金滿庭京川滬菜館 (奧海城二期)

营业中

休息中

我上星期五12:00左右o黎e度食過lunch,點o左五香芝麻雞(冷盤),小籠包,京醬牛肉絲(跟薄餅),蒸茄子,甜品就係高力荳沙and桂花酒釀丸子.先o黎個五香芝麻雞,味道都ok,甜甜地有少少辣,d雞都幾滑!小籠包就好一般喇,餡料同湯汁唔夠鮮!京醬牛肉絲(跟薄餅)都ok啦,牛肉絲炒得甜甜地唔太咸,不過就唔夠香!個蒸茄子就真係一絕喇,有6大件茄子同豉油,無蔥花無油無味乜都無,清到您唔信,簡直連和尚都嫌淡呀!甜品高力荳沙裡面d餡就得一粒手指尾都大過o既香蕉加荳沙,桂花酒釀丸子都幾香桂花味,不過就太甜喇!而d服務就麻麻地喇,d男侍應就成個八公咁,一味掛住傾閒計,我地叫o左兩次都唔理,佢地有佢地繼續傾!總括o黎講食物質數就好普通,服務又唔好!都唔知點解日日都有咁多人等位!我果日都係唔駛等位至入去試試咋,第日都唔會再去喇!

聽朋友講呢間餐廳d小籠包好好食!!!去食前都滿心期待! 我地總共叫左七碟小菜，包括佢推介的闊佬炒飯、小籠包、鎮江排骨、不記得酒煮什麼魚、紅燒茄子等，沒有一樣令我留下深刻印象，不過不失吧！自覺小籠包並不及翡翠拉麵既好吃！d皮厚左d…最特別還是有得選茶來喝吧，包括有碧螺春、龍井、人參烏龍，我們選了前兩種，茶味不錯。如前一位所說，我也不明白為什麼此店會大排長龍……並非如傳言般好吃……

據聞weekend 成日排長龍, 所以趁放暑假weekday 早少少過去試0下.因為唔食得辣的關係, 我叫了唔辣的擔擔麵. 好多花生醬, 肉碎較少. 麵條幾彈牙, 但味道太甜了, 又漏. 比較之下我鍾意詠藜園d 麵多好多.雲白肉好大碟, 我覺得好辣, 但味道唔錯, 幾抵食.蔥油餅味道幾好, 唔係好多油, 但唔知點解覺得佢仍然好漏好滯.小籠包好多肉汁, 食時小心漏汁/灼傷條脷.最好食係高力豆沙, 蛋白夠fluffy, 俾你點的唔係砂糖, 係貌似麵粉的糖粉, 無砂糖咁甜. 一d 都唔漏, 好食!Overall... okay 啦, 唔覺得佢\突出, 但起碼唔會食到爆晒粗.

金滿庭我經常吃的, 每一星期都吃一次必食的有1.小蘢包2.雲吞雞3.松子魚4.怪味雞每一道都唔差,有d馬馬地1.北京水餃2.憺憺麵3.芝麻雞

傍晚六點九，不用等位。三個人點了三款食品，埋單$200，夠飽。前菜是涼拌仿鮑貝青瓜。「賽螃蟹」、「和尚戴帽配燒餅」（圖示）、「上海炒年糕」（圖示）都好味。炒年糕夠多汁料。茶選了西湖龍井，不見得特別好飲。

父親節當日終於試到啦！好彩5:15pm去排隊如果5:50pm才去一定無位!食品質量十分好，價錢合理！

之前都有人介紹過黎呢度食,今次係個frd帶黎既兩個人叫左三個野食:雞絲粉皮:好食!粉皮唔厚唔黏口,汁較得好,推介~京醬牛柳絲(配叉子燒餅):個牛柳絲無咩特別,但個frd就好鍾意食d牛柳絲!我鍾意個餅多d,完全唔係包既質感,脆脆的(提外話:唔想食飯麵既可以單叫燒餅夾「飠送」食)高力豆沙:第一次食呢樣野,入面有豆沙同一片香蕉.我覺得個蛋皮好油,炸功麻麻,豆沙好好好少,食皮多過食乜.不推介.總括而言都係唔錯既~埋單$147

好怕黎呢間食店,人多,D位唔好坐,好似去咗"大X樂".成間鋪打仗咁.今次個朋友生日希望黎呢間食.JUME/04-共5個人去到叫咗-炒鱔糊,小籠包,擔擔麵,醉雞,鎮江肴肉,高力豆沙,等等真係好失望呀D野完全唔掂.炒鱔糊: 成碟都係油-(點食呀).小籠包: 一味汁多,好容易穿.細路唔啱食-(好危險)擔擔麵: 味道勁濃.自己好似食-(花生醬撈麵).鎮江肴肉: 最好食高力豆沙: 炐到過咗火喉.(黑力豆沙)唯一可以讚係d員工好有禮貌. 希望下次黎d食物有所改善啦

