金滿都越南餐廳 (已結業)

今日同朋友經過長沙彎 想食下特別野 就去左依間金滿都餐廳 🤔試食左兩個套餐 分別係⋯生牛肉湯可 湯好飲 牛肉好食😘海南雞飯 又香又滑仲要冇骨🤗食完啦 就緊要諗下飲咩啦～佢地每日都有唔同ga是日特飲 今日ga特飲就係⋯三色冰呀!我地即時點黎試下 嘩！有紅豆綠豆同埋大菜 好鬼好飲🤩飲下飲下 我地就開始留意一下其他人食緊D咩啦 依～依 咖哩飯好香喎 即時睇下餐牌先 原來仲有得選擇 咖哩雞或咖喱牛腩飯 下次必試！ 連D侍應都好好禮貌 唔錯唔錯😁大家快D黎試下啦👍🏻

去開長沙灣做嘢，搵個地方坐低唞一唞。原來金滿都有長沙灣分店，仲好好彩比我撞正下午茶時間。選擇多而且價錢超實惠。牛肉河粉係必點的，牛肉湯味道都幾濃厚。配料亦都算幾多，三款配料都好足料。套餐的好處就係可以用好相宜的價錢加配小食，沙嗲一客有兩串。肉質幾有咬口而且沙嗲汁好惹味。生菜包有少少驚喜，同我哋平時的生菜包有點不一樣。餡料以素菜為主。雞翼就超好食，外皮脆卜卜又香口，內裏肉汁嫩滑又多汁。豬頸肉亦絕不遜色，點上特色的甜酸辣醬就更加停唔到口。同事仔話今日做嘢做得咁辛苦，要食盡佢！竟然嗌咗一大煲咖喱牛腩。係黃咖喱為主的咖喱底，有輕輕的椰汁味，帶點微辣，都幾好食。值得欣賞的是牛腩份量超多，而且每一件都煮得好入味。非常豐富的下午茶，解一天的勞累。

話咁快新年就過咗啦！成個新年都係食中菜食到咀都歪埋所以今日一於嚟食個越南菜先由於男朋友喺長沙灣呢邊返工，所以今次我就一於去佢度食晚飯啦！餐廳入邊都幾大，而且旁邊仲有啲卡位！坐得都幾舒服 而且食物種類都幾多！由飯粉面到，打邊爐都有不過由於我一心諗住食越南河，所以我諗咗一陣，好快就揀咗佢個越式火車頭河粉$52啦！貪佢咩都有呀嘛 一上枱我已經見到冇令我失望配料非常多，有生牛肉、熟牛肉、牛𦟌同牛丸！湯底清甜，最鍾意佢個生牛肉，肉味濃郁，入口軟腍，配埋滑溜嘅河粉一齊食。唔錯男朋友係雞翼控，去到邊度都話要食雞翼，今次當然唔例外牛油雞翼$60外層炸到金黃鬆脆，食落唔油膩之餘，仲充滿牛油香！最後我地叫仲咗一條烤爐魚$88係即叫即烤的，所以等嘅時間都會耐啲！不過為咗食好嘢，等下又有乜所謂啊等咗半個鐘之後，條魚終於出爐啦！果然冇令我失望肉質嫩滑，配埋少少魚露同青檸汁一齊食！送飯食一流食到咁滿足，埋單兩個人都係$200！唔錯

一排無食越南嘢, 早前相約一排無見的友人去食飯, 佢帶我去佢居住附近的長沙灣食飯, 我自己較少去這區, 今次試了一間叫金滿都越南餐廳. 這裡逄星期三和日都會有晚市套餐, 所以我也試了. 我選了越式火車頭湯檸粉，加錢轉了金邊粉. 材料豐富, 當中包括生熟牛肉，牛丸和牛柏葉, 我可以一口氣食多幾款餸, 啱晒貪心的我. 金邊粉幾幼滑, 口感不錯. 幾款配料中, 我特別愛食牛肉和牛丸. 飲品選了熱奶茶. 另外, 我地再點了一個越式拼盤. 有齊雞翼，豬扒，蔗蝦和春卷. 一炸起便上枱, 所以全部都熱辣辣. 幾款炸物味道也不錯, 當中我最愛豬扒. 炸完唔會太乾和硬身. 這裡的價錢幾大眾化, 食物質素也不錯, 唔來這區也不知道.

平民餐廳, 價錢唔算貴, 每一日都有經濟餐推介!!咖哩軟殼蟹煲咖哩軟殼蟹呢個菜式真係好少見, 不過我見佢menu有寫住推薦就即管叫黎試下等左一陣就有了, 超香既咖哩味, 之前食過咖哩牛腩煲已經知道呢間野既咖哩真係唔錯呢個最特別既係用左軟殼蟹, 連殼都可以食就知道係懶人都岩食我地仲特登叫左飯, 用咖哩汁黎撈飯食一流呢個軟殼蟹加埋咖哩 吸收哂d汁好夾味!!  越式拼盤越南野最鐘意就係個拼盤好彩我地人夠多, 叫個拼盤食岩岩好'佢個拼盤包括左有春卷, 越式豬扒, 雞翼等等全部都係越式必食既野!! 因為佢每樣得2塊, 應該係比2個人share黎食的吧味道唔錯, 值得一試 南乳吊燒雞外脆內軟既吊燒雞, 個皮真係勁脆!! 肉質好香嫩最鐘意就係佢啖啖既南乳香味同個雞肉好match的味道!

