金滿庭京川滬菜館 (奧海城二期)

营业中

休息中

終於黎試到呢間野,不過估唔到星期一晚都會有咁多人,一等就等左個半鐘...叫左以下食物:擔擔麵:呢個好味,雖然麵質一般,但勝在湯底搭救,湯底有好香既花生醬味又夠辣,食落仲有d花生碎,而且$18大大碗,一碗都食到你飽,所以建議3-4個人叫一碗share,如果唔係食唔落其他野鎮江餚肉:一般,冇咩特別,果層上湯jelly冇咩味,而層肉都係一般紅油炒手雲吞都唔錯,不過本來expect佢會好辣,點知食落一d都唔辣,有d失望,呢味餸我諗怕食辣既人都唔會覺得好辣!呢碟野睇番個餐牌先知原來$28,初頭以為睇錯,點知真係$28,咁碟先係$28,差d嚇親傻佬炒飯:材料有蝦、蝦米、咸蛋,d飯加左d醬油去炒,最後飯面加上肉鬆同d松子仁,總括黎講幾鍾意呢個飯,幾特別,但係唔太鍾意佢d蝦米,咸左d!若果食得多普通用雞蛋或者蛋白炒既飯,呢個飯可以一試!香蔥東坡肉:其實都幾唔明點解會有香蔥呢2個字,因為食落又冇咩香蔥味!呢個餸真係幾肥膩下,不過叫得又冇理由唔食!佢肥瘦比例五五啦,食落d肉都唔係"鞋",d肥肉入口都夠化,唔錯!不過唔會成日叫呢個餱食囉,始終都唔健康嘛!小籠包:叫左一口果隻,黎到又真係冇想像中咁一口喎~ d

今日lunch time去食.兩個人叫了小籠包($19/5只)---皮薄多汁.肉不太肥.煎餃---肉也不太肥.夠鮮味.和尚戴冒---炒粉絲有一些菜,冬菇等配料,沒有肉類,但有一片旦皮.配叉子燒餅食.不太油膩.味不太濃.幾好.担担麵($18)----沒有驚喜.普通.算ok.

上星期北伐前諗住食番餐，以為咁響朵就掂啦，點知衰左。好在同場有個魔術師娛樂下，叫無咁悶啦。紅油抄手…最唔掂。

銅鑼灣和奧海城兩間我都試過，非常好食。一口小籠包皮薄餡靚，好過鼎泰豐；醬茶鴨好好味；蝦仁蛋餅煮得厚厚，滑且香；重有龍蝦汁津白、鍋貼、銀絲卷、高力豆沙等等。以上食品記得要試下。

星期六，4點9去輪籌時，門口已經有幾個人等緊，到5點15分開始派籌時，已經打晒蛇餅，勁誇張。以前每次都係3、4個人o黎，今次10個人食，第一次咁多人食，真開心，可以叫多d唔同款式，因為我最鍾意係叫好多野食。我o地越叫越開心，最後叫了16樣野，不過好抵埋單950，每人100蚊到唔駛。冷盤：雞絲粉皮同怪味白肉卷兩種味到好似；素鵝炸得脆但唔油。熱盤：樟茶鴨半隻跟6隻饅頭仔，隻鴨一d都唔好食，好乾沒有味，個fd話雪園整得好好食的；鎮江排骨，味道一流，排骨大大件好入味鬆化，肥膏唔多；冰鎮芥蘭，加碟芥辣同豉油點o黎食，大約得10條灼過凍左的芥蘭(因為冰鎮)加幾粒車利茄，收58 蚊好扼錢兼唔抵；麵食有：2籠小籠包、2碟鍋貼、2碟叉子燒餅、回鍋肉炒年榚唔夠似有回鍋肉，不過年榚炒得好煙un、蔥油大餅，面層好多芝麻好脆，好厚飽皮o岩晒我鍾意食包的人、擔擔麵有兩碗，一辣一唔辣，辣的當然係我favour，第一次試過唔辣的擔擔麵，原來係唔好食。最後o黎係砂碢雲吞雞，每人可以分兩碗，但係實在太太飽喇，第兩碗完全食唔落，不過隻雞好嫩，點埋佢d醬，更加食多幾件。初時我o地仲想叫甜品，但d野食凈晒，仲要打包o忝，我o地

跟老細出去見客,由負責奧海城0既xx集團高層請客,出手勁闊綽,0係落地玻璃0既vip房筵開二席,total坐左廿幾人,每張木台有十五個食送同二個甜品一個生果盤,飽到....連最好食0既小籠包居然都可以食剩幾個,非常浪費.....好lae~講返d食物先~但係因為實在太多菜式,只可以憑記憶~1)人參烏龍同碧螺春,兩種茶各有特色,個人比較鐘意後者,清d,前者甘甘地,我覺得有d怪~不過飲得出都一般酒樓0既分別~2)高力豆沙,好香蛋白味,唔太甜,我最鐘意呢個~

同男友睇完早場,12點,見佢有2人位就入去食,唔使等...我地叫左擔擔面$18:一d都唔辣,麻醬同花生味好重酸辣湯拉面$26:呢個就夠辣啦,而且都好多料,幾好味一口小籠包$23(8粒):初頭預計會好細粒,佢話一口麻,因為另有普通小籠包叫,就5粒收$19...但黎到之後,我一d都唔覺細粒喎,都係正常size....當然我都可以一口食晒一隻碧螺春$9/位:好香共$94而且佢d面份量好多,真係好飽,早知就叫一碗兩份再叫個冷盤啦.....

