金滿堂甜品

营业中

休息中

九龍城 金滿堂甜品雪中花❄️⛄️ $30夏天又來了🌞 係時候食番d凍冰冰既甜品啦☺️ 雪中花就係平民明智之選😋 一碗有哂椰汁、涼粉絲、紅豆、滑溜豆花、雲尼拿雪糕🍦 好吃啊😍😍😍💕#reneeklncity💕評分：😈😈😈😈😈（5分滿分）

今日既晚餐唔係好滿足！原本我想去佐敦佳佳食湯丸，但花先生想食心太軟，所以就去左佢覺得整心太軟整得最好既九龍城甜品店。Menu都好多選擇，中、西式都有。見天氣漸涼我就揀左銀竹花，好足料架！有齊薏米，腐竹，銀杏，蛋花。唔會過甜，幾潤喉！花先生太愛朱古力，揀既係雙朱心太軟⋯⋯ 依間既心太軟次次都好流心，有熔岩流出黎既feel！配上朱古力雪糕，一凍一熱係幾好食的！ 不過個人諗為咁既配搭太甜喇，配vanilla 雪糕會仲正！

嘩，叫得呢個咁有霸氣嘅名，就係金滿堂嘅龍眼椰汁系列甜品喇。龍吐珠（$34）材料有龍眼椰汁沙冰，椰果，珍珠，龍眼，材料豐富，有咬口，珍珠夠煙靭唔會冇味，最正係個龍眼椰汁沙冰，好足料，唔好淡貿貿，仲好襟食添！另外一款龍眼椰汁系列白雪奇緣（$34）材料有小丸子，椰果，水晶珠，蘆薈嘅龍眼沙冰，其實同龍吐珠大同小異，分別在呢個純白色presentation...好pure哦！但其實呢款咁pure嘅甜品係我呢個男人老狗食嘅，反而老婆大人食左個霸氣十足嘅龍吐珠呢，哈哈。

好耐未食過一間可以值得讚好味的甜品店😋新派的甜品店，不太甜，店舖註明是少甜！我們吃了四款甜品，不太甜，味道很岩我們，而且配塔得好好！榴蓮+奶+椰皇凍食好好味，榴蓮味好香好好味！下次會再來！

食完飯緊系要消化下啦，行行下就見到好多間甜品鋪，依間嘅menus好吸引，所以就簡左依間食啦，我就食左幾普通嘅紅豆小丸子豆腐花啦，雖然普通，但依三樣我都好中意食，凍嘅豆腐花對我黎講太吸引了，小丸子真系好好咬的

今日即興地去左九龍城食甜品，去到就一定會揀金滿堂，因為要儲印花，食$40就有一個，滿10個平返$40我就叫左雪中送炭，朋友就叫左湯圓伴蛋白雪中送炭其實係龍眼，小丸子同蘆薈粒嘅沙冰，沙冰勁有龍眼味，而喺綿綿嘅沙冰入面有好有趙頭嘅粒粒，感覺好得意另外，朋友嘅湯圓伴蛋白要左一個冇椰皇版，平左$16，但其實味道係一樣的，份量亦差唔多，哈哈

好耐無去過Kowloon City，等朋友放工後相約在Kowloon city食糖水，重回讀書時候的回憶，回想一班來到九龍城聚餐，然後食甜品，十分美好的回憶！😊😊😊太約10時到，都不用排隊😗🤗我們看左餐牌一會，花多眼亂都唔知點什麼好呢？最後都是選擇芒果類✌🏻這個的確令我有點失望芒果是酸的，水晶珠口感很差，個人太不喜歡！很少芒果發龍眼，最多的是水晶珠，而且很酸！份量方面應該要改善一下！這個都不太理想，芒果都是酸的，芒果肉偏少和水晶珠都比較多，但相比金枝玉葉這個好的是有少少小丸子、珍珠及雪糕平衡番心理比較好一點。

晚飯後當然要搵糖水食下啦，今日食左兩樣嘢，一凍一熱。金桃花（熱）（桃膠+清心丸+燉蛋白+椰汁底）（$32）近期大熱嘅桃膠原來係桃樹產物，即係「桃樹皮裂開後，所流出的樹脂液作天然修復，當樹脂遇空氣凝結後，成為硬身晶體。經浸泡烹調後，口感似蒟蒻，卻更煙韌富彈性，桃膠含有非常豐富的植物性膠原蛋白，具嫩滑肌膚及增加皮膚彈性效果，兼通血脂降膽固醇。」嘩，食療效果咁好嘅，加埋滑滑溜嘅椰汁燉蛋白，好正wor！白雪奇緣（小丸子+椰果+水晶珠+蘆薈+龍眼沙冰）（$32）白雪雪嘅甜品，原來有咁多配料，呢個同鋪頭另一個甜品「龍吐珠」好相似，只係將珍珠換左做小丸子，同埋多左蘆薈，口感豐富，因為係龍眼冰底都好襟食！

食飽晚飯再開我地第二個胃食甜品，兜了一陣，剛好錶位，有姑丈楂車先可以黎九龍城食個傳說中的甜品😋叫了火焰動感-》士多啤梨綿綿冰，酸酸甜甜好開胃😋燉蛋白，芒果綿綿冰，生果好鮮甜, 仲好快有得食。埋單仲有得儲印仔，儲夠可以減$15👍👍