是日推介香茅豬扒併雞翼飯黎到越南餐廳一定要食就更係最出名既香茅豬扒飯啦越式既香茅豬扒同香港既就好大分別最大分別就更係佢既醬汁啦用黎撈飯就最岩!!不得不提一定係佢既香茅豬扒外面係勁香脆既, 但係入面竟然可以keep到好嫩滑!!雞翼都係一樣, 食落一入口就已經聽到咔咔聲D汁衝出黎咁, 成個飯都係勁好味而且份量都幾大下!! 飛天炒通菜通菜亦都係我個人既favourite!!呢度既通菜係有少少咸, 用黎送飯真係一流而且佢係即叫即炒好夠獲氣!! 榴槤西米露最後食埋個甜品就真係prefect池榴槤西米露唔係度度都食到好食既更加係少之又少呢度食跟餐可以用半價買到, 最重要係好好味!!

放工約老朋友傾計食飯，所以搵公司附近的越南菜食，地點也接近港鐵站，位於屋苑內，靜中帶旺的感覺，食物同價錢都好親民。柚子鮮蝦沙律，跟餐加$25就有，份量亦算多，青瓜絲好爽脆，醬汁其實用返酸甜醬，都夠清新開胃，有3-4隻蝦，已經值回票價。蔗蝦三件，跟餐也只加$20，細件左少少，蝦肉也較薄，不過亮點係甘蔗。蝦肉都算彈牙，味道不太重，但咬埋甘蔗好嫩好甜，原來甘蔗已經去除外層厚硬表層，只有蔗心最嫩的位置，咬落多汁清甜，超正。越式火車頭湯河粉 $52，有齊生牛肉、熟牛肉、牛柏葉、牛丸等材料，相當豐富又份量大碗。先食口生牛肉，薄切用熱湯浸熟，特別柔軟，牛味不太重，食其嫩滑口感，配河粉真係齊齊抖快滑入口。至於熟牛肉，較厚身有肉感，牛味濃郁，越咬味道越突出，加上連住少少肥肉，好香牛脂味。河粉份量真係超多，好抵食。湯頭也味濃而清，食完不膩。海南雞配油飯 $60，睇落有埋3款醬料，賣相吸引。不過由於1/4隻雞，剛好是我不喜歡的雞胸，幸好不會太鞋，都算軟熟，配薑油食，其實約中式感覺。但配旁邊的醬料又不太夾，因為不是黑醬油，好似老醬加水，有色無味又水汪汪，反而薑油更香更吸引，而酸甜醬味道不錯，感覺又轉了似泰國菜

坐低後店員送上水同餐牌，枱上有紙巾，都幾衛生的。下午茶，二十元一碗生牛肉湯河，覺得湯底夠熱，清甜既牛湯底唔錯，飲完唔口渴，無味精，牛肉有好幾片好嫩滑，邊位少少肥膏，肥瘦剛剛好。河粉煙韌，湯底清甜不油膩。

去完旅行攞左手信比朋友，朋友請我去附近食晚餐，餐廳在元州商場近興華街那邊，晚市人流都算多。我們決定一人要一個晚餐再另外加條魚。咖哩牛腩飯咖哩味不算濃郁，但咖哩汁有椰香，撈飯最正，牛腩炆得入味且腍，有些薯仔，整體不錯。海南雞飯雞有些雞件已起骨，雞肉嫩滑，雞油飯不會太油膩，配埋酸辣汁撈落去飯內食，味道不錯。明爐烏頭烏頭原條連爐一起上，冬天天寒地凍，邊熱住邊食唔怕魚凍左會腥，烏頭肥美且味厚，魚肉鮮甜，肉質結實，酸辣汁味道剛好且鮮甜。整體質素不俗，價廉物美，性價比高。

去長沙灣幫公司做野，做完剛好是午餐時間，行到元州商場見到一間越南餐廳，有一排沒吃過檬粉，就入去食！我們各自選了一個set lunch，我選了火車頭湯河，加$2轉檬粉，同事選了海南雞飯，另外可加錢點小食，我們點了春卷和海蜇扎肉雞絲！還包飲品一杯。火車頭有牛柏葉、牛丸和生熟牛肉，湯底清甜，不會讓人覺得口渴，生熟牛肉都很嫩滑，特別一讚牛丸好有牛味，好juicy！牛柏葉爽口！春卷好鬆脆，不油膩！裡面有蔬菜和粉絲！很喜歡海蜇扎肉雞絲的醬汁，酸酸甜甜，好醒胃，扎肉和雞絲切得很幼細，所有料夾在一起吃口感非常好！同事的海南雞飯也不錯，雞肉嫩滑，油飯很香！餐廳午市都很旺，很多學生來吃！整體來說都不錯！

