金滿庭京川滬菜館 (奧海城二期)

营业中

休息中

黎過好多次, 都幾鍾意係度食.上次去食, 食左呢幾樣:一口小籠包:多汁, 汁味鮮甜.擔擔麵: 有水準, 麵質一般, 但麻辣湯底有好濃既花生醬, 而且麻辣分明.辣蟹:唔特別, 蟹味唔突出, 俾辣味蓋住.蔥爆牛肉: 牛肉"喇" 得好緊要, 但d洋葱爆得好香.價錢都幾貴,算唔上抵, 但都值得幫襯既.

味道ok，但唔算話特別好食~值得一讚o既係佢d食物整得唔油膩~

又與家人來幫趁, 星期六晚上, 輪候時間逾一小時, 無話可說.今次的前菜是青瓜粒涼伴素鮑片, 難得的一次對口味, 也做得好吃.大會指定菜式之一的擔擔麵, 保持一貫水準.油炆筍的份量及size都比預期大, 不過味道過甜, 色質太淺, 調味下得不太對辦.紅油抄手一客有九、十隻, 非常抵吃, 雲吞本身皮薄餡靚, 可能是有人要求少辣的緣故, 汁醬也是偏甜, 但並不過份.奶油津白真的很「奶油」, 大家都這味都頗滿意.流金歲月即是流沙蛋黃包, 可能是給我們擱涼了, 包有少許韌. 皮薄餡多, 「流沙」效果顯著, 味道也好. 本想跟人分吃一個, 原來是不可能的.我平時是不吃蔥油大餅的, 討厭那種油、膩、滯, 但這個端上檯切開後, 餅皮不見絲毫油滲入, 而且金黃色的賣相還須吸引. 姑且試了一件. 入口果然又香又鬆又脆, 不過芝麻味遠勝蔥味. 正宗與否我就不懂了,自己只覺好味, 還要添食多一件呢.由於我們點的以小食及點心為主, 四個人食得飽飽都不過$280, 抵食.

奧海城呢間金滿庭，由開張到依家都係咁多人，成日排長龍，我都食左好多次，但都仍舊咁想食．只是人多既緣故，一食完野幾秒，就有專員即刻收野．亦都試過朋友慶祝我生日，我地帶個蛋糕入黎，佢都唔駛收切餅費．有ｄ食物，每次都會叫：小籠包（要趁熱，皮夠薄，又夠湯）酸辣湯拉麵（咁多拉麵中，我最鍾意呢種，好正）魚翅浸白菜（ｄ湯夠清，菜夠林，不過嫌ｄ菜太少）紅油炒手（必食）仲有一碟炒牛肉，都係勁好食，仲有霊吞雞，都好好，不過要三，四個人以上至好叫，手撕雞好快賣晒．不過蟹就麻麻，唔好係度試，又貴又無特別．今個星期五我都會同朋友再去食，到時有咩好介紹再話俾大家知呀．

我是友誼小姐, 經常要安排飲飲食食. 四月二十一日星期五晚要幫同事'洗塵'. 十八個人, 兩個細路, 包房, 一早落訂, 寫好菜單, 埋單二千七, 但俾人趕, 因為八點半前佢讓人訂了俾第二家喎. 同事叫我以後都唔好再仆這間. 他們講得唔暢快喎.不要叫炸魚, 很難吃, 沒有人吃. 高力豆沙很少豆沙. 又吃剩不少. 什麼五小碟是呃錢之作, 不要上當. 麵都夠辣既.所謂大電視, 掛得高高的, 阿水睇到! 所謂海景是一個地盤. 十分掃興. 招呼我們的小姐十分辛苦. 小籠包漏了. 這才好呢! 因為其他東西他們一早整好的, 我想都整了幾小時了, 拎上來是凍的. 我另一幫朋友六月廿二可能會去. 因為他們有人住奧海城. 有冇改善, 下次讓你知. 俾相過你睇啦.

