金潮小廚

营业中

休息中

自從金潮搬左新鋪之後都未去過,今晚約左班friend諗住再去試下!地方比以前闊落左好多,亦裝修得幾"骨子",坐得舒服過以前!menu上仲加左好多新菜式,我地點左例牌必食1.黃金蝦,:"咸蛋黄香味依然濃郁好味!"2.大蜆煲:"蜆湯比之前更鮮甜,d蜆仲好大隻添!",3.魚皮同4.豉椒炒聖子都ok!!5.椒塩田鷄:"外面香脆,田鷄肉鮮甜,嫩滑!亦係我至愛之一!"另外仲試左d新嘢6.一口牛"估唔到肉質咁鮮甜鬆軟!"7.鷄煲翅:"二百零蚊,有咁多翅,真係幾抵食喎!!"8.炒粉絲:"味道都ok!好香口!",9.生炒糯米飯:"係我地專登叫佢留!非常ok!入口不會太油膩!(不過,如果商場有消費泊車優惠,就更好啦!)

知道搬左新鋪,地方大左,未搬前金潮所有小炒同煲仔菜都好正,特別係黃金蝦.今日lunch同同事去佢度食開年飯, 嘩...無野呀話,所有野都貨不對版:-1.黃金蝦係用粉醬,而唔係用咸蛋黃,唔好叫黃金蝦喇,叫炸蝦算把喇.2.咕嚕肉,同大x樂既差不多.3.椒鹽九肚魚,本身九肚魚好正好新鮮,但用炸生蠔既粉醬炸,好似個煎堆甘圓,又無椒鹽味4.另外叫左幾個小菜一口牛肉;魚肚海味雜菜煲...等都係普普通通再去幫襯既機會好微.

零九年一月上旬搬了新舖，位置大了，卻依舊旺場，等的時間亦比從前更耐。零八年尾，訂了位，卻要等上一小時才拿到十二人大檯，未坐下已諗定吃乜，叫下了以煲仔為主的穩陣組合，再搭招牌黃金蝦。先來西芹炒帶子，沒下欠汁，西芹炒得乾爽，下了冬菇味道更豐富，帶子分量不少，街坊小廚也預了經化學過，但火候處理好，是個不錯炒菜。黃金蝦是是晚最貴一味，薄薄鹹蛋黃醬扣在蝦上，蝦殼薄的海蝦，雖然唔算新鮮肉有點腍，但夠咸蛋黃漿推得好，鹹香又有點椒鹽味，是區內做得最好的蛋黃蝦了。咕嚕肉，醬雖然厚了一點，但肉質亦有彈性是新鮮料，汁甜酸得宜，少少白醋化學味，可以接受。牛仔骨，呢世仔最討厭的一味，小時候日日都吃呢味雪藏貨，怕怕，這裡的肉稍作化學，吃起來也鬆一點，美極汁調得很好，加上洋蔥來吃，是幾有街坊特色的小菜，難得是伴碟米粉是即炸，同行的吃得滿意。煲仔系列打著來，肉排煲，肉調得入味，醬汁香濃再加上乾蔥、洋蔥作用，很快已清調。者者雞煲也美味，雞肉斬件調味，炒起來入味，再加上肉排煲的「二蔥」，是吃完要再追加的一味。雜菜肉眼根煲，肉眼根爽嫩，白菜清爽夠味，也不錯。埋單每人七十餘元，靚姐效率超高，味道好加上太子女很會打交道，是生意

星期六PM6:00 walk-in,己經全部爆滿,大排長龍!外賣返家吃,整体差了,希望是厨房未習慣吧！今天來吃下午茶,星州炒米,32元包飲品,有2隻蝦,OK啦32蚊!!這裹最不好的地方是人太....多, 平日晚上11:00也要排隊!!

