金滿堂甜品

营业中

休息中

每次去到唔同既甜品舖我都會試下佢既椰皇系列🥥今次呢個真係唔可以唔介紹下🤘🏻首先介紹下呢間甜品舖係主打少糖低甜😍佢地用既糖都係用香葉熬制而成既冰糖取代白砂糖～除左更香 仲降低糖水既甜度含量架🍬桃園燕有桃膠 芋圓 雪燕 清心丸 同 椰皇蛋白 配 椰汁底芋圓同清心丸都好煙韌 唔會過硬/過淋👍🏻通常食開既椰皇蛋白都淨係會食到蛋白味金滿堂既燉奶係由椰皇混入鮮奶製成又香又滑 仲有濃濃既椰香味🤤配埋少糖低甜既椰汁底 我想日日都食啊

近年來九龍城的次數太少，奈何每次都因各種原因與這間甜品失之交臂。這晚儘管已經非常飽，還是選擇踏入金滿堂的門口一嘗究竟。兩人點了一份金玉滿堂和一份凍榴槤女皇。金玉滿堂有芒果和龍眼肉，酸酸地很開胃。相較之下榴槤女皇比較驚艷到我。有椰奶，椰皇燉蛋白，再加一塊榴槤蓉。椰子的清香加上嫩滑的蛋白，夾少許榴槤，每種味道都好夾，又不會搶走其他的味道。真的太好味了，完全不後悔這麼飽都專程來食。

由大學開始就一直係金滿堂常客，差唔多十年來一直都有幫襯，原因好簡單，就係佢咁耐以唻一直保持水準！唔似啲一出名就淨係識加價或縮水既餐廳，金滿堂依然十年如一，不單價錢親民，連水準都可以保持，單係呢點已難能可貴。不過更令我決定寫呢篇食評既，都係因為佢不固步自封，不斷推出新產品，創意十足！今次佢地推出既刨冰系列其中一款叫泰迪小熊，係用刨冰同雪糕整個熊仔頭出唻！個頭係奶茶綿花冰，個鼻係奶茶雪糕，個底仲有珍珠添！真係好食又好玩，食到人相當開心！希望金滿堂繼續保持水準，等我十年後繼續食你！支持！

每次食完泰國野 無論幾飽 都仲想食個甜品！而我就鐘意金滿堂同另一間中式糖水今次就帶朋友黎食金滿堂喇時間尚早，唔駛等位。平時我嘅最愛係桃花仙子，但我今日實在太飽，食唔到，但我朋友就叫咗～桃花仙子其實係椰皇鮮奶，再加清心丸同近期好hit嘅桃膠，女士們食完最岩喇！整體唔會太甜，好清新，感覺好滋潤架！另一位朋友就叫咗腐竹清心丸，整體味道OK, 但依個可能就冇同區嗰間中式糖水舖咁好食喇～而我今次就叫咗咖啡果凍伴雪芭喇，第一次試。冇失望呀，個雪芭應該撈咗啲nuts入去，食落少少脆，口感好好呀而個果凍就係普通咖啡味，夾埋上面啲cream就冇咁單調，讚！另外吸引到我嘅就係外賣椰青水，$8一杯，岩哂食完買返去屋企飲。

時常都會同一班朋友來話店食他們的榴槤甜品，雖然他們都有幾間分店，但始終覺得九龍城喱間最好食。今日同老公兩人又再來食甜品，一入門口就一陣榴槤飄香撲面而來，連唔食榴槤嘅老公都唔會太覺得這陣榴槤味道難聞。而今日我們各自叫咗 ：桃花仙子-椰皇蛋白燉桃膠 (我嘅) 和 宇治金時-綠茶沙冰 (老公嘅)。 😋甜品上枱，keep 得到他們一貫食品品質，不太甜，食物原味夠濃，足料。但份量剛剛好。 雖然這區比較難搵車位泊車，但都值得來這店品嚐。

金滿堂，係我嘅甜品飯堂，我雖然好鍾意食甜品但係我老公唔鍾意食，但係每次食都只會呢一間，因為有連我老公都鍾意食嘅甜品！位於九龍城，雖然附近都有好多唔同嘅甜品店，但係這一間真係10分至愛，而他們有一些外邊沒有的特色甜品選擇！附近又可以泊車，真係諗唔到理由呢間這個就係我老公最愛嘅芒果大王，新鮮椰青，載着清甜的椰汁糕椰汁，爽口彈牙的水晶珠，甜甜酸酸的芒果粒，有凍又熱！如果食凍的芒果味會更加突出，食熱的香濃的椰汁味走晒出嚟！大家下次你可以兩樣都試吓今日仲特別食咗個榴槤大王，老公話好耐冇食榴槤喎！榴槤味10分重，同椰汁味亦都好夾！不過佢都係話芒果大王，正好多

同男朋友食完飯唔夠飽，諗住去另一間甜品店點知佢冇開，誤打誤撞就黎左呢間金滿堂😂越黎越鍾意食榴槤😍我叫左榴清雲 ($45)，入面有榴槤肉，清心丸，忌廉，椰果同水晶珠。榴槤肉味道唔係太濃郁，食完一陣已經覺得個口冇咩味😂不過好憎榴槤既男朋友覺得我仲係好臭lol 男朋友叫左金玉滿堂 ($38)，入面有芒果，雪糕，小丸子，蘆薈，水晶珠。佢話覺得普普通通。埋單時發現原來有麥提沙糯米糍，下次可以試下😎食完佢俾左張儲分卡我，儲夠10個stamp有discount

食完泰菜去左食金滿堂甜品，由於天氣涼涼地，於是叫左個熱嘅椰奶燉奶+湯圓。原本以為份量唔會好多，始終佢賣$43。但估唔到佢都幾大份，而且整得好滑好香，加埋芝麻湯圓，感覺非常之咁好食

年初四, 一行四人閒逛九龍城, 見到金滿堂有新推介, 即刻入去試吓! 芋圓顏色好別緻, 紫和黃色的配搭, 原來是祡薯和地瓜,  QQ的好有口感, 不時還食到芋圓內的薯蓉, 傳統得來又滿有新意; 老闆娘好有心思, 在方型芋圓裡面混入心型, 十分窩心! 記住, 手作芋圓仲可以外買回家, 等大家一展"愛"意!

