金滿庭京川滬菜館 (奧海城二期)

营业中

休息中

我上個禮拜日去行奧海城，晏畫去左金滿庭食野。我同我男朋友叫左一個擔擔面同小籠包，個擔擔面唔係咁大個咋喎...個小籠包就ok喇....總括黎講，唔覺有咩特別囉....

一如之前大家講所, 呢間D 食物幾好食少少TIPS 俾大家可以O係星期六/日時去呢度食LUNCH, 大約只要等15 分鐘就可以當然晚飯就有排等, 我都無咁O既耐性啦... 大家執生啦

呢間都來食過幾次,次次都要排起碼成個鐘頭.我覺得除左小籠包同埋擔擔麵之外,最好的其實係--茶!除左一般香片之外,仲有比較少見的人參烏龍,馬騮"搣"等.當然佢的茶錢都唔少,成十蚊一位,但真係幾唔錯!下次去記住飲多d荼!!

最近也曾幫襯，食物不錯，價錢也適中，但太多人，六時半到都要等三十分鐘才有位。

前言：下午到附近開會至六時半。約女友於此吃頓early dinner。六時四十五分攞位，七時前便可入坐。一個大男人呆坐在那兒廿分鐘，女友才到。食物和評語：兩個點了以下食品，共$182。 a. 甫入坐，侍應便放下前菜「怪味雞」（$10/份），約六小件，每件乃三份一隻雞中翼，味道十足，惜本人和女友均不吃雞翼，故沒有碰。 b. 一口小籠包（$28/籠；共10隻），包子裡的汁比別家多，就算放涼了仍然鮮味十足，好味，值得推介！（小弟可是近日才開始食小籠包，以前不吃的！） c. 紅油炒手（$28/份；共10粒），紅油麻麻辣辣，好厲害！抄手鮮甜足料。推介！ d. 鳳梨魚柳（$58/份；共8件），雪藏魚柳肉質扎實，雖不鮮甜，但並沒有「雪味」。師傅炸功\不俗，炸漿均勻，炸起之後，魚塊整整齊齊。菠蘿大大粒，調味甜酸恰當，送飯一流好味！ e. 酒釀桂花丸子（$18/份），店家下了相當多桂花醬，香味十足。丸子是約十二粒芝麻餡的迷你湯丸，口感QQ的，有咬口。至於，酒釀就相當少，少到察覺不到，敗筆！ f. 蘆薈鮮果馬蹄爽（$18/份），相當不濟！只是冷開水裡放兩小粒西瓜、四小粒罐頭蘆薈、和

昨晚與男友一家來這兒飯局，之前都已路過幾次，但因為大多人而放棄。我們一行七人叫了清炒蝦仁、賽螃蟹、干煸四季豆、鐵板羊肉、小籠包、花卷、麵、清菜煨麵、清湯手拉麵、肉排年糕、二個菜飯、酸辣湯、酒釀桂花丸子和紅豆沙丸子。總括來說，味道中規中矩，個人覺得不是極之出色。小菜略嫌油太多，尤其是干煸四季豆和鐵板羊肉，吃到最尾好似油浸咁；賽螃蟹不夠滑，不過中間的毛豆很爽口；清炒蝦仁尚算不俗，只是炒得過了火喉，欠了那份爽口的感覺。包點就比較出色，花卷賣相超，而且很大個；麵個湯底做到夠香濃，麵條也很彈牙；可惜酸辣湯就真係唔掂，酸和辣都不突出，感覺就像飲緊一碗極多料的湯。最後說一說甜品，唔~~~no comment，除了丸子煙煙，有頭外，只覺兩碗糖水超甜，酒釀桂花更毫無米糟之酒香，是晚最失色之食品。

唔...... 以上個主題剩係for 高力豆沙!!!!因為我真係食唔到豆沙餡,而其他都ok!

咁多間京川滬菜，我真係最鍾意金滿庭，食物水準唔錯，擔擔麵、芝麻雞同小籠飽都好好食，水煮牛肉都幾好，仲有好鍾意飲佢d 靚茶，最好係服務的確唔錯，果次食剩d 芝麻雞，叫佢俾個飯盒我載返屋企，個女伙計就托走碟雞幫我包喎，真係冇諗過佢會幫我包埋！囉返黎果陣，見佢唔係用普通發泡膠盒載住，係用一個透明密實盒架，真係好有誠意！

I never tried such a wonderful restaurant b4.Reasonable price but goodly food.How come we discover such late?!my god!

D 野食都好OK~特別推薦:酸辣湯- 好夠辣呀~~~ 正~~~~~諗起都想食阿~~~小龍包- 好味過上海最出名0個間小龍包law~d 皮都幾薄咬落去仲有汁流出黎ga!!正~~不過呢..就真係好多人law~ 排左成個鐘, 但係食就食得0個本粒鐘......