依間野成日好多人等,都唔知道有咩特別??成日用明星效應黍吸引客人,依家係sell d野好唔好食,sell明星就去紅館啦自從佢搬左新鋪係我公司樓下,晚晚d人塞住曬行唔到搞到遲放工仲有個明星花籃成日放係門口驚人唔知佢同明星有關係咁,太show off啦講番佢d食品,都係食過一次lunch同dinner,仲記得個兩次好鬼唔開心lunch佢$28係幾抵,可惜我坐低叫埋野食到一半已經有人走埋黍問仲有無野要,跟住放低單一聲不說走去第二臺,咩事啊?做左成朝辛苦到死食餐落隔飯都唔得不過d野食都ok新鮮,野飲一般啦dinner係老闆請既,我已經2星期前落訂,我地公司20人一去到,佢又話無位,搞錯呵玩失憶咩,咁既服務質素....仲有明星黍??個晚好embrassed,老闆覺得我失職咁食得又係辛苦,因為地方窄又迫,隔離撞到好應佢食物一般,我覺得小菜王,附近打冷啊,萬濠啊都好過佢,因為佢太大量出品,有點求其不夠一個鍾又比人趕走啦又未落隔.....服務好差,食物一般大路野,肥d都入唔到去食,太迫影唔到相啊...

前幾日係呢間野食晚餐.兩個人點左: 金茹肥牛煲菠蘿京都骨人就真係好迫.我果張6人枱足足坐左3對夫婦.但係真係唔知點解會咁迫人.味道全部都係普通貨色,唯一可取就係十蚊三支玻璃瓶裝可樂.但係望下個餐牌中午食飯28蚊包飲野又好似幾抵.今日lunch行過又食下.點了set lunch E, 甜酸魚柳飯...上到黎見到個色已經深知不秒...個色好假好似人地D...橙汁色....再食入口...個味仲假...唔通用預先包裝的醬料?都應該係...成碟飯食左兩口就無食..真係難食得離哂譜..本食神好少會食剩野..但係真係好難食...甜到爆..酸到出眼淚...再飲左兩啖..凍0茶...又係超甜..仲甜過陽光o茶...前後5分鐘都唔使放低28蚊走人...

為食既我好耐冇黎金潮喇，係葵芳蒲開既我知道岩岩搬左大鋪，咁岩前幾日有好朋友生日，提議重臨舊地，放工後睇下水準有冇變。一向多人既金潮，大間左都要等位坐等到之後，立即點菜!首先胡椒大蜆煲，水準差過以前，唔太夠"椒"味跟住椒鹽九肚魚，我覺得好少，少過之前好多(d貨貴左?)再黎炒蟶子，同以前差唔多，有鑊氣又幾惹味，朋友都話正沙拉骨都係少，一人一、兩舊已經冇左黃金蝦好食，如果個鹹度淡番少少好好多魚皮好爽，不過又係唔夠多整體黎講差過未搬果陣，有幾味好食，有幾味真係少得滯，所以唔太抵食。不過衛生好過之前，裝修都唔錯!

其實我住附近所以基本上成日都食呢間野不過個人真係覺得冇咩特別唔明點解成日都好多人排隊...前日先食左宵夜．就係粟米魚咩粥同魚腸粥!! 承認佢真係味道不錯的．而且價錢都合理夜麻麻凍冰冰食一食都係好warm 的 ps 佢一月先轉左位．估唔到openrice 更新得咁快wow!! 抵讚!!

很少到這店吃飯, 但每一次都令人氣憤..等位食飯, 很多店都要. 但是這一間完全沒有規則! 早些來訂枱, 也要等, 仲眼見很多遲過我的入座; 店員會派飛, 但完全沒有意義, 他們只會不停再問你們幾位, 不按次序..總之, 要做到最賺錢的座位安排...我還見過店中有貓...完全不合衛生..

金潮未擴充去恒景之前，差唔多隔日就去金潮食lunch，都成了我的飯堂，還不時推薦金潮比朋友，我最鍾意食佢炒粉麵，食左咁多間係附近的食肆，即炒粉麵係佢最夠鑊氣，而價錢又相宜，午餐+凍熱飲$28，真係物超所值。但今時唔同住日，自平安夜開始佢搬左去恒景之後，我只去過一次，而我短期內都唔會再去食lunch，無他既，因為搬左新鋪後，係大左，無以咁迫，但即炒粉麵加左$4，要$32，而其他茨汁飯就依舊$28，上次食完佢個咖哩雞，真係覺得佢做得差左，好似求其整d野比客食咁。就係咁，決定短期內不會再幫襯，食又一村或其他鋪頭仔好過，又平幾蚊，又有電視睇，又可以慢慢坐。又係既，做得無咁好，人又少d，d人又唔使等位等到咁辛苦，都有度好既！講真，食客還有很多選擇！

