金滿都越南餐廳 (已結業)

放工返到屋企又唔想煮食，凍冰冰索性落去食個飯，費事搞咁多。這間在元州商場地舖的金滿都越南餐廳，晚餐全部幾十蚊起，價錢便宜。我叫了個火車頭金邊粉，份量十足，金邊粉爽滑有彈性，不會太腍，有牛丸、生熟牛肉、牛栢葉做配料，湯底是牛骨湯做成，鮮甜無味精，凍冰冰食返碗粉即刻暖哂。另外再加了個小食炸蝦餅，蝦餅外皮煙韌，蝦肉爽口彈牙，點埋個泰式酸汁，帶點酸辣味，十分惹味。最後飲埋杯越式即磨咖啡，味道都幾香，非常滿足的一餐。