金滿堂甜品

营业中

休息中

是日同friends係九龍城食完泰國菜後係附近搵左呢間甜品舖俾第二個胃開餐，可惜繼晚餐失望後再下一城。order左三個甜品分別係金玉滿堂，稱為今氣number one ge龍吐珠，最後有榴清雲。三道甜品之中略為可以叫合格既只有榴清雲，榴槤味道非常出，一啖入口包你成口爆滿榴槤味。食落重有少計榴槤渣，可見算係足料。但係其餘兩個於麻麻，金玉滿堂呢啲根本基本野，即係楊枝甘露加芒果味雪糕球姐，但本身個汁底做得太稀，直情水水地，個人口味仲意食啲濃香杰身啲ge汁底。至於人氣number one就無咩特別，小丸子咬口算不錯既。

近年流行以外賣app 點選誇區美食。這次以流動應用程式，點選來覺九龍城的甜品到數碼港。📍榴槤糯米糍 $15/盒 （1盒2粒）糯米糍個子細小，是屬於迷你型。一盒有兩件，以透明包裝盒包妥，每盒附有一把小叉子，相當貼心。透明膠盒子相當結實，糯米糍即使長途運送，也不會被壓扁。糯米糍外皮微甜，軟糯煙靭，包裹著榴槤肉及榴槤忌廉，餡料有點少，但仍可接受。可能榴槤仍然未到大熱當造期，榴槤肉仍帶一點爽口，相信到榴槤當造期間製作此甜品味道會更好。

今日工作太攰所以就決定食甜品獎勵自己返工嘅位置實在太唔方便啊所以咁啱係袋鼠見到呢間有外賣服務就決定去食佢啦食物種類都好多有椰子有熱或者凍嘅都有 新式定舊式嘅都有我自己就叫咗芒果小丸子同事最初都叫我唔好點呢個因為有雪糕怕送到黎已溶好彩係無好足料雪糕都好有芒果味不過就要$50 碗 加$20送貨值唔值就見人見智食物係有水準的

夜媽媽就好邪悪甘想食甜野金滿堂呢間我都幾推介佢都有幾多糖水 中西式都有泰迪小熊 $48 (奶茶櫻花冰)佢原先係朱古力味 不過我唔好朱古力佢推介我食奶茶 我中意呀一於奶茶冰 奶茶雪糕雖然佢個樣似狗多過似熊仔 但味道幾特別 港式奶茶 茶濃唔會太甜 係唔中意佢個朱古力薯片順手推介金桃花 $32(桃膠+清心丸+燉蛋白+椰汁底）熱食 夠晒潤 👍🏽👍🏽

十年前重係中學生個時，同學仔帶我黎食九龍灣金滿堂既咖啡果凍伴炭燒雪芭，唔鍾意咖啡味既我都好鍾意食，個雪芭有果仁好香口感好豐富。今日同fiancé黎到九龍城分店，唔係食返當年既味道，而係食我最近日思夜想既椰皇燉蛋白🤣有個小插曲，一黎到fiancé 見到店員正係度拆聖誕裝飾，佢見店員擒高左係櫈度都唔夠高剪，佢就好熱心主動幫佢剪，剪左兩條tinsels落黎，店員轉個頭送上一杯椰青水答謝fiancea既幫忙😆👍🏻椰青水應該係啲燉椰皇本身既椰皇水，清甜解渴，好飲！終於都點野食喇，我揀左個最多料又要全部都鍾意食既桃園燕$55，好甜心咁俾左一隻膠更同鐵更我，膠更用黎食啲料同椰汁，鐵更用黎挖啲椰肉。一潷就見到好大舊滑溜溜既燉蛋白😍😍😍由於係menu見到有心型紫薯圓，我係咁潷，潷都啲蛋白散晒都搵唔到😭😭😭下次唔搵喇！佢個度寫住唔係全部心型，諗住佢意思係兩溝⋯⋯原來唔係，我諗睇好唔好彩。啲料有桃膠、雪燕、清心丸、紫薯圓、地瓜圓同燉蛋白。桃膠同雪燕係勁碎同好少，碎到唔覺食左，記得上次食桃花仙子入面啲桃膠都係好碎，所以下次唔洗叫呢個都得。清心丸一向都好煙韌，水準保持到，好鍾意食🤤🤤🤤至於紫薯圓同地瓜圓煙韌係夠

 性價比高的甜品店 （賣點：低糖甜品店）💯推薦～～～～～～一年4季 都要吃的榴蓮女皇！！！ 無的輸～榴蓮女皇🥥🍃（No.1椰皇系列）椰皇蛋白燉榴蓮🌟🌟🌟🌟🌟非常足料：椰肉多濃厚清甜 口感好 很新鮮一球榴蓮肉 x 半個椰子燉蛋 x 濃椰奶底x 清心丸🍡💰：48 材料：足料 新鮮甜度：（熱/凍）熱會偏甜一般都會擰走，不堂食，太多人，唔想排隊。擰走也不會影響甜品的口感，因為椰奶榴蓮和椰子燉蛋會分開打包。個人認為金滿堂甜品🍮完勝滿記甜品～～地方就肯定不夠滿記大，位置也不夠滿記方便好找💡💡💡💡

