金樂軒雞煲魚鍋

营业中

休息中

雀友新居入伙，相約知己週四晚收工後上去打番十六圈 ，晚飯就喺佢家樓下一間好多街坊都幫襯o既「金樂軒雞煲魚鍋」度搞掂。一行四人六點未到已入座店子中央o既圓枱，因埋牆三張卡位一早已被客人預訂，其中一張o既食客比我地更早到添，之後先發覺原來佢地大多都係區內o既街坊熟客。飯後有牌局，晚餐當然係速戰速決啦，我地就一人點咗一味餸，再加藍妹大啤兩枝！ 蒜香椒鹽豬手（$128）：熱辣辣o既椒鹽豬手炸得好夠乾身、香脆、軟腍，金黃色o既蔥蒜香口又惹味，好有水準。 鮮味香煎墨魚餅（$128）：墨魚餅爽脆彈牙，淨食真係幾鮮，不過點埋個甜酸醬就醒神得多 。 四川辣子雞（$128）：辣子雞丁熱辣辣、香噴噴，好夠鑊氣，加上細細粒容易食，每粒同樣香辣脆口，又唔係麻辣嗰種，小肥都好啱食。 酸菜桂花魚煲（$188/條）：樓面姐姐極力推介，話佢地o既桂花魚煲又正又抵食，仲包食過返尋味，大家見$188有成條魚喎，所以就應承佢試一試 。桂花魚煲真係原條魚上，一邊食個爐仲要一邊滾住煲湯，四人都爭住要讚。白雪雪o既魚肉鮮甜嫩滑，一邊滾都唔會話變老，就連一向唔多食魚o既XO仔都食完一件又一件，當真美味非常，難怪枱

早幾日難得同屋企人入左北角，就去左試呢間聽講都幾出名既金樂軒。間鋪頭環境都幾好，乾淨之餘地方又唔會話好逼，每枱客人都會有自己既空間，原本覺得每間食雞煲既環境都好差，但呢間野就帶左俾我一個全新既印象。除左環境好之外，呢度既店員服務態度都唔錯，老闆娘仲會好好咁慢慢咁推介d野俾我地食，而且推介既野食大部分都幾抵食，唔似其他餐廳咁話推介俾你但實際上就當你係水魚。黎呢度既人多數都係嗌雞煲，不過我地就叫左個龍躉煲，因為老闆娘話新鮮喎～不過個龍躉煲都可以好似雞煲咁用個湯底黎打邊爐既，不過我地就冇咁做，反而嗌多左幾個餸諗住試多d野咁。個龍躉煲真係好好食，個湯底比想像中鮮甜，而且魚肉既份量都好足，絕對冇偷工減料，而且d魚肉既膠原蛋白都好有益，真係好味之餘又進補！我地仲叫左個老闆娘推介既香辣蟹，本身都驚好辣因為我本身唔係太食得辣，但係食落個味道刺激得黎又唔係算話好辣，就算唔食得辣既人都可以接受到。個蟹亦都炒得好香，咬落脆卟卟咁真係唔錯！仲有個尖椒炒豬潤，其實d青椒係好食過d豬潤既，可能係我個人喜好啦，d青椒係完全吸收哂d豬潤既味道，平衡番佢原本既椒青味，加上佢又唔會炒到燶哂，脆脆地咁岩岩好！

香港地經營雞煲火鍋食店幾乎越開越多，那證明香港人十分喜歡吃雞煲，喜歡大伙兒的熱鬧，正如我也是雞煲的捧場客，誓要吃盡全港九新界的雞煲似的，最近相約幾位友人到北角近柱苑地區吃雞煲。這家金樂軒，位置挺好，在沿海屋苑地區附近，旺中帶靜，從門外得知原來這家食店除了雞煲外，還有其他地道小炒，那太好了，不是單一的火鍋選擇，可一次過品嚐多款招牌菜。約6時半到達，人流已佔據了位子的一半。第一道菜當然是重慶奇味雞煲(半隻)，目標就是向著雞煲而來，雞煲內還有很多配料，如豆卜、蔥、洋蔥、冬菇等，辣度適中易入口，不會過辣，且雞煲不像外間般的濃烈，富有自家風味特色，雞件多，肉質非常滑，有家常便飯之意，好好味。邊吃雞煲，邊吃餐廳的幾款招牌菜，這款水煮桂花魚，份量挺大，單看賣相的桂花魚身細滑，咬一口後與我想法符合，魚質滑到不得了，賣相又好像很辣倒嚇人，吃落口只是微辣而已，在舌尖上感到少許麻，喜歡這點麻的刺激。另一款十分美味的招牌菜，雲耳蒸龍躉頭腩，是晚飯必點的小炒，龍躉頭腩啖啖肉，充滿光澤，肉質黏稠，有入口即溶感覺，新鮮惹味，加入雲耳作伴菜既健康，營養價值又高，備白飯來一併吃簡直是絕配。椒鹽炸大腸，還以為在街邊串吃才