認識金滿堂係10幾年前喺九龍城，真係已經好多年囉😅仲記得當時係老闆同老闆娘1齊招呼我哋，當時還介紹金滿堂嘅糖水係少甜嘅，做到而家10幾年來都無改1向嘅作風，分鋪還有這間九龍灣同埋黃大仙，希望分鋪越開越多，再研發多啲新款甜品😋😋金滿堂嘅甜品基本上我都試過哂，我個人特別喜愛榴槤飄香，金枝玉葉，同埋佢哋啲湯丸都係好正架，正所謂皮薄饀靚。最重要嘅佢哋嘅生果好新鮮，夠哂甜，所以碗甜品都唔駛點加甜已經勁道好味😋😋

最近愛上吃椰皇系甜品，例如椰皇蛋白燉湯圓。今晚反而試左另一樣椰皇系甜品，就係金桃花（熱）（$32）。佢裡面有桃膠，清心丸，燉蛋白同椰汁底。上網搵下桃膠係乜，原來係：顏色橙橙黃黃，質感像啫喱，是桃或山桃等樹皮分泌出的樹脂。口感幾特別，加埋燉椰皇蛋白同清心丸，係一個唔係太甜，又健康的甜品。至於老公就叫佢最喜愛的紅粉佳人（$32）。可惜最近店家轉左做法，加左乳酪做冰底，個人喜好以前冇乳酪版本多d。但其實加埋蒟蒻同椰果，口感都唔錯。

我和Honey在九龍城吃晚飯。晚飯吃完了，心思思想吃甜品。今晚天氣寒冷，寒風颯颯，所以來到金玉滿堂，吃我最喜歡的｢椰皇燉蛋白｣。九龍城的甜品店多的是：傳統的中式糖水、潮州式糖水、西式甜品、台式甜品……林林種種，都可在九龍城找到。金玉滿堂令我一到再到，是因為｢椰皇燉蛋白｣。｢椰皇燉蛋白｣系列，可以配不同的配料。Honey選擇了芒果。甜品是整個椰皇做器皿，用椰青水燉蛋白 。熱辣辣！椰香極濃！蛋白非常嫩滑！又可以吃 ，又可以飲，感覺非常養顏！這是我到金玉滿堂，每次都會order的至愛！

同一班朋友係附近食完晚餐，意猶未盡～所以去左食甜品行過去見到間鋪頭咁旺就揀左佢～我覺得呢個係我地叫既野入面最好味既，有芒果肉+芒果雪糕+小丸子+水晶珠+龍眼肉口感好豐富！好味道！間唔中食到啲龍眼肉感覺仲好清新！推介對於愛榴槤既我，當然要一試佢個椰皇no.1 榴槤女皇 一聞就好香榴槤味，佢有榴槤肉+椰皇燉蛋白+水晶珠，仲加左椰汁底～不過因為榴槤太濃味，所以已經唔係好食到燉蛋白+椰汁味水晶珠燉完變左西米露咁既質地呢個終於可以試到椰汁同燉蛋白味～ 都幾香既！但配芒果冇咩特別～ 略嫌椰汁俾太多，少啲椰汁多啲燉蛋白就好朋友仲叫左呢個，都好好味，加紅豆+$6，原本$32～ 有芒果肉+椰果+水晶珠+蘆薈+清心丸又一豐富口感之作！呢個唔記得影相，因為太遲黎試左佢個新品，好似好滋潤咁，但點知好失望，好淡冇咩味都係其他甜品好食啲！呢間甜品店人氣高，好旺，所以變左食完好快俾侍應清左張枱，急急腳走～ 傾唔到好耐計 但啲甜品係唔錯既！

食完晚飯同朋友好瘋狂咁由太子行到九龍城食糖水，去到揀左一輪就決定去金滿堂。由於頭先食飯食得太飽，所以我放棄左平時最鍾意嘅心太軟，改左叫呢個朱古力棉花冰。先講佢上面嗰兩塊薯片樣嘅朱古力，初初以為係薯片嚟，點知係朱古力，仲要勁唔好食。個冰就幾好味嘅，一入口有好香濃嘅朱古力味，但又唔係好甜。粟米片同個朱古力脆條就正正常常。朋友叫左呢個，我試左一啖，覺得麻麻地，係芒果汁加無味嘅冰。個人覺得棉花冰好味好多。我嘅最愛，有好香濃嘅朱古力味，一切開啲朱古力醬就流哂出嚟。朋友話普普通通，食完之後好飽，我諗我可以將佢當晚餐。😂

飯後甜品，今日黎到九龍城，呢間金滿堂食甜品😍😍呢間野本身芒果大王好出名既👍🏻👍🏻咁今日就係試下la🤓🤓🤓🤓因為今日係無椰子殼所以就碗上👍🏻不過唔緊要啦，老闆好有良心咁減十蚊👍🏻但係水準依然係度 朋友叫呢個芒果大王，佢話好好食，食咁多次都好好食😋😋我就order左呢個桃花仙子，因為好奇咩清心丸，哈哈，質感幾好食wor👍🏻👍🏻個椰汁燉蛋白好滑😋😋又唔會太甜，一d都唔漏👍🏻好食👍🏻😋推薦