好耐都冇去過奧海城, 老公話不如同老爺奶奶去試下呢間啦。五點兩個字泊完車, 上到去, 見佢話五點半先開始晚市, 行左一陣, 五點八個字入去已經有七八台客。叫左以下既食物, 分別有:小籠包(皮係好薄仲好多汁, 不過穿既, 唔好講話夾住黎打千秋啦, 夾都夾唔起, 似乎唔合格囉), 擔擔麵(叫左少辣, 下次會試下辣d 會如何), 仲有鍋貼(冇乜特別), 蔥油大餅(香港老飯店果d好味d), 肉絲兩面黃(做唔出正統既味道, 唔講仲以為係肉絲炒麵), 仲有蜜汁火腿連子風鈴夾(超甜, 而且得六個風鈴夾(類似麵包的物體) 個菜成一百蚊, 火腿先得七八片, 火腿唔係咁貴咋?醉雞: 好明顯係雪雞,睇見都唔係咁開胃。茶: 水唔夠熱, 大忌!另外順帶一提, 見隔離兩個人叫有個類似"雪菜炒年糕"既東西, 但到我地走既時侯都冇乜食過, 估計應該係唔好食的。侍應有問題, 都好快有人走埋黎問我有乜需要。茶岩岩冇晒, 打開蓋就即刻有人走埋黎refill, 基本上服務都冇乜問題, 環境亦都好理想。睇完openrice先知原來呢間野咁多人等位既, 我同老公就覺得食物要再多d 功夫。唔會特別吸引到我去排隊食多次, 唔使等位就

星期日下午2:30PM去到,Reception小姐話3PM前要落order,我同老公快快叫食.等了5分鐘，還沒有送茶來,效率很低,因為人客不多,有些伙記只係掛住企到傾計,一副準備落場既款食物方面,一口小籠幾好,皮薄多汁.擔擔麵麻麻地(個人喜歡翡翠多),奶油津白,清凊地不錯.糖醋排骨,好少食這味菜,唔知好唔好(本想叫鳳梨魚柳,但老公唔食魚)芝麻雞,肉質夠滑,但完全唔入味(上次食過係好辣,不過今次完全唔辣,我都食三分一)高力豆沙,唔知點解食食下,突然送上,落order時吩咐最後先上,當食完其它食物,高力豆沙凍晒,完全唔掂啦!食過幾次,水準下降,都未必會再幫襯啦!下次去試下小南國先!!

今日同Mum 去食，叫咗4 樣食物:1)雲白肉(蒜泥白肉)--很一般，D sauce 唔夠香濃，無乜蒜蓉味, 遜色!2) 担担面-- 沒以往的好味，花生醬唔夠香濃！3)小籠包-- 極好味，無得彈，D肉汁在咀內爆出，正到暈！必食！4)排骨菜飯-- 排骨= 豬排, 好大件亦炸得好香脆，菜飯也得好食！但份量較少！

終於都有機會試下金滿庭喇,1830到達, 唔洗等位就可以入座,2個人食所以只係叫左兩樣野.小籠包出面就食得多,不如試下一口小籠包啦,用筷子夾落去個陣塊皮好薄啦, 真係驚會爆啦, 咦,又無喎, 入面o既湯好好味,有8粒好抵食!另外叫左炒粗, 份量唔算大,味道唔錯.最後叫左個和尚咩咩(唔記得左叫咩名),有一碟炒o既蛋啦, 芽菜等等,另外有4件餅可以擺d送入去食的,加埋一碟調味醬, 幾好味呀,又唔溜, 幾好幾好!茶方面叫碧螺春, 清香, 唔錯.

ridiculous, waited for half an hour to order after seating, then about an hour for bill after we finished, foods pretty good

一行十人叫o左小籠包:平薄,有好多肉汁,唔夠翡翠好味.醉雞:好似雪得過o左龍,唔夠酒香,不過夠味.油炆筍:較油.友人話過大條,幼d會嫩d喎.鳳梨魚柳:即係古law魚塊.酸甜適中,做得幾好.回鍋肉:水準可以,冇咩特別.炒鱔蝦仁:好似回鍋炒鱔加蝦仁,幾好,鱔片唔會太碎.擔擔麵:辣油分開上,咁就o岩晒成枱唔同o既胃口. 但係花生醬味唔見好香濃.义子燒餅加牛肉絲:义子燒餅賣相幾好,但自己冇食,但又冇咩邊個話好味boo.銀絲卷:真係有一絲絲o既效果,好味.酒釀丸子:小湯丸都有芝麻餡,暖暖o既酒釀糖水.好味.豆沙鍋餅:友人話好似普通.高力豆沙:友人話好味道woo.我自己只係覺得係普通o既一餐上湯o野,冇特別.

尋日同朋友過來食,我第一次來, 個時5點幾鐘, 唔使等位, 但朋友話平時係好多人架. 就所見, 7 點以後果然人頭湧湧.-前菜係青瓜條, 個樣好靚不過無咩味;-雞絲粉皮, 加左花生醬, 有的漏同埋都幾乾;-炸饅頭, 好大個, 剛剛炸起, 唔錯;-闊佬炒飯, 幾好味, 清清地又夠味, 我食得濃味都覺得好食;-高力豆沙, 我平時食開既都係一塊餅夾住的豆沙, 呢度既係個球體, 裡面有cream, 有豆沙, 有香蕉粒, 熱熱地, 好食不過又係好漏;-茶, 係好飲.朋友請唔知幾錢, 佢話係普通酒樓價, 野又好食的又有特色, 所以好中意來喎. 我都認為好過成日去的普通酒樓, 食來食去都係個的.