上次睇完戲第一次去食，成9點幾都等左好耐位，入去諗住有餐好食啦，點知....>__<1)醉雞─哎，已經唔介意碟雞少啦，點知食落d酒味好勁，d味好苦呀，雖然d雞肉都可以，但係都苦到哽唔落。好味0既醉雞應該有酒香而唔係咁ga。2)春卷─好齋，得d唔知咪菜做0既餡。3)菜飯─好乾，要用d紅油撈先有味。唉，咁簡單都做唔好，絕對比唔上「杏花樓」果d。重有唔知點解要放片肥用響d飯上面，咁樣唔會令換飯好食d。4)紅油抄手─算比較好食的，d紅油重可以用黎點其他野。食物味道差唔多，食到個口好寡，因為唔好食惟有狂食個碟花生，唔覺得好食到要人等半個鐘。

己經唔知第幾次食，都仲係咁多人，今次等大半個鐘。人參烏龍好飲番，都係叫果d野︰一口小籠包同麵，今次就試埋「酸辣湯」同「芝麻雞」。小籠包好多湯好味，麵就咸d，酸辣湯夠辣，芝麻雞最好味，值得推介。

好唔明點解由開業至今都有咁多人等呀等呀等。同屋企人去食飯,明知多人,所以打定電話去book位,點知只可以訂6點,其他時間就要去攞飛等!無辦法,唯有阿媽耳一步去攞位…試左擔擔麪,小籠包,賽磅蟹,銀絲卷,豆沙鍋餅。擔擔麪幾好味,肉同醬都唔會太油膩,都唔算太辣;賽磅蟹就一般;小籠包都唔錯,不過我可能期望過高,以為會係皮好薄個隻,但係唔係,至於個餡,一咬就有肉汁流出,都算幾好味;銀絲卷其實唔值得嗌,不過只係因為我鍾意食,而且都淨係得我一個食,唔使理;豆沙鍋餅就無乜特別,好就好在好食唔太油。其實整體而言,呢度既食物係好食,但係唔係特別好食,服務都ok,但係環境就比較嘈喇,人又多!我地都係本住一試無妨既心態,睇下有乜咁好,值得咁多人等,但係食完都係搵唔到答案!

今晚同媽咪補祝生日,之前家姐講到好好食,咁就去食,排隊係意料中事,都唔係等好耐,大約個半鐘就有位.等位其間就睇吓個餐牌有咩好食;小籠包($23/8隻)x2 - 好食,但就冇翡翠拉麵小籠包咁好食.砂窩雲吞雞($98/半隻) - 係家姐極力推介, 但就好一般,唔係佢講到咁好食(仲話要留肚食).雞絲粉皮($42) - 好好食,因為好重麻醬味,超正.炒鱔糊($58) - 好唔得呀,勁咸呀.唔記得咩海哲頭($68) - 好普通,不過不失.雲白肉($42) - 好辣,但好爽口.擔擔麵($18) - 好唔得呀,啲麵勁淋,啲湯又冇花生醬味.係全晚最失敗之作.回鍋肉上海粗炒($48) - 都幾好味,係有少少辣.

前言：週六下午兩點三，三女一男到奧海城找午餐\\\食，找戲睇。買完戲票之後，見此人氣店有位，便跑去領取「籌」，結果還是要在門口等十分鐘才被安排入坐。食品：a. 蘭州手拉膽膽麵（$18/份）b. 雞絲粉皮（$42/份）c. 花雕醉雞（$60/份）d. 京醬牛肉絲配叉子燒餅（$58/份），另再加一份兩件的燒餅（忘記價錢，約$25/份）e. 高力豆沙（$32/4隻）f. 小籠包（忘記價錢，約$20/份）g. 茶芥（$9/位），要了「碧螺春」連加一小費，共$300評語：a. 膽膽麵果然係有水準的招牌貨！b. 雞絲粉皮，清爽可口，份量剛好四個人分享。粉皮好滑。讚呀！c. 醉雞份量奇少，約10件左右而已，幸好雞肉裡的酒味濃郁，雞肉又夠嫩滑。這是否「貴精不貴多」？d. 京醬牛肉絲好惹味；叉子燒餅新鮮可口，我一個人吃了整整一件（兩小件）燒餅。不得不讚此道菜：「色、香、味俱全」！e. 高力豆沙質責頗高。內餡不算太甜，不俗！f. 因小弟不吃小籠包，故未能評語。同行三女子覺得「好食」。g. 茶芥每位$9 有點兒昂貴，因為此店的「碧螺春」並不算是好貨色。我情願店家給我一壺普通的普洱