星期五晚一行6人唔洗等位，好快入得。地方太窄大隻既朋友都坐得唔係好舒服，不過大部分糖水鋪都係咁金玉滿堂足料，龍眼肉夠甜，但芒果唔當造所以太酸加咗雪糕味道好啲，甜啲。龍吐珠味道新清，椰汁香滑，珍珠陣牙好咬口香辣黃金湯即係蕃薯薑汁糖水，唔夠辣，太甜，蕃薯夠林夠入味呢個椰汁味都好出，曲奇雪糕好match!涼粉無特別呢個乳酪士多啤梨杯好好味。士多啤梨夠甜，乳酪係底都幾好味！芒果糯米糍個皮好香，夠軟腍。但芒果都係太酸

這幾天天氣寒冷, 經過九龍城金滿堂甜品店，原先想食個熱椰皇暖一暖。 不過店員推介一款新產品 "補血養生茶" 話好好味，於是就試吓。  果然無介紹錯，不太甜，裡面還好足料，有紅棗、雪耳、桃膠，好足料。 食完個身暖笠笠，而且依家仲做緊推廣價錢好底，食完好滿足呀！

每次到九龍城吃午餐，逛街購物一下之後都想吃個下午茶甜點，自從Smile消失於九龍城後，我們的選擇都是金滿堂，今天也不例外。因是人氣之選，太太就點了這個熱食芒果大王。以下是她的意見：天氣清涼所以點了熱吃，但之後有點後悔點了，因為芒果這樣就不放在椰皇𥚃面而要另放碗上，感覺有點怪怪的，若要如餐牌上一樣則選冷的好了。椰汁在上面，下面才是燉蛋白，真的頗香又滑，就是椰汁太甜了，令吃完後有點生膩，不放或減少一點椰汁可能會好一點。大男孩又是點了他的例牌金滿堂招牌菜：金玉滿堂。問他每次都吃這個的原因，他的形容是一上檯看到令人陶醉的橙黃色，加上香甜的芒果，非常美味。但今次他就有點意見了，因在橙黃色的裡面，他發現了一些晶瑩剔透的東西，原來是冰粒，在綿滑當中非常突兀，必須改善。今次也忘記要選配蘆薈，店家就放上了龍眼，但龍眼跟芒果的組合及不上蘆薈哩，下次一定要記得。我自己就吃宇治金時。寒天吃凍品，別有一番滋味，茶味不是太濃但也是好吃的，不過吃完後才發覺相片旁的綠茶粉原來只是拍攝裝飾，實物沒有提供的啊！下次到九龍城還是會再來，除了好味道，還有一個很重要的原因，就是下午三點鐘，當週圍大部分甜品店還沒開門她就開始營業

除夕夜原本諗住去食完甜品開心倒數，叫左一個芒果大王，一個雪中送炭加芋圓。因為一直都食開雪中送炭加芋圓覺得好好食，所以都係必叫之選。但係今晚去食，食食下就見到有隻蚊係雪中送炭入面，有禮貌咁同個侍應講，都係想換個新既就算，點不知佢態度臭串，話隻野自己飛入去？？講到好似係我既錯咁，傻的嗎？ 垃圾！我唔知係咪因爲除夕忙所以先請左個大陸人做野態度咁劣質定係原本都有呢個人，上兩次係度食甜品serve我地個個侍應態度都好好又好nice既。希望呢間野個大陸人侍應可以改善下個態度！

難得去到九龍灣，一定要食金滿堂抺茶控又食抺茶啦！宇治金時我的兒時最愛！！！今次去到裝修左唔同曬，連同回憶一同拆走，幸好味道不變！宇治金時（$38）賣相好睇又好味！配料好多，有綠茶雪糕，紅豆，小丸子，小西米（脆卜卜好特別），椰果，仲有主角綠茶沙冰，都係$38，真係超值！另外仲會淋上煉奶，不過我習慣走煉奶，但太耐無黎唔記得左叫佢走唔要煉奶更能突出綠茶味呢！收銀哥哥好好人，我以前去會記得我要走煉奶好窩心，又好有禮貌，比個讚你

九龍城甜品店林立，有d店好似小方糖咁每逢週末一定大排長龍，但金滿堂一定五分鐘內入座，點解？因為他們已經愈開愈多分店，三間店都位於城南道，所以一般不用多等就能入座。還有店員十分細心，唔洗同隔離枱迫到好近！今次去到就試試芒果甜品，一碗有齊芒果雪糕、小丸子、西米、芒果沙冰底，非常豐富！唯一美中不足係他們的西米係脆身的，本人較喜歡傳統有咬口的西米！另一推薦係芒果黑糯米，只是芒果和黑糯米當然無乜特別，他們加上雲哩拿沙冰底，同黑糯米非常夾！大力推薦👍🏻👍🏻👍🏻👍🏻👍🏻👍🏻