作為荃灣人 平日好少黎開藍色線去搵好野食 今次見朋友住港島 佢又試過哩間餐廳唔錯 所謂就一於搭好遠車過黎🚅 到咗北角站A1出口沿街市方向直行 跟住google map 大概5至8分鐘就到 餐廳招牌幾大個 好易望到🏠入到去 地方幾大 d位距離唔會好迫 坐落幾舒服 我地主要嗌咗3樣野 聽老闆講都係招牌(1) 老重慶奇味雞煲 🐥哩度既雞煲同出面好唔同 有豬皮 豬大腸 成個煲感覺好豐富 d汁好入味 因為我地得兩個人 所以就嗌咗隻細既 $168 份量都好多 夠哂食(2) 香辣蟹 😍😍炒蟹份量好多 一人食到至少7,8舊 舊舊都好多蟹肉 配料係平日避風塘炒蟹既味 唔會話好辣 但就好香好惹味 食到我地兩個超滿足😋(3) 墨魚滑🐟🐠墨魚滑連蝦餅 蝦餅好脆 墨魚滑好有墨魚味 幾有口感 份量都幾足 有差唔多8, 9塊 食落同平日飲茶個款點心唔同 係度食香口好多 不過墨魚滑唔會煎得太多 食落就冇咁熱氣服務方面 伙計態度好友善 服務好有效率 又會幫我地換碟同斟水 一開始見我地冇咩諗法 仲要介紹比我地知有咩招牌菜食😀😀我諗我地下次都會再黎食 會試下個魚煲 見人地食落好似都唔錯 d湯好似幾奶白色 好香下

晚上與友人到北角的金樂軒吃雞煲，因為聽說這店的雞煲是挺有名的。原本以為這店是有分店的（在某地見到同名的店），但問過店員後，發現原來只是同名，沒有任何的關係，該店只此一間。看到餐牌給我一種懷舊的中式感覺。吃雞煲怕會「熱氣」，所以點了一壺蔗水喝，蔗水從雪櫃拿出，十分冰涼，很適合現在這種熱熱的天氣喝。蔗水甜度適中，不會太甜或太淡，好喝！喝完既清熱又涼爽。溫馨提示一下，打開壺蓋會更容易把蔗水倒出。因為怕太辣，所以點了小辣。雞煲一上桌子，未吃便聞到很香的味道。店員為我們攪拌，使雞件豆腐卜更入味。雞件拌上醬汁，使味道提升一個LV.而雞件雖然不是很滑，但勝在味道吸引。這雞煲很大鍋，4人吃剛剛好。吃雞煲有點DRY，當然「不夠喉」，所以點了兩碟小菜。這碟豬腸因為切成一片片，所以容易入口，而且亦看清楚腸內是否清潔乾淨，我吃的這碟是乾淨的。不過豬腸脂肪高，吃了很多有點對不起自己身體配菜中的雲耳很爽脆入味，味道挺好的。另一碟小菜是海鮮－龍躉⋯⋯的頭腩＠＠龍躉頭腩有很多膠質！對女士是很好的食物啊！雖然只是用蒜茸調味，但我覺得已經足夠。蒜茸味道突出，但又未完全遮掩龍躉頭腩的鮮味，味道挺好的。