今日食左brunch, 晏晝兩點幾都唔覺餓, 就清清地落黎食下點心. 三點last order,兩點半仲要等位, 好彩兩點九就有檯, 入到去就拿拿聲嗌野食. 要左個擔擔麵同素菜包. 今日個麵略嫌硬左d, 唔通個師傅趕住收工? 等左成三個字, 個素菜包先到. 包比上次油dd, 但係新鮮熱辣食, 味道當然唔差. 雖然要茶錢$9一位, 杯龍井都唔錯, 而且個麵只係$18, 收費算合理.

每樣食物都好好食！正呀！！服務又好！好值得去！

今日o黎奧海上堂，因為好耐無o黎過，又想食擔擔麵，所以諗住叫定亞媽早o黎等位。原來食lunch都咁虛，12:15去到都要等20多分鐘，一坐底即叫擔擔麵，加多15蚊可配一小碟燻魚、清炒芥蘭同素菜包.擔擔麵原來可揀有辣冇唔辣，當然要o左辣la，嘩!湯底勁正，夠晒辣，不過如果再多少少辣仲刺激；好彩叫15蚊細碟燻魚，因為味道麻麻，肉質又好散，原本仲想叫碟38蚊正常的；清炒芥蘭落order時已經叫佢少油，但上台時碟菜“油水”好足，不過食落口好嫩好靚；素菜包皮薄鬆軟料又多，真係咬落口啖啖都係菜，我就覺得唔錯，但係亞媽話阿拉廚房d素菜包好食d喎。

This restaurant is so great!!! @.@ 呢度俾我的感覺係好多人& 茶芥好貴,但人參烏龍茶的確好好,都抵!我最喜歡一口小籠包,because 餡又鮮又多汁,皮薄餡靚.... Yummy!!!

一間食市好唔好食固然重要, 但如服務不好, 幾好食都係假.金滿庭的服務也不錯, 但如可等客人離去後才收拾檯上的碗碟會更好, 因為看著她們手震震的一手拿著放滿碗碟的盤子, 還一手彎著腰在你眼前搬運充滿油汁的大大小小碗碟放入另一手的盤子上, 實在驚心動魄.也不佑如她們任何閃失, 是要駡她們還是不駡好?!都只是想安安樂樂食餐飯吧!

星期六o既下午兩點幾，仲要等一兩張籌先有位；見呢度close三點鐘，我地又仲有金滿庭cash coupon未用，就決定o黎呢度開飯。以往呢度俾我o既感覺係太多人同茶芥好貴(成$9一個人)；今日都唔例外，依然多人，不過碗碟似乎更換過，都幾新淨。兩個人，叫o左一客一口小籠包($23/8隻)，雲白肉($42)，怪味雞($46)，同紅油抄手($28)。一口小籠包依然不俗，餡鮮又多汁～雲白肉個汁都okay，但白肉始終都係詠藜園好食D。怪味雞味道係唔錯，但今次俾得太多雞胸肉，冇上次啖啖雞脾肉咁正～紅油抄手個汁都夠辣，又一水準之作。埋單連茶芥加一$170；用埋$150上次嚮銅鑼灣店新開張送o既cash coupon，淨俾$20～抵食啊！Heehee～

星期六的中飯，等了十五分鐘，不算太久。點了一壺人參烏龍，喝完一口有一種甘甜的滋味，比起其它店的茶好多了。小籠包大小之分，瞄到別桌，五顆一籠的太大，八顆一籠的就剛好。燻魚拉麵，服務生忘了問我們要不要剪拉麵。這點可以改進。酸辣湯偏辣是還好，最不滿意的是太少了。

原本打左一半o既食評原來真係send唔到,而家補番.我同家姐尋日想食高力豆沙,所以建議全家黎食晚飯.尋晚六點幾行過拎左張籌.7點半再行過已經有位!我地叫左:1) 糟溜魚片: 用桂花魚,雲耳墊底. 但係六塊魚片有一半係魚肚,有少少腥. 而且無乜米酒香味, 麻麻!2) 賽磅蟹: 幾淡口, 落左甜醋後好好多!3) 翅湯浸白菜,火腿津白: 唔油, 味道okay!4) 素菜包: 上海風味. o係上海食開o既係用薺菜加香菇, 估計呢度o既用白菜代替, 一來食落質感有少少分別,二來薺菜成本高,應該唔會用. 呢度o既比o係上海城隍廟食o既包皮厚好多(上海o既包皮只係厚小籠包o既少少), 同埋菜餡少油, 健康d! 我鍾意呢度o既多d!5) 擔擔面: 要左辣, 都真係幾辣!甜品見另外一個食評...續