雖則近水樓台, 但往往因為條人龍就無幫趁金滿庭. 今日打風, 趁少人d就一家人黎食晚飯, 不過都要等一陣, 金滿庭果然好野!差唔多九點先有得食, 叫左--糖醋魚柳-- 皮好脆, 用o既魚柳雖無魚味但係厚肉唔腥, 都唔錯!火腿津白-- 夠鹹香, 津白夠腍一口小籠包-- 闊別多時, 湯汁夠多, yummy!翅湯白菜-- 個所謂翅好腥, 味道較淡酸辣湯麵-- 麵粗幼不一, 係咪手拉o既呢? 都唔錯如果唔使等位, 金滿庭都係一個幾好o既選擇^_^

第一次去食,唔知係未好鬼肚餓所以乜鬼都話好食,尤其係個小籠包,食左好鬼難忘,熱辣辣,皮薄,肉汁亦幾多,平時我響第二度唔會食小籠包,因為好怕食到皮厚肉硬果d物體.由於難忘,所以再次去食, 第二次去又唔同左,皮略厚而韌, 小籠包個接口,又接得厚左,好鬼失望呀!!!牛展面d牛展亦唔好食,豆沙鍋餅又普通,貴錢偏貴,份量偏細,蝦子海参都ok, 偏咸, 有d蚊得好淋,有d就略硬!飯前小食,亦係可以唔食, 肉鬆配翠玉瓜.人参烏龍茶,苦而有小小甜,免強接受.逄六,日,around5:45-7.30pm,免加一叫做優惠wor!食肆o既食物質素,份量等,要有番咁上o下先至應該有偏貴特權囉!!!

唯一算幾好既係個炒飯, 又夠大碟, 不過好多茶餐廳都炒到. 其他傳統上海菜式好普通, 小籠包第一次食擺明唔駛驚會穿, 第三次食居然可以成個底甩左, 真係唔知點搓粉. 最離譜係高力豆沙, 咬落好似食緊面包, 不過食左4分3個包先食到豆沙.

今次係我第一次寫評語呀, 好興奮~~昨晚去奧海城睇戲, 成日見金滿庭咁多人, 昨晚竟然冇乜人, 等一張檯就到我地, 於是乎就滿懷希望走去試下.一坐低, 有幾款茶俾我地揀, 我地揀左碧螺春, 開頭就少少香啦, 但一路飲就越黎越kip, 同屋企o個d差太遠啦... >_< 九蚊一位茶, 貴啊~~ 跟住有小食, 八爪魚仔加青瓜, 都幾好味, 好彩唔係俾d蝦我, 因我唔食蝦既! 小食咁又十二蚊...剩係茶錢加小吃都廿蚊啦!! @_@我地叫左個京味牛肉加叉子燒餅, 牛肉幾好味, 加埋d幾香口, 但燒餅略硬, 唔夠鬆化.跟住黎生煎包, 個底都唔脆既, 雖然好多芝麻o係個底到, 但一d都唔脆, 完全唔得, 好失望呀!!! >_<///跟住仲有一口小籠包, 全場最抵食同必食係呢個, 28蚊8隻, 初初食好熱, 辣口啊, 味道ok啦, 反而等凍少少, 一啖食晒隻小籠包反而仲好味d!! 服務都算ok, 一見冇茶就有人拎去沖, 食物又好快上, 唔錯! 唯一係個生煎包好唔掂, 有待改進呀~~V_V

佢由開張到依家, 大大話話都食過十次la次次都係咁有水準佢d茶唔可以唔試, 因為晚市九蚊位茶錢ga wor, 不過佢ge人參烏龍茶的確係好飲ge, 一飲落口會feel到好甘甜ge茶香, 好鬼舒服ga!小籠包變左一口版之後仲好食過以前, 皮薄左但係又冇咁易穿, 犀利!擔擔麵都係咁爽, 辣度又適中, 花生味又夠濃, 我鍾意最正ge莫過於砂鍋雲吞雞la, 食過咁多間上海舖最好食係呢間, 點解? 因為我鍾意佢個湯夠清, 不過好入味, 冇咩油浮係湯上面, 隻雞又夠滑! 食完一客都飽哂lu!唔怪得開左4,5年都仲要排隊la