向來口味比較重，而佬味小菜一向深得我心。所以今次就來到東區小有名氣位處北角的金樂軒。因為雞煲吃得太多的關係，所以今次鍋的選擇就是魚。因為不但有魚吃，還可以喝鮮甜魚湯。這魚肉質極滑，令本來不太喜歡吃魚的我都密密食。即使鍋一直加熱，魚的肉質依舊嫩滑。魚件沒有骨，店家很貼心的將魚切件，所以入口很方便，就能小孩都需合。辣度也可以選擇，因為友人不太能食辣，所以我們選了小辣。除了鍋之外，我們也選了蒜香黃金膳。不太喜歡吃魚的我，今次也吃了不少呢😂外面炸得香脆，但魚肉仍鮮嫩，保有鮮味。但對我而言，調味略不足，可能是我吃太濃味吧。所以沾了些下一道菜的炸蒜一起吃。最後一道菜是蒜香豬手。豬手其實也不是一向喜歡吃的東西，但今次也點了想嘗嘗看，哈哈。我不喜歡豬手是因為怕它會痴痴的，但也許今次是炸的，所以不會有太有痴痴的感覺。加上香蒜的配搭，更為惹味。連向來不吃豬手的我也吃了2 3塊。總結果然這些地道風味小吃是我愛的東西😂下次要再嘗嘗馳名的奇味雞煲，看看會不會能給我更多驚喜。

我喜歡食魚，朋友喜歡食雞，一起食飯當然想大家都滿足啦！所以就揀左金樂軒雞煲魚鍋又食魚又食雞，皆大歡喜啦！這裡環境四正，偏向舊式，有點冰室的感覺，而且客人未算多。沒多久，那熱氣騰騰的雞煲就出場了，色澤看起來不錯，果然雞塊都好入味，帶着濃濃的醬油香，可惜雞肉有點“鞋“口，食落一點也不嫩，就有點遜色呢！但值得一讚是放了豆卜一同煮，那豆卜完全吸收了雞和醬的精華，特好食呢！菜館較少以田雞入饌，可能普遍食客還未接受到此等美食吧！不過我倒是很喜歡這個強壯的大腿，那跳躍力就是最好的証明吧！而且這菜還特別的潻加了強勁辣度，食到我們個個都伸曬脷彷如那乘涼中的小狗一樣呢！這炸墨魚餅很好食，除了炸得表面金黄香脆之外，那雪白的墨魚好似還有生命一樣,在嘴巴內彈下彈下，很是好吃，大家也很喜歡呢！吃熱氣食物，通常都喜歡來杯清熱氣的飲下，店家推介它們自製的甘蔗汁，我們也就點來試下。不過味道太清，似粟米水的感覺，半點沒有汁的口感，還有點令人失望。不過飲落都很天然feel就是了。我最期待的魚煲終於出場！見到那一團又一團的魚肉，心情難免興奮，而且那鮮嫩如初春之雪的肉質，原來是龍躉的肉來的！肉質鮮甜不在話下，那魚皮又厚身又滑，

晚餐時間相約三五好友聊天吹水，是下班最讓人期待的行程，朋友知我最愛吃雞煲，就推介我來到這間小菜餐廳。奇味雞煲，雞煲上檯時香氣四溢讓人口水直流，雞肉略瘦一點卻很嫩滑，調味帶微辣，色香味俱全。除了雞件之外更有豆卜及冬菇等配料，分量夠多足夠 2-3人分享。什菌豬頸肉，豬頸肉口感好彈牙爽身，炒得好有鑊氣，微辣吃起來很開胃，濃郁入味。炸墨魚餅，熱辣辣新鮮炸起，趁熱食好香口滋味，夠彈牙不油膩。尖椒炒豬潤，厚切豬潤很新鮮沒有內臟的腥味，豬潤含有豐富鐵質，是很好的補血食材，所以我也多吃了幾件。甜酸排骨，排骨炸得脆口，醬汁偏甜開胃，送飯一流。酸菜龍蠆魚鍋，奶白色湯底非常濃郁，魚肉爽脆嫩滑，沒有太多細骨，美味新鮮又有營養。龍蠆魚鍋太美味，所以多點了一份肥牛放進魚鍋的湯內一起吃，肥牛油脂分布平均，厚薄適中牛味好香濃，不錯!肥牛吸收了魚湯更顯鮮味。酸辣土豆絲，口感出奇的爽脆，酸酸辣辣的味道讓人一口接一口吃個不停。整體味道偏濃，愛重口味人士會喜歡。