星期五放工，忽然好肚餓就想起金潮男友又話係屋企等食宵夜想起9點幾一定好多人等位，又想食只好叫外賣第一時間打落去問下有冇蜆煲，仲有就留一個，加埋咸蛋蝦同埋乾炒牛河其實佢個service又唔係太差，不過堂食就係要等耐些去到真係排到死，不過落到去外賣已經可以即刻拿走﹗gd﹗個蜆煲外賣係俾足2個大碗，一些都冇少到﹗仲好多料但係可能係尾水，所以好辣，要飲啖水中和下個咸蛋蝦ok喎﹗叮返熱都仲好好味但個乾炒牛河就差些啦﹗真係食荼記會好味些囉﹗冇來味道，好淡口......今次冇食粥，但係佢些粥ok ka~特別係蠔屎粥，非常正啊﹗但如果係鍾意食希粥的人，就唔係咁岩key~因為實在太綿啦﹗有少少黏口今次外賣埋單都係140到，ok la~

昨日友人從英國回來，一早就book 左Table, 仲book 埋野食，驚去到咩都無晒。上年友人回港食過金潮後念念不忘，所以我再留了多點菜。一行6人。我們叫了魚皮胡椒大蜆煲炒蟶子黃金蝦沙拉骨boot 酒蠔象拔蛘仔椒鹽九肚魚太好味 as usually4支青島＋４支cream soda.. totally 658..每人$110..抵食，挺著大肚子。。。滿足

前幾日等男友放工後黎左葵芳食晚飯, 方便之後掃街 ^ ^呢排食多左日本野, 男友之前又打左邊爐, 最後揀左黎呢度食小菜7點幾去到都見到有人等緊位喇! 好彩我地2個人, 搭檯就可以唔洗等 行入去時見到差唔多個個檯面都有一窩胡椒蜆湯我地都唔例外 仲有叫左黃金蝦同豉椒炒蟶子先黎左炒蟶子. 只可以話係一般, 個汁唔係好夠味, 唔香. 蟶子食到有少少沙胡椒蜆湯胡椒味好重好重, 都幾辣! 不過真係幾好飲, 好鮮甜, 同埋有好多蜆! 唔怪得知0甘多人叫! 飲到個底有好多胡椒粒, 落重料呢!黃金蝦等左好耐先黎, 係岩岩整起. 都幾細碟, 份量0甘少其實算貴.無想像中0甘好食, 蝦不算很新鮮. 但味道都算唔錯, 好香咸蛋黃味. 同男友連殼都唔放過食埋, 炸得好薄好脆 ^ ^服務麻麻, d茶俾錯晒, 要杯水又要問幾次, 可能客人太多兼顧不了.. 環境更加唔好有咩expectation了..聞到隔離d煲仔菜好似好香0甘, 應該都唔錯, 有機會都會返黎再試.

係佢未搬去新鋪前去試左一餐lunch今日都成9個人去食lunch,平時都好多人等,不論lunch/dinner都係要等位,勁多人好啦,今次叫左3個lunch set(都係廿幾蚊一個),跟住一個黃金蝦,胡椒蜆湯,炸蠔,炒芥菜,沙拉骨~黃金蝦一絕呀,d蛋黃係o係d炒中間,而唔係平時食既灑起面,超得,連殼又食哂~~~胡椒蜆湯好有胡椒味,蜆又好多,好足料炸蠔,大大隻,有華鹽,夾汁你點,都夠味炒芥菜,大大條,夠嫩口沙拉骨,劣作,d沙拉9流...........

22/10/20087點令左右去到已經要等位喇上左去樓上坐點左魚皮,黃金蝦同埋金銀蛋浸時蔬魚皮:可能係第一次食,感覺好得意,魚皮可以整到咁爽咁滑,比木耳仲要爽口!黃金蝦:用咸蛋黃連同成隻蝦落去炸,味道好香,蝦雖然唔係貴野,但勝在煮得出色,好味到連蝦殼都可以食埋,真係無得頂!至於金銀蛋唔係主角,所以都係不追不失喇!阿姐既服務好好,要咩野,轉個頭就到,又有禮貌.走個時見到出面好多人排緊隊仲會見到門口有好多明星同老闆娘既合照!