昨晚共10人一起在這裡book了一間房，房間有私人plasma、有沙發，有玻璃幕大景觀和私人服務員。最低消費$1,250元。我們在訂房的時候已經選了一些菜：１）五福臨門大拼盤(油爆蝦2份、雲南白肉片、海蜇、冰鎮肴肉) -- ＄２０８/２）八寶鴨(要預早訂) -- ＄２３０/３）蝦仁蛋餅-- ＄６２/４）蝦子蔥燒海蔘-- ＄８８/５）松子黃魚-- ＄９８/６）鮑魚菇扒時蔬(津白) -- ＄６５/７）一口小籠包(2籠) -- 共＄５６/８）膽膽麵(2碗) -- 共＄４４/９）鮮魚羹-- ＄１５０/１０）上海粗炒烏冬-- ＄４８/１１）上湯水餃-- ＄３３/１１）傻佬炒飯-- ＄５５/１２）豆沙鍋餅-- ＄３２/１３）高力豆沙-- ＄３２/茶水+ 餐前小食-- ＄１１４/還有服務費。結帳的時候是＄１４７０/我覺得最好味的是冰鎮肴肉，另外那個高力豆沙也很美味的！>w< 八寶鴨是用多種材料炆成的，很入味，入口溫和。傻佬炒飯放肉鬆和蝦仁炒，很香甜的。^^蝦仁蛋餅是最驚喜的，被切成一塊一塊的正方形蛋餅，每一塊都有很大粒的鮮蝦仁。很美味～問大家的意見，大家都說每款都很平均，每款都很美

無o黎半年仲係排曬長龍! 食物質素仲保持得不錯. 叫咗小籠飽-皮依然薄, 雲白肉個汁正, 唯生煎飽賣相差少少, 飽面好似很濕的. 而服務方面, d侍應雖然個個都很忙, 但係都好好禮貌, 值得一讚, 但一大缺憾真係要等好耐. 一至四o黎會比較好d.

食過幾次，第一次係四年前新開張，排起碼個半鐘，好耐冇食過，琴日走去食，點知都排成個鐘，哩間旺足四年好勁。一口小籠包- 依舊皮薄多湯，好味麻辣粉皮- 好多粉皮，真係好辣，越食越冇味覺，不過唔鍾意佢太多花生粒&辣椒粒椒鹽排骨- 口感幾好，不過咸過頭傻佬炒飯- 幾大碟，好多料，都幾好味酸辣湯- 冇飲到，不過我估應該同以前冇分別人參烏龍- 始終都係第一次最好飲兩個人埋單$243，都算貴，而且今餐麻麻地，唔係特別想食都唔會再排lu...

首先梗係講小籠包啦! 睇上去係皮薄, 但係d"肉湯" 就唔係好有味...d 肉又散散地...翡翠/霸王山莊好好多!個豬扒拉麵ok啦, 但湯好淡.仲有係肴肉, 最好味係呢個, 有點酒香, 算係咁啦!最後有個香蕉高力豆沙, 雖然唔係好甜, 又有香蕉, 但冇咩蕉味! 好麻麻啫!但要等就唔會再去lu!

我曾經是金滿庭餐館(奧海城)的侍應,終於都可以試試做客人的滋味啦~工作的時候,見到很多好似好好味的菜,(我們員工本身冇得食的...)今次同男朋友去,當然要試喇~1)炸銀絲卷~(我最愛吃的~剛炸起的超好味~)2)傻佬炒飯~(幾特別~很惹味的~有肉鬆的喔~)3)紅油抄手~(個樣超好味,但味道普通呢,本來超期望的)4)腰果雞丁~(正呀~~好好味o架~~)5)薄餅~(分開叫的,但無我想像中咁好味)6)酒釀桂花丸子~(麻蓉小丸子+桂花糖水~清清地~正~)7)高力豆沙~(麻麻..真係麻麻...阿拉廚房好味o的)嗯~總括來說~食物也很好啊~沒有令我失望~在此建議大家吃頭輪,即5:45-6:45入座那輪,最好的~因為不用等位~而且食物會較快起~不過我終於知道...真的很迫...說話有點不方便...而且也聽到左右兩邊客人的對話呢...大家對環境不要抱期望,反而期望食物吧!很好吃的喔!