自從係炮台山返工, 多了在這一帶食飯, 今次去了北角的金樂軒雞煲魚鍋食飯, 我放工行過去便可以, 非常方便.來到這裡, 當然要一試佢地的奇味雞煲.由於我唔食辣, 所以大家也好好咁就我點了無辣. 上枱時已聞到香噴噴. 份量都幾多, 足夠幾個人一齊食. 除了雞, 仲有配料, 如冬菇, 枝竹等…雞肉肉質夠嫩滑,又夠肉汁, 不會好乾身, 仲幾入味, 啱愛食濃味的我. 當然點辣的話, 應該會更惹味.記得食埋冬菇和枝竹, 因為佢地吸收晒雞和醬料的精華, 又夠腍身.食了較濃味的雞煲,也要點些清熱氣的飲品. 我地選了粟米蘿白竹蔗芧根.這是自家製.樽內見到竹蔗芧根材料, 味道幾清淡, 飲完感覺幾潤喉和舒服, 好啱偏向熱底的我飲用.另外, 點了手打墨魚餅.上枱時仲熱辣辣, 應該是即叫即整.墨魚餅夠彈牙, 有口感. 墨魚的魚味也幾濃, 這個用來送酒就一流. 雖然我不飲酒,但當小食是不錯選擇.附有甜酸汁, 點了後, 能夠提升墨魚餅的鮮味, 好醒胃.辣椒炒田雞.平日也不是太多食店有得食田雞, 而且控制時間也好重要, 過咗時間就會硬. 這個田雞算滑身, 用辣椒炒, 夠惹味, 但對於不太食得辣的我來講, 就辣了一點

朋友知道我愛吃魚, 跟我介紹北角這家店它既有魚鍋又有雞煲, 兩者都是這裡的招牌菜雞煲十分惹味, 味濃而且醬汁入晒味, 辣味不重, 唔食得辣嘅人都可以接受到豆卜吸晒醬汁, 咬落必晒d汁出嚟, 勁夠味酸菜龍躉魚鍋, 一上枱已經聞到好香的魚鮮味道, 肉質超嫩滑, 一眠就化開, 有很濃的深海魚鮮味道, 不愛吃魚的人可能會覺得有點腥仲可以另外叫牛頸脊來滾魚湯, 牛頸脊沒有多餘的肥肉, 口感彈牙肉嫩, 一d都唔韌, 而且好有牛味田雞肉質嫩滑, 完全沒有田雞的腥味豬頸肉彈牙不肥膩, 有爽口的口感墨魚餅是用新鮮墨魚打做的, 很有墨魚的鮮味, 外皮炸到金黃可口炒豬潤都係第一次食, 不過豬潤有d太老酸辣土豆絲酸酸辣辣的好開胃, 而且土豆絲很爽脆, 不油不膩, 佐酒小食一流

為左食好野，行多幾步路又有咩所謂今次都係有朋友介紹就識得呢間店！算大間，但食既野就好有質素 前菜有雲耳，佢仲有撈webi，辣辣地又爽口開胃！ 水煮龍躉魚鍋本身湯底已經好夠濃， 魚肉唔洗點其他將執都夠晒味！另外讚位係佢地選擇將啲薯粉放係煲底，食完魚食薯粉…浸淋岩，時間岩岩好。最後仲入晒味！ 我覺得唔單魚煲好食！佢地啲菜式都幾有心機！我地前前後後都叫佐3碟尖椒炒豬潤、椒鹽豬手 、雞雜！呢幾碟我地都係問既推介（好似有塊小白板寫住）果然都冇令我失望！豬潤肉地算滑，唔粉！豬手蚊到十分淋，豬皮部份入口即溶，雖然椒鹽但都唔會乾爭爭！最後就雞雜…話說一上就比我朋友食得光光我就食得幾粒，但的確好入味！

話說自從金樂軒搬左鋪後，己經好耐冇食過，今日一嚐，由頭髮再去到腳指都找初戀既感覺，哈哈龍躉頭腩個人非常喜愛食魚腩，肉質又嫩又滑。金樂軒配上金銀蒜去蒸，魚腩同金銀蒜味道互相配合，令味道更加鮮甜，可以話係絕配。手打墨魚餅想搵樣野送下酒，所以就叫左依個手打墨魚餅試試，因為老闆話送酒墨魚餅送酒都吾錯。有咬口，味道亦濃郁，睇起黎好乾，但食起黎又好多肉汁，整體黎講不過不失，可以一試。黃金蝦球當晚特別想食脆口野，所以叫左個黃金蝦球。依款可以話係必試既食物，又足料，又爽口，味道更加係無得彈，鮮鮮甜甜，一粒蝦球已經可以令到自己成口蝦肉。椒鹽豬手味道依然，外層鬆脆，內裡肉質綿綿，配上炸蒜的香，真是說不出的好味道啊。

