湯底...番茄海鮮蟹鍋...非常足料~原隻花蟹~份量十足呀!

呢排成日行過呢頭, 見到呢間咁光猛既火鍋店仔, 早就心郁郁想幫襯, 咁岩前兩日同同事黎開呢邊做野, 就順路試下啦~~成班女人仔, 個個都搶住嗌野食XD 吹吹下水, 話咁快就成台都放滿哂左火鍋料, 小食, 刺身~~ 佢地都搶住開餐, 而我都係咁岩影到一張相先放到上黎咋!由於太多野食啦, 都唔太記得有D咩, 不過印象幾深刻既係, 生蠔真係好新鮮, 好爽口, 雖然價錢比較貴~~ 而個D雪花牛肉夠哂腍, 肉味都好足, 正~!姊妹們都話下次再黎食過~ 食咁多野, 下次老細比個折頭黎啦-v-!

有台灣的朋友來了 說天氣有點涼想試試香港的火鍋 順道驅點寒氣但個人不喜這個 沒推介只好上來看看有沒有好的店去試試找到這家能線上訂座且近他們的旅店就惠顧看看了坐的士來到這間小店面積雖小但光鮮整淨進店後看到好幾個魚缸還有林林總總的新鮮海產陳列加了不少分數呢　　我們一行人有嬰兒車還特意安排我們到較闊躺的位置服務態度不錯而餐牌價錢亦算合理看來沒選錯店家　　安坐後 看到剛才的海產如此新鮮我們其中一位朋友已經忍不下手點了一個大的刺身拼盤雖然價錢頗高 但材料鮮甜味美算是不過不失啦　　特意來到這家店 也說明了驅點寒氣當然要點個辣味且醒胃的湯底我們選了泰式冬陰公湯底湯料十足 酸辣味道都很突出還可以當成湯來喝比其他泰式餐館便宜多了　　點了很多很多配料 就不詳錄了但想特別推介一下秘制豬肉條真的很讚肉質多汁夠嫰　　吃得差不多就點了些飲料小食坐坐 聊聊天其中一款炸芝士蝦丸粉好吃的芝士跟蝦的味道配合得很好即叫即炸 上菜一陣子仍能保持脆身　　飽了也聊了好一陣子台灣的朋友都表示這頓飯很滿足當初還擔心新店鋪會有甚麼閃失現在總算沒丟臉了 哈哈下次有空會再來惠顧

呢排無咩食過好野，於是上黎睇下有咩好介紹啦。見到呢間火鍋店竟然全好評之餘，仲有優惠券下載。秋風起凍凍地，打邊爐就岩哂啦！今日打令終於放返日假，就兩個人齊齊去撐下台腳～我地坐低望左陣就叫左個胡椒豬肚湯做底，但諗唔到食咩好，求其嗌左堆丸同埋主角本地牛肉！湯底夠濃足料，牛肉都牛味夠有咬口，丸都幾彈牙，基本上都合格啦。食到差唔多，就ｏｒｄｅｒ埋刀削麵埋尾。整體都唔錯，服務仲好好，係間鋪細左ｄ姐，希望你地越做越大啦