放工返到屋企又唔想煮食，凍冰冰索性落去食個飯，費事搞咁多。這間在元州商場地舖的金滿都越南餐廳，晚餐全部幾十蚊起，價錢便宜。我叫了個火車頭金邊粉，份量十足，金邊粉爽滑有彈性，不會太腍，有牛丸、生熟牛肉、牛栢葉做配料，湯底是牛骨湯做成，鮮甜無味精，凍冰冰食返碗粉即刻暖哂。另外再加了個小食炸蝦餅，蝦餅外皮煙韌，蝦肉爽口彈牙，點埋個泰式酸汁，帶點酸辣味，十分惹味。最後飲埋杯越式即磨咖啡，味道都幾香，非常滿足的一餐。

今天和女兒去西九的運輸處辦點事，做完行左一陣已經近晚餐時間，想一路行一路睇下有乜食，女兒說元州商場果邊都有好多食店，我們便往長沙灣那邊行去，去到元州商場見一哥哥手持廣告牌，向途人介紹他身旁的食店，名叫金滿都越南餐廳，女兒說都想食越南菜，就試下尼間，於是我們入座了。香茅豬扒湯檬：湯底鮮甜，豬扒林滑入味。越南手作春卷湯檬：正宗越南春卷，皮脆餡料惹味，檬粉滑溜，湯底鮮甜美味，不錯！海蜇扎肉雞絲：海蜇、扎肉和雞肉切絲，加入特製調味料撈匀，惹味爽口。越式牛肉沙嗲：牛肉入味有口感，點些沙嗲醬提升味道，十分惹味！椰汁三色冰：清甜可口，椰汁味香，三色配料有口感，好飲。椰汁紅豆冰：林甜的紅豆配椰汁，味香甜又解喝。椰汁粟米西米露：西米份量都好多，椰汁味濃，少甜。

基本上每次來找朋友，十居其九都是去金滿都吃晚飯，朋友懶得走遠一點，除非我有特別要求想吃。天氣冷的關係，我們都棄麵吃飯，再來越南咖哩雞煲，飽足非常。朋友在這裡最常吃海南雞配油飯，除了軟嫩的海南雞外，油飯一旁還搭配著酸酸甜甜，清爽的紅，白蘿蔔絲，增添清脆口感 。油飯濕度剛好，淡淡的油香很滋味，伴上海南雞一起吃真的一絕。香茅豬扒併雞翼飯份量十足，香茅香氣完完全全滲透豬扒與雞翼中，味道相當討好。豬扒本身嫩嫩的，不硬不柴，讓我一口接一口。雞翼炸得金黃香酥，再搭配蔥花，香味遠播，帶來無窮香脆感。越南咖哩雞煲有點小辣，但是非常的惹味，每一塊雞肉都融合了咖哩汁，辛香可口。雞肉都是雞腿為主，煮得軟腍好嚼，加上薯仔的綿密，整道咖哩都很好下飯。咖哩汁可拌飯吃外，亦可以沾點蒜蓉包吃。本身蒜蓉包烤得脆脆的，味帶蒜香，遇上咖哩汁後的蒜蓉包味道更加昇華。

金滿都位於長沙灣元州村，轉角鋪頭所以餐廳面積也算寬敞，座位距離也覺舒適。有時自己都唔係太識分某些菜到底屬越南菜還是泰國菜，就好似今晚試咗一樣咖哩牛腩煲，單單睇餐牌已經被吸引住，非叫不可。上菜時保持熱度，一陣濃厚咖哩香，唔算太多油，而且牛腩炆得'林'度適中，林得黎又保持少許咬口，加$20配上法式蒜蓉包，點上咖哩汁，好正呀。而另一樣我點咗嘅係古法三葉烤鱸魚，(就係它令我覺得越泰難)分，首先在魚肚釀入香茅，檸檬葉，用魚露調味，最後再用香蕉葉包起烤熟，簡單調味，但更能顯出魚鮮味，而且肉質嫩滑，我唸我們會再黎。

長沙灣真係一個美食天堂，唔知幾時開始，愈開愈多餐廳，媽咪亦因此愈來愈懶，唔煮飯呢間金滿都可以話係我地飯堂，首先真係好近屋企，然後食物味道唔錯，又平又大份，所以常常食~咖喱牛腩煲配蒜蓉包 $78濃濃既咖喱汁，微辣帶有椰香，牛腩夠淋入味，配脆卜卜蒜蓉多士食~法式黑椒牛柳粒西蘭花 $88唔記得牛腩係牛，又點左一份牛，加上份量多，所以都幾飽，牛柳粒帶有少少根，不過都有牛味，黑椒汁夠惹味，圍邊排滿西蘭花，又靚又健康~古法三葉燒鱸魚 $88每日限量5條特價，我地早黎所以食到，魚表面焦香，魚肚釀入左香茅，魚肉嫩，有魚油香同香茅味，好味啊~椰青 $32最後叫左個椰青開心share，清甜解喝~