係九龍城食完晚飯，都一定會來這裡食個甜品先，甜品當中我最鐘意這間的椰皇系列，椰皇蛋白湯丸，椰汁底好香又唔會太甜，唔止有兩粒芝麻湯丸，仲有幾粒清心丸㗎，再加埋蛋白真係一路食一路覺得完美又滿足又暖身，真係冬天最好選擇。

自從發現呢間甜品店之後, 家人都會推介給各方好友。上星期五晚出九龍城食火鍋慶生, 雖然食到好飽了, 但大家一聽到有榴槤甜品, 都齊聲說不介意放低架車, 步行數個街口前去啦。一行五人, 揀中嘅甜品都係一樣的, 都不約而同 order "榴清雲" ~ 內有榴槤肉, 清心丸, 水晶珠, 椰漿! 另外 2 人 order "椰皇蛋白燉湯丸" ~ 內有燉蛋白, 清心丸, 芝麻湯丸, 我地叫左熱的, 很滋潤。這間甜品店說明椰皇殼不會重用! 🖒而且用少糖少甜作招倈, 對注重健康, 要控制體重, 但又想吃甜品的人來說, 是個好選擇哩! 😋😋

星期六下午四點幾嚟到，冇咩人坐得舒適，我order了桃花仙子($45)，裏面仲有好多椰子肉，呢度標榜少糖低甜，椰皇又唔會重複使用，食落清甜好好味!! 而朋友則order了泰迪小熊，本來應該係奶茶味嘅雪花冰，但佢話冇晒奶茶轉左朱古力，朱古力都好味但想試奶茶味多啲，呢個甜品造型非常可愛!!

星期六同老公係九龍城食左晚飯想食埋糖水先回家，以前都好鍾意係九龍城食糖水，但近都好少因為覺得食過幾間都麻麻地!食之前做下功課，發現好多年前鍾意幫襯的金滿糖食評仍然幾好，仍然有我最愛的榴槤，所以再幫襯!今日食左我最愛的榴槤飄香同金枝玉葉!沒有退步之餘仲有進步，進步在日於賣相靚左!榴槤飄香有榴槤肉，蘭香子，椰果，西米同牛奶布甸，味道不會太甜，剛剛好!所有食材好夾，牛奶布甸牛奶味香濃，沒有補榴槤肉遮蓋!金枝玉葉是芒果汁，芒果肉，龍眼肉同西米，都係甜度剛好，除了芒果肉少左dd外，其他都好滿意!

呢個朱古力泡芙，外面脆卜卜，裡面啲cream勁滑，聽老闆娘係用咗稀少糖嚟整，用可可粉代替朱古力，糖尿病人都岩食，食幾多都唔怕，我就話一個就夠晒數！食嗰陣，見到有人食椰皇芋圓糖水，好似好正，下次一定會再嚟試！

Nice.Last time we ordered this and we were surprised by its not-too-sweet flavor.Unlike other desserts, this one fulfills your taste bud with refreshing tasteand ingredients. We will definitely come again next time. 

每次嚟都一定會嗌，唔好以為係甜品，就一定會好甜，呢款甜度適中，陣陣南瓜椰香味，食完又唔覺膩！自家製芋圓仲非常煙韌，底部嘅奶滑更加係一大驚喜！食晒啲糖水仲可以，食埋啲椰青肉添！

咁晚餐之後又到甜品啦，因為加國甜品貴到爆喎🙊我地一行人沿路行左落去九龍城搵糖水鋪，敲擊妹話呢間不錯就跟住佢行到落去每人都叫左自己嘅心水甜品後，敲擊妹話麥提沙糯米糍好正，所以又叫左一盒share又真係幾得喎，口感好夾，佢又聲稱首創👍🏻我就揀左豆腐太子其實係一個綿綿冰嚟嘅個綿綿嘅程度好好，又唔會快溶哂變水流流雖然豆腐味晤太濃烈，但配埋煉奶同綠茶雪糕又剛好👍🏻👍🏻👍🏻最後我地所有人都話糖水唔太甜。。。之後發現人地鋪頭已經寫明低糖少甜🙈🙈🙈😅😅😅為食但減肥人士推介

金滿堂嘅糖水質素都吾錯，今次特別啲，食熱食嘅 蛋白杏仁露😋 聲稱”即叫即撞”冇諗過呢啲式糖水係呢啲鋪頭食都ok咼👍🏻蛋白分量多，真係有一舊舊嘅蛋白，杏仁味亦都重，口感都可以，吾太似糊狀。甜度適中，不太甜。價錢都合理$30有呢個質素，我覺得吾錯👍🏻鋪頭嘅冷氣偏凍+風扇，其實都幾涼快嘅☺️ 環境都乾淨同寬落呀，大約可坐40個人。職員收枱都快，同埋都幾好禮貌&耐性。今日星期五晚都吾算太多人，吾洗等位。即刻有得入😊 糖水都上得算快，約5分鐘就有得食。 整體黎講呢間九龍城分店都吾錯，之前食榴槤嘅產品都吾錯，價錢都合理$45。