多數去元朗食開雞煲去…最近朋友介紹去食北角既金樂軒，的確冇介紹錯！話說朋友介紹金樂軒既小菜係十分禾味…所以今次都叫佐唔少小菜！水煮龍躉魚鍋啲魚真係唔話得…我平時唔多食魚要大讚啲魚肉！ 龍躉份量幾多，而且魚肉結實魚味重。鍋底仲有薯粉，最後吸晒精神同湯味，又濃又好味！ 奇味雞煲雞煲真係金樂軒必食產物，佢地既雞煲真係超好味，雞肉又淋，個汁又特別，依個可以話係主打菜。椒鹽豬手一啲都唔少，好足豬手！半有骨半無骨，整到好有口感…外脆入好淋,，入口膠住既感覺好好，食左好多，哈哈!（欣賞）  椒鹽鮮魷放左好耐都冇話吾脆，可以慢慢食。另外魷魚好新鮮，食落亦好爽口，一個字，正!雞雜我就唔多食…不過朋友都話唔錯，就比大家望下啦

好耐無去食雞煲啦,今日朋友話呢間正,甘去試下啦我地叫左好多野食阿!哈哈首先,來個 重慶奇味雞煲先啦想講個汁好入味 ,哈哈, 好正, 因為個汁帶D辣,所以好鬼惹味!連平時吾多中意食辣既朋友都食而D雞都好滑. 真心我平時只系中2意雞翼,因為雞翼最滑 , 而我成日覺得D雞肉無甘滑,吾好味,所以我通常食雞都只系食雞翼加!  只不過,今個呢個雞又真系幾滑, 甘我就食左好多啦 正跟住呢,仲叫左個個水煮龍躉魚鍋呢個好正阿!! 超愛因為除左個湯底正外, D魚真系好新鮮,好滑...個重點系,,,魚無咩骨,哈哈 可以安心邊食邊傾計仲有呢個魚鍋味道入味外,下面仲有薯粉, D薯粉入味佢D味,正正之後仲食左好多小食啦其中最愛之一,就系呢個炸大腸啦,哈哈真心想講呢個我超中意 哈哈 因為呢個豬大腸一D都吾油膩 , 因為老闆好有心, 中間放左D蔥系到,好正阿 ! 因為呢, 咬落去, 豬大腸個皮好脆, 但系入面好清鮮,,哈哈個重點系.......放左一個鍾後,呢個炸大腸依然好脆, 所以老闆功力真系勁我食左好多呢個!!跟住仲食左好多野食加!!呢個豬都真心正,因為我系汕尾人, 甘家鄉好中意食豬手既,今次我都系第一次食呢隻做

舊同學約聚會，由柴灣食到過黎北角，雞煲個辣味夠，用上新鮮雞，夠滑夠味係首個推介。不過我地近期已經少左點火鍋料，點解？因為其他小食仲好食囉～男人既浪漫係要飲下啤酒吹下水，今次帶埋女朋友去，一樣都係要夠豪～椒鹽鮮魷，老闆親自下廚，外面脆入面仲好彈牙唔會乾，飲啤酒既首選。醉鴿，細細隻雖肉唔多，不過就勝在夠入味。蒜泥白肉，個蒜夠香，唔會好多油，唔似出面其他油浸白肉。皮蛋，唔算太特別，不過幾香，但人少就叫唔到，因為都幾大碟～炸魚皮，又一佐酒小食，好彩先有，好快賣哂，魚皮呢家野，當然要夠香脆，可以放雞煲吸埋啲精華，不過要食得辣先好。梨山排骨，味道酸酸甜甜好開胃～啲肉排又夠靚，炒出黎好過出面啲生炒骨好多，唔會又乾又硬。四季豆，唔算好特別，同平時係出面食既差唔多，算係中上，唔多油。木耳，涼拌小食之一，等朋友黎既良品。最後仲有個辣子蝦，雖然唔係大陸果啲可以成隻食既河蝦，不過夠香脆，除左個頭可以食隻食，如果你鍾意食蝦頭都可以食埋。今次朋友結婚未擺酒住，純粹請食飯，唔知幾錢，大約人均應該二百幾，次次都叫好多啤酒